Ɖìvéɖékɔ̀ 13
13
Gma ɓě ɓá caà-wɛ̀ jè dyíɛ
1Hwɛ̀ ké Bounɓoɔ̀ cɛ̃ɛ ma Mózè kè Eɖóún gbo, ké ɔ ɖá, 2“Ɔ jǔ ké nyɔ ɖò dyi jě ɖò mɔɔ kùɖùɔ̀-kùɖùɔ̀ ɖò mɔɔ bɛ̃̌ bũ̌-bũ̌ ɖò ɓéɖé, ké ɔ dyi caà-wɛ̀ ɓɛ́ìn nyɔ ɖò kpɔ̃ɔ kɛɛ jǔɛ ɓɛ́ìn ní, nìí, wa mɛ dyà ɔ sáa-zà-nyɔ̀ ɓě mɔ̀à Eɖóún kè ɔ dyú-gàà ɓěɔ̀ kɛɛ ɖò gbo. 3Ɔ ɖǎ ná nìǐn, nìí, sáa-zà-nyɔ̀ɔ̀ mɛ gmɔìn bɛ̃̌ nìà ɓó nyɔɔ̀ kuɔ̀ kɔ̃in nyɛɛ bũ̌in nɔ̀mɔ̀ dyíin. Ɔ jǔ ké sáa-zà-nyɔ̀ɔ̀ dyiɛ dyé kà mí mɛ ɓó bɛ̃̌ɔ̀ wĩín nyɛɛ nì púú, ké bɛ̃̌ɔ̀ mu hwuɖuɛɛ ní, nìí, ɔ mɔ̀ caà-wɛ̀, ké sáa-zà-nyɔ̀ɔ̀ mɛ ɖáìn ɔ se-mú-hwɛ̀-nyɔ̀. 4Kɛɛ ɔ jǔ ké sáa-zà-nyɔ̀ɔ̀ dyiɛ dyé kà bɛ̃̌ nìà ɓó nyɔɔ̀ kuɔ̀ kɔ̃in nyɛɛ nì púú, kɛɛ ɔ se hwuɖu mu, ké mí mɛà ɓóɛ wĩín nyɛɛ se púú nìɛɛ ní, nìí, sáa-zà-nyɔ̀ɔ̀ mɛ po nyɔɔ̀ vǐè-dà ɖò ɓó wé mɛ̀nɛ̌ìn-sɔ̃́ xwíníín. 5Ɔ ɖǎ ná nìǐn, nìí, sáa-zà-nyɔ̀ɔ̀ mɛ gmɔìn ɔ bũ̌in ɖe ɓó wéɔ̀ mɛ̀nɛ̌ìn-sɔ̃́ nììnɔ̀ ɓaɖa. Ɔ jǔ ké ɔ dyiɛ dyé kà bɛ̃̌ɔ̀ se dyí zàìn, ké ɔ se nyɔɔ̀ kuɔ̀ mú wɔ̃ ɖei naìn nyɛɛ ní, nìí, sáa-zà-nyɔ̀ɔ̀ mɛ po ɔ vǐè-dà ɓó wé mɛ̀nɛ̌ìn-sɔ̃́ ɖò xwíníín ɖe. 6Ɔ ɖǎ ná nìǐn, nìí, sáa-zà-nyɔ̀ɔ̀ mɛ gmɔìn ɔ bũ̌in ɖe ɓó wéɔ̀ mɛ̀nɛ̌ìn-sɔ̃́ nììnɔ̀ ɓaɖa. Ɔ jǔ ké bɛ̃̌ɔ̀ dyi dyéɖéí mɛ́, ké ɔ se ɔ kuɔ̀ mú wɔ̃ ɖei naìn ní, nìí, sáa-zà-nyɔ̀ɔ̀ mɛ ɖáìn ɔ mú-hwɛ̀-nyɔ̀, sepóɛɖé bɛ̃̌ɔ̀ mɔ̀ kùɖùɔ̀-kùɖùɔ̀ pū. Ɔ se caà-wɛ̀. Ɔ ɖǎ ná nìǐn, nìí, nyɔɔ̀ mɛ wɔɔ̀ ɔ ɖɔɔ̀. Nìí, ɔ mu mú-hwɛ̀-nyɔ̀ jǔùn. 7Kɛɛ ɔ jǔ ké sɔ̀ìn ɓó ti ɓɛ́ ɔ ɖǎ ɔ mìɔùn sáa-zà-nyɔ̀ɔ̀ dyí tɛ̀mɛ̀ìn, ké sáa-zà-nyɔ̀ɔ̀ ɖǎ ɔ mú-hwɛ̀-nyɔ̀ ɖáìn nyɛ gboɛɛ, hwɛ̀ ké kùɖùɔ̀-kùɖùɔ̀ɔ̀ dyi ɔ kuɔ̀ mú dyi gbɛ̀ìn ní, nìí, ɔ ɓéɖé ɔ ké ɔ mìɔùn sáa-zà-nyɔ̀ɔ̀ dyí tɛ̀mɛ̀ìn ɖe. 8Ɔ dyi ná nìǐn, nìí, sáa-zà-nyɔ̀ɔ̀ mɛ gmɔìn ɔ bũ̌in ɖe. Ɔ jǔ ké sáa-zà-nyɔ̀ɔ̀ dyiɛ dyé kà kùɖùɔ̀-kùɖùɔ̀ɔ̀ gbɛ̀ìn nyɔɔ̀ kuɔ̀ mú dyiɛɛ ní, nìí, sáa-zà-nyɔ̀ɔ̀ mɛ ɖáìn ɔ se-mú-hwɛ̀-nyɔ̀, sepóɛɖé ɔ mɔ̀ caà-wɛ̀.
9“Nyɔ ɖò dyi caà-wɛ̀ ɖò ɓéɖé ní, nìí, wa mɛ dyà ɔ sáa-zà-nyɔ̀ɔ̀ gbo. 10Ké sáa-zà-nyɔ̀ɔ̀ mɛ gmɔìn ɔ bũ̌in nɔ̀mɔ̀ dyíin. Ɔ jǔ ké ɔ dyi jě ɖò ɓɛ́ ɖɛ púú ɖò nì wĩín nyɛɛ dyé, ké jěɔ̀ dyiɛ nyu ké mí mɛ ɓóɛ wĩín nyɛɛ dyi púú nì, ké fɔ́ dyɔ̀ɔ̀ ɖò dyi jěɔ̀ wĩín dyi ní, 11nìí, ɔ mɔ̀ caà-wɛ̀, ké sáa-zà-nyɔ̀ɔ̀ mɛ ɖáìn ɔ se-mú-hwɛ̀-nyɔ̀. Ɔ jèɛɛ, ɔ se ɓéɖé ɔ ké nyɔɔ̀ vǐè-dà ɖò po ɖe pídyi, sepóɛɖé ɔ ɖǎ se-mú-hwɛ̀-nyɔ̀ jǔ nɔ̀ɔ̀.
