Sir 11
11
Amodiyo ŋina a etakane a ituŋanan
1Isiturokini aosou ŋulu itiditeuna,
kisiboik ikes nakiboisyo a ŋikapolok.
2Nyipuro ŋituŋa iŋolikini akibuses a ŋawat kec,
kori nyijamuwa idiotuŋanan alotakane keŋ.
3Erae ao ibore ŋini edit alosubun a ŋulu eporete,
nai akimuj ŋina elomunit aneni keŋ, ewinyiwinyi akilo ŋamuja ŋuna ewinyiwinyete.
4Nyituro aŋuna inapitor ŋilowi ŋulu amilimilak ka nyitopoloor bon ikitopoloorito ŋituŋa;
anerae eumokina ŋiticisyo ŋulu ke Ekapolon ka nyepatana ŋituŋa ayenun ŋiticisyo keŋ.
5Alemar anakiboisyo kec ŋirwosi ŋulu alalak, esiboikin ikes kwap,
nai etanapikin ŋibokoto kec neni a ŋulu sek pa atamakinitae.
6Alemar ajokis alokepukak a ŋulu alalak,
ido epotokin apolou neni a ŋuluce.
Ŋuna kitiya ka ŋuna ecoikinitae.
(Ŋakit. 18:13)
7Nyemaikina ayenun adyakaret eriŋa nyimimauna;
kiŋitiŋit mono, ido kitoroniya ekaku.
8Nyiboŋok ŋakiro eriŋa nyepupokina;
nyitemokino iyoŋ akirworikin eriŋa ŋinice irworo.
9Nyiloma akimoco ŋakiro ŋuna nyikitapito iyoŋ
ka nyiboikinosi ka ŋikasecak apaki ŋina etubioto ikes ŋakiro.
10Ikaakoku, nyituupa aŋuna a ŋakiro a ŋuna alalak,
ani kitalala iyoŋ ŋiticisyo, emamukaun ŋolo ikitojokere iyoŋ.
Ani kiwuapana iyoŋ ŋiticisyo, mam ŋolo itiyakini, ani kiem iyoŋ loticisyo, nyibucar iyoŋ.
11Eyakasi ŋulu itiyaete eŋirikinito ka iburiburete,
nai torubakinito iitanito ŋuna alalak.
12Eyakasi ŋulu iyapete, ido kiitanito akiŋarakino,
ŋulu emamukatar agogoŋ, ido toyakatar akulyako;
nai ite Ekapolon ikes alotooma arimao keŋ,
iŋarakini ikes anayakau kec locan.
13itabarenene Ekapolon ikes,
ido toumokis ŋulu alalak.
14Eponeneete aneni ke Ekapolon ŋuna ajokak ka ŋuna aronok ka atwanare,
ebuneene aneni ke Ekapolon akulyako ka ebari.
15Eponito nu daadaŋ aneni a Ekapolon: Aosou, ayenut, aosou ŋina ka ayenut ŋikisila, amina ka akitiya ŋuna ajokak.
16Arukito ŋikasecak ka adyakanar ta akirwonut ŋinapei anakisyakinet;
ŋulu eminasi aronis, erukete ka ikes tari namojoŋu kec.
17Erubakini ainakinet a Ekapolon eyai neni a ŋulu einakina,
ido eyauni amina keŋ ekitiyae ejok ŋoloruba.
18Eruwor ituŋanan ikabaran a ŋuna ka akitiya ka agogoŋu ka kimik akuwan keŋ ŋuna iitanit,
ido eropit ŋolo itemokinitoe aŋuna keŋ iŋes lo:
19Ani ketema iŋes, “Adau ayoŋ aryamun akieŋun,
ido tokona eboikin eleile akimuj kaŋ ŋina ajokan!”
Nyeyeni iŋes etyae ŋolo ka apaki a ŋina eyarya iŋes akitodol ŋina eesikinia iŋes ŋiboro ŋul aŋuna a ŋuluce totwan.
20Torubak iwuapit ŋuna idau iyoŋ acamun, ido kitiya ŋunapei,
tomojoŋik lotic kon.
21Nyiumonok aŋuna a ŋiticisyo a ekasecan, nai kikinyom Ekapolon ka torubak iyai lotic kon;
anerae epatana aneni a Ekapolon akitabar ikulyakanot atipei anapaki a ŋina euruwuana.
22Arereŋu a Ekapolon iŋes eropit a ŋulu einakina akiwuapit ŋuna keŋ,
ka eyauni Akuj atipei arereŋ keŋ kitalalau.
23Nyitema, “nyo eitanit ayoŋ ka nyo icebore aryamuni ayoŋ ŋini eruwor ŋini kaŋ?”
