Romános 10
10
Páblo uté áyipie gaidi upúsu ome darasade israélgoso ore ujetiga ore chisírase dáringane piquetacho ome Dupade
1Yujode Jesús anguresõre uaque á, yáyipie gaidi tupúsu ujetiga yurasade israélgose ore chisírase dáringáringo piquetaque ome Dupade. Enga yajei jochaquéode ome Dupade jé qui tu uté ome ore gatuaque. 2U gu uje e yipáñapísiji yurasade ore isocade, enga yisi ore gai uje ore chejnapise daguesi ome Dupade úringárique pucueque ome re, mu ore chucupise gai. 3Uje que ore chirajapise Dupade uruode quitique uje chĩ́care gosi isocai jeta chise dáringárique ujñapetaque ome Dupade uté. Enga ore chucué jórogui dasocárique ome re ujetiga Dupade chorase ayoré ujñapetáguiji ore gu ore ipesudode dacho. Jecute jé qui tu uje ore chó Dupade uruode gai, uje que ore juéga re ome cucha ujñapetade quigode uje garani tu uté. 4Uje ore chucué dáringáringo ujñapetaque ome dagaidode Moisés urusãracho, mu que ore chidójnanga uje que ore chimécãre udore quigode ome dáringai ujñapetaque uté yui. Uje gusu Crísto uté uje chimanipise Moisés urusarane cucha puyácho aja guesi jnese. Jecute ome uté adode enga quene Moisés urusarane eruei tu ome udore ore jnese uje ore chicha danguretigai aja uté. Enga Crísto isocai uté iborátajai tu uje udore ore chise dáringane ujñapetácho.
A jé ca uñeque chimécãrirase gotique jeta chimate raja dáringárique pimeserãque gu dagaidode Moisés urusãracho
5Adójnacho uje Moisés churúsãre Dupade uruode nanique uje qui tu udore uje ore pota chise dáringárique ujñapetaque ome dagaidode Moisés urusãracho udore. Enga Moisés urusarane udore chósi te:
"Uté gosi uje chimanipise dagaidode Dupade uru pirosobácho aja guesi, ga ca chimoque jeta pésu, enga uté gosi u uje chisírase dáringai pucuecaringué gajnengore." #10:5 Versículo udé u Levítico 18:5. Obiréjna uje que uñeque chimécãrirase Moisés urusarane cucha puyácho quigode jnese gotique.
6Obiréjna uje cucha uajádi tu jetiga gosi chise dáringárique ujñapetaque ome dagaidode Moisés urusãracho quigode. Jé basa ga pisocai uté uje gosi chise dáringai ujñapetágome Dupade gu danguretigai, que cucha uajádi tuté gotique. Jecute Dupade uruode chósi te ome gosi uje chotigase pisocai uté úringai ũré: Jé ca ojningárasa ome ua iji báyipie: "¿Ama gosi chorúrasu gaté ga chacája gatajnoquei ome yoque jne a?" (Mu cho jeta báyipie quigode u ujetiga gosi chisírase gatajnoquei ga quene dirase Crísto uté údi iji yoque ome dáringai ayoré jetiga toi ome yoquisijnaringuéone.) 7Jeoga jé ca ojningápome ua rĩ iji báyipie uaté: "¿Ama gosi u jne a, ujetiga chicárasiji jnumi údi ga chacája togode ore jogadi iji jnaropié uaté?" (Mu chorase jeta qui tu ome ua ujetiga gosi quene chiringárirase Crísto iji datoringárique, ga dirase údi iji yoque ome dáringai ueca, uje e nijíji dáringai chuque quigade, múñi.)#10:7 Iji versículode 6 jé aja 7 ore, ga pijoque uje gosi otigayaquéode jogadi tu, uje cho cucha uajadipísiji pisocai uté jetiga gosi chise dáringárique ujñapetágome Dupade gu danguretigai. Mu uje Crísto e chise jnumi ome dáringai ayoré jetiga chiqueta yoque, jé aja uje nijíji dáringai toque quigade, enga obiréjna uje que uñeque gajnepídi turásu arĩa ujetiga chise gaté jeoga chise jnaropié jeta chidójnanga cuchade udore úringane ũréo. Páblo áyipie déji Deuteronómio 30:1-13, enga chatata udore péode iji de.
