1 Kɔ̀ɖéíntĩ̀ɔ̀ 2
2
Bɔ̃̌ ɓá Kɛ́ɖɛ́ì ɓɛ́ wa kɔ̀ìn ma kà kɔ́ɖɔ́sìɔ̀ kɔ̃in nyɛɛ jè dyíɛ
1Ɔ jèɛɛ, ḿ ɖíí ɓě, ti ɓɛ́ ḿ dyi ma ɓě gboɛɛ, ḿ po ma zàse ɓá Gèɖèpɔ́ɔ̀ dyíɛɛ jè zio ɓó ɓě gbo, kɛɛ ḿ seɛ ma wuɖu zi kɔ̃in nɔ̀mɔ̀ǔn ɔ kè hwòɖǒ-fɔ̀nɔ̀-fɔ̀nɔ̀ mú cɛ̃̀ìn. 2Ḿ poɛ ma gbɔ kà ti ɓɛ́ ḿ nì ma ɖé ɓě gboɛɛ, ḿ se ma ɖɛ kà kò ɖò dyí dyuòɛ̀ mɔ́, ɔ sèìn ma Jízɛ̀ Kɛ́ɖɛ́ì kè ɔ kɔ́ɖɔ́sìɔ̀ kɔ̃in kɔ̀ìn jè ɖòùn wɛ̃. 3Ti ḿ dyi ma ɖé ɓě gboɛɛ, kpé hwɛ̀ ma ḿ dyí. Ḿ fɛ̃̀ìn ma, ké ḿ tɛɖɛ ma mìɔ. 4Ti ḿ nì ma wùɖùɛ̌n, ké ti ḿ nì ma zio poɛń nyɛɛ, ḿ se ma nyɔǔn hwòɖǒ-fɔ̀nɔ̀-wùɖù mú cáìn. Kɛɛ Zùùɔ̀ kpéɔ̀ mɔ̀ nyɔ zàà mú kà ɖɛ ḿ nì ma kà cɛ̃iń nyɛɛ mɔ̀ ma jǎà kɛ. 5Gèɖèpɔ́ɔ̀ nyuɛ náa ɓɛ́ ɓěɛ̀ hwìɖǐǐ-taɓa-taɓaɔ̀ ké se nyɔǔn-dyùɛ̀ hwòɖǒ-fɔ̀nɔ̀-fɔ̀nɔ̀ɔ̀ hwòɖǒ kɔ̃ dè, kɛɛ ɓɛ́ ɔ ké Gèɖèpɔ́ɔ̀ kpéɔ̀ hwòɖǒ kɔ̃ dè.
Gèɖèpɔ́ɔ̀ fɔ̀nɔ̀-hwòɖǒɔ̀
6Kɛɛ à cɛ̃ hwòɖǒ-fɔ̀nɔ̀-ɖɛ̀ ɖé nyɔ ɓě ɓɛ́ wa ɖǎà Kɛ́ɖɛ́ì ɖeín-nà-nà mú ɖɛ hwɛ̀ kɛɛ hwìɛ̀. Ɔ se ɓóɖó-kpàà nììn hwòɖǒ-fɔ̀nɔ̀-ɖɛ̀, ké ɔ se ɔ wuɖuí-kɔ̃̀-nyɔ̀ ɓěɔ̀ nììn hwòɖǒ-fɔ̀nɔ̀-ɖɛ̀. Wa nììn jè nìǎ dyi ziɛń. 7Kɛɛ ɖɛ à cɛ̃ kɛɛ mɔ̀ Gèɖèpɔ́ɔ̀ nììn hwòɖǒ-fɔ̀nɔ̀-ɖɛ̀ ɓɛ́ ɔ vǐè ma kà kĩ́ín nyɛ. Ɔ mɔ̀ hwòɖǒ-fɔ̀nɔ̀-ɖɛ̀ ɓɛ́ ɔ gàìn ma, ɓɛ́ Gèɖèpɔ́ɔ̀ ɖǎǒ zɔ̃̌ɔ̀ gbɔ poɛ, ɓɛ́ ɔ kéɛ nyu ɓɛ́ ɔ ké à dĩ́ín-dĩ̀ìn dyà. 8Ɓóɖó-kpàà nììn wuɖuí-kɔ̃̀-nyɔ̀ ɓěɔ̀ ɖò se ma hwòɖǒ-fɔ̀nɔ̀-ɖɛ̀a múin wɔ̃́. Wa dyiɛ ma múin wɔ̃́ín, nìí, wa se ma dĩ́ín-dĩ̀ìn Bounɓoɔ̀ kɔ́ɖɔ́sìɔ̀ kɔ̃in kɔ̀ǐn mu. 9Kɛɛ Gèɖèpɔ́ɔ̀-cèè-ɖɛ̀ɔ̀ ɖá,
“Ɖɛ ɓɛ́ dyéɖé séè dyé ɖòɛ kè ɖɛ ɓɛ́ ɖùǔ séè wɔ̃́ ɖòɛ,
ɔ kè ɖɛ ɓɛ́ nyɔǔn hwòɖǒ séè hwìɖǐi poìn ɖòɛɛ
wa mɔ̀ ɖɛ ɓě ɓɛ́ Gèɖèpɔ́ɔ̀ ɖǎ naɓaà ɓó nyɔ ɓě ɓɛ́ wa ɖɛ̀ɓɛ̀à ɔ múɛɛ bììɛ.”
