Ìfísĩ̀ɔ̀ 3
3
Kũ̀à ɓɛ́ Pɔ́ɔ̀ nyu ɓó ɓóɖó-dù kà kò ɖò ɓěɛ̀ nyɔ ɓěɔ̀ bììɛ
1Ɓó ɖɛa jèɛɛ, mɔ̄ Pɔ́ɔ̀ mɔ̀à kpɔɖɔ-ɖeín-nì-nyɔ̀ ɓó Kɛ́ɖɛ́ì Jízɛ̀ kè ɓě mɔ̀ ɓóɖó-dù kà kò ɖò ɓěɛ̀ nyɔ ɓěɔ̀ jèɛɛ, ḿ nì Gèɖèpɔ́ɔ̀ ɓaàǔn. 2Ḿ dyuòɛ̀ wáɖáá kà ɓě ɖǎa wɔ̃́ kà ɓɛ́ Gèɖèpɔ́ɔ̀ kpeɖeɛ̀-dyíin-nɔ̀mɔ̀-nɔ̀mɔ̀ɔ̀ ɖǎa nyu ké ɔ ɖǎ ḿ kũ̀à nìà kɛ gbo sè ɓó ɓě jèɛ. 3Gèɖèpɔ́ɔ̀ tɛ̀mɛ̀ìn ɖɛ vǐè ma kĩ́ín nyɛɛ ḿ dyí. Ḿ ɖǎ ɔ ɖò wè céè nɔ̄ céè-ɖɛ̀ nìà kɛ mú. 4Ɓě dyi ɖɛ ɓɛ́ ḿ ɖǎà céèɛɛ wuɖuún zàǐn, nìí, ɓě ɓɛ́ìn ɖɛ ɓě ḿ wɔ̃́ múin ɓá ɖɛ vǐè ma kĩ́ín ɓá Kɛ́ɖɛ́ì dyíɛɛ dyí dyuòɛ̀. 5Ɖé ti kĩ́ín múɛɛ, nyɔǔn se ma ɖɛ vǐè ma kĩ́ín nyɛɛ wɔ̃́, kɛɛ Gèɖèpɔ́ɔ̀ ɖǎa ɔ àpɔ́sò hwɛ̀ǐn-hwɛ̀ǐn ɓěɔ̀ kè ɔ kpáá-ɖɛ̀-cɛ̃-nyɔ̀ ɓěɔ̀ dyí tɛ̀mɛ̀ìn kàǔn dyììn ɖé Zùùɔ̀ mú. 6Ɖɛ vǐè ma kà kɛɛ, ɔ kɛ̀. Ɔ mɔ̀, dyììn ɖé bɔ̃̌ nɔ̀mɔ̀ dyíinɔ̀ múɛɛ, ɓóɖó-dù kà kò ɖò ɓěɛ̀ nyɔ ɓěɔ̀ kè Júù-nyɔ̀ ɓěɔ̀ peɖeàǐn Gèɖèpɔ́ɔ̀ mana ɓěɔ̀ mú. Wa mɔ̀ kpóɖó-dyùà dyúáɖòɔ̀ nyɔ ɓě. Wa peɖeìn ɖɛ Gèɖèpɔ́ɔ̀ ɖáìn nyɔǔn nyɛ́nɛ́ín ɖé Kɛ́ɖɛ́ì Jízɛ̀ múɛɛ mú.