12“Ɔ jǔ ké caà-wɛ̀ ɖò dyi nyɔ ɖòɛ̀ kpóɖó-dyùà gànáɔ̀ mú wáɖá, ké sáa-zà-nyɔ̀ɔ̀ dyiɛ dyé kà ɔ wáɖá nyɔɔ̀ kpóɖó-dyùà gànáɔ̀ mú, sɔ̀ìn ɖé ɔ dú-hwìɛ̀ nyini ɖé ɔ ɓo xwíɖíiɛɛ ní, 13nìí, ɔ mɛ gmɔìn ɔ bũ̌in nɔ̀mɔ̀ dyíin. Ɔ jǔ ké ɔ dyiɛ dyé kà wɛ́ɔ̀ wáɖá nyɔɔ̀ kpóɖó-dyùà gànáɔ̀ mú jɛ́ɛ́, ké ɔ séín nì púúɛɛ ní, nìí, nyɔɔ̀ hwɛ̀ mú, ké sáa-zà-nyɔ̀ɔ̀ mɛ ɖáìn ɔ mú-hwɛ̀-nyɔ̀. 14Kɛɛ ɔ jǔ ké nyɔɔ̀ dyi jě ɖò ɓéɖé, ké fɔ́ dyɔ̀ɔ̀ ɖò dyi jěɔ̀ wĩín nì ní, nìí, ɔ mɔ̀ se-mú-hwɛ̀-nyɔ̀. 15Ti ɓɛ́ sáa-zà-nyɔ̀ɔ̀ mu fɔ́ dyɔ̀ɔ̀ dyéìn nyɛɛ ní, nìí, ɔ mɛ ɖáìn ɔ se-mú-hwɛ̀-nyɔ̀, sepóɛɖé fɔ́ dyɔ̀ɔ̀ mɔ̀ se-mú-hwɛ̀-ɖɛ̀. Wɛ́ ɓɛ́ ɔ ɓéɖé fɔ́ dyɔ̀ɔ̀ ɓó jě ɖò wĩín nyɛɛ mɔ̀ caà-wɛ̀. 16Kɛɛ ɔ jǔ ké jěɔ̀ dyi dyí zàìn, ké ɔ dyi dyéɖéí mɛ́ ní, nìí, nyɔɔ̀ mɛ mu ɖé sáa-zà-nyɔ̀ɔ̀ gbo ɖe. 17Ké sáa-zà-nyɔ̀ɔ̀ mɛ gmɔìn ɔ bũ̌in ɖe. Ɔ dyiɛ dyé kà jěɔ̀ mɛ́ dyéɖéí kɛɛ ní, nìí, ɔ mɛ ɖáìn nyɔɔ̀ mú-hwɛ̀-nyɔ̀. Ɔ dyi ná nìǐn, nyɔɔ̀ mɔ̀ǎ mú-hwɛ̀-nyɔ̀.
18“Ɔ jǔ ké kpo dyi nyɔ ɖò ku kɔ̃in dè, ké kpoɔ̀ dyi ɓɔ́, 19kɛɛ kpoɔ̀ bɛ̃̌ɔ̀ mú dyi bũ̌, ké bũ̌-bũ̌ɔ̀ dyi púú mɔɔ zĩ-zã nì ní, ɔ mɛ tɛ̀mɛ̀ìn ɔ mìɔùn sáa-zà-nyɔ̀ɔ̀ dyí. 20Ɔ ɖǎ ná nìǐn, nìí, sáa-zà-nyɔ̀ɔ̀ mɛ gmɔìn bɛ̃̌ɔ̀ bũ̌in. Ɔ jǔ ké ɔ dyiɛ dyé kà bɛ̃̌ɔ̀ mu hwuɖu, ké mí mɛ ɓóɛ wĩín nyɛɛ nì púúɛɛ ní, nìí, sáa-zà-nyɔ̀ɔ̀ mɛ ɖáìn nyɔɔ̀ se-mú-hwɛ̀-nyɔ̀, sepóɛɖé ɖɛ dyià ɓó kpoɔ̀ bɛ̃̌ɔ̀ múɛɛ mɔ̀ caà-wɛ̀. 21Kɛɛ ɔ jǔ ké ti ɓɛ́ sáa-zà-nyɔ̀ɔ̀ mu bɛ̃̌ɔ̀ bũ̌in gmɔìn nyɛɛ, mí mɛà ɓóɛ wĩín nyɛɛ se púú nì, ké bɛ̃̌ɔ̀ se hwuɖu mu, kɛɛ ɔ dyi dyéɖéí mɛ́ ní, nìí, sáa-zà-nyɔ̀ɔ̀ mɛ po nyɔɔ̀ vǐè-dà ɖò ɓó wé mɛ̀nɛ̌ìn-sɔ̃́ xwíníín. 22Ɔ jǔ ké wé mɛ̀nɛ̌ìn-sɔ̃́ dyi zi ké bɛ̃̌ɔ̀ dyi nyɔɔ̀ kuɔ̀ mú wɔ̃ ɖei naìn ní, nìí, sáa-zà-nyɔ̀ɔ̀ mɛ ɖáìn ɔ se-mú-hwɛ̀-nyɔ̀, sepóɛɖé ɖɛ nìà ɔ múɛɛ mɔ̀ caà-wɛ̀. 23Kɛɛ ɔ jǔ ké bɛ̃̌ɔ̀ se dyí zàìn, ké ɔ se wɔ̃ ɖei naìn ní, ɔ mɔ̀ kpoɔ̀ fã ɖòùn pū. Ké sáa-zà-nyɔ̀ɔ̀ mɛ ɖáìn nyɔɔ̀ mú-hwɛ̀-nyɔ̀.
24“Ɔ jǔ ké nyɔ ɖò dyi sĩi-jè ɓéɖé, ké ɖɛ zĩ-zã mɔɔ púú ɖò dyi ɓó sĩi-jèɔ̀ fɔ́ dyɔ̀ɔ̀ wĩín dyi ní, 25nìí, sáa-zà-nyɔ̀ɔ̀ mɛ gmɔìn bɛ̃̌ɔ̀ bũ̌in. Ɔ jǔ ké mí mɛ ɓó bɛ̃̌ɔ̀ wĩín nyɛɛ dyi púú nì, ké bɛ̃̌ɔ̀ dyi hwuɖu mu ní, nìí, ɖɛ dyià ɓó sĩi-jèɔ̀ wĩín nyɛɛ mɔ̀ caà-wɛ̀. Ɔ dyi ná nìǐn, nìí, sáa-zà-nyɔ̀ɔ̀ mɛ ɖáìn nyɔɔ̀ se-mú-hwɛ̀-nyɔ̀, sepóɛɖé ɖɛɔ̀ mɔ̀ caà-wɛ̀. 26Kɛɛ ɔ jǔ ké ti ɓɛ́ sáa-zà-nyɔ̀ɔ̀ mu bɛ̃̌ɔ̀ bũ̌in gmɔìn nyɛɛ, mí púú ɖò se bɛ̃̌ɔ̀ mú nì, ké bɛ̃̌ɔ̀ se hwuɖu mu, kɛɛ ɔ dyi dyéɖéí mɛ́ ní, nìí, sáa-zà-nyɔ̀ɔ̀ mɛ po nyɔɔ̀ vǐè-dà ɖò ɓó wé mɛ̀nɛ̌ìn-sɔ̃́ xwíníín. 27Ké sáa-zà-nyɔ̀ɔ̀ mɛ gmɔìn ɔ bũ̌in ɖe ɓó wéɔ̀ mɛ̀nɛ̌ìn-sɔ̃́ nììnɔ̀ ɓaɖa. Ɔ jǔ ké bɛ̃̌ɔ̀ dyi nyɔɔ̀ kuɔ̀ mú wɔ̃ ɖei naìn ní, nìí, sáa-zà-nyɔ̀ɔ̀ mɛ ɖáìn ɔ se-mú-hwɛ̀-nyɔ̀, sepóɛɖé ɔ mɔ̀ caà-wɛ̀. 28Kɛɛ ɔ jǔ ké bɛ̃̌ɔ̀ se dyí zàìn, ké ɔ se nyɔɔ̀ kuɔ̀ mú wɔ̃ ɖei naìn, kɛɛ ɔ dyi dyéɖéí mɛ́ ní, nìí, ɔ mɔ̀ sĩi-jèɔ̀ wúɖú-bɛ̃̀ pū. Ké sáa-zà-nyɔ̀ɔ̀ mɛ ɖáìn nyɔɔ̀ mú-hwɛ̀-nyɔ̀, sepóɛɖé ɖɛɔ̀ mɔ̀ sĩi-jèɔ̀ fã ɖòùn pū.