10Ɖɛ ɓěa kɛɛ, Gèɖèpɔ́ɔ̀ ɖǎ wa à dyí tɛ̀mɛ̀ìn dyììn ɖé ɔ Zùùɔ̀ mú. Sepóɛɖé Zùùɔ̀ gmɔìn ɖɛ séín múin, hwɛ̀ ḿ po níiń, ɖɛ ɓě nì Gèɖèpɔ́ɔ̀ hwòɖǒ bũ̌ vɛ̃in nyɛ. 11Nyɔǔn-dyùɔ̀ nyɛ́ dyuò ɔ mǔè ɖò nììn hwìɖǐi-poìn-ɖɛ̀ dyíɛ́? Nyɔǔn-dyùɛ̀ zùù nìà ɖé ɔ múɛɛ, ɔ ɖòùn dyuò ɖɛ nì ɖé nyɔ múɛ. Kà dyúáɖòɔ̀ kǎà nyɔ ɖò se Gèɖèpɔ́ɔ̀ hwìɖǐi-poìn-ɖɛ̀ dyí dyuò. Gèɖèpɔ́ɔ̀ Zùùɔ̀ ɖòùn mɔ̀ nyɔ dyuò ɔ hwìɖǐi-poìn-ɖɛ̀ dyí. 12Zùù nìà kɛɛ, ɖé Gèɖèpɔ́ɔ̀ nyí à. Ɔ se ɓóɖó-kpàà nììn zùù. Gèɖèpɔ́ɔ̀ nyí ɔ Zùùɔ̀ à, ɓɛ́ à ké ɖɛ ɓě ɓɛ́ Gèɖèpɔ́ɔ̀ kpeɖe nɔ̀mɔ̀ dyíinɔ̀ ɖǎ à nyíɛɛ dyí dyuò.
13Wuɖu ɓě ɓɛ́ Zùùɔ̀ tɛ̀mɛ̀ìn à kɛɛ, ɔ ɖé à ɖú dyí, ɓɛ́ à ké Gèɖèpɔ́ɔ̀ nyíí-ɖɛ̀ ɓě nìà kɛ jè cɛ̃. À se wuɖu ɓě ɓɛ́ nyɔǔn-dyùɛ̀ hwòɖǒ-fɔ̀nɔ̀-fɔ̀nɔ̀ɔ̀ ɖǎ à tɛ̀mɛ̀ìn nyɛɛ dyí ɖú, ɓɛ́ à kéɛ cɛ̃. Sepóɛɖé à zà Zùùɔ̀ jǎà-ɖɛ̀ ɓěɔ̀ xwíníín mú ɓó nyɔ ɓě ɓɛ́ wa ɓéɖéà Zùùɔ̀ kɛɛ gbo. 14Nyɔ mɔ̀ nyɔ ɓɛ́ ɔ seà Zùùɔ̀ ɓéɖéɛɛ, ɔ ní kpɔ̃ ɖɛ ɓá Gèɖèpɔ́ɔ̀ dyíɛɛ jè dyi. Wa mɔ̀ ɖɛ cá-cá ɖé ɔ gbo. Ɔ ní wɔ̃́ wa múin, sepóɛɖé nyɔ ɓěɔ̀ ɓéɖé ɓɛ́ wa ké wa múin gmɔìn dyììn ɖé Zùùɔ̀ mú. 15Nyɔ mɔ̀ nyɔ ɓéɖéà Zùùɔ̀ kɛɛ gmɔìn ɖɛ séín múin, kɛɛ nyɔ ɖò ní gmɔìn ɔ nììn múin. 16Sepóɛɖé Gèɖèpɔ́ɔ̀-cèè-ɖɛ̀ɔ̀ ɖá,
“Nyɛ́ mɔ̀ nyɔ dyuò Bounɓoɔ̀ hwìɖǐi-poìn-ɖɛ̀ dyíɛ́?
Nyɛ́ mɔ̀ nyɔ ɖǎ ɔ náún po ɖò kɛ́?”
Kɛɛ à mɔ̀ùn ɓéɖé Kɛ́ɖɛ́ì hwìɖǐi-poìn-poìnɔ̀.
