Ɖìvéɖékɔ̀ 9
9
Sáa-zà-nyɔ̀ ɓěɔ̀ dè kũ̀àɔ̀ gbɔ
1Ɓó wéɔ̀ mɛ̀nɛ̌ìn-tã nììnɔ̀ ɓaɖaa, Mózè poìn ma Eɖóún kè ɔ dyú-gàà ɓěɔ̀ kè Éézùɖùɛ̀-nyɔ̀ ɓěɔ̀ nyɔ vɛ̀nɛ̀ ɓěɔ̀ dyí. 2Ké ɔ cɛ̃ɛ ma Eɖóún gbo, ké ɔ ɖá, “Ɖú ɓìɖǐ ɓíɔ́-dyù ɖò dyí, ɓɛ́ ɔ ké nì nàmàǔn-sàǎ-zàìn-ɖɛ̀ jǔ, ké m̀ mɛ ɖú ɓáɖáá ɓíɔ́ ɖò dyí, ɓɛ́ ɔ ké nì fɔ̃ɔ-sàǎ-zàìn-ɖɛ̀ jǔ. Wa sɔ̃́ɔ̀ mɛ ɓɔ́ kɛɛ ɖò ɓéɖéɛ. M̀ mɛ dyà wa Bounɓoɔ̀ gbo. 3Ɔ ɖǎ ná nìǐn, nìí, m̀ mɛ cɛ̃ɛ Éézùɖùɛ̀-nyɔ̀ ɓěɔ̀ gbo, ɓɛ́ m̀ ké níiń, ‘Ɓě mɛ ɖú vã́á ɖò dyí, ɓɛ́ ɔ ké ɓěɛ̀ nàmàǔn-sàǎ-zàìn-ɖɛ̀ jǔ. Ké ɓě mɛ ɖú ɓìɖǐ ɖò kè ɓáɖáá ɖò ɓɛ́ wa se kɛɛ ɖò ɓéɖé, ɓɛ́ wa nyuá zɔ̃ dyúáɖòɛɛ dyí, ɓɛ́ wa ké ɓěɛ̀ fɔ̃ɔ-sàǎ-zàìn-ɖɛ̀ jǔ. 4Ké ɓě mɛ ɖú ɓìɖǐ ɖò kè ɓáɖáá ɓíɔ́ ɖò dyí ɖe, ɓɛ́ wa ké ɓěɛ̀ gbo-kpɔ̃ìn-sàǎ-zàìn-ɖɛ̀ jǔ. Ɓě mɛ ɖú ɖɛ ɓěɛ̀ kè ɖii-ɖɛ̀-sàǎ-zàìn-ɖɛ̀ caìn cáná kɛɛ dyí, ɓɛ́ ɓě ké wa Bounɓoɔ̀ gbo sáa zàìn. Sepóɛɖé Bounɓoɔ̀ mu ɓě dyí wóɖóìn ɓó zɛ̃̌ɛ̀.’ ”
5Ké Eɖóún kè ɔ dyú-gàà ɓěɔ̀ kè Éézùɖùɛ̀-nyɔ̀ vɛ̀nɛ̀ ɓěɔ̀ kpa ma ɖɛ ɓě kɔ̃̀ jè Mózè cɛ̃ ma kà wa gboɛɛ ɓó jàɖàìn-gbòɔ̀ dyúa. Ké nyɔ séín ɓěɔ̀ poìn ma ɓó Bounɓoɔ̀ dyúa dyí. 6Ké Mózè cɛ̃ɛ ma wa gbo, ké ɔ ɖá, “Ɖɛ ɓě nìà nyuɛń dyiɛń nyɛɛ mɔ̀ ɖɛ Bounɓoɔ̀ ɖá ɓě mɛ nyuɛ. Ɔ jǔ ké ɓě dyiɛ nyu ní, nìí, Bounɓoɔ̀ dĩ́ín-dĩ̀ìnɔ̀ mu ɓě dyí wóɖóìn.” 7Hwɛ̀ ké ɔ cɛ̃ɛ ma Eɖóún gbo, ké ɔ ɖá, “Mu ɓó sáa-kɔ̃-zàìn-gbààɔ̀ gbo, ɓɛ́ m̀ ké nì nàmàǔn-sàǎ-zàìn-ɖɛ̀ɔ̀ kè nì fɔ̃ɔ-sàǎ-zàìn-ɖɛ̀ɔ̀ nyu, ɓɛ́ wa ké m̀ kè nì nyɔ ɓěɔ̀ nàmàǔn ɓěɔ̀ kɔ̃in-ɓáìn-ɖɛ̀ jǔ. Ké m̀ mɛ nyu nyɔ ɓěɔ̀ nììn sáa-zàìn-ɖɛ̀ ɓěɔ̀, ɓɛ́ wa ké nyɔ ɓěɔ̀ nììn nàmàǔn ɓěɔ̀ kɔ̃in-ɓáìn-ɖɛ̀ jǔ. M̀ mɛ nyuɛ náa kà Bounɓoɔ̀ nyuà cɛ̃ɛ kɛ.”