29“Ɔ jǔ ké gàa ɖò mɔɔ màa ɖò dyi bɛ̃̌ ɖò ɓó ɔ dú-hwìɛ̀ mɔɔ ɓó ɔ tìà-kpàɔ̀ dyí ɓéɖé ní, 30nìí, sáa-zà-nyɔ̀ɔ̀ mɛ gmɔìn bɛ̃̌ɔ̀ bũ̌in. Ɔ jǔ ké bɛ̃̌ɔ̀ dyi hwuɖu mu, ké mí mɛà ɓóɛ wĩín nyɛɛ dyi nì kà ɖaa-cànà nìà kɛ, ké míɔ̀ dyi fíɖí-fíɖí nìǐn, nìí, sáa-zà-nyɔ̀ɔ̀ mɛ ɖáìn nyɔɔ̀ se-mú-hwɛ̀-nyɔ̀, sepóɛɖé ɖɛ nìà kɛ mɔ̀ pèɖè. Ɔ mɔ̀ dú-hwìɛ̀ mɔɔ tìà-kpàɔ̀ nììn caà-wɛ̀. 31Kɛɛ ɔ jǔ ké ti ɓɛ́ sáa-zà-nyɔ̀ɔ̀ mu bɛ̃̌ nì náa bũ̌in gmɔìn nyɛɛ, ɔ dyiɛ dyé kà bɛ̃̌ɔ̀ se hwuɖu muɛ, kɛɛ mí mɛà bɛ̃̌ɔ̀ wĩín nyɛɛ se kpè ní, nìí, sáa-zà-nyɔ̀ɔ̀ mɛ po nyɔ nì náa vǐè-dà ɖò ɓó wé mɛ̀nɛ̌ìn-sɔ̃́ xwíníín. 32Ké sáa-zà-nyɔ̀ɔ̀ mɛ gmɔìn bɛ̃̌ɔ̀ bũ̌in ɖe ɓó wéɔ̀ mɛ̀nɛ̌ìn-sɔ̃́ nììnɔ̀ ɓaɖa. Ɔ jǔ ké bɛ̃̌ɔ̀ se nyɔɔ̀ kuɔ̀ mú wɔ̃ ɖei naìn, ké mí hwɔìn ɖaa-cànà ɖò seɛ wĩín nì, ké ɔ se hwuɖu mu ní, 33nìí, wa mɛ kpana mí séín nìà ɓó bɛ̃̌ɔ̀ ɖeiɛ, ɔ sèìn dɛ̀ ɓɛ́ bɛ̃̌ɔ̀ nìà kɛ ɖòùn. Ɔ ɖǎ ná nìǐn, sáa-zà-nyɔ̀ɔ̀ mɛ po nyɔɔ̀ vǐè-dà ɖò ɓó wé mɛ̀nɛ̌ìn-sɔ̃́ ɖò xwíníín ɖe. 34Ké sáa-zà-nyɔ̀ɔ̀ mɛ gmɔìn bɛ̃̌ɔ̀ bũ̌in ɖe ɓó wéɔ̀ mɛ̀nɛ̌ìn-sɔ̃́ nììnɔ̀ ɓaɖa. Ɔ jǔ ké bɛ̃̌ɔ̀ se kuɔ̀ mú wɔ̃ ɖei naìn, ké ɔ se hwuɖu mu ní, nìí, sáa-zà-nyɔ̀ɔ̀ mɛ ɖáìn nyɔɔ̀ mú-hwɛ̀-nyɔ̀. Sɔ̀ìn ɓóɛ gboɛɛ, nyɔɔ̀ mɛ wɔɔ̀ ɔ ɖɔɔ̀. Nìí, ɔ mu mú-hwɛ̀-nyɔ̀ jǔùn. 35Kɛɛ ɔ jǔ ké ti ɓɛ́ sáa-zà-nyɔ̀ɔ̀ ɖǎ nyɔɔ̀ mú-hwɛ̀-nyɔ̀ ɖáìn nyɛɛ, hwɛ̀ ké bɛ̃̌ɔ̀ dyi ɔ kuɔ̀ mú wɔ̃ ɖei naìn ní, 36nìí, sáa-zà-nyɔ̀ɔ̀ mɛ gmɔìn ɔ bũ̌in ɖe. Ɔ jǔ ké ɔ dyiɛ dyé kà bɛ̃̌ɔ̀ ɖǎ nyɔɔ̀ kuɔ̀ mú wɔ̃ ɖei naìn nyɛɛ ní, sáa-zà-nyɔ̀ɔ̀ mɛ ɓɔ́ mí hwɔìn ɖaa-cànà ɖò bɛ̃̌ɔ̀ wĩín dyi mɔ́ɔ ɖe pídyi, sepóɛɖé nyɔɔ̀ mɔ̀ se-mú-hwɛ̀-nyɔ̀. 37Kɛɛ ɔ dyiɛ dyé kà bɛ̃̌ɔ̀ se dyí zàìn, ké mí kpìǐ mɛ ɓóɛ wĩín nyɛɛ ní, wɛ́ɔ̀ ɖǎ ɓɔ́. Nyɔɔ̀ ɖǎ dyi káná jèɛɛ, ɔ mɔ̀ǎ mú-hwɛ̀-nyɔ̀, ké sáa-zà-nyɔ̀ɔ̀ mɛ ɖáìn ɔ mú-hwɛ̀-nyɔ̀.
38“Ɔ jǔ ké gàa ɖò mɔɔ màa ɖò dyi bɛ̃̌ bũ̌-bũ̌ ɓě ɓɛ́ wa nì púúɛɛ ɓó ɔ kuɔ̀ kɔ̃in ɓéɖé ní, 39nìí, sáa-zà-nyɔ̀ɔ̀ mɛ gmɔìn bɛ̃̌ ɓěɔ̀ bũ̌in. Ɔ dyiɛ dyé kà bɛ̃̌ ɓěɔ̀ se púú nì mìɔ kɛɛ ní, nìí, ɔ mɔ̀ kùɖùɔ̀-kùɖùɔ̀ ɓɛ́ ɔ wáɖá nyɔɔ̀ kuɔ̀ múɛɛ ɖòùn pū. Nyɔɔ̀ mɔ̀ mú-hwɛ̀-nyɔ̀.
40“Ɔ jǔ ké gàa ɖòɛ̀ mí dyi ɔ dú-hwìɛ̀ dyi hwɛ̀ ní, nìí, ɖɛ cɛ̃̀à ɓó ɔ dú-hwìɛ̀ kɛɛ mɔ̀ jɔ̌, kɛɛ ɔ mɔ̀ mú-hwɛ̀-nyɔ̀. 41Ɔ jǔ ké gàa ɖòɛ̀ mí dyi ɔ dú dyi hwɛ̀, hwɔà ɓó dyúa-wĩ̀ǐn dyíɛɛ ní, nìí, ɖɛ cɛ̃̀à ɓó ɔ dyúa-wĩ̀ǐn nyɛɛ mɔ̀ jɔ̌, kɛɛ ɔ mɔ̀ mú-hwɛ̀-nyɔ̀. 42Kɛɛ ɔ jǔ ké bɛ̃̌ bũ̌-bũ̌ zĩ-zã ɖò dyi jɔ̌ cɛ̃̀à ɔ dú-hwìɛ̀ mɔɔ ɔ dyúa-wĩ̀ǐn nyɛɛ mú nì ní, bɛ̃̌ɔ̀ ɓɛ́ìn caà-wɛ̀ jǔɛ. 43Ɔ dyi ná nìǐn, nìí, sáa-zà-nyɔ̀ɔ̀ mɛ gmɔìn bɛ̃̌ɔ̀ bũ̌in. Ɔ jǔ ké ɔ dyiɛ dyé kà bɛ̃̌ nìà nyɔɔ̀ dú-hwìɛ̀ mɔɔ ɔ dyúa-wĩ̀ǐn nyɛɛ nì zĩ-zã kà caà-wɛ̀ nìà kɛ ní, 44nìí, ɖɛ kpɔ̃à ɓó nyɔɔ̀ kɛɛ mɔ̀ caà. Ɔ jèɛɛ, nyɔɔ̀ mɔ̀ se-mú-hwɛ̀-nyɔ̀. Ɔ dyi ná nìǐn, nìí, sáa-zà-nyɔ̀ɔ̀ mɛ ɖáìn ɔ se-mú-hwɛ̀-nyɔ̀ ɓó bɛ̃̌ nìà ɔ dúɛɛ jè.