Currently Selected:
1 Kɔ̀ɖéíntĩ̀ɔ̀ 2: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
1 Kɔ̀ɖéíntĩ̀ɔ̀ 2
2
Bɔ̃̌ ɓá Kɛ́ɖɛ́ì ɓɛ́ wa kɔ̀ìn ma kà kɔ́ɖɔ́sìɔ̀ kɔ̃in nyɛɛ jè dyíɛ
1Ɔ jèɛɛ, ḿ ɖíí ɓě, ti ɓɛ́ ḿ dyi ma ɓě gboɛɛ, ḿ po ma zàse ɓá Gèɖèpɔ́ɔ̀ dyíɛɛ jè zio ɓó ɓě gbo, kɛɛ ḿ seɛ ma wuɖu zi kɔ̃in nɔ̀mɔ̀ǔn ɔ kè hwòɖǒ-fɔ̀nɔ̀-fɔ̀nɔ̀ mú cɛ̃̀ìn. 2Ḿ poɛ ma gbɔ kà ti ɓɛ́ ḿ nì ma ɖé ɓě gboɛɛ, ḿ se ma ɖɛ kà kò ɖò dyí dyuòɛ̀ mɔ́, ɔ sèìn ma Jízɛ̀ Kɛ́ɖɛ́ì kè ɔ kɔ́ɖɔ́sìɔ̀ kɔ̃in kɔ̀ìn jè ɖòùn wɛ̃. 3Ti ḿ dyi ma ɖé ɓě gboɛɛ, kpé hwɛ̀ ma ḿ dyí. Ḿ fɛ̃̀ìn ma, ké ḿ tɛɖɛ ma mìɔ. 4Ti ḿ nì ma wùɖùɛ̌n, ké ti ḿ nì ma zio poɛń nyɛɛ, ḿ se ma nyɔǔn hwòɖǒ-fɔ̀nɔ̀-wùɖù mú cáìn. Kɛɛ Zùùɔ̀ kpéɔ̀ mɔ̀ nyɔ zàà mú kà ɖɛ ḿ nì ma kà cɛ̃iń nyɛɛ mɔ̀ ma jǎà kɛ. 5Gèɖèpɔ́ɔ̀ nyuɛ náa ɓɛ́ ɓěɛ̀ hwìɖǐǐ-taɓa-taɓaɔ̀ ké se nyɔǔn-dyùɛ̀ hwòɖǒ-fɔ̀nɔ̀-fɔ̀nɔ̀ɔ̀ hwòɖǒ kɔ̃ dè, kɛɛ ɓɛ́ ɔ ké Gèɖèpɔ́ɔ̀ kpéɔ̀ hwòɖǒ kɔ̃ dè.
Gèɖèpɔ́ɔ̀ fɔ̀nɔ̀-hwòɖǒɔ̀
6Kɛɛ à cɛ̃ hwòɖǒ-fɔ̀nɔ̀-ɖɛ̀ ɖé nyɔ ɓě ɓɛ́ wa ɖǎà Kɛ́ɖɛ́ì ɖeín-nà-nà mú ɖɛ hwɛ̀ kɛɛ hwìɛ̀. Ɔ se ɓóɖó-kpàà nììn hwòɖǒ-fɔ̀nɔ̀-ɖɛ̀, ké ɔ se ɔ wuɖuí-kɔ̃̀-nyɔ̀ ɓěɔ̀ nììn hwòɖǒ-fɔ̀nɔ̀-ɖɛ̀. Wa nììn jè nìǎ dyi ziɛń. 7Kɛɛ ɖɛ à cɛ̃ kɛɛ mɔ̀ Gèɖèpɔ́ɔ̀ nììn hwòɖǒ-fɔ̀nɔ̀-ɖɛ̀ ɓɛ́ ɔ vǐè ma kà kĩ́ín nyɛ. Ɔ mɔ̀ hwòɖǒ-fɔ̀nɔ̀-ɖɛ̀ ɓɛ́ ɔ gàìn ma, ɓɛ́ Gèɖèpɔ́ɔ̀ ɖǎǒ zɔ̃̌ɔ̀ gbɔ poɛ, ɓɛ́ ɔ kéɛ nyu ɓɛ́ ɔ ké à dĩ́ín-dĩ̀ìn dyà. 8Ɓóɖó-kpàà nììn wuɖuí-kɔ̃̀-nyɔ̀ ɓěɔ̀ ɖò se ma hwòɖǒ-fɔ̀nɔ̀-ɖɛ̀a múin wɔ̃́. Wa dyiɛ ma múin wɔ̃́ín, nìí, wa se ma dĩ́ín-dĩ̀ìn Bounɓoɔ̀ kɔ́ɖɔ́sìɔ̀ kɔ̃in kɔ̀ǐn mu. 9Kɛɛ Gèɖèpɔ́ɔ̀-cèè-ɖɛ̀ɔ̀ ɖá,
“Ɖɛ ɓɛ́ dyéɖé séè dyé ɖòɛ kè ɖɛ ɓɛ́ ɖùǔ séè wɔ̃́ ɖòɛ,
ɔ kè ɖɛ ɓɛ́ nyɔǔn hwòɖǒ séè hwìɖǐi poìn ɖòɛɛ
wa mɔ̀ ɖɛ ɓě ɓɛ́ Gèɖèpɔ́ɔ̀ ɖǎ naɓaà ɓó nyɔ ɓě ɓɛ́ wa ɖɛ̀ɓɛ̀à ɔ múɛɛ bììɛ.”
