Sir 17
17
1Abu Ekapolon kitiyau ituŋanan a ŋalup,
ido kituruwo iŋes ituŋanan ŋini eboŋori nabo nalup.
2Abu iŋes inak ŋituŋa akiboi ŋirwa ŋulu imaruna,
nai abu inak ikes apedor ŋinapolokinet ibore daadaŋ anakwap.
3Abu inak ikes agogoŋu ŋina ikwaan ka ŋina keŋ a elope,
ido abu tosub ikes eyakatar ŋasima keŋ.
4Abu kiwuak losubun ŋulu eyarete akuryanu aŋuna a ŋituŋa,
abu inak ŋituŋa apolokin ŋityaŋ ka ŋikeny. #17:5 Iyatakinito ŋakigireta ŋace eŋaet 5: Abu Ekapolon inak ikes ayenut, nai abu daŋ inak ayenut ŋina a ŋakanikapei iŋes apiiryanut ka ŋina a ŋakanikaarei iŋes atamatam ŋina inakini ikes ayenun ŋuna eponito neni kec, erae ŋun aŋuna aŋinerin aŋulu ikiteyenunete ŋakiro.
6Abu inak ŋituŋa ŋakiro ŋuna irworosi ikes ka ŋakonyen ŋuna kiteet,
ŋaki ŋunapupet ŋakiro ka ŋatameta ŋunatamatamaet.
7Abu kilelebik neni a ŋituŋa aosou ka ayenut,
ido kitoodik ikes ŋuna ajokak ka ŋuna aronok.
8Abu kiwuak lotai kec akitopoloorit iŋes,
akitoodiunia ailiil ŋina a ŋisubuna keŋ.
9Amaikina ŋituŋa kiserata ailiil ŋina a ŋisubuna keŋ;
10amaikina ŋituŋa kipuro ekiro keŋ ŋolo asegan.
11Abu kiwuak aosou neni a ŋituŋa,
ido inak ikes ekisil ikwapei akisyakinet ŋina ka akiyar.
12Abu Ekapolon tocamunos ka ŋituŋa anacamunet a ŋina a ŋikaru ka ŋikaru,
ido kisileerek neni kec ŋakiro ŋuna atubunit iŋes.
13Apotu ŋituŋa kiŋolikis apolou keŋ ŋina ailiilon,
ido apotu kiirasi apolou ŋina a etoil keŋ.
14Abu Ekapolon tema neni kec, “Tocoito aronis daadaŋ.”
Abu Ekapolon inak ikes a ŋinituŋanan ŋuna emaikina kitiya aŋuna a ikidunyet keŋ.
15Eyeni Ekapolon ŋakiro daadaŋ ŋuna iwuapito ŋituŋa;
nyepedoryo akiwua ŋun alokiŋaren Ekapolon. #17:16 Iyatakinito ŋakigireta ŋace eŋaet 16: Ŋinapei alokiditeu kec jik erubakinito ikes erae ŋulu aronok; egogoŋ ŋitai kec ikote amoru, ido nyecamito alotai kec aruwor ŋituŋa ŋulu ejokak.
17Abu Ekapolon toseu ekepukan aŋuna a ŋinakwap,
nai erae Isirael akwap ŋina ipukat iŋes. #17:18 Iyatakinito ŋakigireta ŋace eŋaet 18: Erae Isirael ikoku keŋ ŋinikiyae ŋini edai Ekapolon apaki ŋina itopolounio, einanakini iŋes akica ŋina ka amina keŋ, ido nyeŋerenene Ekapolon iŋes.
19Ileerete ŋiticisyo a ŋituŋa aneni a Ekapolon lopite ŋolo ileereo akoloŋ,
ido ite Ekapolon a ŋinapaki ŋuna iwuapito ŋituŋa.
20Ileerete aneni ke Ekapolon ŋasecisya a ŋituŋa,
eyeni ekapolon ŋasecisya kec daadaŋ. #17:21 Iyatakinito ŋakigireta ŋace eŋaet 21: Nai ejok Ekapolon ka eyeni ŋisubuna keŋ; aŋun eturubak ikes eyakasi akilo akimyekin.
22Ejok akiŋaranakin a ituŋanan ŋikulyak erae ibore ŋini ejok aneni a Ekapolon nooi lopite ŋolo ejokya ekaboboot ŋolo ka apolou;
ido erae arimao a ŋituŋa aneni a Ekapolon ibore ŋini ejok ŋini ikwaan ka akiyar.
23Ekaku ebuni Ekapolon atubokin ŋulu aronok,
ido kisican, ido eryamunete ikes ŋuna emaikina toryamut.
24Kikote neni daŋ, ŋulu ekiyete ŋasecisya kec,
eboŋorete neni a Ekapolon.
Emina Ekapolon a ŋinapaki akisimukyanakin ŋulu ecamito akimyekin akigeno kec.
Anyarauno nakiki ŋasecisya.
25Toboŋosi neni a Ekapolon, ido toŋero ŋasecisya kus;
kilipa alokiŋaren keŋ,
ido toŋero ŋadyakanareta kus.
26Toboŋosi neni a Ekapolon a ŋolo alokidiama nooi,
ido toŋero ŋasecisya kus
ka kitoroniyasi nooi ŋuna nyecamit iŋes.
27Ŋae epedori akipuro Ekapolon ŋolo alokidiama nooi anakibois a ŋikatwak,
ŋini ipuri Ekapolon lopite ŋolo ipurotor elakara ŋulu eyarete elakara neni keŋ?
28Adaun alakanar neni ke Ekapolon anakibois a ŋikatwak lopite ŋolo edaunor ituŋanan;
erae ŋulu eyarete ikes ipurosi ka alakara neni a Ekapolon.
29Epol nooi akisyon ŋina ke Ekapolon
ka epol nooi akisyon keŋ neni a ŋulu eboŋunete neni keŋ.
30Nai nyerae ŋun ŋuna eyakatar ŋituŋa,
anerae nyerae ŋituŋa ŋulu nyetwakeneneete.
31Nyo ecai nooi akilo akoloŋ?
Nai tari akoloŋ, iteriboonori akwap kirwoniar cuc.
Aŋun, epatana aronis arapuwar ŋatameta a ŋituŋa.
32Epedori Ekapolon akiturubakin ŋisubuna ŋulu alokidiama eya nen,
nai erae ŋituŋa daadaŋ apuwa ka ekuron.
Currently Selected:
Sir 17: NIB2008
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.