Números 20
20
Dupade chiroque Moisés aja cucarãte cototé ujetiga catecã́ri enga yodi tṍraji ome urasade ore ujetiga ore chóji to
1Uje chise siqueré icha nanique ga israélgosode ore chise erã́petaréque uñai to nanique uje i tu Zin. Ga chise ore isecarãte guedosi bajai nanique, ga ore chicha dapáringaméi taja dajminémei nanique uje i tu Cádes. Ga Moisés nero María toji uté to, ga ore chicha ode taja uté to.
2Mu íjnonguipíse yodode iji ore apáringaméi uté to nanique. Ga israélgosode ore pésu dáguedie ome Moisés, Aarón ore ga ore chimáta ñane ga ore chicáji Moisés, Aarón ore enga ore pojna Moisés ore údode to.
3Ga ore chojninga:
–¡A ueradéjnapise ome yoque jeta Yocangarádejnai chatarása yógaja dejna casodica yocurása ore to ica. Uje gajnareque uje a quene yitogóji de jne ome yocuyádode! 4Moisés á, ¿gotique gu a uje borei Dupade urasade uyóguiji erãpetarei udé to ica? ¿Ama bagaidi u ica jeta yitogóji udé to ga yipatíorango yocachidode cuchiso to jne a? 5¿Gotique gu uje bajnime yóguiji Egípto to ica, ga borei yóguiji erã́petaréque noñángone udojo to? Ga que togome yoque jeta yutãcóji udé to ga yichago yocacatígo cucha aja de to. Enga ueradéjnaráse jeta higuéradie déji de, mu íjnonguipísiji erãpetarei udé to, enga jé chopise úvadie, granádadie ore. Ga a ueradéjnaráse jeta yodi déji, ¡mu íjnonguipíse yodi iji de ga gajnarenguipise ome yoque to!–
6Ga Moisés, Aarón ore chudute ore uru gajnaréngone ome ore to ga ore jnoji ayorébui uté ajei ga ore quítequiguíji Dupade iguíjnai to. Enga ore terẽtáji jnumone to iji Dupade iguíjnai ajé uñai piagoi iquei uje ajé uñai uté i tu 'Dupade, Yutuãjóa Ñane Iji Te.' Mu uje qué ore terẽta mu Dupade chiqueta raja ore iji uté enga ore chimo ingoningájnai to. 7-8Ga Yocangarádejnai catecã́ri Moisés ga chojninga:
–Moisés á, ayague, ga ajna bogué taja gaté ga batigate Aarón nóna ua aja ayorébuode to ga israélgosode ore nóna uaque to aja cucarãte cototé. Enga acatecã́ri cucarãte cototé iji israélgosode ore edominone to, enga yodi a tṍraji to ome israélgosode jeta ore chóji ga ore chisi dachidode iji to.–
9Ga Moisés doi Dupade ojningane cucha enga doi dogué uje déji Dupade iquei iji iguíjnai ajei to ga tibidi datigate Aarón ga ore chicáji ayorébui iquei. 10Ga ore chojninga:
–Ajínaño yógaja cucarãte cototé.–
Ga jé u uje e ore déji ñane gari jnese enga Moisés narare ga chojninga:
–Angoninguite parigode uaque á, ¿ama uacajéode u to a, ujetiga yijnicome yotique iji cucarãte cototé ome uaque to a?–
11Ga Moisés chejna daruode udore guesi ga chujé cucarãte cototé tuaté ome dogué to. Ga chujé ga gare. Ga yodi jĩraque tṍraji cucarãte cototé iji ore edominone to. Ga jĩraque israélgosode doi yodi ga ore chóji to, ga ore chisiapo dachidode cuchiso iji to rĩ. 12Mu Yocangarádejnai Dupade chetaque uje Moisés chujé cucarãte cototé ome dogué, ga jé u uje pojna Moisés, Aarón ore enga chojningame ore:
–Cachi que yuruode u gotique ujetiga ajéyo cucarãte cototé que. Gusu ujetiga acatecãchoi. Mu a garósi uacanguretigai iji yu gu. Ujetiga beyórasi yuruode enga a uacarasade israélgoso ore pañarásiji yátedatéode to. Mu uje que beyopísi yuruode quigode iji ore ujade enga a jé ca ajínaño uacarasade udore aja yerani punire ueradéjna jne ujetiga diga ore chise jne.–
13Ga israélgosode ore ajminémei uté i tu Meríba ome ore. Ga Meríba uruode qui tu "Angoninguite Parigode Jodébei Yote" to. Uje ore pota dojnóngaja Dupade iji uté to, mu Dupade que chejna ore ome ore idojnóngamátigade, mu chisi ome dacaniratiguéode ome ore to ga úringai ueque ome pisijnaringuéone pijógome ore iji uté nanique.
