Ìfísĩ̀ɔ̀ 2
2
À sɔ̀ gĩɔ mú ké à mu fɛ̀ɛ̀ mú
1Ɖé ti kĩ́ín-kĩ́ín múɛɛ, ɓě se ma fɛ̀ɛ̀ ɓéɖé ɓó ɓěɛ̀ ɖɛ gbà ɓěɔ̀ kè ɓěɛ̀ nàmàǔn ɓěɔ̀ jè. 2Ɓó tia ɓaɖaa, ɓě kpa ma ɓóɖó-kpàà kpeɖe-gbà-nyu-hwìèɔ̀. Ɓě nyu ma zùù gbà ɓě nìà à ɖeiɛɛ wuɖuí-kɔ̃̀-nyɔ̀ɔ̀ mɔ́ɔ́-ɖɛ̀. Ɔ mɔ̀ zùù gbà ɓɛ́ ɔ nyuà kũ̀à ɖé nyɔ ɓě seà Gèɖèpɔ́ɔ̀ wuɖu nyuɛɛ múɛ̀. 3À mɔ̀ùn mɔ̀ ma wa ɖò ɖekè. À cĩ́, ké à nyu à mìɔùn nììn mɔ́ɔ́-ɖɛ̀. À nyu ma ɖɛ ɓě kɔ̃̀ tó nyu ma kà à kɛ. À nì ma kà nyɔ tɔ̀ɔ̀ séín ɓě ɓɛ́ Gèɖèpɔ́ɔ̀ dyoɖoɔ̀ muà kɔ̃ dyiìn nyɛɛ nìà kɛ.
4Kɛɛ Gèɖèpɔ́ɔ̀ wììɔ̀ zi dyí ɓúáuń mìɔ, ké ɖɛ̀ɓɛ̀ǐn-ɖɛ̀ɓɛ̀ǐn ɓɛ́ ɔ ɓéɖé à bììɛɛ zi dyí vòɛ̌n jèɛɛ, 5ti ɓɛ́ à se ma fɛ̀ɛ̀ ɖò ɓéɖé ɖé à ɖɛ gbà ɓěɔ̀ múɛɛ, ɔ zà ma à kè Kɛ́ɖɛ́ì gĩɔ. Gèɖèpɔ́ɔ̀ kpeɖeɛ̀-dyíin-nɔ̀mɔ̀-nɔ̀mɔ̀ɔ̀ mɔ̀ nyɔ nyuà ké ɓě póà kɛ̀. 6Ɔ sɔ̀ìn ma à kè Kɛ́ɖɛ́ì Jízɛ̀ dyí, ké ɔ ɖǎa nyu ké à kè ɔ ɖǎ wuɖuí-kɔ̃̀-nyɔ̀ jǔ ɖé dyɔún-pà ɓěɔ̀ mú. 7Ɔ nyu ma ɖɛa, ɓɛ́ ɔ kéɛ nyɔǔn dyí tɛ̀mɛ̀ìn ɖé ti ɓě muà dyiìn nyɛɛ mú, kà ɓɛ́ ɔ kpeɖeɛ̀-dyíin-nɔ̀mɔ̀-nɔ̀mɔ̀ɔ̀ zi kpé wɔ̃ ɓúáuń mìɔ, ké ɔ se kɔ̃in zaìn ɓɛ́ìn nyɛ, dyììn ɖé ɔ hwòɖǒ-kɔ̃in-nɔ̀mɔ̀-nɔ̀mɔ̀ ɓɛ́ ɔ ɓéɖéà à bìì ɖé Kɛ́ɖɛ́ì Jízɛ̀ múɛɛ mú. 8Sepóɛɖé Gèɖèpɔ́ɔ̀ kpeɖeɛ̀-dyíin-nɔ̀mɔ̀-nɔ̀mɔ̀ɔ̀ nyuà ké ɓě póà dyììn ɖé hwìɖǐǐ-taɓa-taɓa múɛ̀. Ɔ se ɓě mìɔùn nììn nyuu-ɖɛ̀, kɛɛ ɔ mɔ̀ Gèɖèpɔ́ɔ̀ jĩ́á-jè-ɖɛ̀. 9Ɔ se kũ̀à ɓě ɖǎ nyuɛɛ pɛ́ɛ̀-ɖɛ̀, ɓɛ́ nyɔ ɖò ní kɔ̃̀ ɖà ɓɔ́ɖɔ́. 10À mɔ̀ Gèɖèpɔ́ɔ̀ sɔ̃ɔ̀ mɛɛ-ɖɛ̀ ɓě. Ɔ mɛ à ɖé Kɛ́ɖɛ́ì Jízɛ̀ mú, ɓɛ́ à ké kũ̀à nɔ̀mɔ̀ dyíin nyu tee. Gèɖèpɔ́ɔ̀ dyéìn ma kũ̀à ɓěɔ̀ ti hwɛ̀ ké ɓóɖó-kpàà dè ma gbɔ, ɓɛ́ à ké cĩ́, ɓɛ́ à ké wa nyu.