7Jĩ́á-jè-ɖɛ̀ ɓɛ́ Gèɖèpɔ́ɔ̀ nyí ma ḿ wɛ̃ɛ, ɔ nyuɛ ké ḿ mɔ̀ ma bɔ̃̌ nɔ̀mɔ̀ dyíinɔ̀ kũ̀à-mú-nyùìn-nyɔ̀. Gèɖèpɔ́ɔ̀ nyí ḿ jĩ́á-jè-ɖɛ̀ nìà kɛ dyììn ɖé kũ̀à ɓɛ́ ɔ kpéɔ̀ nyuɛɛ mú. 8Nyɔ se ɖɛ kpa, ɓɛ́ ɔ nì ɖé Gèɖèpɔ́ɔ̀-nyɔ̀ séín ɓěɔ̀ hwìɛ̀ kɛɛ kpa ɖɛ ké ɔ zi mɔ́ún dyí. Kɛɛ wɛ̃́ɛ́ kɛɛ, Gèɖèpɔ́ɔ̀ nyí ḿ jĩ́á-jè-ɖɛ̀ nìà kɛ. Ɔ mɔ̀, ɓɛ́ ḿ ké bɔ̃̌ nɔ̀mɔ̀ dyíin ɓá Kɛ́ɖɛ́ì bã-ɖɛ̀ ɓě kɔ̃̀ jè seà kɔ̃in zaìn ɓɛ́ìn nyɛɛ dyíɛɛ ɓóɖó-dù kà kò ɖò ɓěɛ̀ nyɔ ɓěɔ̀ gbo cɛ̃, 9ɔ kè ɓɛ́ ḿ kéɛ nyu ɓɛ́ nyɔǔn séín ké kà Gèɖèpɔ́ɔ̀ mu ɖɛ ɔ hwòɖǒɔ̀ po ma gbɔ, ké ɔ vǐè ma kĩ́ín nyɛɛ nyuɛ nyuùn wɛ̃ɛ dyé. Gèɖèpɔ́ɔ̀ mɔ̀à ɖɛ séín mɛ-nyɔ̀ kɛɛ vǐèɛ̀ ma ɖé ti sùà ɓěɔ̀ mú. 10Ɔ nyuɛ ma náa, ɓɛ́ ɓó kàǔn wɛ̃ɛ, dyììn ɖé cɔ́cìɔ̀ múɛɛ, nyɔ-wuɖuí-kɔ̃̀-nyɔ̀ ɓěɔ̀ kè kpé ɓě nì ɖé dyɔún-pà ɓěɔ̀ múɛɛ ké Gèɖèpɔ́ɔ̀ hwòɖǒ-fɔ̀nɔ̀-fɔ̀nɔ̀ ɖò-ɖò séín ɓěɔ̀ dyí dyuò. 11Gèɖèpɔ́ɔ̀ nyu ma ɖɛa kà ɔ hwòɖǒɔ̀ poɛ zɔ̃̌ɔ̀ gbɔɛ, ké ɔ ɖǎa nyu ké ɔ ɖǎ jǎà kpá ɖé Kɛ́ɖɛ́ì Jízɛ̀ mɔ̀à à Bounɓoɔ̀ kɛɛ mú. 12Kà à nìà ɔ múɛ kè dyììn ɖé ɔ hwìɖǐǐ-taɓa-taɓa múɛɛ, à se fɛ̃̀ìn, ké à ɓéɖé kpé ɓɛ́ à ké Gèɖèpɔ́ɔ̀ dyúa dyi. 13Ɔ jèɛɛ, ḿ ɓaà ɓě, kpé ní hwɛ̀ ɓě dyí ɓó gǎ ɓě ɓɛ́ ḿ nìà dyéɛń ɓó ɓě jèɛɛ jè. Gǎ ɓěɔ̀ mɔ̀ ɓɛ́ ɓě ké dĩ́ín-dĩ̀ìn ɓéɖé.
Kɛ́ɖɛ́ì nììn ɖɛ̀ɓɛ̀ǐn-ɖɛ̀ɓɛ̀ǐnɔ̀
14Ɔ jèɛɛ, ḿ taɓa kɔ́-dù hwuɖu, ké ḿ nì ɓaàǔn ɓó Ɓǎɔ̀ dyúa. 15Ɔ mɔ̀ nyɔ kɔ̃̀ gbo xwéɖé-dù séín ɓě nì ɖé dyɔún ɔ kè nɔ̄ ɓóɖó-kpàà kɔ̃ɛɛ zà waà nyɛ́nɛ́ ɓɛ́ wa jǔàìn wa kɛ. 16Ḿ nì Gèɖèpɔ́ɔ̀ dyi dièɛ̌n, ɓɛ́ sɔ̀ìn ɖé dĩ́ín-dĩ̀ìn-ɖɛ̀ ɓě ɓɛ́ ɔ dèà dyiɛ múɛɛ, ɔ ké ɓě kpé nyí dyììn ɖé ɔ Zùùɔ̀ mú, ɓɛ́ ɔ ké ɓě hwòɖǒ kùìn, 17ɔ kè ɓɛ́ Kɛ́ɖɛ́ì ké ɔ cĩ́-naín ɖé ɓěɛ̀ hwòɖǒ-dyùàɔ̀ mú nyu dyììn ɖé hwìɖǐǐ-taɓa-taɓa mú. Ḿ nì ɔ dyi dièɛ̌n, ɓɛ́ ɓě ké gmɛ̀nɛ̀ɛ̀ kpa ɖé ɖɛ̀ɓɛ̀ǐn-ɖɛ̀ɓɛ̀ǐn mú, ɓɛ́ ɖɛ̀ɓɛ̀ǐn-ɖɛ̀ɓɛ̀ǐn ké