Edómgosode ore chãraque daniri ome israélgosode ujetiga ore chaquesu iji gatócoro aja danire ichai yui to
14Mu udojo quigade to uje qué ore déji dajminémei darengu to uje i tu Cádes, enga Moisés chiroque daruode aja edómgosode ore eduguéjnai tuté ga chojningame to: "Uacarása israélgosode uyoque arĩ́e ga yocósi te ome uaque: 'A e adute yocujnomei to jõ. Uje yejnárejo jóroque egíptogosode ore josipiedie ome yoque nanique. 15Yocáquiode ore chise Egípto nanique ga jiei israélgosode yoquejnanie siquerei iji ore gari iji ore uniri nanique. Mu chise diri uje ore chetaque yocayode nanique ga ore chiroque ore aja daroquéode ga que ore chimate ore ome ore isagode cucha gotique, ga jé ate uje ore cho dajuñame disi ejode uyoque to ome cuchade. 16Mu yibógo yoquejode ica, enga yicatecãcoi Yocangarádejnai Dupade ome yoque nanique. Enga Yocangarádejnai uté chudute yocuyacade udore, enga chiroque datocaidi gaté unirísõre aja yoque to, enga chijnime yóguiji egíptogosode ore jmainie enga jno yocúdi aja udé. Enga bamo yóguiji de uje yugúcoji ore idai Cádes ga yugúcoji baniri eruébi to. 17Enga yijóchago bajei údi ujetiga ajuéga baniri ome yoque to ujetiga yajujo iji gatócoro aja yocunire ichai yui to. A yedugo bapesudi dajeque jne aja yoquiqui yui enga a ca yicagóji quedéjnane ome uté jne. A ca yajico uacacade cucha iji yoquirosadode to, jé aja uacacadie úvai to rĩ. Enga a ca yójigopo uacajnéone yocho to jne rĩ. Ga yoquiquítequiguíji uacaniri uéchai to jne aja yocuniri yui to.'"
18Mu edómgosode ore eduguéjna cuchábi que juéga daniri jetiga ore chajuque to iji gatócoro. Ga catecã́ri Moisés irógode to ga chojningame ore:
–Que yujuéga jeta acayóji yoquéchai to. A ajuchórase yocuniri to enga a jĩraque yiroque yisoldádode aja uaque to ga ore chijócãre uaque to iji yocuniri ajei to.–
19Mu israélgosode qué ore catecã́ri uté gaté ga ore chojninga:
–Ajuéga ga jé yico to. Ga yajnángo dajeque guesai tiji gatócoro to, enga a amóño jne uje yijnáreco yógaja uéchai to, ga ibisoguipise yógaja yoquiqui uté to. Ca atodóyo jetiga yójigo uacuñeque erutique to. Jeoga yocuñeque chóji uacuñeque erutique to jne enga a yoco oré to, jeoga yocachitique cucha uñeque u mu a jé yoco oré to jne rĩ. Que yipótago uacabotique jeoga cucha uñeque to rĩ, gusu jeta yirijoji dajei bisideque.–
20Mu edómgosode ore eduguéjnai charanguipise to ga chojninga:
–Úngare. Que yipota jeta aquesúyo yocuniri to.–
Ga ore eduguéjnai uté chayója darasade ore to ga ore doi dõrachade ga ore chijna ome israélgosode jeta ore doi pocaningai ome ore to. 21Enga israélgosode ore chudute to uje edómgosode chachárasi ore iji ore garani to jeta ore chujé ore, enga ore chajna edómgosode ore uniri údi to.
