Kutyoka 16
16
Chakulya chachikuŵilanjikwa mana ni ngwale
1Ŵaisilaeli wose ŵatyosile ku Elimu ni kwaula ku chipululu cha Sini chachili pasikati ja Elimu ni Chitumbi cha Sinai. Lyeleli lyaliji lyuŵa lya kumi na tano lya mwesi waaŵili chityochele ku Misili. 2Kwipululu ko mpingo wose wa Ŵaisilaeli ŵaadandaulile che Musa ni che Haluni, 3achitiji, “Ikaliji mmbaya Ambuje Akunnungu akatuuleje uweji tuli ku Misili kulakula, kutwatamaga tuli nkulya nyama ni yaakulya ine itwaisakaga ni kwikuta. Nambo ŵanyamwe ntuichisye akuno kwipululu kuti ntuulaje wose ni sala.”
4Nipele Ambuje Akunnungu ŵansalile che Musa, “Nnole uneji chinaape yakulya ichiichigwa kutyochela kwinani mpela ula. Ŵandu takopocheje kila lyuŵa kukulokotanya yakulya yakwanila kwa lyuŵa lyo, kwa litala li tinaalinje nole naga akugakuya malajisyo gangu pane ngwamba. 5Nambo pa lyuŵa lya sita, paakukolosya yakulya yalokotenye, tachisimana kuti chitupile kaŵili ka chakulya cha kila lyuŵa.” 6Nipele che Musa ni che Haluni ŵaasalile Ŵaisilaeli, “Lelo, ligulo timmanyilile kuti Ambuje Akunnungu ni ŵankulupwisye kutyochela ku Misili. 7Malaŵi kundaŵi chinchiuona ukulu ŵa Ambuje Akunnungu, pakuŵa akupikene kudandaula kwenu kunkwadandaulila. Ana uŵe tuli ŵani pakuti ntudandaulile?” 8Nipele che Musa ŵaasalile, “Ambuje Akunnungu chachimpa ŵanyamwe nyama kila ligulo ni mikate jakunkwana kila kundaŵi, pakuŵa apilikene inkuti pakudandaula nkati ŵelewo. Uweji tuli ŵani pakuti ntudandaulile? Pankutudandaulila uwe, nkwadandaulila AMBUJE.”
9Nipele che Musa ŵaasalile che Haluni, “Muusalile mpingo wose wa Ŵaisilaeli, ‘Nsongangane paujo pa AMBUJE, pakuŵa akupikene kudandaula kwenu.’ ” 10Katema che Haluni paŵakungulukaga ni mpingo wa Ŵaisilaeli ŵandu wose ŵalolite ku lipululu kula, ŵasimosile kuuwona ukulu wa AMBUJE uchionekaga mu liunde. 11AMBUJE ŵasalile che Musa, 12“Nakupikene kudandaula kwa Ŵaisilaeli. Sambano mwasalile kuti, ‘Katema ka ligulo chachilya nyama ni kundaŵi chachilya mikate. Pelepo ni pachaimanyilile kuti une ndili Ambuje Akunnungu, Akunnungu ŵao.’ ”
13Nipele ligulo syaiche ngwale syesijinji ni syaunichile pa chigono pao. Ni kundaŵi kwaliji ni mangame pa luŵala pose kusyungulila pa chigongo pao. 14Maangame pagatyosile yaoneche indu mpela ipande ipande ya ula jamaganga yakunyilila ya mikate petaka, mwipululu mula. 15Ŵaisilaeli paŵaiweni ipande yo ŵausyanaga, “Ana chisyene chi chili chichi?” Che Musa ŵasalile, “Chelechi chili chakulya champele Ambuje Akunnungu kuti nlye. 16Yelei ni iŵatite pakulajisya Ambuje Akunnungu: Kila mundu alokote yaikwakwana kulya. Kila mundu kangomba siŵili malinga ni mwaŵelele mwisakasa mwao.”
17Ŵaisilaeli ŵatesile yeleyo, ŵane ŵalokwete yejinji ni ŵane kanandi. 18Nambo wose paŵapimile mu kangomba ŵaiweni kuti ŵaŵakumbikenye yejinji nganakola yakupunda, ni ŵaŵakumbikenye kanondi nganakola litika. Wose ŵakumbikenye yaikwakwana.
19Che Musa ŵaasalile ŵandu, “Mundu jwalijose akasalasya yakulya mpaka kundaŵi.”
20Nambo ŵandu nganiŵapikanila che Musa. Ŵane mwa ŵelewo ŵasalesye chakulya mpaka kundaŵi. Nambo kundaŵi chaliji chigumbele mbisu ni chaliji chikununga kwannope. Kwayele che Musa ŵaatumbilile ŵandu. 21Nipele kila kundaŵi ŵandu ŵalokotanyaga malinga ni muŵasachilaga kulya. Lyuŵa lili likwesile ni kuŵala yakulya iyasigalile paluŵala pala yanyelenyendwiche.