8Mu que qui tu arĩa, uje que uajate go jetiga gosi chise dáringárique ujñapetaque ome Dupade. Enga pujnomé ueradi uje yujúgo iji uacaquei gatuaque jé qui tuté, uje yojnijo: "Dupade cho ayoré ujñapetáguiji gosi gu anguretigai." Ga yocacajnaquéode udojo jé cunguésõri Moisés casicaite urusarane uñane, uje chósi te: "Pujnomei uté uje tṍraji Dupade que uajate quigode go, mu pijoguipise. E dépisiji ua arĩa, uje bacatecã́ri uñane ome, ga báyipie dopísi to."#10:8 Versículo udé pei tu uje déji Deuteronómio 30:14.
9Jecute yocacajnaquéode quigode chósi tome uaque: Ujetiga atata uje "Jesús u Pangarádejnai" ome babijnani uté iji bojode ayoré edominone, enga banguretápo rĩ iji báyipie uje Dupade chiringare Jesús uté iji úringai toque, enga a báringai piquetaque jogadi u jne ome Dupade. 10U gu uje gosi changureta iji dáyipie, enga Dupade cho ayoré ujñapetáguiji uté; enga uté gosi chatata danguretigai uté iji dojode ayoré ore edominone, enga jé u uje pijógome dáringai piquetaque.
11Adójnacho uje Dupade uruode júsõre uñai urusarane jé qui u uté to, uje chósi te:
"Mu gosode jnese uje ore chicha danguretigai aja uté, ore u uje a ca ore chimo dipótique ome re, uje que cucha bisideque ore anguretigai ome uté gu.#10:11 Isaías u uje churúsãre udojo iji Isaías 28:16.
12Ome uruode udore uje chojninga "gosode jnese uje ore chicha danguretigai aja uté," enga e pijoque uje Dupade isocai jé chojmára ome judíode, purása quedéjnane ore jnese, ga que qué ore cãrápo rome ñane rĩ. Uje Dupa Dugai uté u Pangarádejnai ome ore jnese, enga chisíome cutejmai dacaniratigué gajnéone cucha ome ore jnese uje ore tibidi uté jeta ore chijócha uté ajei údi ome re. 13Uje Dupade uru diyajmane udore chósi te:
"Udore ore jnese uje ore tibidi Pangarádejnai Dupade uté jeta ore chijócha uté ajei údi ome re, enga jogadi tu ujetiga uté doi ga chiqueta ore jnese." #10:13 Purusãracho udojo iji Dupade uruode nanique ome uruode júsõre uñai uje i tu Joel nanique, ga jogadi u Joel capítulo 2, versículo 32.
