Números 13
13
Moisés chiroque datocaidode aja Canaán ujetiga ore chajiripise cuchade aja quigode iji uté nanique
1-2Yocangarádejnai catecãrápoi Moisés to nanique rĩ ga chojninga:
"Acatecã́ri jnanione uñéngo to ujetiga ore chope guidai ome cananéogosode ore uniri bajaque. Yojningai uté Canaán u uje yichaga uacayode ore to nanique uje yojningame ore nanique: 'A uacape disi ejode ore gajneque punire ueradéjnarique jne iji uacaquigáningo to.' Apuse israélgosode uacáguedie aja jnese to jne ujetiga caníratígo cho guidai ome yojningai punire ueradéjna uté to. Ga ajnime jnani chojmarai, chojmaráringo iji uacáguedie ore jnese ga ore nóna ñane aja yojningai punire ueradéjna uté to. Yojningane u pangaranipísode ore jeta ore cho guidai ome cananéogosode ore."
3Uje Moisés e chimate datocaidode ga chiroque ore aja doi to. Ga ore jno ga ore jnoji erãpetarei uté to nanique uje i tu Parán. Enga que ayoré gajnarécho utocaidode, mu pangaranipise udore ore jnese nanique. 4Enga ore íode u udojo nanique: rubéngosode ore utocaidi u Samúa uje uté dai i tu Zacur nanique. 5Simeóngosode ore utocaidi u Safat, uje uté dai i tu Hori nanique. 6Judágosode ore utocaidi u Caleb to nanique uje uté dai i tu Jefone nanique. 7Ísacargosode ore utocaidi i tu Igal nanique, uje uté dai i tu José uñai. 8Efraíngosode ore utocaidi u Oseas ga uté dai i tu Nun nanique. 9Benjamíngosode ore utocaidi u Pálti nanique, ga uté dai i tu Rafu. 10Zabulóngosode ore utocaidi tu Gadiel, ga uté dai i tu Sódi. 11Manasésgosode ore utocaidi u Gádi, ga dai i tu Súsi nanique. Ga manasésgosode ore cho danuchúji dáquigatéi José to ga ore chojninga: 'Joségose yoque to.' 12Dángosode ore utocaidi i tu Amiel, ga uté dai i tu Gemáli. 13Asérgosode ore utocaidi i tu Setur enga uté dai i tu Micael. 14Neftalígosode ore utocaidi u Náhbi, ga uté dai i tu Vápsi nanique. 15Gádgosode ore utocaidi u Geuel, ga uté dai i tu Máqui.
16Moisés utocaidode íode u yatatagode udojo ga ore u nanique uje ore chope guidai ome cananéogosode ore uniri nanique. Mu Moisés ecãraque utocaidi Oseas i nanique uje uté dayé i tu Nun. Ga chĩ́care Josué aja Oseas uté nanique.
17Ga chojningame datocaidode udore:
–Beyoi ga ajichopise cuchade aja quigode iji ore uniri Canaán uté údode jnese to jne. Enga boyo ga ajucho erã́petaréque cuchábi iji gatócoro to uje i tu Neguev. Enga a eso cucarãte orónenie enga ocho aja uacajesui to jne. 18Enga que gusu ore uniri jeta ajire údode to, mu ajire unirisórone adode to: ujetiga jiei ore, jeoga garósi ore; ujetiga etoque ore, jeoga serẽrája ore to. Ga a yudúco uacojñáringo ome ore to jne. 19Angoñome yoque to jeta ore chapája dajesúode to, jeoga ore ujuyaquérigo déji ore idáyode to. Enga ajiripise ore acade cucha jogadode to ujeta uerate jnumi arĩ iji jogadode to, jeoga guesa jnumi arĩ tiji jogadode. 20Enga ajiripise poridie to jeta uguíjnamúo, jeoga garósi poridie iji. Enga ca pisadodéringárique déji uágome uacaquéode to. Jetiga ajníño yoquibai to enga ajnáño cucha árigo to ga a yajico to jne jeta aríñopo rĩ.–