45“Ɔ jǔ ké nyɔ ɖò dyi caà-wɛ̀ ɓéɖé ní, nìí, ɔ mɛ po ɖɔ fá-fá mú, ké ɔ mɛ ɓɔ́ ɔ míɔ̀ dya poɛ. Ké ɔ mɛ jìnììn ɖɔ wĩín, ɓɛ́ ɔ ké mú pánáuń ɓéɖé, ɓɛ́ ɔ ké níiń, ‘Ḿ se mú hwɛ̀o. Ḿ se mú hwɛ̀o.’ 46Ti ɓɛ́ wɛ́ɔ̀ nì ɔ mú keɛɛ, ɔ mɔ̀ se-mú-hwɛ̀-nyɔ̀. Ɔ jèɛɛ, ɔ ɖòùn ɓéɖé ɔ ké dà ɖò cĩ́. Dɛ̀ ɔ ɖòùn kéà cĩ́ɛɛ mɔ̀ ɖé jàɖàìn-hwɔ̀ɖɔ̀ɔ̀ ɖeín.
Gma ɓě ɓá hwúe jè dyíɛ
47-48“Hwúe ɓɛ́ìn ɖɔ mɔɔ kúɖúù-kpã̀ kpɔ̃ɔ. Ti ɖòɛ̀ ɓaɖaín, hwúeɔ̀ ɓɛ́ìn ɓáɖáá-mì-ɖɔ̀ mɔɔ ɖénì-ɖɔ̀ ɓɛ́ wa nyu mú-po-ɖɔ̀ mú, mɔɔ ɓɛ́ wa nyùìn ɖɛ kà kò ɖò múɛɛ kpɔ̃ɔ. Ti ɖíɛ́ ɓě ní, ɔ ɓɛ́ìn kúɖúù-kpã̀ ɓɛ́ wa nyùìn ɖɛ ɖò múɛɛ kpɔ̃ɔ. 49Ɔ jǔ ké hwúeɔ̀ dyi ɖɛ ɓěɛ̀ ɖò kpɔ̃, ké ɔ dyi hwúe-dyèɖè mɔɔ dyéɖé zĩ-zã ɓéɖé ní, ɔ mɔ̀ hwúe ɓɛ́ ɔ ké ɖɛ mú dyi gbɛ̀ìn nyɛ. Ké wa mɛ tɛ̀mɛ̀ìn sáa-zà-nyɔ̀ ɓěɔ̀ ɖò dyí. 50Ɔ dyi ná nìǐn, nìí, sáa-zà-nyɔ̀ɔ̀ mɛ gmɔìn hwúeɔ̀ bũ̌in, ɓɛ́ ɔ ké ɖɛ hwúeɔ̀ kpɔ̃à kɛɛ vǐè-dà ɖò po ɓó wé mɛ̀nɛ̌ìn-sɔ̃́ xwíníín. 51Ɔ ɖǎa náa nyuín, ɔ mɛ gmɔìn ɖɛɔ̀ bũ̌in ɖe ɓó wéɔ̀ mɛ̀nɛ̌ìn-sɔ̃́ nììnɔ̀ ɓaɖa. Ɔ jǔ ké hwúeɔ̀ dyi ɖɛɔ̀ múin gbɛ̀ìn ní, nìí, hwúe nì náa mɔ̀ ɖɛ-mú-gbɔɔ̀-ɖɛ̀. Ɔ jèɛɛ, ɖɛ hwúeɔ̀ kpɔ̃à kɛɛ mɔ̀ se-mú-hwɛ̀-ɖɛ̀. 52Ɔ dyi ná nìǐn, sáa-zà-nyɔ̀ɔ̀ mɛ fɔ̃ ɖɛ hwúeɔ̀ kpɔ̃à kɛ. Ɔ mɛ fɔ̃ ɖɛɔ̀, sepóɛɖé hwúe kpɔ̃à ɖɛɔ̀ kɛɛ mɔ̀ ɖɛ-mú-gbɔɔ̀-ɖɛ̀.
53“Kɛɛ ɔ jǔ ké ti ɓɛ́ sáa-zà-nyɔ̀ɔ̀ mu ɖɛɔ̀ bũ̌in gmɔìn ɖeɛɛ, ɔ dyiɛ dyé kà hwúeɔ̀ se ɖɛɔ̀ múin gbɛ̀ìn nyɛɛ ní, 54nìí, ɔ mɛ nyuɛ ɓɛ́ wa ké ɖɛ hwúeɔ̀ kpɔ̃à kɛɛ wɔɔ̀. Ɔ ɖǎ ná nìǐn, ɔ mɛ poɛ vǐè-dà ɖò ɓó wé mɛ̀nɛ̌ìn-sɔ̃́ ɖò xwíníín ɖe. 55Ɔ ɖǎa náa nyuín, nìí, sáa-zà-nyɔ̀ɔ̀ mɛ gmɔìn ɖɛɔ̀ bũ̌in ɖe ɓó wéɔ̀ mɛ̀nɛ̌ìn-sɔ̃́ nììnɔ̀ ɓaɖa. Ɔ jǔ ké hwúeɔ̀ dyéɖé se dyí zàìn ní, hwúeɔ̀ se dyi gbɛ̀ìn dyɛo, kɛɛ ɖɛɔ̀ mɔ̀ se-mú-hwɛ̀-ɖɛ̀. Kɛbì hwúeɔ̀ mɛ nì wáká ɖò kɔ̃ mɔɔ wáká tɔ̀ɔ̀ kɔ̃ɛɛ, sáa-zà-nyɔ̀ɔ̀ mɛ fɔ̃ɔ wɛ̃́ɛ́. 56Kɛɛ ɔ jǔ ké ti ɓɛ́ sáa-zà-nyɔ̀ɔ̀ muɛ bũ̌in gmɔìn ɖeɛɛ, ɔ dyiɛ dyé kà sɔ̀ìn ɓó ti ɓɛ́ wa ɖǎ ɖɛɔ̀ wɔɔ̀ɛɛ, hwúeɔ̀ ɖǎ dyéɖéí mɛ́ɛ ní, nìí, ɔ mɛ zà ɓó ɖɛɔ̀ wáká ɓɛ́ hwúeɔ̀ nìà bũ̌ɛ. 57Ɔ jǔ ké hwúeɔ̀ ɖò dyi ɓó ɖɛɔ̀ bũ̌ dyi ɖe ní, nìí, ɔ nì dyi gbɛ̀ǐn. Ké ɖɛ kã̀ìn séín ɓɛ́ hwúeɔ̀ nìà bũ̌ɛɛ, sáa-zà-nyɔ̀ɔ̀ mɛ fɔ̃ɔ. 58Ɔ jǔ ké ɔ dyi ɖɛ ɓɛ́ wa ɖǎ wɔɔ̀, ké hwúeɔ̀ ɖǎ ɖɛɔ̀ mú sɔ̀ɛɛ jǔ ní, wa mɛ wɔɔ̀ ɖe. Nìí, sɔ̀ìn ɓóɛ gboɛɛ, ɔ mɔ̀ǎ mú-hwɛ̀-ɖɛ̀.”
59Kǎà gma ɓě ɓá ɖɛ ɖò ɓɛ́ hwúe kpɔ̃ɛɛ mú hwɛ̀ jè mɔɔ se mú hwɛ̀ jè dyíɛɛ nyu nìɛ̀. Ɖɛɔ̀ hwɔìn kà ɓáɖáá-mì-ɖɔ̀ mɔɔ ɖénì-ɖɔ̀ ɓɛ́ wa nyu mú-po-ɖɔ̀ mú, mɔɔ ɓɛ́ wa nyùìn ɖɛ kà kò ɖò múɛ mɔɔ kúɖúù-kpã̀ ɓɛ́ wa nyùìn ɖɛ ɖò múɛ.
