Sir 15
15
1Ŋini daadaŋ itopoloorit Ekapolon itiyae nu
ka ŋini daadaŋ einakina nakiwuapit ŋikisila, eryamuni aosou.
2Ebuni aosou akisiryamun iŋes ikwa toto
ka ijauni aosou iŋes ikwa ateran.
3Isimuji aosou iŋes a akimuj ŋina ka ayenun ŋakiro,
einakini aosou iŋes tomat aosou ikwa ŋakipi.
4Egwaŋakin iŋes neni ka aosou ka nyibusokin iŋes,
ido eyarikini iŋes neni ka aosou ka nyisurumyo iŋes ŋileec.
5Itopoloori aosou iŋes akilo ŋikidunyet keŋ,
ido eruwor ituŋanan ŋin ikerworon anatukot a ŋituŋa.
6Eryamuni iŋes alakara ka ebokot ŋolo ka alelyanu,
ido eryamuni iŋes ekiro ŋolo a ŋikaru ka ŋikaru.
7Nyeryamunete ŋibaŋaanotin aosou.
Ido nyiŋolikinete ŋikasecak aosou.
8Elwana aosou aneni a ŋulu ituroko
ka nyepedorete ŋikalyokonok atamatam ŋuna ka aosou.
9Nyemaikina ŋikasecak ipurosi Ekapolon,
anerae meere neni a Ekapolon ebunitor akipuro kec iŋes.
10Erae naosou emaikina tolomunia akipuro Ekapolon,
ido ituruwori Ekapolon akipuro ŋin ŋina iyookino.
Eyakar ŋinituŋanan apedor aseun ŋuna ecamit
(Sir 17:1-12)
11Nyitema, “Erae Ekapolon abu eketesec ayoŋ;”
anerae nyitiyae Ekapolon ŋuna eremokino.
12Nyitema, “Erae Ekapolon abu eketooliyo ayoŋ;”
anerae emam ŋuna iitanit Ekapolon aneni a ŋikasecak.
13Eremokino Ekapolon ka asiilyo daadaŋ;
nyeminasi ŋulu itopoloorito Ekapolon ŋakiro ŋuna ikote ŋun.
14Erae ekapolon abu tosub ŋituŋa anakisyakinet,
ido abu kimyek ikes anapedor kec a ŋina ka aseun ŋuna ecamito.
15Ani kiseut iyes iŋes iwuapete ŋakiciketa
ka akitiya alotooma akikinyoma,
erae aseunet kon a ŋinituŋanan.
16Ewuak Ekapolon kiŋaren kon akim ka ŋakipi;
ido kiopeiyo iyoŋ akonikan neni a ŋini a daadaŋ iseuni iyoŋ.
Topeta ŋakan kon aŋuna a ŋini iseuni iyoŋ.
17Kiŋaren ŋinituŋanan eyakasi akiyar ka atwanare,
ido ŋinibore eseuni ŋinituŋanan einakinio;
18anerae epol nooi aosou ŋina ke Ekapolon;
erae iŋes ŋolo
ka apedor ka ite iŋes ŋiboro daadaŋ.
19ite iŋes ŋulu itopoloorito iŋes
ka eyeni iŋes ŋuna daadaŋ itiyaete ŋituŋa.
20Nyelimokina iŋes ituŋanan idio akitiya ŋuna aronok
ka nyecamakina iŋes ituŋanan idio akisec.
Currently Selected:
Sir 15: NIB2008
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Sir 15
15
1Ŋini daadaŋ itopoloorit Ekapolon itiyae nu
ka ŋini daadaŋ einakina nakiwuapit ŋikisila, eryamuni aosou.
2Ebuni aosou akisiryamun iŋes ikwa toto
ka ijauni aosou iŋes ikwa ateran.
3Isimuji aosou iŋes a akimuj ŋina ka ayenun ŋakiro,
einakini aosou iŋes tomat aosou ikwa ŋakipi.
4Egwaŋakin iŋes neni ka aosou ka nyibusokin iŋes,
ido eyarikini iŋes neni ka aosou ka nyisurumyo iŋes ŋileec.
5Itopoloori aosou iŋes akilo ŋikidunyet keŋ,
ido eruwor ituŋanan ŋin ikerworon anatukot a ŋituŋa.
6Eryamuni iŋes alakara ka ebokot ŋolo ka alelyanu,
ido eryamuni iŋes ekiro ŋolo a ŋikaru ka ŋikaru.
7Nyeryamunete ŋibaŋaanotin aosou.
Ido nyiŋolikinete ŋikasecak aosou.
8Elwana aosou aneni a ŋulu ituroko
ka nyepedorete ŋikalyokonok atamatam ŋuna ka aosou.
9Nyemaikina ŋikasecak ipurosi Ekapolon,
anerae meere neni a Ekapolon ebunitor akipuro kec iŋes.
10Erae naosou emaikina tolomunia akipuro Ekapolon,
ido ituruwori Ekapolon akipuro ŋin ŋina iyookino.
Eyakar ŋinituŋanan apedor aseun ŋuna ecamit
(Sir 17:1-12)
11Nyitema, “Erae Ekapolon abu eketesec ayoŋ;”
anerae nyitiyae Ekapolon ŋuna eremokino.
12Nyitema, “Erae Ekapolon abu eketooliyo ayoŋ;”
anerae emam ŋuna iitanit Ekapolon aneni a ŋikasecak.
13Eremokino Ekapolon ka asiilyo daadaŋ;
nyeminasi ŋulu itopoloorito Ekapolon ŋakiro ŋuna ikote ŋun.
14Erae ekapolon abu tosub ŋituŋa anakisyakinet,
ido abu kimyek ikes anapedor kec a ŋina ka aseun ŋuna ecamito.
15Ani kiseut iyes iŋes iwuapete ŋakiciketa
ka akitiya alotooma akikinyoma,
erae aseunet kon a ŋinituŋanan.
16Ewuak Ekapolon kiŋaren kon akim ka ŋakipi;
ido kiopeiyo iyoŋ akonikan neni a ŋini a daadaŋ iseuni iyoŋ.
Topeta ŋakan kon aŋuna a ŋini iseuni iyoŋ.
17Kiŋaren ŋinituŋanan eyakasi akiyar ka atwanare,
ido ŋinibore eseuni ŋinituŋanan einakinio;
18anerae epol nooi aosou ŋina ke Ekapolon;
erae iŋes ŋolo
ka apedor ka ite iŋes ŋiboro daadaŋ.
19ite iŋes ŋulu itopoloorito iŋes
ka eyeni iŋes ŋuna daadaŋ itiyaete ŋituŋa.
20Nyelimokina iŋes ituŋanan idio akitiya ŋuna aronok
ka nyecamakina iŋes ituŋanan idio akisec.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.