14Jé ũré uje Pangarádejnai Dupade chiquetárase udore ore jnese uje ore chutṍri uté ome re, mu ujetiga cáma ore changureta uté ujnomei, ¿enga ore chorási ringome ujetiga ore tibidi uté? Enga que gusu uté, mu ¿ore chorási ringome ujetiga ore changureta uté, ujetiga cáma ore chududipise ujnomérique? Obiréjna uje a ca toguírase jeta ore chudute, ujetiga pacadisónique jé ca chacadírase ore ome. 15Mu ¿cho rique pacadisónique isocárique jeta chacate ore, ujetiga ca uñeque chutṍrirase uté ome dasai uté? Mu e pijoque uje putocaite pacadisórone uñane aja ore yui arĩa, uje Dupade uruode júsõri Isaías e chatata cucha dacadode udojo iji piquéode, uje chojninga:
"Uneripise udore ore ujnopode yui uje ore di pujnomé ueradi údi uje júdi tu Dupade ate ueradode udore, uje pujnomé ueradi uté chiborátaja pininaquédatéi." #10:15 Isaías 52:7
Páblo chatata uje e pacadique israélgosode udore ore ome pujnomé ueradi uté quigode arĩa, mu jiéode iji ore ujade cusu rome Crísto úringárique pangurete
16Jé ũré uje israélgosode ore chudute pujnomé ueradi uté, mu que ore jnese juéga dáyipie ome dadudigode udore quigode gotique. Gusu garósi ore. Enga ore isocai uté jé péroji proféta Isaías uté atatagode iji darusãra cásodicáite iji cucha dacadode udore iquéode, uje chósi te:
"Pangarádejná, ¿jé gosode u a uje ore changureta dadudigode barúo uje yujúgo ome ore? Garósipise ore jõ." #10:16 Dupade uruode júsõri Isaías uté chatata Dupade Júdebei Piquetangore yui ome israélgosode nanique, enga ojningai tu uté. Mu jé ore ate uje que ore changureta.
17Jé pijoque arĩa uje panguretigai u Dupade ucuei uté ome gosi úringárique piquetaque. Mu cucha bajai tu ujetiga pacadique gosi ome pujnomé ueradi uté ome Crísto. Jecute a gosi chirajárase dadudigode pacajnaquéo udore quigode bajaque, ga quene jogadi tu ujetiga gosi changureta.
18Mu ja seca uacuñeque chojningárasa ome yu: "¿Jé ca israélgosode ore chudute pujnomé ueradi uté ome Crísto a?" ¡Surunga uje ore chudute! Enga pijoque udojo ome Dupade uru cásodicáite, uje chósi te:
"Udore ore ujnomei e chubu erámi údode, ga que erámi ajidátaque cusosi jeta jé ca ore chudute uruode udore iji to." #10:18 Ga udojo déji Sálmo 19:4.
19Jeoga uacuñeque chojningápome yu rĩ: "¿Jé ca qui turásu uje cáma israélgosode ore chiraja dadudigode udore quigode a?" ¡Úngare! A ore chiraja jõ, mu que ore guiyaque unétique. Enga bajai tu Moisés uje chatata cucha dacadode udojo iji piquéode nanique. Ga Moisés uté ajnerámeone Dupade urúo quisórone u israélgosode, uje chósi te:
"A yipésu jne ga a aratáyiñome yicaniratiguéode ome purása quedéjnane ore jne. Uje a yo yimeseránguiji udore ore uje purása unejaque ore ome uyu nanique múñi. Enga yojningane purása quedéjna udore u uje uacoyo táyipiegode iji ore. Mu a yagúome ore jeta ore chijnime uacájningai jne." #10:19 Udojo quigode déji Deuteronómio 32:21
20Enga quigade ga proféta Isaías chatata cucha piqueminórone udore uje qui tu purása quedéjnane ore isocade to. Ga Isaías uté que chagutu rome dajnerámeone Dupade urúo udojo gotique, uje chósi te:
"Ore guiyaque uyu uje que ore ucuei tu yu mu. E yipijógome udore ore uje que ore áyipie dépisi yúringárique pipotigate nanique múñi." #10:20 Ga Isaías uruode udojo jogadi tu Isaías 65:1.
21Mu Isaías jé upo rĩ uje chajnerame Dupade uru quigode udojo ome israélgosode udore ore, uje chósi te:
"Iji deréjnai údode ga yáyipie dé jórogui yurasade israélgose udore, uje jecucha yisa ore yui ome yijmanecai uté; enga yigaidi tu gu jeta yinejé ore údode, ga ore chajnírase yibai. Mu jé ore ate uje ore chijarója dangoninguinone ga jecucha ore tagu yuruode aja ome dáringane ducusuréchoquío." #10:21 Ga Isaías ajnerámeone Dupade urúo udojo jogadi tu Isaías 65:2.