ɓěɛ̀ hìɖì-kpà jǔ, 18ɔ kè ɓɛ́ ɓě kè Gèɖèpɔ́ɔ̀-nyɔ̀ séín ɓěɔ̀ ké kpé ɓéɖé, ɓɛ́ ɓě kéɛ múin wɔ̃́ kà Kɛ́ɖɛ́ì ɖɛ̀ɓɛ̀ǐn-ɖɛ̀ɓɛ̀ǐnɔ̀ nyu ɓɛ́ɛ kè kà ɔ nyu cɛ̃̀ɛ̀ kɛ kè kà ɔ nyu dya cɛ̃̀ɛ̀ kɛ ɔ kè kà ɔ nyu xwíníín tɔ̀mɔ̀ɔ̀ kɛ. 19Nyɔ ɖò seɛ dyí dyuòɛ̀ ɓɛ́ìn dyɛo, kɛɛ ḿ nì Gèɖèpɔ́ɔ̀ dyi dièɛ̌n, ɓɛ́ ɓě kéɛ dyí dyuò, ɓɛ́ Gèɖèpɔ́ɔ̀ ɓɛ́ ɔ hwɛ̀à gbɔ gàná cáa ké ɔ gbɔ-hwɛ̀-hwɛ̀ɔ̀ ɓě múin dyíìn.
20Gèɖèpɔ́ɔ̀ ɓɛ́ ɔ ɓéɖéà kpé, ɓɛ́ ɔ kéà ɖɛ pàɖǎ nyu, ɓɛ́ ɔ ké ɖɛ ɓɛ́ à zɔ̀à kɛ ɔ kè ɖɛ ɓɛ́ à poàìn hwìɖǐiɛɛ dyí zi vɛ̃in dyììn ɖé kpé ɓɛ́ ɔ nìà à mú kũ̀à nyuɛń nyɛ múɛɛ, 21ɔ mɛ ɓéɖé ɓàìn-ɓàìn ɖé cɔ́cìɔ̀ kè ɖé Kɛ́ɖɛ́ì Jízɛ̀ mú, ɖé ti séín xwíníín kánáá pū. Kǎà ɔ mɛ nì.
Currently Selected:
Ìfísĩ̀ɔ̀ 3: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Ìfísĩ̀ɔ̀ 3
3
Kũ̀à ɓɛ́ Pɔ́ɔ̀ nyu ɓó ɓóɖó-dù kà kò ɖò ɓěɛ̀ nyɔ ɓěɔ̀ bììɛ
1Ɓó ɖɛa jèɛɛ, mɔ̄ Pɔ́ɔ̀ mɔ̀à kpɔɖɔ-ɖeín-nì-nyɔ̀ ɓó Kɛ́ɖɛ́ì Jízɛ̀ kè ɓě mɔ̀ ɓóɖó-dù kà kò ɖò ɓěɛ̀ nyɔ ɓěɔ̀ jèɛɛ, ḿ nì Gèɖèpɔ́ɔ̀ ɓaàǔn. 2Ḿ dyuòɛ̀ wáɖáá kà ɓě ɖǎa wɔ̃́ kà ɓɛ́ Gèɖèpɔ́ɔ̀ kpeɖeɛ̀-dyíin-nɔ̀mɔ̀-nɔ̀mɔ̀ɔ̀ ɖǎa nyu ké ɔ ɖǎ ḿ kũ̀à nìà kɛ gbo sè ɓó ɓě jèɛ. 3Gèɖèpɔ́ɔ̀ tɛ̀mɛ̀ìn ɖɛ vǐè ma kĩ́ín nyɛɛ ḿ dyí. Ḿ ɖǎ ɔ ɖò wè céè nɔ̄ céè-ɖɛ̀ nìà kɛ mú. 4Ɓě dyi ɖɛ ɓɛ́ ḿ ɖǎà céèɛɛ wuɖuún zàǐn, nìí, ɓě ɓɛ́ìn ɖɛ ɓě ḿ wɔ̃́ múin ɓá ɖɛ vǐè ma kĩ́ín ɓá Kɛ́ɖɛ́ì dyíɛɛ dyí dyuòɛ̀. 5Ɖé ti kĩ́ín múɛɛ, nyɔǔn se ma ɖɛ vǐè ma kĩ́ín nyɛɛ wɔ̃́, kɛɛ Gèɖèpɔ́ɔ̀ ɖǎa ɔ àpɔ́sò hwɛ̀ǐn-hwɛ̀ǐn ɓěɔ̀ kè ɔ kpáá-ɖɛ̀-cɛ̃-nyɔ̀ ɓěɔ̀ dyí tɛ̀mɛ̀ìn kàǔn dyììn ɖé Zùùɔ̀ mú. 6Ɖɛ vǐè ma kà kɛɛ, ɔ kɛ̀. Ɔ mɔ̀, dyììn ɖé bɔ̃̌ nɔ̀mɔ̀ dyíinɔ̀ múɛɛ, ɓóɖó-dù kà kò ɖò ɓěɛ̀ nyɔ ɓěɔ̀ kè Júù-nyɔ̀ ɓěɔ̀ peɖeàǐn Gèɖèpɔ́ɔ̀ mana ɓěɔ̀ mú. Wa mɔ̀ kpóɖó-dyùà dyúáɖòɔ̀ nyɔ ɓě. Wa peɖeìn ɖɛ Gèɖèpɔ́ɔ̀ ɖáìn nyɔǔn nyɛ́nɛ́ín ɖé Kɛ́ɖɛ́ì Jízɛ̀ múɛɛ mú.