Uje Moisés chutṍri ore nanique ga jogadi u nanique uje cananéogosode e ore na dacadie úvai uje quene timachuguei úva bajedie gu. 21Enga ore jno nanique ga ore chajire ore uniri údode, ga ore chise ore idáyode jnese iji erãpetarei Zin, ore idai Rehob ore ujai. Uje erãpetarei Zin uté déji umusoi garani yui, jé basa ore idai Rehob uté uje déji ore idai Hamat tiógarei déji casaque garani yui iji ta, ga idájapise ore iji ñane. 22Ore guiyaque bajai u erãpetarei Neguev nanique ga ore chajuque erãpetarei Neguev uté gatócoro to, ga ore quítequigája cucaranone ga ore choru cucarãte umarejnai Hebrón aja dajesui to ga ore chise jnani bajaque umarejnájnai Anac ájnape disi ejode iji ore idai Hebrón nanique, ga ore cho dáquide uté ga umarejnápise ore to. Ga ore dayode íode u udojo: Ahimán, jé aja Sesai, aja Talmai ore. Iyajmanguipise ore idai Hebrón uté, ga sué egíptogosode ore idai Zoán ome dáringai iyajmanguipise. Bajaque ore idai Hebrón uté gu nanique ga guejnanie siquerei gare iji ti nanique uje quene pipesute ore idai Zoán uté.
23-24Ga jé u nanique uje ore jnoji Hebrón uté ga ore chise pajmini uje i tu Escol iji darorápi uté uje déji tié dipoté ejode, enga quĩrique sibíjna ejode to. Ore chaquesu úvadie iji uté nanique ujetiga ore jno udore údi aja darasade uje ore chirote ore yui iji erãpetarei nanique. Enga ore chaquesu pidi enga ore chijnoque úvadie iji ga jnani gárode ore chijnónguiji dorotadode uje uñanie ájnai gu enga iménujna ubugode. Ga ore chijnoque cucha adie uñanie to uje ore íode u granáda, hígo ore uje ueradéjnapísi adie udire to.
25Ga Moisés irógode udore uje ore chope guidai ome cananéogosode ore uniri nanique ore guejnane dire chejna ayoré gare uje ore chajire ore uniri údode to nanique. Quigade ga jé u uje ore chajni aja daniri to. 26Enga ore jno ga ore chise darasade iji ore apáringaméi uje i tu Cádes, ga uté déji erãpetarei ajei to nanique uje erãpetarei uté i tu Parán. Enga israélgosode, Moisés, Aarón ore chimo ore ga ore nínapúsu raque ome ore diringai. Enga ore tangaripísi ore ojñane quigode. Enga ore chingo dajnunguenie úvai ubugode aja ore to enga chajuque ore agutedie uje adie cuchadatei. 27Ga ore catecã́ri Moisés ore ga ore chojninga:
–Yico diríca ga yicagóji ore uniri uté to uje baroque yógaja to diríca. Jé ũrepise Dupade uruode uje yico ore uniri uté to ga garáijna ujade to enga jnacarai umarejna iji ga ijoréjnapise to. Enga ore gachidedie aquirájnai ijnanie guejnapise ome irisode to. Enga yico cutérone to ga dotigade tṍraji edodie to. Uje uacachietáyoji yocujnungone ore acacho ade to, mu jé cho ñane iji ore uniri údode jnese. 28Ga unirisórone etoguipise ore to enga dicasepise ore to rĩ ome cuchade yúode. Ga jé chopo ore ujuyaquéode iji ore idáyode gáyode to ga umarejnápise iji jnumone to. Ga ore isoldádode cuse uje ore chajiripise ore idai ejode gatuaque to. Ga yico ore idai uñai uje i tu Hebrón ga umaripise uté idaisórone ore to ga ore suépise yocabubíedie gáyode to. Enga ore dáqui bajai Anac ujnacarode ore ujnomerãque nanique ome dáringai umarejna ga ore ape disi ejode a jé chopise ore to. 29Enga gáguedie ore chimere ránguiji ñane iji ore uniri uté to. Ga amaléquegosode u uñane to ga ore uniri déji erãpetarei Neguev ajei to. Jé basa ga hitítagosode u uñane to rĩ ga ore idáyode déji cucaranone jmainie to, ga ore urasade u jebuséogosode, amorréogosode ore to rĩ ga ore uniri jé chojmára iji jnumi. Ga cananéogosode u uñane to rĩ mu ore chedu ráguiji yote quedéjnane edúdode. Ga uñane déji tié edúdode uje i tu Jordán, jé basa ga uñane dépoji yote quedéjnadatéi edúdi to uje i tu Mediterráneo.–