Currently Selected:
Ɖìvéɖékɔ̀ 13: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Ɖìvéɖékɔ̀ 13
13
Gma ɓě ɓá caà-wɛ̀ jè dyíɛ
1Hwɛ̀ ké Bounɓoɔ̀ cɛ̃ɛ ma Mózè kè Eɖóún gbo, ké ɔ ɖá, 2“Ɔ jǔ ké nyɔ ɖò dyi jě ɖò mɔɔ kùɖùɔ̀-kùɖùɔ̀ ɖò mɔɔ bɛ̃̌ bũ̌-bũ̌ ɖò ɓéɖé, ké ɔ dyi caà-wɛ̀ ɓɛ́ìn nyɔ ɖò kpɔ̃ɔ kɛɛ jǔɛ ɓɛ́ìn ní, nìí, wa mɛ dyà ɔ sáa-zà-nyɔ̀ ɓě mɔ̀à Eɖóún kè ɔ dyú-gàà ɓěɔ̀ kɛɛ ɖò gbo. 3Ɔ ɖǎ ná nìǐn, nìí, sáa-zà-nyɔ̀ɔ̀ mɛ gmɔìn bɛ̃̌ nìà ɓó nyɔɔ̀ kuɔ̀ kɔ̃in nyɛɛ bũ̌in nɔ̀mɔ̀ dyíin. Ɔ jǔ ké sáa-zà-nyɔ̀ɔ̀ dyiɛ dyé kà mí mɛ ɓó bɛ̃̌ɔ̀ wĩín nyɛɛ nì púú, ké bɛ̃̌ɔ̀ mu hwuɖuɛɛ ní, nìí, ɔ mɔ̀ caà-wɛ̀, ké sáa-zà-nyɔ̀ɔ̀ mɛ ɖáìn ɔ se-mú-hwɛ̀-nyɔ̀. 4Kɛɛ ɔ jǔ ké sáa-zà-nyɔ̀ɔ̀ dyiɛ dyé kà bɛ̃̌ nìà ɓó nyɔɔ̀ kuɔ̀ kɔ̃in nyɛɛ nì púú, kɛɛ ɔ se hwuɖu mu, ké mí mɛà ɓóɛ wĩín nyɛɛ se púú nìɛɛ ní, nìí, sáa-zà-nyɔ̀ɔ̀ mɛ po nyɔɔ̀ vǐè-dà ɖò ɓó wé mɛ̀nɛ̌ìn-sɔ̃́ xwíníín. 5Ɔ ɖǎ ná nìǐn, nìí, sáa-zà-nyɔ̀ɔ̀ mɛ gmɔìn ɔ bũ̌in ɖe ɓó wéɔ̀ mɛ̀nɛ̌ìn-sɔ̃́ nììnɔ̀ ɓaɖa. Ɔ jǔ ké ɔ dyiɛ dyé kà bɛ̃̌ɔ̀ se dyí zàìn, ké ɔ se nyɔɔ̀ kuɔ̀ mú wɔ̃ ɖei naìn nyɛɛ ní, nìí, sáa-zà-nyɔ̀ɔ̀ mɛ po ɔ vǐè-dà ɓó wé mɛ̀nɛ̌ìn-sɔ̃́ ɖò xwíníín ɖe. 6Ɔ ɖǎ ná nìǐn, nìí, sáa-zà-nyɔ̀ɔ̀ mɛ gmɔìn ɔ bũ̌in ɖe ɓó wéɔ̀ mɛ̀nɛ̌ìn-sɔ̃́ nììnɔ̀ ɓaɖa. Ɔ jǔ ké bɛ̃̌ɔ̀ dyi dyéɖéí mɛ́, ké ɔ se ɔ kuɔ̀ mú wɔ̃ ɖei naìn ní, nìí, sáa-zà-nyɔ̀ɔ̀ mɛ ɖáìn ɔ mú-hwɛ̀-nyɔ̀, sepóɛɖé bɛ̃̌ɔ̀ mɔ̀ kùɖùɔ̀-kùɖùɔ̀ pū. Ɔ se caà-wɛ̀. Ɔ ɖǎ ná nìǐn, nìí, nyɔɔ̀ mɛ wɔɔ̀ ɔ ɖɔɔ̀. Nìí, ɔ mu mú-hwɛ̀-nyɔ̀ jǔùn. 7Kɛɛ ɔ jǔ ké sɔ̀ìn ɓó ti ɓɛ́ ɔ ɖǎ ɔ mìɔùn sáa-zà-nyɔ̀ɔ̀ dyí tɛ̀mɛ̀ìn, ké sáa-zà-nyɔ̀ɔ̀ ɖǎ ɔ mú-hwɛ̀-nyɔ̀ ɖáìn nyɛ gboɛɛ, hwɛ̀ ké kùɖùɔ̀-kùɖùɔ̀ɔ̀ dyi ɔ kuɔ̀ mú dyi gbɛ̀ìn ní, nìí, ɔ ɓéɖé ɔ ké ɔ mìɔùn sáa-zà-nyɔ̀ɔ̀ dyí tɛ̀mɛ̀ìn ɖe. 8Ɔ dyi ná nìǐn, nìí, sáa-zà-nyɔ̀ɔ̀ mɛ gmɔìn ɔ bũ̌in ɖe. Ɔ jǔ ké sáa-zà-nyɔ̀ɔ̀ dyiɛ dyé kà kùɖùɔ̀-kùɖùɔ̀ɔ̀ gbɛ̀ìn nyɔɔ̀ kuɔ̀ mú dyiɛɛ ní, nìí, sáa-zà-nyɔ̀ɔ̀ mɛ ɖáìn ɔ se-mú-hwɛ̀-nyɔ̀, sepóɛɖé ɔ mɔ̀ caà-wɛ̀.
9“Nyɔ ɖò dyi caà-wɛ̀ ɖò ɓéɖé ní, nìí, wa mɛ dyà ɔ sáa-zà-nyɔ̀ɔ̀ gbo. 10Ké sáa-zà-nyɔ̀ɔ̀ mɛ gmɔìn ɔ bũ̌in nɔ̀mɔ̀ dyíin. Ɔ jǔ ké ɔ dyi jě ɖò ɓɛ́ ɖɛ púú ɖò nì wĩín nyɛɛ dyé, ké jěɔ̀ dyiɛ nyu ké mí mɛ ɓóɛ wĩín nyɛɛ dyi púú nì, ké fɔ́ dyɔ̀ɔ̀ ɖò dyi jěɔ̀ wĩín dyi ní, 11nìí, ɔ mɔ̀ caà-wɛ̀, ké sáa-zà-nyɔ̀ɔ̀ mɛ ɖáìn ɔ se-mú-hwɛ̀-nyɔ̀. Ɔ jèɛɛ, ɔ se ɓéɖé ɔ ké nyɔɔ̀ vǐè-dà ɖò po ɖe pídyi, sepóɛɖé ɔ ɖǎ se-mú-hwɛ̀-nyɔ̀ jǔ nɔ̀ɔ̀.
