Salmos 58
58
1¿Naruʼ ruíʼiliʼ didzaʼ idútë li, libíʼiliʼ naʼ, rinná bë́ʼëliʼ?
¿Naruʼ ruchiʼa rusöröliʼ ca naca le naca tsahuiʼ?
2¡Bitiʼ caʼ! Rizáʼ ládxiʼliʼ yuguʼ le xihuiʼ,
en rusacaʼ zíʼiliʼ bönachi len yuguʼ le cabí nácatë runliʼ.
3Taʼdödi tsöláʼalö nupa tuáʼ döʼ ga gudélaʼtë gúljagaca.
Taʼzíʼ yëʼ ga gudélaʼtë buluʼcuáʼanu xináʼaguequi léguequi.
4Yuʼu ruíʼiguequi le nachë́ʼ yöl-laʼ guti ca le dxía láyiʼgacabaʼ bëla síniaʼ.
Nácagaca ca tubaʼ bëla síniaʼ nacö́dzubaʼ,
5bëla naʼ bitiʼ riyönbaʼ chiʼë bönniʼ gudzáʼ,
o le rul-lëʼ bönniʼ runëʼ gudzáʼ.
6¡Dios quiaʼ! ¡Buzxuzxaj láyiʼgaquiëʼ!
¡Guladzuʼ yuguʼ layiʼ tuchiʼ quégaquiëʼ
nácagaca ca layiʼ tuchiʼ quégacabaʼ bëdxi guixiʼ!
7¡Ben ga ilaʼnítiëʼ ca raca que nisa yegu gubóʼo cateʼ ruhuíʼi!
¡Ben ga ilaʼcuádiëʼ ca raca que guixiʼ röʼö laʼ nöza!
8¡Ben ga ilaʼnítiëʼ ca yuguʼ bö́ruhuinna tuʼúnabaʼ lu gubidza,
o ca tubiʼ bíʼidoʼ nuzóanu-biʼ nigula zíʼalö ca ral-laʼ gáljabiʼ, en chinátitëbiʼ!
9Zíʼalö ca gaca utsëʼe yusuʼ tu guíʼ zxön,
ugǘëʼ Dios légaquiëʼ lu yöl-laʼ ridzáʼa queëʼ,
bönniʼ nabángaquiëʼ, en bönniʼ chizóa ilátiëʼ.
10Uluʼdzeja nupa nácagaca tsahuiʼ cateʼ ilaʼléʼe
uzíʼ lëbëʼ Dios bönniʼ tuʼë döʼ naʼ.
Uluʼzxinëʼ len náʼagaquiëʼ xichö́ngaca nupa naʼ tuáʼ döʼ.
11Ilaʼnná bönachi: “Le nácatë zoa le rubiʼë Dios quégaca nupa nácagaca tsahuiʼ.
Le nácatë zoëʼ Dios Nu ruchiʼa rusörö́ quégaca nupa nacuáʼ yödzölió.”
Currently Selected:
Salmos 58: zar
Highlight
Copy
Compare
Share
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.