30Jiei israélgosode ore iji ore ejode uje ore tangári guidáyode ore ojñane ome Moisés to. Mu ore todo ore ojñane yui to ga ore ichorájna iji ore ejode. Enga jé u uje Caleb chague ga chajo ore aja jnumi ome daruode to ga chósi tome ore:
–¡Oyo parácho é! Ca atodóyo ore yui. Ga yico ga yujnucoi yógome ore yui ga a yejnángo ore jnese jne ga a yoco yocuniri iji ore uniri jnese.–
31Enga Caleb jorane ore narare to enga ore chajnai Caleb uruode ga ore chojninga:
–Jé ore dóji to. Bamo arĩa uje yajico ore diríca ga ore sué yoquibai diríca ome dáringane umarejna. Enga que toque gotique jeta yajnangóji ore to. Cachi a ore chejna yoque ¡jaripe! jne gu.–
32Enga ore catecã́ri darasade iji dejode to:
–Jé ũrepise yoque arĩa uje etoguipise ore diríca, ga ore chejnápise damajosórone iji dajade, ga a ca posongaquérique déji ore ajénique ome israélgosode yoque to jeta yico ore jne. Yichapia uágaja ore ejode to diríca enga ajichope ore to diríca ome dáringane jnani etoguipise. 33Ga ore chajirirase uyóguiji dádode ga a ore chojningárasome ñane: "¡Chi! Cajicho israélgosode to, uje ore chosi jidababidie iji yocúdode to." Uacadúcho jnani bajai Anac ujnomejnane to uje jnani umarejnájna uté to. Ga uté ape disi ejode u yocojningane udore.–
Currently Selected:
Números 13: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
Números 13
13
Moisés chiroque datocaidode aja Canaán ujetiga ore chajiripise cuchade aja quigode iji uté nanique
1-2Yocangarádejnai catecãrápoi Moisés to nanique rĩ ga chojninga:
"Acatecã́ri jnanione uñéngo to ujetiga ore chope guidai ome cananéogosode ore uniri bajaque. Yojningai uté Canaán u uje yichaga uacayode ore to nanique uje yojningame ore nanique: 'A uacape disi ejode ore gajneque punire ueradéjnarique jne iji uacaquigáningo to.' Apuse israélgosode uacáguedie aja jnese to jne ujetiga caníratígo cho guidai ome yojningai punire ueradéjna uté to. Ga ajnime jnani chojmarai, chojmaráringo iji uacáguedie ore jnese ga ore nóna ñane aja yojningai punire ueradéjna uté to. Yojningane u pangaranipísode ore jeta ore cho guidai ome cananéogosode ore."
3Uje Moisés e chimate datocaidode ga chiroque ore aja doi to. Ga ore jno ga ore jnoji erãpetarei uté to nanique uje i tu Parán. Enga que ayoré gajnarécho utocaidode, mu pangaranipise udore ore jnese nanique. 4Enga ore íode u udojo nanique: rubéngosode ore utocaidi u Samúa uje uté dai i tu Zacur nanique. 5Simeóngosode ore utocaidi u Safat, uje uté dai i tu Hori nanique. 6Judágosode ore utocaidi u Caleb to nanique uje uté dai i tu Jefone nanique. 7Ísacargosode ore utocaidi i tu Igal nanique, uje uté dai i tu José uñai. 8Efraíngosode ore utocaidi u Oseas ga uté dai i tu Nun nanique. 9Benjamíngosode ore utocaidi u Pálti nanique, ga uté dai i tu Rafu. 10Zabulóngosode ore utocaidi tu Gadiel, ga uté dai i tu Sódi. 11Manasésgosode ore utocaidi u Gádi, ga dai i tu Súsi nanique. Ga manasésgosode ore cho danuchúji dáquigatéi José to ga ore chojninga: 'Joségose yoque to.' 12Dángosode ore utocaidi i tu Amiel, ga uté dai i tu Gemáli. 13Asérgosode ore utocaidi i tu Setur enga uté dai i tu Micael. 14Neftalígosode ore utocaidi u Náhbi, ga uté dai i tu Vápsi nanique. 15Gádgosode ore utocaidi u Geuel, ga uté dai i tu Máqui.