24Nyitema, “Ikiyakar ayoŋ ŋini eketemokino ka ŋuna aronok, anu etakanunete neni kaŋ tokona?”
25Anapaki a ŋina iboiyoto ŋituŋa emam ŋace, imuryakin ŋican
ka anapaki a ŋina a ŋican, imuryakin apaki ŋina iboiyoto ŋituŋa emam ŋace,
26anerae epatana Ekapolon akoloŋit ŋina elwania ituŋanan
akirop ŋinituŋanan alopite a ŋolo a ŋipitesyo keŋ.
27Epedorete ŋican ŋulu etakanunete esaa epei bon akisimuryakin alakara ŋina a ŋapakio a ŋuna alunyar.
Anasalunet akiyar a ituŋanan, isileereunio ŋuna a ŋiticisyo keŋ.
28Nyitemasi erae ituŋanan idio ŋini elakara eriŋa nyetwana;
epite ŋolo eŋetakinia ituŋanan akiyar keŋ, iŋes eyenunere iŋes.
Tocoikinite epite ŋolo iseunia ŋikonei
(Ŋakit. 19:4, 6)
29Nyitemokino tonyara ŋituŋa daadaŋ lore kon,
anerae ŋulu alalak ŋulu itoososi amodyanakin iyoŋ,
30ikwaan ikes ka ŋikalokak ŋulu isurumete ŋabaaŋa, aŋun ikote ŋatameta a ŋiketurok nen,
ido ikote ikes ŋikaripiripak ŋulu ekebito ŋuna ka apalagu kon,
31anerae eperete ikes edapito ŋuluce, iloconokinete ŋuna ajokak toruwor ŋuna aronok,
ido ilocokinete ŋuna emaikina kitiyae toruwor ŋunakitoroniyaret.
32Ekatyenyityenyit epei bon itenepuni ŋatotol ŋuna alalak,
ido eperi ekasecan edapit akiar ŋituŋa ŋuluce.
33Tocoikinito ŋasyaanisya, anerae eyeete ikes akitiya aronis
ka epedorete ikes amunaar ŋikaru ka ŋikaru ŋipitesyo kus ŋulu ajokak.
34Ani kijaununuyete iyes ŋigelaanotin lorerya kus, epedorete ikes ayaun egurigur neni kus,
ido ikituruwosi ikes iyes ŋigelaanotin alokalya kus.
Currently Selected:
Sir 11: NIB2008
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Sir 11
11
Amodiyo ŋina a etakane a ituŋanan
1Isiturokini aosou ŋulu itiditeuna,
kisiboik ikes nakiboisyo a ŋikapolok.
2Nyipuro ŋituŋa iŋolikini akibuses a ŋawat kec,
kori nyijamuwa idiotuŋanan alotakane keŋ.
3Erae ao ibore ŋini edit alosubun a ŋulu eporete,
nai akimuj ŋina elomunit aneni keŋ, ewinyiwinyi akilo ŋamuja ŋuna ewinyiwinyete.
4Nyituro aŋuna inapitor ŋilowi ŋulu amilimilak ka nyitopoloor bon ikitopoloorito ŋituŋa;
anerae eumokina ŋiticisyo ŋulu ke Ekapolon ka nyepatana ŋituŋa ayenun ŋiticisyo keŋ.
5Alemar anakiboisyo kec ŋirwosi ŋulu alalak, esiboikin ikes kwap,
nai etanapikin ŋibokoto kec neni a ŋulu sek pa atamakinitae.
6Alemar ajokis alokepukak a ŋulu alalak,
ido epotokin apolou neni a ŋuluce.
Ŋuna kitiya ka ŋuna ecoikinitae.
(Ŋakit. 18:13)
7Nyemaikina ayenun adyakaret eriŋa nyimimauna;
kiŋitiŋit mono, ido kitoroniya ekaku.
8Nyiboŋok ŋakiro eriŋa nyepupokina;
nyitemokino iyoŋ akirworikin eriŋa ŋinice irworo.
9Nyiloma akimoco ŋakiro ŋuna nyikitapito iyoŋ
ka nyiboikinosi ka ŋikasecak apaki ŋina etubioto ikes ŋakiro.
10Ikaakoku, nyituupa aŋuna a ŋakiro a ŋuna alalak,
ani kitalala iyoŋ ŋiticisyo, emamukaun ŋolo ikitojokere iyoŋ.
Ani kiwuapana iyoŋ ŋiticisyo, mam ŋolo itiyakini, ani kiem iyoŋ loticisyo, nyibucar iyoŋ.
11Eyakasi ŋulu itiyaete eŋirikinito ka iburiburete,
nai torubakinito iitanito ŋuna alalak.