À mɔ̀ nyɔ dyúáɖò ɖé Kɛ́ɖɛ́ì mú
11Ɓě mɔ̀ ɓóɖó-dù kà kò ɖò ɓěɛ̀ nyɔ ɓěɛɛ, Júù-nyɔ̀ ɓěɔ̀ ɖáìn ɓě nyɔ ɓě se sàà mɛ́ɛ. Ɖɛ nìà kɛ mɔ̀ ɖɛ ɓě ɓɛ́ nyɔǔn nyùìn ku kɔ̃in nyɛɛ bìì ɖòùn pū. Ɓě mɔ̀ ɓóɖó-dù kà kò ɖò ɓěɛ̀ nyɔ ɓěɛɛ, kà ɓě nyu ma nìɛ̀ kĩ́ín nyɛɛ, ɔ mɛ nì ɓě hwìɖǐi. 12Ɓó tia ɓaɖaa, ɓě kè Kɛ́ɖɛ́ì se ma nyɔ dyúáɖò. Ɓě se ma Éézùɖùɛ̀-nyɔ̀ ɓěɔ̀ ɖò. Ɓě mɔ̀ ma ɖíà. Ɓě se ma dèè-wùɖù ɓě ɓɛ́ Gèɖèpɔ́ɔ̀ nyɛ́nɛ́ín-ɖáìn-ɖɛ̀ ɓěɔ̀ nì ma kà múɛɛ gbo kpé ɖò ɓéɖé. Ɓě cĩ́ ma dà ɓóɖó-kpàà kɔ̃, ké ɓě se ma ɖɛ ɓě ké ma hwòɖǒ kɔ̃ dèɛɛ ɖò ɓéɖé. Ɓě se ma Gèɖèpɔ́ɔ̀ dyí dyuò. 13Kɛɛ kàǔn wɛ̃ɛ, kà ɓě nìà ɖé Kɛ́ɖɛ́ì Jízɛ̀ múɛɛ, ɓě mɔ̀ nyɔ tɔmɔìn ma kà Kɛ́ɖɛ́ì bũ̌in nyɛɛ, ɔ nyɔmɔɔ̀ ɖǎa nyu ké ɓě ɖǎ dyi xwɛ̃́ìn, 14sepóɛɖé Kɛ́ɖɛ́ì mìɔùn dyà à gìɖìǐ. Ɔ ɖǎa nyu ké Júù-nyɔ̀ ɓěɔ̀ kè ɓóɖó-dù kà kò ɖò ɓěɛ̀ nyɔ ɓěɔ̀ mɔ̀ǎ nyɔ dyúáɖò. Ɔ mìɔùn nììn kpóɖó-dyùàɔ̀ nyuɛ ké mú-nyɛ́ìn-nyɛ́ìn ɓɛ́ ɔ nì ma kà gmɔ nìà kɛɛ, ɓɛ́ ɔ nyuɛ ké wa zaìn ma kà gboɛɛ nyìnììn ma dyíin. 15Ɔ ɖǎ gma ɓɛ́ ɔ cɛ̃ ɖɛ ɓě ɓɛ́ nyɔǔn ké dyi kpɔ̃ɛɛ jè dyi zĩ̀ìn, ɓɛ́ sɔ̀ìn nyɔ-dù sɔ̃́ ɓěɛ̀ múɛɛ, ɔ ké wa nyɔ-dù dyúáɖò mú nyu ɖé ɔ mìɔùn mú. Kà ɔ mu kǎà gìɖìǐ nyuùn. 