Aarón toji cucarani ójo nanique uje cucarani uté i tu Hor
22Ga israélgosode ore jnoji dajminémei darengu Cádes to jnese, ga ore chicáji cucarani yui to uje i tu Hor. 23Qué idógosi ore iji edómgosode ore gajnei jnupe eruei to ga Yocangarádejnai catecã́ri Moisés, Aarón ore iji uté to. 24Ga Dupade chojningame ore:
"A e Aarón toi jne, enga a ca chise yojningai punire ueradéjna to jne uje a yẽrame uacarasade israélgoso jne. Yaníri tu gu uje uacatójapása ñane to diríca iji yote uó casé uje i tu Meríba. Uje yojninga 'Acatecã́ri cucarané,' mu que beyopísi yuruode quigode to diríca." 25Ga Dupade chojningame Moisés: "Moisés á, be ga ajína Aarón, Aarón ujnacari Eleazar ore ga ocho cucarani uté to uje i tu Hor. 26Ga ejñu Aarón iguidé uaté iji gai to uje úringai yiroque pijoguto uaté to. Ga be ga aco ujnacari Eleazar gai ome iguidé uaté, enga chácariji dai charidi to jne. Uje Aarón a toji cucarani uté ójo to jne."
27Ga Moisés doi Dupade uruode quigode enga ore jno ga ore choru cucarani ga israélgosode ore pañaji uje Aarón ore choru cucarani to. 28Enga Moisés chejñu Aarón iguidedie udire iji gai ga chaco ujnacari Eleazar gai ome udire. Uje e chisi ome Aarón iguidé ome ujnacari ga e ujnacari gajnepise ga úringai Dupade iroque e pijoque, enga jé u uje Aarón topísi to iji cucarani tuté ójo to. Ga gusu Moisés, Eleazar ore uje ore chicapóji jnumi to rĩ iji doruti cucarãte. 29Enga israélgosode ore chimo uje gusu Moisés, Eleazar uje ore diapo rĩ enga ore chojninga: '¡Aarón a toi to é!' Enga israélgosode ore poji ejode jnese enga ore guejnane dire chejna yu ga chejna ayoré uñai jmanáyone uje ore poji ejode to.
Currently Selected:
Números 20: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
Números 20
20
Dupade chiroque Moisés aja cucarãte cototé ujetiga catecã́ri enga yodi tṍraji ome urasade ore ujetiga ore chóji to
1Uje chise siqueré icha nanique ga israélgosode ore chise erã́petaréque uñai to nanique uje i tu Zin. Ga chise ore isecarãte guedosi bajai nanique, ga ore chicha dapáringaméi taja dajminémei nanique uje i tu Cádes. Ga Moisés nero María toji uté to, ga ore chicha ode taja uté to.
2Mu íjnonguipíse yodode iji ore apáringaméi uté to nanique. Ga israélgosode ore pésu dáguedie ome Moisés, Aarón ore ga ore chimáta ñane ga ore chicáji Moisés, Aarón ore enga ore pojna Moisés ore údode to.
3Ga ore chojninga:
–¡A ueradéjnapise ome yoque jeta Yocangarádejnai chatarása yógaja dejna casodica yocurása ore to ica. Uje gajnareque uje a quene yitogóji de jne ome yocuyádode! 4Moisés á, ¿gotique gu a uje borei Dupade urasade uyóguiji erãpetarei udé to ica? ¿Ama bagaidi u ica jeta yitogóji udé to ga yipatíorango yocachidode cuchiso to jne a? 5¿Gotique gu uje bajnime yóguiji Egípto to ica, ga borei yóguiji erã́petaréque noñángone udojo to? Ga que togome yoque jeta yutãcóji udé to ga yichago yocacatígo cucha aja de to. Enga ueradéjnaráse jeta higuéradie déji de, mu íjnonguipísiji erãpetarei udé to, enga jé chopise úvadie, granádadie ore. Ga a ueradéjnaráse jeta yodi déji, ¡mu íjnonguipíse yodi iji de ga gajnarenguipise ome yoque to!–
6Ga Moisés, Aarón ore chudute ore uru gajnaréngone ome ore to ga ore jnoji ayorébui uté ajei ga ore quítequiguíji Dupade iguíjnai to. Enga ore terẽtáji jnumone to iji Dupade iguíjnai ajé uñai piagoi iquei uje ajé uñai uté i tu 'Dupade, Yutuãjóa Ñane Iji Te.' Mu uje qué ore terẽta mu Dupade chiqueta raja ore iji uté enga ore chimo ingoningájnai to. 7-8Ga Yocangarádejnai catecã́ri Moisés ga chojninga:
