Sir 19
19
1Ituŋanan ŋini itiyae ŋun, nyebari;
ituŋanan ŋini ejamuwarit ŋiboro ŋulu edisyak, emunaar iwadio, iwadio.
2Itooliyori epiini ka ŋaberu ŋikilyok ŋulu epiiryaka,
ido ekile ŋolo italalat arukit ka ŋamalaae, erae ŋolo nyiyokiuno bon.
3Eruwor iŋes ŋolo ebosuni ka ŋolo a ŋikur,
ido itoŋopiaryo ituŋanan ŋini nyiyokuuno bon.
akitoroniyarit erwor car
4Ituŋanan ŋini ikinyomi ŋuluce atipei, erae ŋini nyetami nooi,
ido ŋini esecenene, itiyae ŋuna nyiyookino neni keŋ bon.
5Ituŋanan ŋini elelyani anakitiya ŋuna aronok, itoroniyaryo,
6nai ŋini eremokino asyomar ŋuluce eyakar aronis ŋina edit.
7Nyiboŋonokini akirworo ŋakiro ŋuna erikakin erwor,
ido emam ŋuna ikitakadakinete iyoŋ.
8Nyilimok ekone kori emoit ŋakiro ŋuna iyeni atemar eroko,
mati kiyeni iyoŋ atemar eruwor asecit aneni kon erae kimunon,
9anerae acepaki kikiirarit sek iyoŋ ituŋanan ice, ido ikiteo,
ido alotooma apaki ŋina euruwuana, ikimani iŋes iyoŋ.
10Eya ŋakiro iirarit iyoŋ a? Kililiŋia ŋakiro ŋun.
Totitinyor, nyepedorete ŋakiro ŋun akielun kiŋa erae ŋuna aarak iyoŋ.
11Ŋina iirarya ibaŋaanot ŋakiro ŋadi ŋuna emaikina kimunonoe,
eryamuni iŋes aryeba ŋina ikwaan ka ŋina ka aberu a ŋina eryeba aŋuna ka akidoun.
12Lopite ŋolo eupakinor ekaleŋeleŋet namuro a ituŋanan,
ikote nenipei ŋakiro aneni a ituŋanan a ŋini irworor ŋuluce.
13Kiŋitiŋiti ekone ŋakiro, acepaki nyitiyat iŋes ŋun;
kori ani kitiyat iŋes, nyeboŋokini nabo akitiya ŋun.
14Kiŋitiŋit ikidunyet ŋakiro, acepaki nyelimunit iŋes ŋun;
kori ani kelimunit iŋes, nyeboŋokini nabo alimun ŋun.
15Kiŋitiŋit ekone ŋakiro, anerae epedorete aruwor ŋuna isudokinitae iŋes,
aŋun, nyinup ŋakiro daadaŋ ŋuna iirari iyoŋ.
16Epedori ituŋanan akibutor irworo ŋakiro pa ecamit iŋes alimun,
ŋae nyeseca anakiro a ŋuna irworo?
17Kiŋitiŋit ekidunyet kon ŋakiro eriŋa iyoŋ nyetemara itiyae ŋadi ŋuna aronok neni keŋ,
ka kimyek ekisil ŋolo ke Ekapolon a ŋolo alokidiama nooi totub ŋun. #19:18, 19 iyatakinito ŋakigireta ŋace eŋaet 18 ka 19: Akirot ŋina ke ekiŋaren ŋina ikicamunia iyoŋ Ekapolon, erae akitopoloor iŋes, ikiminakini iŋes iyoŋ erae kios: Toyenu ŋakiciketa ŋuna a Ekapolon. Erae adao iŋes ikiteryamuni akiyar. Ŋituŋa ŋulu elakara itiyaete ŋuna italakarito Ekapolon, ileileyete arait ŋina a ekitoe ka akiyar a ŋina a ŋikaru ka ŋikaru.