8Ɔ jèɛɛ, Eɖóún mu ma ɓó gbààɔ̀ gbo, ké ɔ ɖáɓá ma ɓìɖǐ ɓíɔ́-dyùɔ̀, ɓɛ́ ɔ ké ɔ mìɔùn nììn nàmàǔn-sàǎ-zàìn-ɖɛ̀ jǔ. 9Ké Eɖóúnɛ̀ dyú-gàà ɓěɔ̀ zà ma nyɔmɔɔ̀ ɖéɛ mú dyi, ké wa nyíɛ ɔ xwa. Ké ɔ kpa ma jìì-dyùà dyúáɖò ɖé nyɔmɔɔ̀ gbo, ké ɔ poɛ ma ɖɛ hwɔìn nimii-gmɛ̌ ɓě nìà ɓó sáa-kɔ̃-zàìn-gbààɔ̀ gã hĩinyɛɔ̀ kɔ̃ɛɛ bũ̌. Ké ɔ púè ma nyɔmɔɔ̀ nyɔ sèà ɓóɛɛ ɓó gbààɔ̀ gbɔí. 10Hwɛ̀ ké ɔ ɖú ma nàmàǔn-sàǎ-zàìn-ɖɛ̀ɔ̀ cánáɔ̀ kèɛ̀ pɔnɔ-mɛ́ sɔ̃́ɔ̀ kèɛ̀ pìùɔ̀ dà kpa ɖɛɔ̀ dyí, ké ɔ fɔ̃̀ìn ma wa ɓó sáa-kɔ̃-zàìn-gbààɔ̀ kɔ̃. Ɔ nyu ɖɛ séín ɓěɛ̀ kà Bounɓoɔ̀ nyuɛ ma kà Mózè gbo cɛ̃ɛ kɛ. 11Hwɛ̀ ké ɔ ɖúɛ ma fɔ́ɔ̀ kèɛ̀ kúɖúùɔ̀ dyí, ké ɔ kpa wa, ké ɔ fɔ̃̀ìn ma wa ɖé jàɖàìn-hwɔ̀ɖɔ̀ɔ̀ ɖeín.
12Sɔ̀ìn ɓóɛ gboɛɛ, Eɖóún ɖáɓá ma ɔ mìɔùn nììn fɔ̃ɔ-sàǎ-zàìn-ɖɛ̀ɔ̀. Ké ɔ dyú-gàà ɓěɔ̀ zà ma ɔ nyɔmɔɔ̀ múin, ké wa nyíɛ ɔ xwa, ké ɔ mɛ́nɛ́ìn maa gbààɔ̀ wáká hĩinyɛɔ̀ bũ̌in. 13Hwɛ̀ ké wa nyí ma ɔ fɔ̃ɔ-sàǎ-zàìn-ɖɛ̀ɔ̀ suaɖɛ̀ɔ̀ kpo ɓěɔ̀ ɖò-ɖò kèɛ̀ dúɔ̀ xwa. Ké ɔ fɔ̃̀ìn wa ɓó gbààɔ̀ kɔ̃. 14Kĩ́ín-kĩ́ín nyɛɛ, ɔ wɔɔ̀ ma nyúà-ɖɛ̀ɔ̀ mɛ́ séín ɓěɔ̀ kèɛ̀ pɔ̃́ sɔ̃́ɔ̀, ké ɔ fɔ̃̀ìn wa ɓó gbààɔ̀ kɔ̃, ɓó fɔ̃ɔ-sàǎ-zàìn-ɖɛ̀ tɔ̀ɔ̀ kɔ̃in.