–Moisés á, ayague, ga ajna bogué taja gaté ga batigate Aarón nóna ua aja ayorébuode to ga israélgosode ore nóna uaque to aja cucarãte cototé. Enga acatecã́ri cucarãte cototé iji israélgosode ore edominone to, enga yodi a tṍraji to ome israélgosode jeta ore chóji ga ore chisi dachidode iji to.–
9Ga Moisés doi Dupade ojningane cucha enga doi dogué uje déji Dupade iquei iji iguíjnai ajei to ga tibidi datigate Aarón ga ore chicáji ayorébui iquei. 10Ga ore chojninga:
–Ajínaño yógaja cucarãte cototé.–
Ga jé u uje e ore déji ñane gari jnese enga Moisés narare ga chojninga:
–Angoninguite parigode uaque á, ¿ama uacajéode u to a, ujetiga yijnicome yotique iji cucarãte cototé ome uaque to a?–
11Ga Moisés chejna daruode udore guesi ga chujé cucarãte cototé tuaté ome dogué to. Ga chujé ga gare. Ga yodi jĩraque tṍraji cucarãte cototé iji ore edominone to. Ga jĩraque israélgosode doi yodi ga ore chóji to, ga ore chisiapo dachidode cuchiso iji to rĩ. 12Mu Yocangarádejnai Dupade chetaque uje Moisés chujé cucarãte cototé ome dogué, ga jé u uje pojna Moisés, Aarón ore enga chojningame ore:
–Cachi que yuruode u gotique ujetiga ajéyo cucarãte cototé que. Gusu ujetiga acatecãchoi. Mu a garósi uacanguretigai iji yu gu. Ujetiga beyórasi yuruode enga a uacarasade israélgoso ore pañarásiji yátedatéode to. Mu uje que beyopísi yuruode quigode iji ore ujade enga a jé ca ajínaño uacarasade udore aja yerani punire ueradéjna jne ujetiga diga ore chise jne.–
13Ga israélgosode ore ajminémei uté i tu Meríba ome ore. Ga Meríba uruode qui tu "Angoninguite Parigode Jodébei Yote" to. Uje ore pota dojnóngaja Dupade iji uté to, mu Dupade que chejna ore ome ore idojnóngamátigade, mu chisi ome dacaniratiguéode ome ore to ga úringai ueque ome pisijnaringuéone pijógome ore iji uté nanique.
Edómgosode ore chãraque daniri ome israélgosode ujetiga ore chaquesu iji gatócoro aja danire ichai yui to
14Mu udojo quigade to uje qué ore déji dajminémei darengu to uje i tu Cádes, enga Moisés chiroque daruode aja edómgosode ore eduguéjnai tuté ga chojningame to: "Uacarása israélgosode uyoque arĩ́e ga yocósi te ome uaque: 'A e adute yocujnomei to jõ. Uje yejnárejo jóroque egíptogosode ore josipiedie ome yoque nanique. 15Yocáquiode ore chise Egípto nanique ga jiei israélgosode yoquejnanie siquerei iji ore gari iji ore uniri nanique. Mu chise diri uje ore chetaque yocayode nanique ga ore chiroque ore aja daroquéode ga que ore chimate ore ome ore isagode cucha gotique, ga jé ate uje ore cho dajuñame disi ejode uyoque to ome cuchade. 16Mu yibógo yoquejode ica, enga yicatecãcoi Yocangarádejnai Dupade ome yoque nanique. Enga Yocangarádejnai uté chudute yocuyacade udore, enga chiroque datocaidi gaté unirísõre aja yoque to, enga chijnime yóguiji egíptogosode ore jmainie enga jno yocúdi aja udé. Enga bamo yóguiji de uje yugúcoji ore idai Cádes ga yugúcoji baniri eruébi to. 17Enga yijóchago bajei údi ujetiga ajuéga baniri ome yoque to ujetiga yajujo iji gatócoro aja yocunire ichai yui to. A yedugo bapesudi dajeque jne aja yoquiqui yui enga a ca yicagóji quedéjnane ome uté jne. A ca yajico uacacade cucha iji yoquirosadode to, jé aja uacacadie úvai to rĩ. Enga a ca yójigopo uacajnéone yocho to jne rĩ. Ga yoquiquítequiguíji uacaniri uéchai to jne aja yocuniri yui to.'"