Aosou ŋina a kire ka ŋina ka alyokonu
20Erae aosou daadaŋ akitopoloorit Ekapolon
ka tooma aosou daadaŋ eyai akisiyookin ŋikisila. #19:21 Iyatakinito ŋakigireta ŋace eŋaet 21: Ani keŋer iketiyan akiwuap ŋuna a Ekapolon keŋ, nai kiwuap ekaku, erubakini ekapolon keŋ eŋoit.
22Erae ayenut akitiya ŋuna aronok amamukau ŋina ka aosou,
emam akitatam ŋina ajokan ŋina epedorete ŋikasecak alimokin.
23Eyai aosou ŋina itiyaata ŋituŋa ŋuna aronok,
ka eyai ibaŋaanot ŋini emamukar aosou.
24Ejokak ŋituŋa ŋulu itopoloorito Akuj tari kemamukatar ayenut,
akilo ŋulu apiiryanak nooi ŋulu ebilibiliyete ŋikisila.
25Epedori ituŋanan aruwor ŋini eos nooi, nai nyitiyae ŋuna iyookino
ka eyakasi ŋituŋa ŋulu eŋerito ajokis aŋuna ka aryamunia ŋuna nyetubokinitere.
26Eyakasi ŋituŋa ŋulu iluuruyete nooi igworosi,
nai alotooma kec, ileleba amodiyo.
27Iwuete ikes ŋireetin kec, ido kiredakis esibit nyepupete ŋakiro,
nai ani kemam ituŋanan ite ikes, itiyaete ikes ŋuna aronok neni kon.
28Tari kemamukatar ikes agogoŋu ŋina itepedori ikes arubakin eseceneneete,
itiyaete ikes jik ŋuna aronok apaki ŋina eryamuniata apaki ŋinakitiyaet.
29Eyenen ituŋanan alotakane keŋ
ka eyenunio ituŋanan ŋini etami ejok apaki ŋina iryamunotor ekiŋaren.
30Epedori enapitene a ituŋanan ka akyena ŋina ebunit alotau keŋ ta epite ŋolo elosyo ituŋanan akitoodiun ŋipitesyo a ituŋanan a ŋin.
Currently Selected:
Sir 19: NIB2008
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Sir 19
19
1Ituŋanan ŋini itiyae ŋun, nyebari;
ituŋanan ŋini ejamuwarit ŋiboro ŋulu edisyak, emunaar iwadio, iwadio.
2Itooliyori epiini ka ŋaberu ŋikilyok ŋulu epiiryaka,
ido ekile ŋolo italalat arukit ka ŋamalaae, erae ŋolo nyiyokiuno bon.
3Eruwor iŋes ŋolo ebosuni ka ŋolo a ŋikur,
ido itoŋopiaryo ituŋanan ŋini nyiyokuuno bon.
akitoroniyarit erwor car
4Ituŋanan ŋini ikinyomi ŋuluce atipei, erae ŋini nyetami nooi,
ido ŋini esecenene, itiyae ŋuna nyiyookino neni keŋ bon.
5Ituŋanan ŋini elelyani anakitiya ŋuna aronok, itoroniyaryo,
6nai ŋini eremokino asyomar ŋuluce eyakar aronis ŋina edit.
7Nyiboŋonokini akirworo ŋakiro ŋuna erikakin erwor,
ido emam ŋuna ikitakadakinete iyoŋ.
8Nyilimok ekone kori emoit ŋakiro ŋuna iyeni atemar eroko,
mati kiyeni iyoŋ atemar eruwor asecit aneni kon erae kimunon,
9anerae acepaki kikiirarit sek iyoŋ ituŋanan ice, ido ikiteo,
ido alotooma apaki ŋina euruwuana, ikimani iŋes iyoŋ.
10Eya ŋakiro iirarit iyoŋ a? Kililiŋia ŋakiro ŋun.
Totitinyor, nyepedorete ŋakiro ŋun akielun kiŋa erae ŋuna aarak iyoŋ.
11Ŋina iirarya ibaŋaanot ŋakiro ŋadi ŋuna emaikina kimunonoe,
eryamuni iŋes aryeba ŋina ikwaan ka ŋina ka aberu a ŋina eryeba aŋuna ka akidoun.