12“Ɔ jǔ ké caà-wɛ̀ ɖò dyi nyɔ ɖòɛ̀ kpóɖó-dyùà gànáɔ̀ mú wáɖá, ké sáa-zà-nyɔ̀ɔ̀ dyiɛ dyé kà ɔ wáɖá nyɔɔ̀ kpóɖó-dyùà gànáɔ̀ mú, sɔ̀ìn ɖé ɔ dú-hwìɛ̀ nyini ɖé ɔ ɓo xwíɖíiɛɛ ní, 13nìí, ɔ mɛ gmɔìn ɔ bũ̌in nɔ̀mɔ̀ dyíin. Ɔ jǔ ké ɔ dyiɛ dyé kà wɛ́ɔ̀ wáɖá nyɔɔ̀ kpóɖó-dyùà gànáɔ̀ mú jɛ́ɛ́, ké ɔ séín nì púúɛɛ ní, nìí, nyɔɔ̀ hwɛ̀ mú, ké sáa-zà-nyɔ̀ɔ̀ mɛ ɖáìn ɔ mú-hwɛ̀-nyɔ̀. 14Kɛɛ ɔ jǔ ké nyɔɔ̀ dyi jě ɖò ɓéɖé, ké fɔ́ dyɔ̀ɔ̀ ɖò dyi jěɔ̀ wĩín nì ní, nìí, ɔ mɔ̀ se-mú-hwɛ̀-nyɔ̀. 15Ti ɓɛ́ sáa-zà-nyɔ̀ɔ̀ mu fɔ́ dyɔ̀ɔ̀ dyéìn nyɛɛ ní, nìí, ɔ mɛ ɖáìn ɔ se-mú-hwɛ̀-nyɔ̀, sepóɛɖé fɔ́ dyɔ̀ɔ̀ mɔ̀ se-mú-hwɛ̀-ɖɛ̀. Wɛ́ ɓɛ́ ɔ ɓéɖé fɔ́ dyɔ̀ɔ̀ ɓó jě ɖò wĩín nyɛɛ mɔ̀ caà-wɛ̀. 16Kɛɛ ɔ jǔ ké jěɔ̀ dyi dyí zàìn, ké ɔ dyi dyéɖéí mɛ́ ní, nìí, nyɔɔ̀ mɛ mu ɖé sáa-zà-nyɔ̀ɔ̀ gbo ɖe. 17Ké sáa-zà-nyɔ̀ɔ̀ mɛ gmɔìn ɔ bũ̌in ɖe. Ɔ dyiɛ dyé kà jěɔ̀ mɛ́ dyéɖéí kɛɛ ní, nìí, ɔ mɛ ɖáìn nyɔɔ̀ mú-hwɛ̀-nyɔ̀. Ɔ dyi ná nìǐn, nyɔɔ̀ mɔ̀ǎ mú-hwɛ̀-nyɔ̀.
18“Ɔ jǔ ké kpo dyi nyɔ ɖò ku kɔ̃in dè, ké kpoɔ̀ dyi ɓɔ́, 19kɛɛ kpoɔ̀ bɛ̃̌ɔ̀ mú dyi bũ̌, ké bũ̌-bũ̌ɔ̀ dyi púú mɔɔ zĩ-zã nì ní, ɔ mɛ tɛ̀mɛ̀ìn ɔ mìɔùn sáa-zà-nyɔ̀ɔ̀ dyí. 20Ɔ ɖǎ ná nìǐn, nìí, sáa-zà-nyɔ̀ɔ̀ mɛ gmɔìn bɛ̃̌ɔ̀ bũ̌in. Ɔ jǔ ké ɔ dyiɛ dyé kà bɛ̃̌ɔ̀ mu hwuɖu, ké mí mɛ ɓóɛ wĩín nyɛɛ nì púúɛɛ ní, nìí, sáa-zà-nyɔ̀ɔ̀ mɛ ɖáìn nyɔɔ̀ se-mú-hwɛ̀-nyɔ̀, sepóɛɖé ɖɛ dyià ɓó kpoɔ̀ bɛ̃̌ɔ̀ múɛɛ mɔ̀ caà-wɛ̀. 21Kɛɛ ɔ jǔ ké ti ɓɛ́ sáa-zà-nyɔ̀ɔ̀ mu bɛ̃̌ɔ̀ bũ̌in gmɔìn nyɛɛ, mí mɛà ɓóɛ wĩín nyɛɛ se púú nì, ké bɛ̃̌ɔ̀ se hwuɖu mu, kɛɛ ɔ dyi dyéɖéí mɛ́ ní, nìí, sáa-zà-nyɔ̀ɔ̀ mɛ po nyɔɔ̀ vǐè-dà ɖò ɓó wé mɛ̀nɛ̌ìn-sɔ̃́ xwíníín. 22Ɔ jǔ ké wé mɛ̀nɛ̌ìn-sɔ̃́ dyi zi ké bɛ̃̌ɔ̀ dyi nyɔɔ̀ kuɔ̀ mú wɔ̃ ɖei naìn ní, nìí, sáa-zà-nyɔ̀ɔ̀ mɛ ɖáìn ɔ se-mú-hwɛ̀-nyɔ̀, sepóɛɖé ɖɛ nìà ɔ múɛɛ mɔ̀ caà-wɛ̀. 23Kɛɛ ɔ jǔ ké bɛ̃̌ɔ̀ se dyí zàìn, ké ɔ se wɔ̃ ɖei naìn ní, ɔ mɔ̀ kpoɔ̀ fã ɖòùn pū. Ké sáa-zà-nyɔ̀ɔ̀ mɛ ɖáìn nyɔɔ̀ mú-hwɛ̀-nyɔ̀.
24“Ɔ jǔ ké nyɔ ɖò dyi sĩi-jè ɓéɖé, ké ɖɛ zĩ-zã mɔɔ púú ɖò dyi ɓó sĩi-jèɔ̀ fɔ́ dyɔ̀ɔ̀ wĩín dyi ní, 25nìí, sáa-zà-nyɔ̀ɔ̀ mɛ gmɔìn bɛ̃̌ɔ̀ bũ̌in. Ɔ jǔ ké mí mɛ ɓó bɛ̃̌ɔ̀ wĩín nyɛɛ dyi púú nì, ké bɛ̃̌ɔ̀ dyi hwuɖu mu ní, nìí, ɖɛ dyià ɓó sĩi-jèɔ̀ wĩín nyɛɛ mɔ̀ caà-wɛ̀. Ɔ dyi ná nìǐn, nìí, sáa-zà-nyɔ̀ɔ̀ mɛ ɖáìn nyɔɔ̀ se-mú-hwɛ̀-nyɔ̀, sepóɛɖé ɖɛɔ̀ mɔ̀ caà-wɛ̀. 26Kɛɛ ɔ jǔ ké ti ɓɛ́ sáa-zà-nyɔ̀ɔ̀ mu bɛ̃̌ɔ̀ bũ̌in gmɔìn nyɛɛ, mí púú ɖò se bɛ̃̌ɔ̀ mú nì, ké bɛ̃̌ɔ̀ se hwuɖu mu, kɛɛ ɔ dyi dyéɖéí mɛ́ ní, nìí, sáa-zà-nyɔ̀ɔ̀ mɛ po nyɔɔ̀ vǐè-dà ɖò ɓó wé mɛ̀nɛ̌ìn-sɔ̃́ xwíníín. 27Ké sáa-zà-nyɔ̀ɔ̀ mɛ gmɔìn ɔ bũ̌in ɖe ɓó wéɔ̀ mɛ̀nɛ̌ìn-sɔ̃́ nììnɔ̀ ɓaɖa. Ɔ jǔ ké bɛ̃̌ɔ̀ dyi nyɔɔ̀ kuɔ̀ mú wɔ̃ ɖei naìn ní, nìí, sáa-zà-nyɔ̀ɔ̀ mɛ ɖáìn ɔ se-mú-hwɛ̀-nyɔ̀, sepóɛɖé ɔ mɔ̀ caà-wɛ̀. 28Kɛɛ ɔ jǔ ké bɛ̃̌ɔ̀ se dyí zàìn, ké ɔ se nyɔɔ̀ kuɔ̀ mú wɔ̃ ɖei naìn, kɛɛ ɔ dyi dyéɖéí mɛ́ ní, nìí, ɔ mɔ̀ sĩi-jèɔ̀ wúɖú-bɛ̃̀ pū. Ké sáa-zà-nyɔ̀ɔ̀ mɛ ɖáìn nyɔɔ̀ mú-hwɛ̀-nyɔ̀, sepóɛɖé ɖɛɔ̀ mɔ̀ sĩi-jèɔ̀ fã ɖòùn pū.
