BILANGAN 2
2
Bale uf mese-mese anbi um-ume
1 Uisneno nakua a'an neu Nai Musa ma Nai Harun nak: 2“Anbi tabu atoni Israel nahakeb sin um-ume, anfun natef nan sin uf sin pen-pene nok asal nonot sin takaf kun. Ale um-ume nane mes nahakeb nani anfun natef nan Au Um-ume, mes na'ko akle'o na'kon.”
3-9Anbi neno saen, le naneo ma nahaofton anbi pen-pene uf Yehuda sin mes anmo'e um-ume matom nok sin to pukan nok sin anakaf mese-mese le anlek ma anlulu sin on i:
| Uf | Nakaf | Atoni amfaun |
|---|---|---|
| Yehuda | Nai Nahason Nai Aminadab anah | 74.600 |
| Isakhar | Nai Netaneel Nai Zuar anah | 54.400 |
| Zebulon | Nai Eliab Nai Helon anah | 57.400 |
| Ok-oke: | 186.400 |
To pukan Yehuda sin mes anfen ma sin nao nahun.
10-16Anbi bian a'li, solalus le naneo ma nahaofton anbi pen-pene uf Ruben, sin mes anmo'e um-ume matom nok sin anakaf mese-mese le anlek ma anlulu sin on i:
| Uf | Nakaf | Atoni amfaun |
|---|---|---|
| Ruben | Nai Elizur Nai Syedeur anah | 46.500 |
| Simeon | Nai Selumiel Nai Zurisyadai anah | 59.300 |
| Gad | Nai Elyasaf Nai Rehuel anah | 45.650 |
| Ok-oke: | 151.450 |
Uf Nai Ruben sin mes anfen ma sin nao on to pukan le nua.
17Namuni te, anbi solalus Israel sin atnenken ok-oke, uf Nai Lewi sin nao nok ma anloi Um-ume Uisneno. Onle sin antao ma anmo'e um-ume, onane amsa sin anao, es-es anbi sin balan natuin sin pen-pene mese-mese.
18-24Anbi neno tesan, solalus sin naneo ma nahaofton anbi pen-pene uf Efraim, sin mes anmo'e um-ume matom nok sin to pukan nok sin anakaf mese-mese le anlek ma anlulu sin on i:
| Uf | Nakaf | Atoni amfaun |
|---|---|---|
| Efraim | Nai Elisama Nai Amihud anah | 40.500 |
| Manasye | Nai Gamaliel Nai Pedazur anah | 32.200 |
| Benyamin | Nai Abidan Nai Gideoni anah | 35.400 |
| Oke-oke: | 108.100 |
Uf Efraim sin mes anfen ma sin nao natuin uf Lewi kotin.
25-31Anbi bian a'ne'u, solalus le naneo ma nahaofton anbi pen-pene uf Dan mes anmo'e um-ume matom nok sin to pukan nok sin anakaf mese-mese le anlek ma anlulu sin on i:
| Uf | Nakaf | Atoni amfaun |
|---|---|---|
| Dan | Nai Ahiezer Nai Amisyadari anah | 62.700 |
| Asyer | Nai Pagiel Nai Okhran anah | 41.500 |
| Naftali | Nai Ahira Nai Enan anah | 53.400 |
| Ok-oke: | 157.600 |
Uf Dan sin mes anfen ma sin nao namuni on amsoput.
32To Israel le antui sin kanan sin amfauken ok-oke natuin uf mese-mese, esle' atoni 603.550 33Onle Uisneno anfe plenat neu Nai Musa, atoni Lewi kan tui fa sin kanken nok atoni-atoni Israel bian.
34Atoni Israel antao ma anmo'e ale plenat le Uisneno anfe nani neu Nai Musa. Mese-mese sin anmo'e sin um-ume anfun natef nan sin pen-pene, ma sin anfen ma sin nao natuin uf mese-mese ma asal nonot mese-mese.
Currently Selected:
BILANGAN 2: AOZ
Highlight
Copy
Compare
Share
Want to have your highlights saved across all your devices? Sign up or sign in