Sir 14
14
1Elakara ŋulu nyirworosi ŋakiro car,
nyemaikina ikes kisicanae aŋuna ka asecit.
2Elakara ŋulu nyiilit alotai kec aŋuna itoroniyaritere, ŋulu nyimyekina akigeno kec.
ekesitiyae ebari anayenut epite ŋolokisitiyaet.
3Ituŋanan ŋini nyetami nooi, icana ebari ka ekainyo ebari aneni a ituŋanan a ŋini emini?
4Ecunakini iŋes aŋuna a ŋuluce ibore ŋini eŋerit iŋes;
ido eyarete ŋuluce a eleilei a ŋolo eryamunito aloboro keŋ.
5Ani kemini ituŋanan aryamun ibore aŋuna keŋ, neni a ŋae nai einakini iŋes ka alakara?
6Emam ŋini erono nooi akilo ŋini emini aryamun ibore aŋuna keŋ;
erae ŋin akisicanet aŋuna ka aminiu keŋ.
7Ani acepaki kitiya iŋes ŋuna ajokak, erae adyekaret,
ido ekaku isileereuni iŋes aminiu keŋ.
8Erae ituŋanan ŋini emini ŋini aronon,
emuleni iŋes ŋituŋa anakiitanit kec.
9Nyimwonikina ituŋanan ŋini erorokana a ibore a ŋini einakinio;
itajamaani etau arorokanut ŋina nyitiyaere ŋuna iyookino.
10Ituŋanan ŋini emini nyeryamuni akimuj,
ido icana ŋina kiwuakina lomesa keŋ.
11Ikaakoku, kidarite akuwan kon ejok,
lopite ŋolo ipedoritor iyoŋ,
ido inanak ŋainakineta ŋuna ajokak neni ke Ekapolon.
12Totamunito atemar nyedidi atwanare
ka nyitoodikina iyoŋ ŋinyas ŋulu a akibois a ŋikatwak.
13Kitiya ŋuna ajokak neni a ŋikonei eriŋa nyetwana,
ido todolonok ikes ka inanak lopite ŋolo ipedoritor.
14Nyimik akuwan kon akileile ibore ŋini ka akoloŋit ka adio;
nyimyek ibore ŋini ajokan ŋini icamit iyoŋ aryamun ebucar.
15Nyimyekinia mono iyoŋ ŋuluce ibore ŋini idau iyoŋ akitiya?
Nyekoryo mono ilamilamyo ibore ŋini ibu iyoŋ toryamu a ŋakinyinyir kon a?
16Inak ka kijaa, ido kileile,
anerae nyiryamuni iyoŋ akileile adio anakibois a ŋikatwak.
17Emojoŋeneneete ŋisubuna daadaŋ ŋulu eyarete lopite ŋolo enyamunor elou,
anerae ŋuna etubunitoe koloŋ sek ikes nu, “Emaikina iwon ikitwaki.”
18Ikwa ŋakwii ŋuna alalak ŋuna eya lokitoe, ŋolo epetarit ŋaten,
ekitoe ŋolo erarae ŋakwii ŋace, ido kitolomu ŋace, ikwaŋinapei ŋanyameta a ŋituŋa daŋ ikote nen; etwani apei, ido kidoŋ ŋinace.
19Eŋorotoniyari ibore daadaŋ ŋini erae ituŋanan itiyaunit, ido todaun,
ŋini etiyauni ibore ŋin daŋ, emojoŋi toŋopiyasi ka ibore ŋin.
Alakara ŋina ka akiwarit aosou.
(Ŋakit. 8:32-36)
20Elakara ituŋanan ŋini etamatamae ŋuna ka aosou,
ido kirworo erae ŋini epiiryana,
21ŋini etamatamae alotau keŋ ŋuna ka aosou,
ido kiitanite ayenun ŋuna imunono ŋuna ka aosou.
22Kiwarite aosou lopite ŋolo iwaritor ekerikan ŋityaŋ,
ido toperi idarit aryamun aosou alorotin a ŋulu eryamunere;
23ŋini eripi alodirisa akiirar ŋuna ka aosou,
ido topupi ŋuna ka aosou alopuke keŋ.
24Ŋini iboi alodiyete neni eyai aosou,
ido kibubukinite ŋases a eema keŋ narwatata a ŋini eyakar aosou.
25Ŋini igurokinit eema keŋ diyete neni eyai aosou,
ido iboikin iŋes nakibois ŋina ajokan nooi.
26Ŋini iwuakini ŋidwe keŋ nakiuryaro ŋina ka aosou,
ido kiboi alotolim a ŋolo ka aosou.
27Ŋini imukunit etolim ŋolo ka aosou alocan,
ido kiboi iŋes alotooma akica ŋina ka aosou.
Currently Selected:
Sir 14: NIB2008
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.