15Sɔ̀ìn ɓóɛ gboɛɛ, Eɖóún ɖú ma sáa-zàìn-ɖɛ̀ ɓě nì ma kà ɓó nyɔ ɓěɔ̀ bììɛɛ dyí. Ɔ xwíníín mɔ̀, ɔ ɖú wiɖi mɔ̀à nyɔ ɓěɔ̀ nàmàǔn-sàǎ-zàìn-ɖɛ̀ɔ̀ kɛɛ dyí, ké ɔ ɖáɓáa, ké ɔ zàìn sáa ɓó nyɔ ɓěɔ̀ nàmàǔn ɓěɔ̀ jè kà ɔ nyuɛ ma kà ɔ kĩ́ín-kĩ́ínɔ̀ nyuɛ kɛ. 16Hwɛ̀ ké ɔ ɖú ma fɔ̃ɔ-sàǎ-zàìn-ɖɛ̀ɔ̀ dyí, ké ɔ zàìn ma ɔ sáa kà gmaɔ̀ nyuɛ ma kà cɛ̃ɛ kɛ. 17Ké ɔ ɖú ma ɖii-ɖɛ̀-sàǎ-zàìn-ɖɛ̀ɔ̀ dyí, ké ɔ zà ma ɓóɛ xwa-wè ɖò, ké ɔ fɔ̃̀ìn ma ɓóɛ gbààɔ̀ kɔ̃, ɓó gànà-kṹún nììn fɔ̃ɔ-sàǎ-zàìn-ɖɛ̀ɔ̀#9:17 Gànà-kṹún nììn fɔ̃ɔ-sàǎ-zàìn-ɖɛ̀ɔ̀ ɓéɖé ɔ nììn ɖii-ɖɛ̀-sàǎ-zàìn-ɖɛ̀ ɖekè. kɔ̃in ɖe. 18Hwɛ̀ ké ɔ ɖáɓá ma ɓìɖǐɔ̀ kè ɓáɖáá ɓíɔ́ mɔ̀à gbo-kpɔ̃ìn-sàǎ-zàìn-ɖɛ̀ ɓó nyɔ ɓěɔ̀ bììɛ. Ké ɔ dyú-gàà ɓěɔ̀ zà ma nyɔmɔɔ̀ ɖéɛ mú dyi, ké wa nyíɛ ɔ xwa, ké ɔ mɛ́nɛ́ìn maa ɓóɛ sáa-kɔ̃-zàìn-gbààɔ̀ wáká hĩinyɛɔ̀ bũ̌in. 19Ké ɔ dyú-gàà ɓěɔ̀ ɖú ma ɓìɖǐɔ̀ kè ɓáɖáá ɓíɔ́ɔ̀ cáná-dà ɓě mɔ̀à cáná nì ɖé wa xwíníín nyɛ kè pɔnɔ-mɛ́ ɓěɔ̀ kè waà pìùɔ̀ dà kpa ɖɛ ɓěɔ̀ kɛ ɔ kè ɓáɖááɔ̀ vɔ̃-gbòò nì cánáúnɔ̀ dyí, 20ké wa nɛ́ìn wa kɛ́ ɓěɔ̀ kɔ̃, ké wa nyíɛ séín Eɖóún xwa. Ké ɔ fɔ̃̀ìn cánáɔ̀ ɓó gbààɔ̀ kɔ̃. 21Kɛɛ ɔ vũà ma sáa-zàìn-ɖɛ̀ ɓěɔ̀ kɛ́ ɓěɔ̀ kè ɖiaún-pɔ̃̀ ɓěɔ̀ dyi, ɓɛ́ wa ké nyíí-ɖɛ̀ kpa ɖɛ jǔ ɓó Bounɓoɔ̀ bìì. Ɔ nyu ɖɛ séín ɓěɛ̀ kà Mózè nyuɛ ma kà cɛ̃ɛ kɛ.