18Mu edómgosode ore eduguéjna cuchábi que juéga daniri jetiga ore chajuque to iji gatócoro. Ga catecã́ri Moisés irógode to ga chojningame ore:
–Que yujuéga jeta acayóji yoquéchai to. A ajuchórase yocuniri to enga a jĩraque yiroque yisoldádode aja uaque to ga ore chijócãre uaque to iji yocuniri ajei to.–
19Mu israélgosode qué ore catecã́ri uté gaté ga ore chojninga:
–Ajuéga ga jé yico to. Ga yajnángo dajeque guesai tiji gatócoro to, enga a amóño jne uje yijnáreco yógaja uéchai to, ga ibisoguipise yógaja yoquiqui uté to. Ca atodóyo jetiga yójigo uacuñeque erutique to. Jeoga yocuñeque chóji uacuñeque erutique to jne enga a yoco oré to, jeoga yocachitique cucha uñeque u mu a jé yoco oré to jne rĩ. Que yipótago uacabotique jeoga cucha uñeque to rĩ, gusu jeta yirijoji dajei bisideque.–
20Mu edómgosode ore eduguéjnai charanguipise to ga chojninga:
–Úngare. Que yipota jeta aquesúyo yocuniri to.–
Ga ore eduguéjnai uté chayója darasade ore to ga ore doi dõrachade ga ore chijna ome israélgosode jeta ore doi pocaningai ome ore to. 21Enga israélgosode ore chudute to uje edómgosode chachárasi ore iji ore garani to jeta ore chujé ore, enga ore chajna edómgosode ore uniri údi to.
Aarón toji cucarani ójo nanique uje cucarani uté i tu Hor
22Ga israélgosode ore jnoji dajminémei darengu Cádes to jnese, ga ore chicáji cucarani yui to uje i tu Hor. 23Qué idógosi ore iji edómgosode ore gajnei jnupe eruei to ga Yocangarádejnai catecã́ri Moisés, Aarón ore iji uté to. 24Ga Dupade chojningame ore:
"A e Aarón toi jne, enga a ca chise yojningai punire ueradéjna to jne uje a yẽrame uacarasade israélgoso jne. Yaníri tu gu uje uacatójapása ñane to diríca iji yote uó casé uje i tu Meríba. Uje yojninga 'Acatecã́ri cucarané,' mu que beyopísi yuruode quigode to diríca." 25Ga Dupade chojningame Moisés: "Moisés á, be ga ajína Aarón, Aarón ujnacari Eleazar ore ga ocho cucarani uté to uje i tu Hor. 26Ga ejñu Aarón iguidé uaté iji gai to uje úringai yiroque pijoguto uaté to. Ga be ga aco ujnacari Eleazar gai ome iguidé uaté, enga chácariji dai charidi to jne. Uje Aarón a toji cucarani uté ójo to jne."
27Ga Moisés doi Dupade uruode quigode enga ore jno ga ore choru cucarani ga israélgosode ore pañaji uje Aarón ore choru cucarani to. 28Enga Moisés chejñu Aarón iguidedie udire iji gai ga chaco ujnacari Eleazar gai ome udire. Uje e chisi ome Aarón iguidé ome ujnacari ga e ujnacari gajnepise ga úringai Dupade iroque e pijoque, enga jé u uje Aarón topísi to iji cucarani tuté ójo to. Ga gusu Moisés, Eleazar ore uje ore chicapóji jnumi to rĩ iji doruti cucarãte. 29Enga israélgosode ore chimo uje gusu Moisés, Eleazar uje ore diapo rĩ enga ore chojninga: '¡Aarón a toi to é!' Enga israélgosode ore poji ejode jnese enga ore guejnane dire chejna yu ga chejna ayoré uñai jmanáyone uje ore poji ejode to.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360