7Jĩ́á-jè-ɖɛ̀ ɓɛ́ Gèɖèpɔ́ɔ̀ nyí ma ḿ wɛ̃ɛ, ɔ nyuɛ ké ḿ mɔ̀ ma bɔ̃̌ nɔ̀mɔ̀ dyíinɔ̀ kũ̀à-mú-nyùìn-nyɔ̀. Gèɖèpɔ́ɔ̀ nyí ḿ jĩ́á-jè-ɖɛ̀ nìà kɛ dyììn ɖé kũ̀à ɓɛ́ ɔ kpéɔ̀ nyuɛɛ mú. 8Nyɔ se ɖɛ kpa, ɓɛ́ ɔ nì ɖé Gèɖèpɔ́ɔ̀-nyɔ̀ séín ɓěɔ̀ hwìɛ̀ kɛɛ kpa ɖɛ ké ɔ zi mɔ́ún dyí. Kɛɛ wɛ̃́ɛ́ kɛɛ, Gèɖèpɔ́ɔ̀ nyí ḿ jĩ́á-jè-ɖɛ̀ nìà kɛ. Ɔ mɔ̀, ɓɛ́ ḿ ké bɔ̃̌ nɔ̀mɔ̀ dyíin ɓá Kɛ́ɖɛ́ì bã-ɖɛ̀ ɓě kɔ̃̀ jè seà kɔ̃in zaìn ɓɛ́ìn nyɛɛ dyíɛɛ ɓóɖó-dù kà kò ɖò ɓěɛ̀ nyɔ ɓěɔ̀ gbo cɛ̃, 9ɔ kè ɓɛ́ ḿ kéɛ nyu ɓɛ́ nyɔǔn séín ké kà Gèɖèpɔ́ɔ̀ mu ɖɛ ɔ hwòɖǒɔ̀ po ma gbɔ, ké ɔ vǐè ma kĩ́ín nyɛɛ nyuɛ nyuùn wɛ̃ɛ dyé. Gèɖèpɔ́ɔ̀ mɔ̀à ɖɛ séín mɛ-nyɔ̀ kɛɛ vǐèɛ̀ ma ɖé ti sùà ɓěɔ̀ mú. 10Ɔ nyuɛ ma náa, ɓɛ́ ɓó kàǔn wɛ̃ɛ, dyììn ɖé cɔ́cìɔ̀ múɛɛ, nyɔ-wuɖuí-kɔ̃̀-nyɔ̀ ɓěɔ̀ kè kpé ɓě nì ɖé dyɔún-pà ɓěɔ̀ múɛɛ ké Gèɖèpɔ́ɔ̀ hwòɖǒ-fɔ̀nɔ̀-fɔ̀nɔ̀ ɖò-ɖò séín ɓěɔ̀ dyí dyuò. 11Gèɖèpɔ́ɔ̀ nyu ma ɖɛa kà ɔ hwòɖǒɔ̀ poɛ zɔ̃̌ɔ̀ gbɔɛ, ké ɔ ɖǎa nyu ké ɔ ɖǎ jǎà kpá ɖé Kɛ́ɖɛ́ì Jízɛ̀ mɔ̀à à Bounɓoɔ̀ kɛɛ mú. 12Kà à nìà ɔ múɛ kè dyììn ɖé ɔ hwìɖǐǐ-taɓa-taɓa múɛɛ, à se fɛ̃̀ìn, ké à ɓéɖé kpé ɓɛ́ à ké Gèɖèpɔ́ɔ̀ dyúa dyi. 13Ɔ jèɛɛ, ḿ ɓaà ɓě, kpé ní hwɛ̀ ɓě dyí ɓó gǎ ɓě ɓɛ́ ḿ nìà dyéɛń ɓó ɓě jèɛɛ jè. Gǎ ɓěɔ̀ mɔ̀ ɓɛ́ ɓě ké dĩ́ín-dĩ̀ìn ɓéɖé.