16Dyììn ɖé Kɛ́ɖɛ́ì kɔ́ɖɔ́sìɔ̀ kɔ̃ mɛ́ìn-mɛ́ìn múɛɛ, ɔ zĩ̀ìn ma mú-nyɛ́ìn-nyɛ́ìnɔ̀ dyi. Dyììn ɖé kɔ́ɖɔ́sìɔ̀ múɛɛ, ɔ nyuɛ ké nyɔ-dù sɔ̃́ ɓěɔ̀ mɔ̀ ma nyɔ dyúáɖò, ké ɔ zà ma bĩ̀ǎ ɓɛ́ ɔ nì ma kà wa kè Gèɖèpɔ́ɔ̀ pṹa kɛ. 17Ké Kɛ́ɖɛ́ì dyi ma, ké ɔ cɛ̃ ma bɔ̃̌ nɔ̀mɔ̀ dyíin ɓá gìɖìǐ jè dyíɛɛ ɓě mɔ̀ nyɔ ɓě tɔ̀mɔ̀ ma gboɛ kè nyɔ ɓě xwɛ̃́ìn ma dyiɛɛ gbo. 18Ɖé Kɛ́ɖɛ́ì múɛɛ, ɓěà nyɔ-dù sɔ̃́ɔ̀ ɖǎ kpé ɓɛ́ìn ɓɛ́ ɓěà ké ɖé Ɓǎɔ̀ dyúa dyi ɖé Zùù dyúáɖòɔ̀ mú.
19Ɔ jèɛɛ, ɓě se ɖíà ɖò ɖé ɓóɖó kà kò ɖò kɔ̃ ɖe. Ɓě mɔ̀ Gèɖèpɔ́ɔ̀-nyɔ̀ ɓěɔ̀ mǔè ɓóɖó-dyù ɓě. Ɓě mɔ̀ Gèɖèpɔ́ɔ̀ nyɔ ɓěɔ̀ ɖò. 20Ɔ nì kà ɓɛ́ wa ɖǎà ɓě hìɖì-kpà ɓɛ́ àpɔ́sò ɓěɔ̀ kè kpáá-ɖɛ̀-cɛ̃-nyɔ̀ ɓěɔ̀ ɖǎ ma kà dèɛɛ kɔ̃ poɛ. Kɛ́ɖɛ́ì Jízɛ̀ mìɔùn mɔ̀ gbǒɔ̀ gãún-sɔ̀ɔ̌-kpò. 21Ɔ mɔ̀ nyɔ deàìn à dyíɛ̀. Ké ɔ nìɛ̀ nyuɛń ɓɛ́ gbǒɔ̀ po-poɔ̀ ké dyi ku, ɓɛ́ ɔ ké gbǒ hwɛ̀ǐn-hwɛ̀ǐn jǔ ɖé Bounɓoɔ̀ mú. 22Kà ɓě nìà ɔ múɛɛ, ɔ nì kà wa nì ɓě kè nyɔ tɔ̀ɔ̀ ɓěɔ̀ poɛń, ɓɛ́ ɓě kéɔ́ kà gbǒ ɓɛ́ Gèɖèpɔ́ɔ̀ cĩ́ mú dyììn ɖé ɔ Zùùɔ̀ múɛɛ jǔɛ.