29“Ɔ jǔ ké gàa ɖò mɔɔ màa ɖò dyi bɛ̃̌ ɖò ɓó ɔ dú-hwìɛ̀ mɔɔ ɓó ɔ tìà-kpàɔ̀ dyí ɓéɖé ní, 30nìí, sáa-zà-nyɔ̀ɔ̀ mɛ gmɔìn bɛ̃̌ɔ̀ bũ̌in. Ɔ jǔ ké bɛ̃̌ɔ̀ dyi hwuɖu mu, ké mí mɛà ɓóɛ wĩín nyɛɛ dyi nì kà ɖaa-cànà nìà kɛ, ké míɔ̀ dyi fíɖí-fíɖí nìǐn, nìí, sáa-zà-nyɔ̀ɔ̀ mɛ ɖáìn nyɔɔ̀ se-mú-hwɛ̀-nyɔ̀, sepóɛɖé ɖɛ nìà kɛ mɔ̀ pèɖè. Ɔ mɔ̀ dú-hwìɛ̀ mɔɔ tìà-kpàɔ̀ nììn caà-wɛ̀. 31Kɛɛ ɔ jǔ ké ti ɓɛ́ sáa-zà-nyɔ̀ɔ̀ mu bɛ̃̌ nì náa bũ̌in gmɔìn nyɛɛ, ɔ dyiɛ dyé kà bɛ̃̌ɔ̀ se hwuɖu muɛ, kɛɛ mí mɛà bɛ̃̌ɔ̀ wĩín nyɛɛ se kpè ní, nìí, sáa-zà-nyɔ̀ɔ̀ mɛ po nyɔ nì náa vǐè-dà ɖò ɓó wé mɛ̀nɛ̌ìn-sɔ̃́ xwíníín. 32Ké sáa-zà-nyɔ̀ɔ̀ mɛ gmɔìn bɛ̃̌ɔ̀ bũ̌in ɖe ɓó wéɔ̀ mɛ̀nɛ̌ìn-sɔ̃́ nììnɔ̀ ɓaɖa. Ɔ jǔ ké bɛ̃̌ɔ̀ se nyɔɔ̀ kuɔ̀ mú wɔ̃ ɖei naìn, ké mí hwɔìn ɖaa-cànà ɖò seɛ wĩín nì, ké ɔ se hwuɖu mu ní, 33nìí, wa mɛ kpana mí séín nìà ɓó bɛ̃̌ɔ̀ ɖeiɛ, ɔ sèìn dɛ̀ ɓɛ́ bɛ̃̌ɔ̀ nìà kɛ ɖòùn. Ɔ ɖǎ ná nìǐn, sáa-zà-nyɔ̀ɔ̀ mɛ po nyɔɔ̀ vǐè-dà ɖò ɓó wé mɛ̀nɛ̌ìn-sɔ̃́ ɖò xwíníín ɖe. 34Ké sáa-zà-nyɔ̀ɔ̀ mɛ gmɔìn bɛ̃̌ɔ̀ bũ̌in ɖe ɓó wéɔ̀ mɛ̀nɛ̌ìn-sɔ̃́ nììnɔ̀ ɓaɖa. Ɔ jǔ ké bɛ̃̌ɔ̀ se kuɔ̀ mú wɔ̃ ɖei naìn, ké ɔ se hwuɖu mu ní, nìí, sáa-zà-nyɔ̀ɔ̀ mɛ ɖáìn nyɔɔ̀ mú-hwɛ̀-nyɔ̀. Sɔ̀ìn ɓóɛ gboɛɛ, nyɔɔ̀ mɛ wɔɔ̀ ɔ ɖɔɔ̀. Nìí, ɔ mu mú-hwɛ̀-nyɔ̀ jǔùn. 35Kɛɛ ɔ jǔ ké ti ɓɛ́ sáa-zà-nyɔ̀ɔ̀ ɖǎ nyɔɔ̀ mú-hwɛ̀-nyɔ̀ ɖáìn nyɛɛ, hwɛ̀ ké bɛ̃̌ɔ̀ dyi ɔ kuɔ̀ mú wɔ̃ ɖei naìn ní, 36nìí, sáa-zà-nyɔ̀ɔ̀ mɛ gmɔìn ɔ bũ̌in ɖe. Ɔ jǔ ké ɔ dyiɛ dyé kà bɛ̃̌ɔ̀ ɖǎ nyɔɔ̀ kuɔ̀ mú wɔ̃ ɖei naìn nyɛɛ ní, sáa-zà-nyɔ̀ɔ̀ mɛ ɓɔ́ mí hwɔìn ɖaa-cànà ɖò bɛ̃̌ɔ̀ wĩín dyi mɔ́ɔ ɖe pídyi, sepóɛɖé nyɔɔ̀ mɔ̀ se-mú-hwɛ̀-nyɔ̀. 37Kɛɛ ɔ dyiɛ dyé kà bɛ̃̌ɔ̀ se dyí zàìn, ké mí kpìǐ mɛ ɓóɛ wĩín nyɛɛ ní, wɛ́ɔ̀ ɖǎ ɓɔ́. Nyɔɔ̀ ɖǎ dyi káná jèɛɛ, ɔ mɔ̀ǎ mú-hwɛ̀-nyɔ̀, ké sáa-zà-nyɔ̀ɔ̀ mɛ ɖáìn ɔ mú-hwɛ̀-nyɔ̀.
38“Ɔ jǔ ké gàa ɖò mɔɔ màa ɖò dyi bɛ̃̌ bũ̌-bũ̌ ɓě ɓɛ́ wa nì púúɛɛ ɓó ɔ kuɔ̀ kɔ̃in ɓéɖé ní, 39nìí, sáa-zà-nyɔ̀ɔ̀ mɛ gmɔìn bɛ̃̌ ɓěɔ̀ bũ̌in. Ɔ dyiɛ dyé kà bɛ̃̌ ɓěɔ̀ se púú nì mìɔ kɛɛ ní, nìí, ɔ mɔ̀ kùɖùɔ̀-kùɖùɔ̀ ɓɛ́ ɔ wáɖá nyɔɔ̀ kuɔ̀ múɛɛ ɖòùn pū. Nyɔɔ̀ mɔ̀ mú-hwɛ̀-nyɔ̀.
40“Ɔ jǔ ké gàa ɖòɛ̀ mí dyi ɔ dú-hwìɛ̀ dyi hwɛ̀ ní, nìí, ɖɛ cɛ̃̀à ɓó ɔ dú-hwìɛ̀ kɛɛ mɔ̀ jɔ̌, kɛɛ ɔ mɔ̀ mú-hwɛ̀-nyɔ̀. 41Ɔ jǔ ké gàa ɖòɛ̀ mí dyi ɔ dú dyi hwɛ̀, hwɔà ɓó dyúa-wĩ̀ǐn dyíɛɛ ní, nìí, ɖɛ cɛ̃̀à ɓó ɔ dyúa-wĩ̀ǐn nyɛɛ mɔ̀ jɔ̌, kɛɛ ɔ mɔ̀ mú-hwɛ̀-nyɔ̀. 42Kɛɛ ɔ jǔ ké bɛ̃̌ bũ̌-bũ̌ zĩ-zã ɖò dyi jɔ̌ cɛ̃̀à ɔ dú-hwìɛ̀ mɔɔ ɔ dyúa-wĩ̀ǐn nyɛɛ mú nì ní, bɛ̃̌ɔ̀ ɓɛ́ìn caà-wɛ̀ jǔɛ. 43Ɔ dyi ná nìǐn, nìí, sáa-zà-nyɔ̀ɔ̀ mɛ gmɔìn bɛ̃̌ɔ̀ bũ̌in. Ɔ jǔ ké ɔ dyiɛ dyé kà bɛ̃̌ nìà nyɔɔ̀ dú-hwìɛ̀ mɔɔ ɔ dyúa-wĩ̀ǐn nyɛɛ nì zĩ-zã kà caà-wɛ̀ nìà kɛ ní, 44nìí, ɖɛ kpɔ̃à ɓó nyɔɔ̀ kɛɛ mɔ̀ caà. Ɔ jèɛɛ, nyɔɔ̀ mɔ̀ se-mú-hwɛ̀-nyɔ̀. Ɔ dyi ná nìǐn, nìí, sáa-zà-nyɔ̀ɔ̀ mɛ ɖáìn ɔ se-mú-hwɛ̀-nyɔ̀ ɓó bɛ̃̌ nìà ɔ dúɛɛ jè.