Currently Selected:
Romános 10: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
Romános 10
10
Páblo uté áyipie gaidi upúsu ome darasade israélgoso ore ujetiga ore chisírase dáringane piquetacho ome Dupade
1Yujode Jesús anguresõre uaque á, yáyipie gaidi tupúsu ujetiga yurasade israélgose ore chisírase dáringáringo piquetaque ome Dupade. Enga yajei jochaquéode ome Dupade jé qui tu uté ome ore gatuaque. 2U gu uje e yipáñapísiji yurasade ore isocade, enga yisi ore gai uje ore chejnapise daguesi ome Dupade úringárique pucueque ome re, mu ore chucupise gai. 3Uje que ore chirajapise Dupade uruode quitique uje chĩ́care gosi isocai jeta chise dáringárique ujñapetaque ome Dupade uté. Enga ore chucué jórogui dasocárique ome re ujetiga Dupade chorase ayoré ujñapetáguiji ore gu ore ipesudode dacho. Jecute jé qui tu uje ore chó Dupade uruode gai, uje que ore juéga re ome cucha ujñapetade quigode uje garani tu uté. 4Uje ore chucué dáringáringo ujñapetaque ome dagaidode Moisés urusãracho, mu que ore chidójnanga uje que ore chimécãre udore quigode ome dáringai ujñapetaque uté yui. Uje gusu Crísto uté uje chimanipise Moisés urusarane cucha puyácho aja guesi jnese. Jecute ome uté adode enga quene Moisés urusarane eruei tu ome udore ore jnese uje ore chicha danguretigai aja uté. Enga Crísto isocai uté iborátajai tu uje udore ore chise dáringane ujñapetácho.
A jé ca uñeque chimécãrirase gotique jeta chimate raja dáringárique pimeserãque gu dagaidode Moisés urusãracho
5Adójnacho uje Moisés churúsãre Dupade uruode nanique uje qui tu udore uje ore pota chise dáringárique ujñapetaque ome dagaidode Moisés urusãracho udore. Enga Moisés urusarane udore chósi te:
"Uté gosi uje chimanipise dagaidode Dupade uru pirosobácho aja guesi, ga ca chimoque jeta pésu, enga uté gosi u uje chisírase dáringai pucuecaringué gajnengore." #10:5 Versículo udé u Levítico 18:5. Obiréjna uje que uñeque chimécãrirase Moisés urusarane cucha puyácho quigode jnese gotique.
6Obiréjna uje cucha uajádi tu jetiga gosi chise dáringárique ujñapetaque ome dagaidode Moisés urusãracho quigode. Jé basa ga pisocai uté uje gosi chise dáringai ujñapetágome Dupade gu danguretigai, que cucha uajádi tuté gotique. Jecute Dupade uruode chósi te ome gosi uje chotigase pisocai uté úringai ũré: Jé ca ojningárasa ome ua iji báyipie: "¿Ama gosi chorúrasu gaté ga chacája gatajnoquei ome yoque jne a?" (Mu cho jeta báyipie quigode u ujetiga gosi chisírase gatajnoquei ga quene dirase Crísto uté údi iji yoque ome dáringai ayoré jetiga toi ome yoquisijnaringuéone.) 7Jeoga jé ca ojningápome ua rĩ iji báyipie uaté: "¿Ama gosi u jne a, ujetiga chicárasiji jnumi údi ga chacája togode ore jogadi iji jnaropié uaté?" (Mu chorase jeta qui tu ome ua ujetiga gosi quene chiringárirase Crísto iji datoringárique, ga dirase údi iji yoque ome dáringai ueca, uje e nijíji dáringai chuque quigade, múñi.)#10:7 Iji versículode 6 jé aja 7 ore, ga pijoque uje gosi otigayaquéode jogadi tu, uje cho cucha uajadipísiji pisocai uté jetiga gosi chise dáringárique ujñapetágome Dupade gu danguretigai. Mu uje Crísto e chise jnumi ome dáringai ayoré jetiga chiqueta yoque, jé aja uje nijíji dáringai toque quigade, enga obiréjna uje que uñeque gajnepídi turásu arĩa ujetiga chise gaté jeoga chise jnaropié jeta chidójnanga cuchade udore úringane ũréo. Páblo áyipie déji Deuteronómio 30:1-13, enga chatata udore péode iji de.