Currently Selected:
Ìfísĩ̀ɔ̀ 2: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Ìfísĩ̀ɔ̀ 2
2
À sɔ̀ gĩɔ mú ké à mu fɛ̀ɛ̀ mú
1Ɖé ti kĩ́ín-kĩ́ín múɛɛ, ɓě se ma fɛ̀ɛ̀ ɓéɖé ɓó ɓěɛ̀ ɖɛ gbà ɓěɔ̀ kè ɓěɛ̀ nàmàǔn ɓěɔ̀ jè. 2Ɓó tia ɓaɖaa, ɓě kpa ma ɓóɖó-kpàà kpeɖe-gbà-nyu-hwìèɔ̀. Ɓě nyu ma zùù gbà ɓě nìà à ɖeiɛɛ wuɖuí-kɔ̃̀-nyɔ̀ɔ̀ mɔ́ɔ́-ɖɛ̀. Ɔ mɔ̀ zùù gbà ɓɛ́ ɔ nyuà kũ̀à ɖé nyɔ ɓě seà Gèɖèpɔ́ɔ̀ wuɖu nyuɛɛ múɛ̀. 3À mɔ̀ùn mɔ̀ ma wa ɖò ɖekè. À cĩ́, ké à nyu à mìɔùn nììn mɔ́ɔ́-ɖɛ̀. À nyu ma ɖɛ ɓě kɔ̃̀ tó nyu ma kà à kɛ. À nì ma kà nyɔ tɔ̀ɔ̀ séín ɓě ɓɛ́ Gèɖèpɔ́ɔ̀ dyoɖoɔ̀ muà kɔ̃ dyiìn nyɛɛ nìà kɛ.
4Kɛɛ Gèɖèpɔ́ɔ̀ wììɔ̀ zi dyí ɓúáuń mìɔ, ké ɖɛ̀ɓɛ̀ǐn-ɖɛ̀ɓɛ̀ǐn ɓɛ́ ɔ ɓéɖé à bììɛɛ zi dyí vòɛ̌n jèɛɛ, 5ti ɓɛ́ à se ma fɛ̀ɛ̀ ɖò ɓéɖé ɖé à ɖɛ gbà ɓěɔ̀ múɛɛ, ɔ zà ma à kè Kɛ́ɖɛ́ì gĩɔ. Gèɖèpɔ́ɔ̀ kpeɖeɛ̀-dyíin-nɔ̀mɔ̀-nɔ̀mɔ̀ɔ̀ mɔ̀ nyɔ nyuà ké ɓě póà kɛ̀. 6Ɔ sɔ̀ìn ma à kè Kɛ́ɖɛ́ì Jízɛ̀ dyí, ké ɔ ɖǎa nyu ké à kè ɔ ɖǎ wuɖuí-kɔ̃̀-nyɔ̀ jǔ ɖé dyɔún-pà ɓěɔ̀ mú. 7Ɔ nyu ma ɖɛa, ɓɛ́ ɔ kéɛ nyɔǔn dyí tɛ̀mɛ̀ìn ɖé ti ɓě muà dyiìn nyɛɛ mú, kà ɓɛ́ ɔ kpeɖeɛ̀-dyíin-nɔ̀mɔ̀-nɔ̀mɔ̀ɔ̀ zi kpé wɔ̃ ɓúáuń mìɔ, ké ɔ se kɔ̃in zaìn ɓɛ́ìn nyɛ, dyììn ɖé ɔ hwòɖǒ-kɔ̃in-nɔ̀mɔ̀-nɔ̀mɔ̀ ɓɛ́ ɔ ɓéɖéà à bìì ɖé Kɛ́ɖɛ́ì Jízɛ̀ múɛɛ mú. 8Sepóɛɖé Gèɖèpɔ́ɔ̀ kpeɖeɛ̀-dyíin-nɔ̀mɔ̀-nɔ̀mɔ̀ɔ̀ nyuà ké ɓě póà dyììn ɖé hwìɖǐǐ-taɓa-taɓa múɛ̀. Ɔ se ɓě mìɔùn nììn nyuu-ɖɛ̀, kɛɛ ɔ mɔ̀ Gèɖèpɔ́ɔ̀ jĩ́á-jè-ɖɛ̀. 9Ɔ se kũ̀à ɓě ɖǎ nyuɛɛ pɛ́ɛ̀-ɖɛ̀, ɓɛ́ nyɔ ɖò ní kɔ̃̀ ɖà ɓɔ́ɖɔ́. 10À mɔ̀ Gèɖèpɔ́ɔ̀ sɔ̃ɔ̀ mɛɛ-ɖɛ̀ ɓě. Ɔ mɛ à ɖé Kɛ́ɖɛ́ì Jízɛ̀ mú, ɓɛ́ à ké kũ̀à nɔ̀mɔ̀ dyíin nyu tee. Gèɖèpɔ́ɔ̀ dyéìn ma kũ̀à ɓěɔ̀ ti hwɛ̀ ké ɓóɖó-kpàà dè ma gbɔ, ɓɛ́ à ké cĩ́, ɓɛ́ à ké wa nyu.