22Ti ɓɛ́ Eɖóún ɖǎ ma nàmàǔn-sàǎ-zàìn-ɖɛ̀ ɓěɔ̀ kè fɔ̃ɔ-sàǎ-zàìn-ɖɛ̀ ɓěɔ̀ nyuɛ hwɔɛɛ, púɛɛ, ɔ pɛ́ɛ̀ ma sɔ̃, ké ɔ tòɛ̀ ɖéɛ nyɔ ɓěɔ̀ gbo, ké ɔ po wa mana kɔ̃, ké ɔ sí ma ɓíɖíi sɔ̀ìn ɓó gbààɔ̀ ɖɛ ɔ nyànà ma kà kɔ̃ɛɛ kɔ̃. 23Hwɛ̀ ké Mózè kè Eɖóún mu ma ɖé jàɖàìn-gbòɔ̀ mú. Ti ɓɛ́ wa sí ma kɛɛ, wa po ma nyɔ ɓěɔ̀ mana kɔ̃. Ké Bounɓoɔ̀ dĩ́ín-dĩ̀ìnɔ̀ wóɖóìn ma nyɔ séín ɓěɔ̀ dyí. 24Púɛɛ, Bounɓoɔ̀ tò ma nyɛ, ké ɔ fɔ̃ ma fɔ̃ɔ-sàǎ-zàìn-ɖɛ̀ ɓěɔ̀ kè sáa-zàìn-ɖɛ̀ tɔ̀ɔ̀ ɓěɔ̀ cáná-dà ɓě nì ma kà ɓó gbààɔ̀ kɔ̃ɛɛ ɓó dyi. Ké ti ɓɛ́ nyɔ séín ɓěɔ̀ dyéɛ ma kɛɛ, wa páná ma mú ɖé múà mú, ké wa taɓa ma dú hwuɖu ɓó Bounɓoɔ̀ dyúa.
Currently Selected:
Ɖìvéɖékɔ̀ 9: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Ɖìvéɖékɔ̀ 9
9
Sáa-zà-nyɔ̀ ɓěɔ̀ dè kũ̀àɔ̀ gbɔ
1Ɓó wéɔ̀ mɛ̀nɛ̌ìn-tã nììnɔ̀ ɓaɖaa, Mózè poìn ma Eɖóún kè ɔ dyú-gàà ɓěɔ̀ kè Éézùɖùɛ̀-nyɔ̀ ɓěɔ̀ nyɔ vɛ̀nɛ̀ ɓěɔ̀ dyí. 2Ké ɔ cɛ̃ɛ ma Eɖóún gbo, ké ɔ ɖá, “Ɖú ɓìɖǐ ɓíɔ́-dyù ɖò dyí, ɓɛ́ ɔ ké nì nàmàǔn-sàǎ-zàìn-ɖɛ̀ jǔ, ké m̀ mɛ ɖú ɓáɖáá ɓíɔ́ ɖò dyí, ɓɛ́ ɔ ké nì fɔ̃ɔ-sàǎ-zàìn-ɖɛ̀ jǔ. Wa sɔ̃́ɔ̀ mɛ ɓɔ́ kɛɛ ɖò ɓéɖéɛ. M̀ mɛ dyà wa Bounɓoɔ̀ gbo. 3Ɔ ɖǎ ná nìǐn, nìí, m̀ mɛ cɛ̃ɛ Éézùɖùɛ̀-nyɔ̀ ɓěɔ̀ gbo, ɓɛ́ m̀ ké níiń, ‘Ɓě mɛ ɖú vã́á ɖò dyí, ɓɛ́ ɔ ké ɓěɛ̀ nàmàǔn-sàǎ-zàìn-ɖɛ̀ jǔ. Ké ɓě mɛ ɖú ɓìɖǐ ɖò kè ɓáɖáá ɖò ɓɛ́ wa se kɛɛ ɖò ɓéɖé, ɓɛ́ wa nyuá zɔ̃ dyúáɖòɛɛ dyí, ɓɛ́ wa ké ɓěɛ̀ fɔ̃ɔ-sàǎ-zàìn-ɖɛ̀ jǔ. 4Ké ɓě mɛ ɖú ɓìɖǐ ɖò kè ɓáɖáá ɓíɔ́ ɖò dyí ɖe, ɓɛ́ wa ké ɓěɛ̀ gbo-kpɔ̃ìn-sàǎ-zàìn-ɖɛ̀ jǔ. Ɓě mɛ ɖú ɖɛ ɓěɛ̀ kè ɖii-ɖɛ̀-sàǎ-zàìn-ɖɛ̀ caìn cáná kɛɛ dyí, ɓɛ́ ɓě ké wa Bounɓoɔ̀ gbo sáa zàìn. Sepóɛɖé Bounɓoɔ̀ mu ɓě dyí wóɖóìn ɓó zɛ̃̌ɛ̀.’ ”