8Mu que qui tu arĩa, uje que uajate go jetiga gosi chise dáringárique ujñapetaque ome Dupade. Enga pujnomé ueradi uje yujúgo iji uacaquei gatuaque jé qui tuté, uje yojnijo: "Dupade cho ayoré ujñapetáguiji gosi gu anguretigai." Ga yocacajnaquéode udojo jé cunguésõri Moisés casicaite urusarane uñane, uje chósi te: "Pujnomei uté uje tṍraji Dupade que uajate quigode go, mu pijoguipise. E dépisiji ua arĩa, uje bacatecã́ri uñane ome, ga báyipie dopísi to."#10:8 Versículo udé pei tu uje déji Deuteronómio 30:14.
9Jecute yocacajnaquéode quigode chósi tome uaque: Ujetiga atata uje "Jesús u Pangarádejnai" ome babijnani uté iji bojode ayoré edominone, enga banguretápo rĩ iji báyipie uje Dupade chiringare Jesús uté iji úringai toque, enga a báringai piquetaque jogadi u jne ome Dupade. 10U gu uje gosi changureta iji dáyipie, enga Dupade cho ayoré ujñapetáguiji uté; enga uté gosi chatata danguretigai uté iji dojode ayoré ore edominone, enga jé u uje pijógome dáringai piquetaque.
11Adójnacho uje Dupade uruode júsõre uñai urusarane jé qui u uté to, uje chósi te:
"Mu gosode jnese uje ore chicha danguretigai aja uté, ore u uje a ca ore chimo dipótique ome re, uje que cucha bisideque ore anguretigai ome uté gu.#10:11 Isaías u uje churúsãre udojo iji Isaías 28:16.
12Ome uruode udore uje chojninga "gosode jnese uje ore chicha danguretigai aja uté," enga e pijoque uje Dupade isocai jé chojmára ome judíode, purása quedéjnane ore jnese, ga que qué ore cãrápo rome ñane rĩ. Uje Dupa Dugai uté u Pangarádejnai ome ore jnese, enga chisíome cutejmai dacaniratigué gajnéone cucha ome ore jnese uje ore tibidi uté jeta ore chijócha uté ajei údi ome re. 13Uje Dupade uru diyajmane udore chósi te:
"Udore ore jnese uje ore tibidi Pangarádejnai Dupade uté jeta ore chijócha uté ajei údi ome re, enga jogadi tu ujetiga uté doi ga chiqueta ore jnese." #10:13 Purusãracho udojo iji Dupade uruode nanique ome uruode júsõre uñai uje i tu Joel nanique, ga jogadi u Joel capítulo 2, versículo 32.