Kɛ́ɖɛ́ì nììn ɖɛ̀ɓɛ̀ǐn-ɖɛ̀ɓɛ̀ǐnɔ̀
14Ɔ jèɛɛ, ḿ taɓa kɔ́-dù hwuɖu, ké ḿ nì ɓaàǔn ɓó Ɓǎɔ̀ dyúa. 15Ɔ mɔ̀ nyɔ kɔ̃̀ gbo xwéɖé-dù séín ɓě nì ɖé dyɔún ɔ kè nɔ̄ ɓóɖó-kpàà kɔ̃ɛɛ zà waà nyɛ́nɛ́ ɓɛ́ wa jǔàìn wa kɛ. 16Ḿ nì Gèɖèpɔ́ɔ̀ dyi dièɛ̌n, ɓɛ́ sɔ̀ìn ɖé dĩ́ín-dĩ̀ìn-ɖɛ̀ ɓě ɓɛ́ ɔ dèà dyiɛ múɛɛ, ɔ ké ɓě kpé nyí dyììn ɖé ɔ Zùùɔ̀ mú, ɓɛ́ ɔ ké ɓě hwòɖǒ kùìn, 17ɔ kè ɓɛ́ Kɛ́ɖɛ́ì ké ɔ cĩ́-naín ɖé ɓěɛ̀ hwòɖǒ-dyùàɔ̀ mú nyu dyììn ɖé hwìɖǐǐ-taɓa-taɓa mú. Ḿ nì ɔ dyi dièɛ̌n, ɓɛ́ ɓě ké gmɛ̀nɛ̀ɛ̀ kpa ɖé ɖɛ̀ɓɛ̀ǐn-ɖɛ̀ɓɛ̀ǐn mú, ɓɛ́ ɖɛ̀ɓɛ̀ǐn-ɖɛ̀ɓɛ̀ǐn ké ɓěɛ̀ hìɖì-kpà jǔ, 18ɔ kè ɓɛ́ ɓě kè Gèɖèpɔ́ɔ̀-nyɔ̀ séín ɓěɔ̀ ké kpé ɓéɖé, ɓɛ́ ɓě kéɛ múin wɔ̃́ kà Kɛ́ɖɛ́ì ɖɛ̀ɓɛ̀ǐn-ɖɛ̀ɓɛ̀ǐnɔ̀ nyu ɓɛ́ɛ kè kà ɔ nyu cɛ̃̀ɛ̀ kɛ kè kà ɔ nyu dya cɛ̃̀ɛ̀ kɛ ɔ kè kà ɔ nyu xwíníín tɔ̀mɔ̀ɔ̀ kɛ. 19Nyɔ ɖò seɛ dyí dyuòɛ̀ ɓɛ́ìn dyɛo, kɛɛ ḿ nì Gèɖèpɔ́ɔ̀ dyi dièɛ̌n, ɓɛ́ ɓě kéɛ dyí dyuò, ɓɛ́ Gèɖèpɔ́ɔ̀ ɓɛ́ ɔ hwɛ̀à gbɔ gàná cáa ké ɔ gbɔ-hwɛ̀-hwɛ̀ɔ̀ ɓě múin dyíìn.
20Gèɖèpɔ́ɔ̀ ɓɛ́ ɔ ɓéɖéà kpé, ɓɛ́ ɔ kéà ɖɛ pàɖǎ nyu, ɓɛ́ ɔ ké ɖɛ ɓɛ́ à zɔ̀à kɛ ɔ kè ɖɛ ɓɛ́ à poàìn hwìɖǐiɛɛ dyí zi vɛ̃in dyììn ɖé kpé ɓɛ́ ɔ nìà à mú kũ̀à nyuɛń nyɛ múɛɛ, 21ɔ mɛ ɓéɖé ɓàìn-ɓàìn ɖé cɔ́cìɔ̀ kè ɖé Kɛ́ɖɛ́ì Jízɛ̀ mú, ɖé ti séín xwíníín kánáá pū. Kǎà ɔ mɛ nì.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.