16Moisés utocaidode íode u yatatagode udojo ga ore u nanique uje ore chope guidai ome cananéogosode ore uniri nanique. Mu Moisés ecãraque utocaidi Oseas i nanique uje uté dayé i tu Nun. Ga chĩ́care Josué aja Oseas uté nanique.
17Ga chojningame datocaidode udore:
–Beyoi ga ajichopise cuchade aja quigode iji ore uniri Canaán uté údode jnese to jne. Enga boyo ga ajucho erã́petaréque cuchábi iji gatócoro to uje i tu Neguev. Enga a eso cucarãte orónenie enga ocho aja uacajesui to jne. 18Enga que gusu ore uniri jeta ajire údode to, mu ajire unirisórone adode to: ujetiga jiei ore, jeoga garósi ore; ujetiga etoque ore, jeoga serẽrája ore to. Ga a yudúco uacojñáringo ome ore to jne. 19Angoñome yoque to jeta ore chapája dajesúode to, jeoga ore ujuyaquérigo déji ore idáyode to. Enga ajiripise ore acade cucha jogadode to ujeta uerate jnumi arĩ iji jogadode to, jeoga guesa jnumi arĩ tiji jogadode. 20Enga ajiripise poridie to jeta uguíjnamúo, jeoga garósi poridie iji. Enga ca pisadodéringárique déji uágome uacaquéode to. Jetiga ajníño yoquibai to enga ajnáño cucha árigo to ga a yajico to jne jeta aríñopo rĩ.–
Uje Moisés chutṍri ore nanique ga jogadi u nanique uje cananéogosode e ore na dacadie úvai uje quene timachuguei úva bajedie gu. 21Enga ore jno nanique ga ore chajire ore uniri údode, ga ore chise ore idáyode jnese iji erãpetarei Zin, ore idai Rehob ore ujai. Uje erãpetarei Zin uté déji umusoi garani yui, jé basa ore idai Rehob uté uje déji ore idai Hamat tiógarei déji casaque garani yui iji ta, ga idájapise ore iji ñane. 22Ore guiyaque bajai u erãpetarei Neguev nanique ga ore chajuque erãpetarei Neguev uté gatócoro to, ga ore quítequigája cucaranone ga ore choru cucarãte umarejnai Hebrón aja dajesui to ga ore chise jnani bajaque umarejnájnai Anac ájnape disi ejode iji ore idai Hebrón nanique, ga ore cho dáquide uté ga umarejnápise ore to. Ga ore dayode íode u udojo: Ahimán, jé aja Sesai, aja Talmai ore. Iyajmanguipise ore idai Hebrón uté, ga sué egíptogosode ore idai Zoán ome dáringai iyajmanguipise. Bajaque ore idai Hebrón uté gu nanique ga guejnanie siquerei gare iji ti nanique uje quene pipesute ore idai Zoán uté.
23-24Ga jé u nanique uje ore jnoji Hebrón uté ga ore chise pajmini uje i tu Escol iji darorápi uté uje déji tié dipoté ejode, enga quĩrique sibíjna ejode to. Ore chaquesu úvadie iji uté nanique ujetiga ore jno udore údi aja darasade uje ore chirote ore yui iji erãpetarei nanique. Enga ore chaquesu pidi enga ore chijnoque úvadie iji ga jnani gárode ore chijnónguiji dorotadode uje uñanie ájnai gu enga iménujna ubugode. Ga ore chijnoque cucha adie uñanie to uje ore íode u granáda, hígo ore uje ueradéjnapísi adie udire to.
