HABAKUK 3
3
Onen totis na'ko Nai Habakuk
1Le in onen totis na'ko Mafefa Knino Nai Habakuk:
2Koi Uisneno, au nen neu ale Ho mo'et,
es nane te nek amnebet nahenu anbi au nekak.
So nati' mo'et anaek nane Ho muton amteni,
ma muton anbi hai neno monit le i.
So nati' Hom nek kai
maski nak Ho muto'an kai.
3Ho Uisneno Aknino Afin-finit munoebom aum mu'ko Teman,
Ho aum mu'ko tubu-tubu Paran.
Neno atnanan nahenu nok Ho apinat;
pah pinan nahenu nok sit pules neu Ko.
4Ho aum anbi pina le antana,
ma meusine nane anpoi na'ko Ho nukum,
anbi nane Ho mutolo' Ho kuasat.
5Ho musanut menas anao nahunun Ko
ma maten natuin Ko anbi Ho kotim.
6Leka Ho musnas, pah pinan anlilitai;
leka Ho mail, pah pinan naskek.
Tubu-tubu le anhake na'ko koba anpe' pisa-pisa,
netu-netu ahun-hunut na'pal
anbi netu-netu le nane
Hom nao mutuin sin anbi un-unun.
7Au it amtaus antoman to Kusyan,
ma atoni Midian sin na'tai.
8Koi Uisneno, Ho muto' natuin tasi ka?
Noe-noe nane ai es anmo'e Ho nekam anmaputu?
Hom sae meu nope anfani bikase ma aklet makenat,
leka Hom fe mnisat neu Ho to.
9Ho muloitan mulali Ho klaot,
ma Ho muloitan mulali Ho a'anef he nati' mufetin.
Nalali te pah pinan le i Ho mupe' anfani noe-noe.
10Ale tubu-tubu na'beko leka ankiso Ko;
na'ko neno tunan ulan ansanu onle maopan.
Oe anbi afu pinan in hanan na'lu',
in okin anunuon ma anpesnon.
11Ho as'anef sin liman naen nok manoe,
Ho suni sin anpin nalim-nalim,
es nane te manas ma funan nasnas anbi sin balan.
12Nok nek to'as Hom fun mutef pah pinan;
nok nek maputu Hom hali ale uf-uf.
13Hom nao mat nok manoe le mupoitan Ho to
ma he mufetin Ho kesel le Hom beti mulali.
Hom tepo mutseleb atopus atoni abulalut,
he muneku mufinib atoni le natuin in.
14Ho as'anef sin napau napisu atopus
na'ko meo pa'e le anlaban tabu le in solalus sin nem ma
sin matanin onle nautus, he nasitab kai.
Sin anmani nok malinat
onle atoni le nok amnes-amnes
nasusu' ma namusi atoni anukat.
15Hom hali oe tasi naek meki Ho bikase
ma tasi fulen muti.
16Au nen lasi nane, au nekak na'tai'
ma au luluk anpipis.
Au fani a olet alima'et ma ka mu'i fa be'it matani,
anbi me le au nao utuin au haek an ek'on.
Au of a'pao nok amneot
kasat Uisneno neu ale atoni amakenat.
17Maski nak hau bubuk kan mu'i fa in fuan,
ma tua min kase kan mu'i fa in oen,
maski nak hau bub fua mina kan mu'i fa in nesan
ma aen kase anbi lene neki nek a olet,
maski nak bibi kase sin anmate oke
ma mu'it in pa'an kan mu'i fa in nesan,
18au of umlil piut,
natuin Uisneno au afetin.
19Hom fe kau be'it matani
onle lus in haen, Hom tuntaku au haek.
Hom topu kau he nati' au moni nok amneot,
maski nak au nao utuin tubu-tubu sin.
Currently Selected:
HABAKUK 3: AOZ
Highlight
Copy
Compare
Share
Want to have your highlights saved across all your devices? Sign up or sign in
HABAKUK 3
3
Onen totis na'ko Nai Habakuk
1Le in onen totis na'ko Mafefa Knino Nai Habakuk:
2Koi Uisneno, au nen neu ale Ho mo'et,
es nane te nek amnebet nahenu anbi au nekak.
So nati' mo'et anaek nane Ho muton amteni,
ma muton anbi hai neno monit le i.
So nati' Hom nek kai
maski nak Ho muto'an kai.
3Ho Uisneno Aknino Afin-finit munoebom aum mu'ko Teman,
Ho aum mu'ko tubu-tubu Paran.
Neno atnanan nahenu nok Ho apinat;
pah pinan nahenu nok sit pules neu Ko.
4Ho aum anbi pina le antana,
ma meusine nane anpoi na'ko Ho nukum,
anbi nane Ho mutolo' Ho kuasat.
5Ho musanut menas anao nahunun Ko
ma maten natuin Ko anbi Ho kotim.
6Leka Ho musnas, pah pinan anlilitai;
leka Ho mail, pah pinan naskek.
Tubu-tubu le anhake na'ko koba anpe' pisa-pisa,
netu-netu ahun-hunut na'pal
anbi netu-netu le nane
Hom nao mutuin sin anbi un-unun.
7Au it amtaus antoman to Kusyan,
ma atoni Midian sin na'tai.
8Koi Uisneno, Ho muto' natuin tasi ka?
Noe-noe nane ai es anmo'e Ho nekam anmaputu?
Hom sae meu nope anfani bikase ma aklet makenat,
leka Hom fe mnisat neu Ho to.
9Ho muloitan mulali Ho klaot,
ma Ho muloitan mulali Ho a'anef he nati' mufetin.
Nalali te pah pinan le i Ho mupe' anfani noe-noe.
10Ale tubu-tubu na'beko leka ankiso Ko;
na'ko neno tunan ulan ansanu onle maopan.
Oe anbi afu pinan in hanan na'lu',
in okin anunuon ma anpesnon.
11Ho as'anef sin liman naen nok manoe,
Ho suni sin anpin nalim-nalim,
es nane te manas ma funan nasnas anbi sin balan.
12Nok nek to'as Hom fun mutef pah pinan;
nok nek maputu Hom hali ale uf-uf.
13Hom nao mat nok manoe le mupoitan Ho to
ma he mufetin Ho kesel le Hom beti mulali.
Hom tepo mutseleb atopus atoni abulalut,
he muneku mufinib atoni le natuin in.
14Ho as'anef sin napau napisu atopus
na'ko meo pa'e le anlaban tabu le in solalus sin nem ma
sin matanin onle nautus, he nasitab kai.
Sin anmani nok malinat
onle atoni le nok amnes-amnes
nasusu' ma namusi atoni anukat.
15Hom hali oe tasi naek meki Ho bikase
ma tasi fulen muti.
16Au nen lasi nane, au nekak na'tai'
ma au luluk anpipis.
Au fani a olet alima'et ma ka mu'i fa be'it matani,
anbi me le au nao utuin au haek an ek'on.
Au of a'pao nok amneot
kasat Uisneno neu ale atoni amakenat.
17Maski nak hau bubuk kan mu'i fa in fuan,
ma tua min kase kan mu'i fa in oen,
maski nak hau bub fua mina kan mu'i fa in nesan
ma aen kase anbi lene neki nek a olet,
maski nak bibi kase sin anmate oke
ma mu'it in pa'an kan mu'i fa in nesan,
18au of umlil piut,
natuin Uisneno au afetin.
19Hom fe kau be'it matani
onle lus in haen, Hom tuntaku au haek.
Hom topu kau he nati' au moni nok amneot,
maski nak au nao utuin tubu-tubu sin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in