À mɔ̀ nyɔ dyúáɖò ɖé Kɛ́ɖɛ́ì mú
11Ɓě mɔ̀ ɓóɖó-dù kà kò ɖò ɓěɛ̀ nyɔ ɓěɛɛ, Júù-nyɔ̀ ɓěɔ̀ ɖáìn ɓě nyɔ ɓě se sàà mɛ́ɛ. Ɖɛ nìà kɛ mɔ̀ ɖɛ ɓě ɓɛ́ nyɔǔn nyùìn ku kɔ̃in nyɛɛ bìì ɖòùn pū. Ɓě mɔ̀ ɓóɖó-dù kà kò ɖò ɓěɛ̀ nyɔ ɓěɛɛ, kà ɓě nyu ma nìɛ̀ kĩ́ín nyɛɛ, ɔ mɛ nì ɓě hwìɖǐi. 12Ɓó tia ɓaɖaa, ɓě kè Kɛ́ɖɛ́ì se ma nyɔ dyúáɖò. Ɓě se ma Éézùɖùɛ̀-nyɔ̀ ɓěɔ̀ ɖò. Ɓě mɔ̀ ma ɖíà. Ɓě se ma dèè-wùɖù ɓě ɓɛ́ Gèɖèpɔ́ɔ̀ nyɛ́nɛ́ín-ɖáìn-ɖɛ̀ ɓěɔ̀ nì ma kà múɛɛ gbo kpé ɖò ɓéɖé. Ɓě cĩ́ ma dà ɓóɖó-kpàà kɔ̃, ké ɓě se ma ɖɛ ɓě ké ma hwòɖǒ kɔ̃ dèɛɛ ɖò ɓéɖé. Ɓě se ma Gèɖèpɔ́ɔ̀ dyí dyuò. 13Kɛɛ kàǔn wɛ̃ɛ, kà ɓě nìà ɖé Kɛ́ɖɛ́ì Jízɛ̀ múɛɛ, ɓě mɔ̀ nyɔ tɔmɔìn ma kà Kɛ́ɖɛ́ì bũ̌in nyɛɛ, ɔ nyɔmɔɔ̀ ɖǎa nyu ké ɓě ɖǎ dyi xwɛ̃́ìn, 14sepóɛɖé Kɛ́ɖɛ́ì mìɔùn dyà à gìɖìǐ. Ɔ ɖǎa nyu ké Júù-nyɔ̀ ɓěɔ̀ kè ɓóɖó-dù kà kò ɖò ɓěɛ̀ nyɔ ɓěɔ̀ mɔ̀ǎ nyɔ dyúáɖò. Ɔ mìɔùn nììn kpóɖó-dyùàɔ̀ nyuɛ ké mú-nyɛ́ìn-nyɛ́ìn ɓɛ́ ɔ nì ma kà gmɔ nìà kɛɛ, ɓɛ́ ɔ nyuɛ ké wa zaìn ma kà gboɛɛ nyìnììn ma dyíin. 15Ɔ ɖǎ gma ɓɛ́ ɔ cɛ̃ ɖɛ ɓě ɓɛ́ nyɔǔn ké dyi kpɔ̃ɛɛ jè dyi zĩ̀ìn, ɓɛ́ sɔ̀ìn nyɔ-dù sɔ̃́ ɓěɛ̀ múɛɛ, ɔ ké wa nyɔ-dù dyúáɖò mú nyu ɖé ɔ mìɔùn mú. Kà ɔ mu kǎà gìɖìǐ nyuùn. 