IMAMAT 24
24
Hen panat ma anpao paku
(Kel. 27:20-21)
1 Uisneno anlenu Nai Musa 2he natiaba lekat lulut i neu to Israel: Meki nai mina bub fua mina le nesaf ma le leok le'uf neu paku anbi Um-ume Uisneno in nanan, he nati' notu nani ma anpin piut. 3Nai Harun mes anpaloli paku-paku nane na'ko manas anmabe talante noka fa anbi bale Uisneno anbine, anbi pilu eka in kotin le antobe Peti Fef Bela anbi Ke'an Knino le'uf. Plenat nane mes nanaoba talante nabal-bal. 4Nai Harun mes anpaloli paku-paku anbi paku mnatu nesaf in haen he nati' anpin piut anbi Um-ume Uisneno in matan.
U'tunu le naloitan ma nabalab
5Maiti man ut le leok le'uf kilo bo'es am nua ma anmo'e utunu' akbubu bo'es am nua, es-es te kilo mese na'ko ut nane. 6Amtao utunu' nane anbi bale ktuta nua, utunu' ne' anbi ktuta mese anbi mei tunan le an amu neki mnatu nesaf le anbi Um-ume Uisneno in nanan. 7Amtao min fomeni anbi bale ktuta utunu' mese-mese hen fani taka' nak utunu' nane fua tulu bukae neu Uisneno. 8Anbi neno-neno Snasat mes anmu'i utunu' le naloitan ma nabalab anbi Um-ume Uisneno in nanan. Nane sutais atoni Israel talante nabal-bal. 9Utunu' nane neu Nai Harun ma in sanut mofut sin. Sin anbukae utunu' nane anbi bale le aknino, natuin u'tunu nane anfani on pa ma nama' le knino le'uf na'ko fua tulu bukae le natulu natnat neu Uisneno antom neu ale Ana' fuat knino.
Kasat neu atoni le ansukat Uisneno ma kasat senubanit
10-11Anbi um-ume atoni Israel anmu'i atoni mese in amaf atoni Mesir ma in ainaf atoni Israel in kanan Nai Selomit, Nai Dibri in anah na'ko nonot Nai Dan. Anbi neno mese atoni nane in matoe ma anmaban nok atoni Israel mese anbi um-ume. Anbi in anmatoe ma anmaban, in ansukat Uisneno. Es nane te atoni-atoni Israel sin neki in neu Nai Musa, 12ma sin na'natau in ma sin anpao lasi tfeka na'ko Uisneno antom sa' le mes sin hen tao ma anmo'e neu atoni nane.
13 Uisneno nakua a'an neu Nai Musa nak, 14“Meki atoni nane anpoi na'ko um-ume. Ale atoni le sin nen nalali in neu ansukat, mes antao sin niman neu atoni nane in anakan hen fe saksit nak atoni nane in nasanab. Oke te to ok-oke mes anpoli atoni nane neki fatu talante in anmate. 15Oke onane te miton nai lasi i neu atoni Israel: Sekau ansukat Uisneno in mes ansutai in amnekin ma mes namate in. 16Sekau am sekau le ansukat Uisneno nonot knino ok-oke mes anpoli in neki fatu talante anmate. Aplenat nane nanaobon neu atoni Israel ai atoni anao amnemat le natua nabala anbi Israel.
17Sekau namate atoni bian mes namate in amsa. 18Sekau namate atoni bian in mu'it mes in anseka mu'it nane. Lasi in un esle' ‘smanaf anseka smanaf’.
19Leka atoni mese anmo'e atoni bian talante napeni menas, sa' le in anmo'e nalali nane, mes anmo'e nani amsa neu in. 20Kalu in na'ipu nuif, in nuif amsa mes na'ipu nani. Kalu in anmo'e atoni mese in matan bian anfolo, in matan bian amsa mes nafolob nani. Kalu in neso atoni bian talante atoni nane nisin nat'ipu, in nisin amsa mes na'ipu nani. Sa' le in anmo'e talante atoni bian napeni amle'ut, mes anmo'e nani amsa neu in aon on senubanit. 21Sekau le namate mu'it mes anseka nafani, mes sekau namate atoni mes namate nani in amsa. 22Plenat nane nanaobon neu ki oke ma neu atoni anao amnemat amsa le natua nabala nok ki, natuin hi Uisneno es Au.”
23Leka Nai Musa natiba nalali plenat nane neu to Israel, sin neki atoni nane le nalali ansukat Uisneno anpoi na'ko um-ume oke te sin anpoli in neki fatu talante in anmate. Nok taos mo'et nane to Israel antao ma anmo'e sa' le Uisneno naplenat nani neu Nai Musa.
Currently Selected:
IMAMAT 24: AOZ
Highlight
Copy
Compare
Share
Want to have your highlights saved across all your devices? Sign up or sign in