5Ké Eɖóún kè ɔ dyú-gàà ɓěɔ̀ kè Éézùɖùɛ̀-nyɔ̀ vɛ̀nɛ̀ ɓěɔ̀ kpa ma ɖɛ ɓě kɔ̃̀ jè Mózè cɛ̃ ma kà wa gboɛɛ ɓó jàɖàìn-gbòɔ̀ dyúa. Ké nyɔ séín ɓěɔ̀ poìn ma ɓó Bounɓoɔ̀ dyúa dyí. 6Ké Mózè cɛ̃ɛ ma wa gbo, ké ɔ ɖá, “Ɖɛ ɓě nìà nyuɛń dyiɛń nyɛɛ mɔ̀ ɖɛ Bounɓoɔ̀ ɖá ɓě mɛ nyuɛ. Ɔ jǔ ké ɓě dyiɛ nyu ní, nìí, Bounɓoɔ̀ dĩ́ín-dĩ̀ìnɔ̀ mu ɓě dyí wóɖóìn.” 7Hwɛ̀ ké ɔ cɛ̃ɛ ma Eɖóún gbo, ké ɔ ɖá, “Mu ɓó sáa-kɔ̃-zàìn-gbààɔ̀ gbo, ɓɛ́ m̀ ké nì nàmàǔn-sàǎ-zàìn-ɖɛ̀ɔ̀ kè nì fɔ̃ɔ-sàǎ-zàìn-ɖɛ̀ɔ̀ nyu, ɓɛ́ wa ké m̀ kè nì nyɔ ɓěɔ̀ nàmàǔn ɓěɔ̀ kɔ̃in-ɓáìn-ɖɛ̀ jǔ. Ké m̀ mɛ nyu nyɔ ɓěɔ̀ nììn sáa-zàìn-ɖɛ̀ ɓěɔ̀, ɓɛ́ wa ké nyɔ ɓěɔ̀ nììn nàmàǔn ɓěɔ̀ kɔ̃in-ɓáìn-ɖɛ̀ jǔ. M̀ mɛ nyuɛ náa kà Bounɓoɔ̀ nyuà cɛ̃ɛ kɛ.”
8Ɔ jèɛɛ, Eɖóún mu ma ɓó gbààɔ̀ gbo, ké ɔ ɖáɓá ma ɓìɖǐ ɓíɔ́-dyùɔ̀, ɓɛ́ ɔ ké ɔ mìɔùn nììn nàmàǔn-sàǎ-zàìn-ɖɛ̀ jǔ. 9Ké Eɖóúnɛ̀ dyú-gàà ɓěɔ̀ zà ma nyɔmɔɔ̀ ɖéɛ mú dyi, ké wa nyíɛ ɔ xwa. Ké ɔ kpa ma jìì-dyùà dyúáɖò ɖé nyɔmɔɔ̀ gbo, ké ɔ poɛ ma ɖɛ hwɔìn nimii-gmɛ̌ ɓě nìà ɓó sáa-kɔ̃-zàìn-gbààɔ̀ gã hĩinyɛɔ̀ kɔ̃ɛɛ bũ̌. Ké ɔ púè ma nyɔmɔɔ̀ nyɔ sèà ɓóɛɛ ɓó gbààɔ̀ gbɔí. 10Hwɛ̀ ké ɔ ɖú ma nàmàǔn-sàǎ-zàìn-ɖɛ̀ɔ̀ cánáɔ̀ kèɛ̀ pɔnɔ-mɛ́ sɔ̃́ɔ̀ kèɛ̀ pìùɔ̀ dà kpa ɖɛɔ̀ dyí, ké ɔ fɔ̃̀ìn ma wa ɓó sáa-kɔ̃-zàìn-gbààɔ̀ kɔ̃. Ɔ nyu ɖɛ séín ɓěɛ̀ kà Bounɓoɔ̀ nyuɛ ma kà Mózè gbo cɛ̃ɛ kɛ. 11Hwɛ̀ ké ɔ ɖúɛ ma fɔ́ɔ̀ kèɛ̀ kúɖúùɔ̀ dyí, ké ɔ kpa wa, ké ɔ fɔ̃̀ìn ma wa ɖé jàɖàìn-hwɔ̀ɖɔ̀ɔ̀ ɖeín.