45“Ɔ jǔ ké nyɔ ɖò dyi caà-wɛ̀ ɓéɖé ní, nìí, ɔ mɛ po ɖɔ fá-fá mú, ké ɔ mɛ ɓɔ́ ɔ míɔ̀ dya poɛ. Ké ɔ mɛ jìnììn ɖɔ wĩín, ɓɛ́ ɔ ké mú pánáuń ɓéɖé, ɓɛ́ ɔ ké níiń, ‘Ḿ se mú hwɛ̀o. Ḿ se mú hwɛ̀o.’ 46Ti ɓɛ́ wɛ́ɔ̀ nì ɔ mú keɛɛ, ɔ mɔ̀ se-mú-hwɛ̀-nyɔ̀. Ɔ jèɛɛ, ɔ ɖòùn ɓéɖé ɔ ké dà ɖò cĩ́. Dɛ̀ ɔ ɖòùn kéà cĩ́ɛɛ mɔ̀ ɖé jàɖàìn-hwɔ̀ɖɔ̀ɔ̀ ɖeín.
Gma ɓě ɓá hwúe jè dyíɛ
47-48“Hwúe ɓɛ́ìn ɖɔ mɔɔ kúɖúù-kpã̀ kpɔ̃ɔ. Ti ɖòɛ̀ ɓaɖaín, hwúeɔ̀ ɓɛ́ìn ɓáɖáá-mì-ɖɔ̀ mɔɔ ɖénì-ɖɔ̀ ɓɛ́ wa nyu mú-po-ɖɔ̀ mú, mɔɔ ɓɛ́ wa nyùìn ɖɛ kà kò ɖò múɛɛ kpɔ̃ɔ. Ti ɖíɛ́ ɓě ní, ɔ ɓɛ́ìn kúɖúù-kpã̀ ɓɛ́ wa nyùìn ɖɛ ɖò múɛɛ kpɔ̃ɔ. 49Ɔ jǔ ké hwúeɔ̀ dyi ɖɛ ɓěɛ̀ ɖò kpɔ̃, ké ɔ dyi hwúe-dyèɖè mɔɔ dyéɖé zĩ-zã ɓéɖé ní, ɔ mɔ̀ hwúe ɓɛ́ ɔ ké ɖɛ mú dyi gbɛ̀ìn nyɛ. Ké wa mɛ tɛ̀mɛ̀ìn sáa-zà-nyɔ̀ ɓěɔ̀ ɖò dyí. 50Ɔ dyi ná nìǐn, nìí, sáa-zà-nyɔ̀ɔ̀ mɛ gmɔìn hwúeɔ̀ bũ̌in, ɓɛ́ ɔ ké ɖɛ hwúeɔ̀ kpɔ̃à kɛɛ vǐè-dà ɖò po ɓó wé mɛ̀nɛ̌ìn-sɔ̃́ xwíníín. 51Ɔ ɖǎa náa nyuín, ɔ mɛ gmɔìn ɖɛɔ̀ bũ̌in ɖe ɓó wéɔ̀ mɛ̀nɛ̌ìn-sɔ̃́ nììnɔ̀ ɓaɖa. Ɔ jǔ ké hwúeɔ̀ dyi ɖɛɔ̀ múin gbɛ̀ìn ní, nìí, hwúe nì náa mɔ̀ ɖɛ-mú-gbɔɔ̀-ɖɛ̀. Ɔ jèɛɛ, ɖɛ hwúeɔ̀ kpɔ̃à kɛɛ mɔ̀ se-mú-hwɛ̀-ɖɛ̀. 52Ɔ dyi ná nìǐn, sáa-zà-nyɔ̀ɔ̀ mɛ fɔ̃ ɖɛ hwúeɔ̀ kpɔ̃à kɛ. Ɔ mɛ fɔ̃ ɖɛɔ̀, sepóɛɖé hwúe kpɔ̃à ɖɛɔ̀ kɛɛ mɔ̀ ɖɛ-mú-gbɔɔ̀-ɖɛ̀.
53“Kɛɛ ɔ jǔ ké ti ɓɛ́ sáa-zà-nyɔ̀ɔ̀ mu ɖɛɔ̀ bũ̌in gmɔìn ɖeɛɛ, ɔ dyiɛ dyé kà hwúeɔ̀ se ɖɛɔ̀ múin gbɛ̀ìn nyɛɛ ní, 54nìí, ɔ mɛ nyuɛ ɓɛ́ wa ké ɖɛ hwúeɔ̀ kpɔ̃à kɛɛ wɔɔ̀. Ɔ ɖǎ ná nìǐn, ɔ mɛ poɛ vǐè-dà ɖò ɓó wé mɛ̀nɛ̌ìn-sɔ̃́ ɖò xwíníín ɖe. 55Ɔ ɖǎa náa nyuín, nìí, sáa-zà-nyɔ̀ɔ̀ mɛ gmɔìn ɖɛɔ̀ bũ̌in ɖe ɓó wéɔ̀ mɛ̀nɛ̌ìn-sɔ̃́ nììnɔ̀ ɓaɖa. Ɔ jǔ ké hwúeɔ̀ dyéɖé se dyí zàìn ní, hwúeɔ̀ se dyi gbɛ̀ìn dyɛo, kɛɛ ɖɛɔ̀ mɔ̀ se-mú-hwɛ̀-ɖɛ̀. Kɛbì hwúeɔ̀ mɛ nì wáká ɖò kɔ̃ mɔɔ wáká tɔ̀ɔ̀ kɔ̃ɛɛ, sáa-zà-nyɔ̀ɔ̀ mɛ fɔ̃ɔ wɛ̃́ɛ́. 56Kɛɛ ɔ jǔ ké ti ɓɛ́ sáa-zà-nyɔ̀ɔ̀ muɛ bũ̌in gmɔìn ɖeɛɛ, ɔ dyiɛ dyé kà sɔ̀ìn ɓó ti ɓɛ́ wa ɖǎ ɖɛɔ̀ wɔɔ̀ɛɛ, hwúeɔ̀ ɖǎ dyéɖéí mɛ́ɛ ní, nìí, ɔ mɛ zà ɓó ɖɛɔ̀ wáká ɓɛ́ hwúeɔ̀ nìà bũ̌ɛ. 57Ɔ jǔ ké hwúeɔ̀ ɖò dyi ɓó ɖɛɔ̀ bũ̌ dyi ɖe ní, nìí, ɔ nì dyi gbɛ̀ǐn. Ké ɖɛ kã̀ìn séín ɓɛ́ hwúeɔ̀ nìà bũ̌ɛɛ, sáa-zà-nyɔ̀ɔ̀ mɛ fɔ̃ɔ. 58Ɔ jǔ ké ɔ dyi ɖɛ ɓɛ́ wa ɖǎ wɔɔ̀, ké hwúeɔ̀ ɖǎ ɖɛɔ̀ mú sɔ̀ɛɛ jǔ ní, wa mɛ wɔɔ̀ ɖe. Nìí, sɔ̀ìn ɓóɛ gboɛɛ, ɔ mɔ̀ǎ mú-hwɛ̀-ɖɛ̀.”
59Kǎà gma ɓě ɓá ɖɛ ɖò ɓɛ́ hwúe kpɔ̃ɛɛ mú hwɛ̀ jè mɔɔ se mú hwɛ̀ jè dyíɛɛ nyu nìɛ̀. Ɖɛɔ̀ hwɔìn kà ɓáɖáá-mì-ɖɔ̀ mɔɔ ɖénì-ɖɔ̀ ɓɛ́ wa nyu mú-po-ɖɔ̀ mú, mɔɔ ɓɛ́ wa nyùìn ɖɛ kà kò ɖò múɛ mɔɔ kúɖúù-kpã̀ ɓɛ́ wa nyùìn ɖɛ ɖò múɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.