مقتطفات من الزبور 4
LRT

مقتطفات من الزبور 4

4
دعاء الرثاء للنبي داود (ع)
1يا الله، يا واسِع، برحمتَك أنا بريء،
يا مفرِّج عليِّ بوقت الضّيق،
استجِب لي لمّا بدعيك بترجّاك،
بُطلُب رَحِمتَك بِتوسَّل إليك!
2يا عالَم، لأَيمَتى رح تضلّوا شَرفي مْدَنْسين؟
لأَيمَتى رح تْضَلّوا الباطِل حابّين، وْوَرا الكِذب ماشيين؟
3اعْرِفوا كتير منيح إنّه الله بيخْتار لنفسُه المُخْلِصين،
فهوّ بيسمَع دعائي، لأنّي من الصّالحين.
4خافوا الله! وبِكَفّي تْضَلّوا مُذنبين،
راجعوا حَالكُن، مع توبة وندم، وإنتو بهدوء قاعدين،
5اعبدوا ربكُن بِكلّ أمانة وعَليه تْوَكَّلوا.
6كتير من المُشَكِّكين يلّي بيسألوا:
"مين رح يبعَتِلْنا الخير ويساعِدْنا؟"
يا ربّ! شْروق بوجَّك علينا ونوّرنا.
7أنعمْت عْلَيّي وفرَّحِتْني كتير،
أكتر من أصحاب البَلاط ويلّي عندُن مال وَفير.
8بكلّ سَلام،
بْحُطْ راسي وبنام،
لأنَّك يا ربّ يا حَنّان،
وَحْدَك بْتوهَبْني الأمان.

Encouraging and challenging you to seek intimacy with God every day.


YouVersion uses cookies to personalize your experience. By using our website, you accept our use of cookies as described in our Privacy Policy.