12Sɔ̀ìn ɓóɛ gboɛɛ, Eɖóún ɖáɓá ma ɔ mìɔùn nììn fɔ̃ɔ-sàǎ-zàìn-ɖɛ̀ɔ̀. Ké ɔ dyú-gàà ɓěɔ̀ zà ma ɔ nyɔmɔɔ̀ múin, ké wa nyíɛ ɔ xwa, ké ɔ mɛ́nɛ́ìn maa gbààɔ̀ wáká hĩinyɛɔ̀ bũ̌in. 13Hwɛ̀ ké wa nyí ma ɔ fɔ̃ɔ-sàǎ-zàìn-ɖɛ̀ɔ̀ suaɖɛ̀ɔ̀ kpo ɓěɔ̀ ɖò-ɖò kèɛ̀ dúɔ̀ xwa. Ké ɔ fɔ̃̀ìn wa ɓó gbààɔ̀ kɔ̃. 14Kĩ́ín-kĩ́ín nyɛɛ, ɔ wɔɔ̀ ma nyúà-ɖɛ̀ɔ̀ mɛ́ séín ɓěɔ̀ kèɛ̀ pɔ̃́ sɔ̃́ɔ̀, ké ɔ fɔ̃̀ìn wa ɓó gbààɔ̀ kɔ̃, ɓó fɔ̃ɔ-sàǎ-zàìn-ɖɛ̀ tɔ̀ɔ̀ kɔ̃in.
15Sɔ̀ìn ɓóɛ gboɛɛ, Eɖóún ɖú ma sáa-zàìn-ɖɛ̀ ɓě nì ma kà ɓó nyɔ ɓěɔ̀ bììɛɛ dyí. Ɔ xwíníín mɔ̀, ɔ ɖú wiɖi mɔ̀à nyɔ ɓěɔ̀ nàmàǔn-sàǎ-zàìn-ɖɛ̀ɔ̀ kɛɛ dyí, ké ɔ ɖáɓáa, ké ɔ zàìn sáa ɓó nyɔ ɓěɔ̀ nàmàǔn ɓěɔ̀ jè kà ɔ nyuɛ ma kà ɔ kĩ́ín-kĩ́ínɔ̀ nyuɛ kɛ. 16Hwɛ̀ ké ɔ ɖú ma fɔ̃ɔ-sàǎ-zàìn-ɖɛ̀ɔ̀ dyí, ké ɔ zàìn ma ɔ sáa kà gmaɔ̀ nyuɛ ma kà cɛ̃ɛ kɛ. 17Ké ɔ ɖú ma ɖii-ɖɛ̀-sàǎ-zàìn-ɖɛ̀ɔ̀ dyí, ké ɔ zà ma ɓóɛ xwa-wè ɖò, ké ɔ fɔ̃̀ìn ma ɓóɛ gbààɔ̀ kɔ̃, ɓó gànà-kṹún nììn fɔ̃ɔ-sàǎ-zàìn-ɖɛ̀ɔ̀#9:17 Gànà-kṹún nììn fɔ̃ɔ-sàǎ-zàìn-ɖɛ̀ɔ̀ ɓéɖé ɔ nììn ɖii-ɖɛ̀-sàǎ-zàìn-ɖɛ̀ ɖekè. kɔ̃in ɖe. 18Hwɛ̀ ké ɔ ɖáɓá ma ɓìɖǐɔ̀ kè ɓáɖáá ɓíɔ́ mɔ̀à gbo-kpɔ̃ìn-sàǎ-zàìn-ɖɛ̀ ɓó nyɔ ɓěɔ̀ bììɛ. Ké ɔ dyú-gàà ɓěɔ̀ zà ma nyɔmɔɔ̀ ɖéɛ mú dyi, ké wa nyíɛ ɔ xwa, ké ɔ mɛ́nɛ́ìn