14Jé ũré uje Pangarádejnai Dupade chiquetárase udore ore jnese uje ore chutṍri uté ome re, mu ujetiga cáma ore changureta uté ujnomei, ¿enga ore chorási ringome ujetiga ore tibidi uté? Enga que gusu uté, mu ¿ore chorási ringome ujetiga ore changureta uté, ujetiga cáma ore chududipise ujnomérique? Obiréjna uje a ca toguírase jeta ore chudute, ujetiga pacadisónique jé ca chacadírase ore ome. 15Mu ¿cho rique pacadisónique isocárique jeta chacate ore, ujetiga ca uñeque chutṍrirase uté ome dasai uté? Mu e pijoque uje putocaite pacadisórone uñane aja ore yui arĩa, uje Dupade uruode júsõri Isaías e chatata cucha dacadode udojo iji piquéode, uje chojninga:
"Uneripise udore ore ujnopode yui uje ore di pujnomé ueradi údi uje júdi tu Dupade ate ueradode udore, uje pujnomé ueradi uté chiborátaja pininaquédatéi." #10:15 Isaías 52:7
Páblo chatata uje e pacadique israélgosode udore ore ome pujnomé ueradi uté quigode arĩa, mu jiéode iji ore ujade cusu rome Crísto úringárique pangurete
16Jé ũré uje israélgosode ore chudute pujnomé ueradi uté, mu que ore jnese juéga dáyipie ome dadudigode udore quigode gotique. Gusu garósi ore. Enga ore isocai uté jé péroji proféta Isaías uté atatagode iji darusãra cásodicáite iji cucha dacadode udore iquéode, uje chósi te:
"Pangarádejná, ¿jé gosode u a uje ore changureta dadudigode barúo uje yujúgo ome ore? Garósipise ore jõ." #10:16 Dupade uruode júsõri Isaías uté chatata Dupade Júdebei Piquetangore yui ome israélgosode nanique, enga ojningai tu uté. Mu jé ore ate uje que ore changureta.
17Jé pijoque arĩa uje panguretigai u Dupade ucuei uté ome gosi úringárique piquetaque. Mu cucha bajai tu ujetiga pacadique gosi ome pujnomé ueradi uté ome Crísto. Jecute a gosi chirajárase dadudigode pacajnaquéo udore quigode bajaque, ga quene jogadi tu ujetiga gosi changureta.
18Mu ja seca uacuñeque chojningárasa ome yu: "¿Jé ca israélgosode ore chudute pujnomé ueradi uté ome Crísto a?" ¡Surunga uje ore chudute! Enga pijoque udojo ome Dupade uru cásodicáite, uje chósi te:
"Udore ore ujnomei e chubu erámi údode, ga que erámi ajidátaque cusosi jeta jé ca ore chudute uruode udore iji to." #10:18 Ga udojo déji Sálmo 19:4.
19Jeoga uacuñeque chojningápome yu rĩ: "¿Jé ca qui turásu uje cáma israélgosode ore chiraja dadudigode udore quigode a?" ¡Úngare! A ore chiraja jõ, mu que ore guiyaque unétique. Enga bajai tu Moisés uje chatata cucha dacadode udojo iji piquéode nanique. Ga Moisés uté ajnerámeone Dupade urúo quisórone u israélgosode, uje chósi te:
"A yipésu jne ga a aratáyiñome yicaniratiguéode ome purása quedéjnane ore jne. Uje a yo yimeseránguiji udore ore uje purása unejaque ore ome uyu nanique múñi. Enga yojningane purása quedéjna udore u uje uacoyo táyipiegode iji ore. Mu a yagúome ore jeta ore chijnime uacájningai jne." #10:19 Udojo quigode déji Deuteronómio 32:21
20Enga quigade ga proféta Isaías chatata cucha piqueminórone udore uje qui tu purása quedéjnane ore isocade to. Ga Isaías uté que chagutu rome dajnerámeone Dupade urúo udojo gotique, uje chósi te:
"Ore guiyaque uyu uje que ore ucuei tu yu mu. E yipijógome udore ore uje que ore áyipie dépisi yúringárique pipotigate nanique múñi." #10:20 Ga Isaías uruode udojo jogadi tu Isaías 65:1.
21Mu Isaías jé upo rĩ uje chajnerame Dupade uru quigode udojo ome israélgosode udore ore, uje chósi te:
"Iji deréjnai údode ga yáyipie dé jórogui yurasade israélgose udore, uje jecucha yisa ore yui ome yijmanecai uté; enga yigaidi tu gu jeta yinejé ore údode, ga ore chajnírase yibai. Mu jé ore ate uje ore chijarója dangoninguinone ga jecucha ore tagu yuruode aja ome dáringane ducusuréchoquío." #10:21 Ga Isaías ajnerámeone Dupade urúo udojo jogadi tu Isaías 65:2.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360