10Ɖɛ ɓěa kɛɛ, Gèɖèpɔ́ɔ̀ ɖǎ wa à dyí tɛ̀mɛ̀ìn dyììn ɖé ɔ Zùùɔ̀ mú. Sepóɛɖé Zùùɔ̀ gmɔìn ɖɛ séín múin, hwɛ̀ ḿ po níiń, ɖɛ ɓě nì Gèɖèpɔ́ɔ̀ hwòɖǒ bũ̌ vɛ̃in nyɛ. 11Nyɔǔn-dyùɔ̀ nyɛ́ dyuò ɔ mǔè ɖò nììn hwìɖǐi-poìn-ɖɛ̀ dyíɛ́? Nyɔǔn-dyùɛ̀ zùù nìà ɖé ɔ múɛɛ, ɔ ɖòùn dyuò ɖɛ nì ɖé nyɔ múɛ. Kà dyúáɖòɔ̀ kǎà nyɔ ɖò se Gèɖèpɔ́ɔ̀ hwìɖǐi-poìn-ɖɛ̀ dyí dyuò. Gèɖèpɔ́ɔ̀ Zùùɔ̀ ɖòùn mɔ̀ nyɔ dyuò ɔ hwìɖǐi-poìn-ɖɛ̀ dyí. 12Zùù nìà kɛɛ, ɖé Gèɖèpɔ́ɔ̀ nyí à. Ɔ se ɓóɖó-kpàà nììn zùù. Gèɖèpɔ́ɔ̀ nyí ɔ Zùùɔ̀ à, ɓɛ́ à ké ɖɛ ɓě ɓɛ́ Gèɖèpɔ́ɔ̀ kpeɖe nɔ̀mɔ̀ dyíinɔ̀ ɖǎ à nyíɛɛ dyí dyuò.
13Wuɖu ɓě ɓɛ́ Zùùɔ̀ tɛ̀mɛ̀ìn à kɛɛ, ɔ ɖé à ɖú dyí, ɓɛ́ à ké Gèɖèpɔ́ɔ̀ nyíí-ɖɛ̀ ɓě nìà kɛ jè cɛ̃. À se wuɖu ɓě ɓɛ́ nyɔǔn-dyùɛ̀ hwòɖǒ-fɔ̀nɔ̀-fɔ̀nɔ̀ɔ̀ ɖǎ à tɛ̀mɛ̀ìn nyɛɛ dyí ɖú, ɓɛ́ à kéɛ cɛ̃. Sepóɛɖé à zà Zùùɔ̀ jǎà-ɖɛ̀ ɓěɔ̀ xwíníín mú ɓó nyɔ ɓě ɓɛ́ wa ɓéɖéà Zùùɔ̀ kɛɛ gbo. 14Nyɔ mɔ̀ nyɔ ɓɛ́ ɔ seà Zùùɔ̀ ɓéɖéɛɛ, ɔ ní kpɔ̃ ɖɛ ɓá Gèɖèpɔ́ɔ̀ dyíɛɛ jè dyi. Wa mɔ̀ ɖɛ cá-cá ɖé ɔ gbo. Ɔ ní wɔ̃́ wa múin, sepóɛɖé nyɔ ɓěɔ̀ ɓéɖé ɓɛ́ wa ké wa múin gmɔìn dyììn ɖé Zùùɔ̀ mú. 15Nyɔ mɔ̀ nyɔ ɓéɖéà Zùùɔ̀ kɛɛ gmɔìn ɖɛ séín múin, kɛɛ nyɔ ɖò ní gmɔìn ɔ nììn múin. 16Sepóɛɖé Gèɖèpɔ́ɔ̀-cèè-ɖɛ̀ɔ̀ ɖá,
“Nyɛ́ mɔ̀ nyɔ dyuò Bounɓoɔ̀ hwìɖǐi-poìn-ɖɛ̀ dyíɛ́?
Nyɛ́ mɔ̀ nyɔ ɖǎ ɔ náún po ɖò kɛ́?”
Kɛɛ à mɔ̀ùn ɓéɖé Kɛ́ɖɛ́ì hwìɖǐi-poìn-poìnɔ̀.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.