maa ɓóɛ sáa-kɔ̃-zàìn-gbààɔ̀ wáká hĩinyɛɔ̀ bũ̌in. 19Ké ɔ dyú-gàà ɓěɔ̀ ɖú ma ɓìɖǐɔ̀ kè ɓáɖáá ɓíɔ́ɔ̀ cáná-dà ɓě mɔ̀à cáná nì ɖé wa xwíníín nyɛ kè pɔnɔ-mɛ́ ɓěɔ̀ kè waà pìùɔ̀ dà kpa ɖɛ ɓěɔ̀ kɛ ɔ kè ɓáɖááɔ̀ vɔ̃-gbòò nì cánáúnɔ̀ dyí, 20ké wa nɛ́ìn wa kɛ́ ɓěɔ̀ kɔ̃, ké wa nyíɛ séín Eɖóún xwa. Ké ɔ fɔ̃̀ìn cánáɔ̀ ɓó gbààɔ̀ kɔ̃. 21Kɛɛ ɔ vũà ma sáa-zàìn-ɖɛ̀ ɓěɔ̀ kɛ́ ɓěɔ̀ kè ɖiaún-pɔ̃̀ ɓěɔ̀ dyi, ɓɛ́ wa ké nyíí-ɖɛ̀ kpa ɖɛ jǔ ɓó Bounɓoɔ̀ bìì. Ɔ nyu ɖɛ séín ɓěɛ̀ kà Mózè nyuɛ ma kà cɛ̃ɛ kɛ.
22Ti ɓɛ́ Eɖóún ɖǎ ma nàmàǔn-sàǎ-zàìn-ɖɛ̀ ɓěɔ̀ kè fɔ̃ɔ-sàǎ-zàìn-ɖɛ̀ ɓěɔ̀ nyuɛ hwɔɛɛ, púɛɛ, ɔ pɛ́ɛ̀ ma sɔ̃, ké ɔ tòɛ̀ ɖéɛ nyɔ ɓěɔ̀ gbo, ké ɔ po wa mana kɔ̃, ké ɔ sí ma ɓíɖíi sɔ̀ìn ɓó gbààɔ̀ ɖɛ ɔ nyànà ma kà kɔ̃ɛɛ kɔ̃. 23Hwɛ̀ ké Mózè kè Eɖóún mu ma ɖé jàɖàìn-gbòɔ̀ mú. Ti ɓɛ́ wa sí ma kɛɛ, wa po ma nyɔ ɓěɔ̀ mana kɔ̃. Ké Bounɓoɔ̀ dĩ́ín-dĩ̀ìnɔ̀ wóɖóìn ma nyɔ séín ɓěɔ̀ dyí. 24Púɛɛ, Bounɓoɔ̀ tò ma nyɛ, ké ɔ fɔ̃ ma fɔ̃ɔ-sàǎ-zàìn-ɖɛ̀ ɓěɔ̀ kè sáa-zàìn-ɖɛ̀ tɔ̀ɔ̀ ɓěɔ̀ cáná-dà ɓě nì ma kà ɓó gbààɔ̀ kɔ̃ɛɛ ɓó dyi. Ké ti ɓɛ́ nyɔ séín ɓěɔ̀ dyéɛ ma kɛɛ, wa páná ma mú ɖé múà mú, ké wa taɓa ma dú hwuɖu ɓó Bounɓoɔ̀ dyúa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.