25Ga Moisés irógode udore uje ore chope guidai ome cananéogosode ore uniri nanique ore guejnane dire chejna ayoré gare uje ore chajire ore uniri údode to nanique. Quigade ga jé u uje ore chajni aja daniri to. 26Enga ore jno ga ore chise darasade iji ore apáringaméi uje i tu Cádes, ga uté déji erãpetarei ajei to nanique uje erãpetarei uté i tu Parán. Enga israélgosode, Moisés, Aarón ore chimo ore ga ore nínapúsu raque ome ore diringai. Enga ore tangaripísi ore ojñane quigode. Enga ore chingo dajnunguenie úvai ubugode aja ore to enga chajuque ore agutedie uje adie cuchadatei. 27Ga ore catecã́ri Moisés ore ga ore chojninga:
–Yico diríca ga yicagóji ore uniri uté to uje baroque yógaja to diríca. Jé ũrepise Dupade uruode uje yico ore uniri uté to ga garáijna ujade to enga jnacarai umarejna iji ga ijoréjnapise to. Enga ore gachidedie aquirájnai ijnanie guejnapise ome irisode to. Enga yico cutérone to ga dotigade tṍraji edodie to. Uje uacachietáyoji yocujnungone ore acacho ade to, mu jé cho ñane iji ore uniri údode jnese. 28Ga unirisórone etoguipise ore to enga dicasepise ore to rĩ ome cuchade yúode. Ga jé chopo ore ujuyaquéode iji ore idáyode gáyode to ga umarejnápise iji jnumone to. Ga ore isoldádode cuse uje ore chajiripise ore idai ejode gatuaque to. Ga yico ore idai uñai uje i tu Hebrón ga umaripise uté idaisórone ore to ga ore suépise yocabubíedie gáyode to. Enga ore dáqui bajai Anac ujnacarode ore ujnomerãque nanique ome dáringai umarejna ga ore ape disi ejode a jé chopise ore to. 29Enga gáguedie ore chimere ránguiji ñane iji ore uniri uté to. Ga amaléquegosode u uñane to ga ore uniri déji erãpetarei Neguev ajei to. Jé basa ga hitítagosode u uñane to rĩ ga ore idáyode déji cucaranone jmainie to, ga ore urasade u jebuséogosode, amorréogosode ore to rĩ ga ore uniri jé chojmára iji jnumi. Ga cananéogosode u uñane to rĩ mu ore chedu ráguiji yote quedéjnane edúdode. Ga uñane déji tié edúdode uje i tu Jordán, jé basa ga uñane dépoji yote quedéjnadatéi edúdi to uje i tu Mediterráneo.–
30Jiei israélgosode ore iji ore ejode uje ore tangári guidáyode ore ojñane ome Moisés to. Mu ore todo ore ojñane yui to ga ore ichorájna iji ore ejode. Enga jé u uje Caleb chague ga chajo ore aja jnumi ome daruode to ga chósi tome ore:
–¡Oyo parácho é! Ca atodóyo ore yui. Ga yico ga yujnucoi yógome ore yui ga a yejnángo ore jnese jne ga a yoco yocuniri iji ore uniri jnese.–
31Enga Caleb jorane ore narare to enga ore chajnai Caleb uruode ga ore chojninga:
–Jé ore dóji to. Bamo arĩa uje yajico ore diríca ga ore sué yoquibai diríca ome dáringane umarejna. Enga que toque gotique jeta yajnangóji ore to. Cachi a ore chejna yoque ¡jaripe! jne gu.–
32Enga ore catecã́ri darasade iji dejode to:
–Jé ũrepise yoque arĩa uje etoguipise ore diríca, ga ore chejnápise damajosórone iji dajade, ga a ca posongaquérique déji ore ajénique ome israélgosode yoque to jeta yico ore jne. Yichapia uágaja ore ejode to diríca enga ajichope ore to diríca ome dáringane jnani etoguipise. 33Ga ore chajirirase uyóguiji dádode ga a ore chojningárasome ñane: "¡Chi! Cajicho israélgosode to, uje ore chosi jidababidie iji yocúdode to." Uacadúcho jnani bajai Anac ujnomejnane to uje jnani umarejnájna uté to. Ga uté ape disi ejode u yocojningane udore.–
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360