12Lopite ŋolo eupakinor ekaleŋeleŋet namuro a ituŋanan,
ikote nenipei ŋakiro aneni a ituŋanan a ŋini irworor ŋuluce.
13Kiŋitiŋiti ekone ŋakiro, acepaki nyitiyat iŋes ŋun;
kori ani kitiyat iŋes, nyeboŋokini nabo akitiya ŋun.
14Kiŋitiŋit ikidunyet ŋakiro, acepaki nyelimunit iŋes ŋun;
kori ani kelimunit iŋes, nyeboŋokini nabo alimun ŋun.
15Kiŋitiŋit ekone ŋakiro, anerae epedorete aruwor ŋuna isudokinitae iŋes,
aŋun, nyinup ŋakiro daadaŋ ŋuna iirari iyoŋ.
16Epedori ituŋanan akibutor irworo ŋakiro pa ecamit iŋes alimun,
ŋae nyeseca anakiro a ŋuna irworo?
17Kiŋitiŋit ekidunyet kon ŋakiro eriŋa iyoŋ nyetemara itiyae ŋadi ŋuna aronok neni keŋ,
ka kimyek ekisil ŋolo ke Ekapolon a ŋolo alokidiama nooi totub ŋun. #19:18, 19 iyatakinito ŋakigireta ŋace eŋaet 18 ka 19: Akirot ŋina ke ekiŋaren ŋina ikicamunia iyoŋ Ekapolon, erae akitopoloor iŋes, ikiminakini iŋes iyoŋ erae kios: Toyenu ŋakiciketa ŋuna a Ekapolon. Erae adao iŋes ikiteryamuni akiyar. Ŋituŋa ŋulu elakara itiyaete ŋuna italakarito Ekapolon, ileileyete arait ŋina a ekitoe ka akiyar a ŋina a ŋikaru ka ŋikaru.
Aosou ŋina a kire ka ŋina ka alyokonu
20Erae aosou daadaŋ akitopoloorit Ekapolon
ka tooma aosou daadaŋ eyai akisiyookin ŋikisila. #19:21 Iyatakinito ŋakigireta ŋace eŋaet 21: Ani keŋer iketiyan akiwuap ŋuna a Ekapolon keŋ, nai kiwuap ekaku, erubakini ekapolon keŋ eŋoit.
22Erae ayenut akitiya ŋuna aronok amamukau ŋina ka aosou,
emam akitatam ŋina ajokan ŋina epedorete ŋikasecak alimokin.
23Eyai aosou ŋina itiyaata ŋituŋa ŋuna aronok,
ka eyai ibaŋaanot ŋini emamukar aosou.
24Ejokak ŋituŋa ŋulu itopoloorito Akuj tari kemamukatar ayenut,
akilo ŋulu apiiryanak nooi ŋulu ebilibiliyete ŋikisila.
25Epedori ituŋanan aruwor ŋini eos nooi, nai nyitiyae ŋuna iyookino
ka eyakasi ŋituŋa ŋulu eŋerito ajokis aŋuna ka aryamunia ŋuna nyetubokinitere.
26Eyakasi ŋituŋa ŋulu iluuruyete nooi igworosi,
nai alotooma kec, ileleba amodiyo.
27Iwuete ikes ŋireetin kec, ido kiredakis esibit nyepupete ŋakiro,
nai ani kemam ituŋanan ite ikes, itiyaete ikes ŋuna aronok neni kon.
28Tari kemamukatar ikes agogoŋu ŋina itepedori ikes arubakin eseceneneete,
itiyaete ikes jik ŋuna aronok apaki ŋina eryamuniata apaki ŋinakitiyaet.
29Eyenen ituŋanan alotakane keŋ
ka eyenunio ituŋanan ŋini etami ejok apaki ŋina iryamunotor ekiŋaren.
30Epedori enapitene a ituŋanan ka akyena ŋina ebunit alotau keŋ ta epite ŋolo elosyo ituŋanan akitoodiun ŋipitesyo a ituŋanan a ŋin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.