12Eyakasi ŋulu iyapete, ido kiitanito akiŋarakino,
ŋulu emamukatar agogoŋ, ido toyakatar akulyako;
nai ite Ekapolon ikes alotooma arimao keŋ,
iŋarakini ikes anayakau kec locan.
13itabarenene Ekapolon ikes,
ido toumokis ŋulu alalak.
14Eponeneete aneni ke Ekapolon ŋuna ajokak ka ŋuna aronok ka atwanare,
ebuneene aneni ke Ekapolon akulyako ka ebari.
15Eponito nu daadaŋ aneni a Ekapolon: Aosou, ayenut, aosou ŋina ka ayenut ŋikisila, amina ka akitiya ŋuna ajokak.
16Arukito ŋikasecak ka adyakanar ta akirwonut ŋinapei anakisyakinet;
ŋulu eminasi aronis, erukete ka ikes tari namojoŋu kec.
17Erubakini ainakinet a Ekapolon eyai neni a ŋulu einakina,
ido eyauni amina keŋ ekitiyae ejok ŋoloruba.
18Eruwor ituŋanan ikabaran a ŋuna ka akitiya ka agogoŋu ka kimik akuwan keŋ ŋuna iitanit,
ido eropit ŋolo itemokinitoe aŋuna keŋ iŋes lo:
19Ani ketema iŋes, “Adau ayoŋ aryamun akieŋun,
ido tokona eboikin eleile akimuj kaŋ ŋina ajokan!”
Nyeyeni iŋes etyae ŋolo ka apaki a ŋina eyarya iŋes akitodol ŋina eesikinia iŋes ŋiboro ŋul aŋuna a ŋuluce totwan.
20Torubak iwuapit ŋuna idau iyoŋ acamun, ido kitiya ŋunapei,
tomojoŋik lotic kon.
21Nyiumonok aŋuna a ŋiticisyo a ekasecan, nai kikinyom Ekapolon ka torubak iyai lotic kon;
anerae epatana aneni a Ekapolon akitabar ikulyakanot atipei anapaki a ŋina euruwuana.
22Arereŋu a Ekapolon iŋes eropit a ŋulu einakina akiwuapit ŋuna keŋ,
ka eyauni Akuj atipei arereŋ keŋ kitalalau.
23Nyitema, “nyo eitanit ayoŋ ka nyo icebore aryamuni ayoŋ ŋini eruwor ŋini kaŋ?”
24Nyitema, “Ikiyakar ayoŋ ŋini eketemokino ka ŋuna aronok, anu etakanunete neni kaŋ tokona?”
25Anapaki a ŋina iboiyoto ŋituŋa emam ŋace, imuryakin ŋican
ka anapaki a ŋina a ŋican, imuryakin apaki ŋina iboiyoto ŋituŋa emam ŋace,
26anerae epatana Ekapolon akoloŋit ŋina elwania ituŋanan
akirop ŋinituŋanan alopite a ŋolo a ŋipitesyo keŋ.
27Epedorete ŋican ŋulu etakanunete esaa epei bon akisimuryakin alakara ŋina a ŋapakio a ŋuna alunyar.
Anasalunet akiyar a ituŋanan, isileereunio ŋuna a ŋiticisyo keŋ.
28Nyitemasi erae ituŋanan idio ŋini elakara eriŋa nyetwana;
epite ŋolo eŋetakinia ituŋanan akiyar keŋ, iŋes eyenunere iŋes.
Tocoikinite epite ŋolo iseunia ŋikonei
(Ŋakit. 19:4, 6)
29Nyitemokino tonyara ŋituŋa daadaŋ lore kon,
anerae ŋulu alalak ŋulu itoososi amodyanakin iyoŋ,
30ikwaan ikes ka ŋikalokak ŋulu isurumete ŋabaaŋa, aŋun ikote ŋatameta a ŋiketurok nen,
ido ikote ikes ŋikaripiripak ŋulu ekebito ŋuna ka apalagu kon,
31anerae eperete ikes edapito ŋuluce, iloconokinete ŋuna ajokak toruwor ŋuna aronok,
ido ilocokinete ŋuna emaikina kitiyae toruwor ŋunakitoroniyaret.
32Ekatyenyityenyit epei bon itenepuni ŋatotol ŋuna alalak,
ido eperi ekasecan edapit akiar ŋituŋa ŋuluce.
33Tocoikinito ŋasyaanisya, anerae eyeete ikes akitiya aronis
ka epedorete ikes amunaar ŋikaru ka ŋikaru ŋipitesyo kus ŋulu ajokak.
34Ani kijaununuyete iyes ŋigelaanotin lorerya kus, epedorete ikes ayaun egurigur neni kus,
ido ikituruwosi ikes iyes ŋigelaanotin alokalya kus.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.