16Dyììn ɖé Kɛ́ɖɛ́ì kɔ́ɖɔ́sìɔ̀ kɔ̃ mɛ́ìn-mɛ́ìn múɛɛ, ɔ zĩ̀ìn ma mú-nyɛ́ìn-nyɛ́ìnɔ̀ dyi. Dyììn ɖé kɔ́ɖɔ́sìɔ̀ múɛɛ, ɔ nyuɛ ké nyɔ-dù sɔ̃́ ɓěɔ̀ mɔ̀ ma nyɔ dyúáɖò, ké ɔ zà ma bĩ̀ǎ ɓɛ́ ɔ nì ma kà wa kè Gèɖèpɔ́ɔ̀ pṹa kɛ. 17Ké Kɛ́ɖɛ́ì dyi ma, ké ɔ cɛ̃ ma bɔ̃̌ nɔ̀mɔ̀ dyíin ɓá gìɖìǐ jè dyíɛɛ ɓě mɔ̀ nyɔ ɓě tɔ̀mɔ̀ ma gboɛ kè nyɔ ɓě xwɛ̃́ìn ma dyiɛɛ gbo. 18Ɖé Kɛ́ɖɛ́ì múɛɛ, ɓěà nyɔ-dù sɔ̃́ɔ̀ ɖǎ kpé ɓɛ́ìn ɓɛ́ ɓěà ké ɖé Ɓǎɔ̀ dyúa dyi ɖé Zùù dyúáɖòɔ̀ mú.
19Ɔ jèɛɛ, ɓě se ɖíà ɖò ɖé ɓóɖó kà kò ɖò kɔ̃ ɖe. Ɓě mɔ̀ Gèɖèpɔ́ɔ̀-nyɔ̀ ɓěɔ̀ mǔè ɓóɖó-dyù ɓě. Ɓě mɔ̀ Gèɖèpɔ́ɔ̀ nyɔ ɓěɔ̀ ɖò. 20Ɔ nì kà ɓɛ́ wa ɖǎà ɓě hìɖì-kpà ɓɛ́ àpɔ́sò ɓěɔ̀ kè kpáá-ɖɛ̀-cɛ̃-nyɔ̀ ɓěɔ̀ ɖǎ ma kà dèɛɛ kɔ̃ poɛ. Kɛ́ɖɛ́ì Jízɛ̀ mìɔùn mɔ̀ gbǒɔ̀ gãún-sɔ̀ɔ̌-kpò. 21Ɔ mɔ̀ nyɔ deàìn à dyíɛ̀. Ké ɔ nìɛ̀ nyuɛń ɓɛ́ gbǒɔ̀ po-poɔ̀ ké dyi ku, ɓɛ́ ɔ ké gbǒ hwɛ̀ǐn-hwɛ̀ǐn jǔ ɖé Bounɓoɔ̀ mú. 22Kà ɓě nìà ɔ múɛɛ, ɔ nì kà wa nì ɓě kè nyɔ tɔ̀ɔ̀ ɓěɔ̀ poɛń, ɓɛ́ ɓě kéɔ́ kà gbǒ ɓɛ́ Gèɖèpɔ́ɔ̀ cĩ́ mú dyììn ɖé ɔ Zùùɔ̀ múɛɛ jǔɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.