Hágàì Hágàì-cèè-ɖɛ̀ɔ̀ jè kɔ̃in-zaìn-zaìn
Hágàì-cèè-ɖɛ̀ɔ̀ jè kɔ̃in-zaìn-zaìn
Hágàì-cèè-ɖɛ̀ nìà kɛ mɔ̀ wuɖu xwã́ún-xwã́ún wè sɔ̀ìn ma ɖé Bounɓoɔ̀ gbo, ɓɛ́ Hágàì mɔ̀ ma kpáá-ɖɛ̀-cɛ̃-nyɔ̀ ɖò kɛɛ cɛ̃ ma kɛ. Ɔ cɛ̃ ma ɖɛ ɓěɛ̀, ké zɔ̃ hɔ̃dɛ̀ɖɛ̀ hm̀m̌ kè kpáɖá-nyɔ zi ma hwɛ̀ ké Jízɛ̀ wóɖó ma. Ti ɓɛ́ Hágàì cɛ̃à Bounɓoɔ̀ wuɖuɔ̀ kɛɛ, púɛɛ, Éézùɖùɛ̀-nyɔ̀ ɓěɔ̀ ɖǎ ma to-xwàɖàǔn sɔ̀, ké wa ɖǎ ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú cĩ́ ɓó zɔ̃ gbɛ̀ǐ-gbɛ̀ǐ xwíníín, kɛɛ wa séè ma Gèɖèpɔ́ɔ̀ gbǒɔ̀ xwa nɔ̀mɔ̀ìn ke. Bounɓoɔ̀ cɛ̃ɛ ma nyɔ ɓěɔ̀ nàìn-nyɔ̀ ɓěɔ̀ gbo, ɓɛ́ wa ké ma ɔ gbǒɔ̀ xwa nɔ̀mɔ̀ìn ɖe. Wa dyiɛ náa nyu ní, Bounɓoɔ̀ ɖáìn ma ɔ nyɔ ɓě mɔ̀à ɔ mú-hwɛ̀-nyɔ̀ ɓěɔ̀ kɛɛ mú-wóɖó-wóɖó kè gìɖìǐ nyɛ́nɛ́ín.
Céè-ɖɛ̀ɔ̀ dà ɓě m̀ ɓɛ́ìn ɖɛ kò-kò ɓěɛ̀ dyéɛ kɛɛ kɛà kɛ̀
1. Bounɓoɔ̀ tò wuɖu ɓɛ́ wa ké ɔ gbǒɔ̀ po ɖe. 1:1-15
2. Wuɖu ɓě ɓá hwòɖǒ-dyi-dè-dè kè hwòɖǒ-po-naín jè dyíɛ. 2:1-23
Currently Selected:
Hágàì Hágàì-cèè-ɖɛ̀ɔ̀ jè kɔ̃in-zaìn-zaìn: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.