22Pa lyuŵa lya sita Ŵaisilaeli ŵachulwisye kulokota, ŵalokwete yakulya kaŵili ka yakulya ya moŵa gose. Ni ilongola ŵa mpingo ula ŵajawile ku kwasalila che Musa nkati yeleyo. 23Che Musa ŵaasalile, “Ambuje Akunnungu akulajisya nyi, nkapanganya chilichose malaŵi, pakuŵa lili Lyuŵa lya Kupumulila, lyaliŵichikwe ni Ambuje Akunnungu kwa ligongo lya kwapopelela. Kwayele nteleche chakulya cha lelo ni malaŵi, nlolechesye nkuligosela chakulya chakunkwana malaŵi.” 24Ŵandu ŵatesile mpela che Musa kwasalila. Ŵasalesye yakulya ine mpaka lyuŵa lyaŵili lyakwe, nombeyo nganiiwola atamuno kukopoka mbisu. 25Nipele, che Musa ŵasalile, “Nlyanje lelo chakulya chimwasalesye liiso pakuŵa lelo lili Lyuŵa lya Kupumulila lyaliŵichikwe ni Ambuje Akunnungu kuti mwapopelele. Lelo jino nganchisimana chakulya paasa. 26Kila chijuma chinlokotanye yakulya kwa moŵa sita, nambo pa lyuŵa lya saba yaani Lyuŵa lya Kupumulila, chichisoŵe.”
27Pa lyuŵa lya saba ŵandu ŵane ŵakopweche paasa kuti akalokotanye yakulya, nambo nganaisimana. 28Nipele Ambuje Akunnungu ŵammusisye che Musa, “Ana mpaka chakachi chinkane kugajitichisya malajisyo ni makanyo gangu? 29Mmanyilile kuti une Ambuje Akunnungu ni unampele Lyuŵa lya Kupumulila. Ni kwa ligongo lyo lyuŵa lya sita ngumpanga yakulya ya moŵa gaŵili, kuti pa lyuŵa lya saba, kila mundu atameje pa lisakasa lyao, anapagwe mundu jwakutyoka.” 30Kwayele ŵandu ŵapumulile pa lyuŵa lya saba.
31Ŵaisilaeli ŵachiŵilasile chakulya cho liina lyakwe “Mana.” Yaonekaga mpela songolo syenandi syeswela nti nkate wakunyilila wetaje uchi. 32Che Musa ŵasalile, “Yeleyi ni yalajisye Ambuje Akunnungu, ‘Ngose mana kangomba siŵili ni kwaŵichila iŵelesi yenu yaikwika iiche kulola yakulya inampele mwipululu katema kanankopwesye ku Misili.’ ”
33Che Musa ŵaasalile che Haluni, “Njigale lulo, ntaje mwelemo mana kangomba siŵili ni kumatila, mmiche paujo pa Ambuje Akunnungu, kuti jigosekwe kwaligongo lya iŵelesi yenu yaikuika.”
34Mpela Ambuje Akunnungu iŵatite pakwalajichisya che Musa, che Haluni ŵaluŵisile lulo lula peuto papaswela paujo pa Lisanduku lya Lilangano, kuti mana jo jigosekwe. 35Ŵaisilaeli ŵalile chakulya chachiŵilanjikwe mana kwa yaka alobaini, mpaka paŵaiche ku mpika wa chilambo cha Kanaani kuŵatemi. 36Chipimo cha oma chikulandana ni kangomba siŵili, ni oma jimo jikuinjila mala kumi mu chipimo chimo cha efa.
Currently Selected:
Kutyoka 16: YBV
Highlight
Share
Copy
Want to have your highlights saved across all your devices? Sign up or sign in
Yao New Testament © The Word for the World Southern Africa and Pioneer Bible Translators, 2018.
Kutyoka 16
16
Chakulya chachikuŵilanjikwa mana ni ngwale
1Ŵaisilaeli wose ŵatyosile ku Elimu ni kwaula ku chipululu cha Sini chachili pasikati ja Elimu ni Chitumbi cha Sinai. Lyeleli lyaliji lyuŵa lya kumi na tano lya mwesi waaŵili chityochele ku Misili. 2Kwipululu ko mpingo wose wa Ŵaisilaeli ŵaadandaulile che Musa ni che Haluni, 3achitiji, “Ikaliji mmbaya Ambuje Akunnungu akatuuleje uweji tuli ku Misili kulakula, kutwatamaga tuli nkulya nyama ni yaakulya ine itwaisakaga ni kwikuta. Nambo ŵanyamwe ntuichisye akuno kwipululu kuti ntuulaje wose ni sala.”
4Nipele Ambuje Akunnungu ŵansalile che Musa, “Nnole uneji chinaape yakulya ichiichigwa kutyochela kwinani mpela ula. Ŵandu takopocheje kila lyuŵa kukulokotanya yakulya yakwanila kwa lyuŵa lyo, kwa litala li tinaalinje nole naga akugakuya malajisyo gangu pane ngwamba. 5Nambo pa lyuŵa lya sita, paakukolosya yakulya yalokotenye, tachisimana kuti chitupile kaŵili ka chakulya cha kila lyuŵa.” 6Nipele che Musa ni che Haluni ŵaasalile Ŵaisilaeli, “Lelo, ligulo timmanyilile kuti Ambuje Akunnungu ni ŵankulupwisye kutyochela ku Misili. 7Malaŵi kundaŵi chinchiuona ukulu ŵa Ambuje Akunnungu, pakuŵa akupikene kudandaula kwenu kunkwadandaulila. Ana uŵe tuli ŵani pakuti ntudandaulile?” 8Nipele che Musa ŵaasalile, “Ambuje Akunnungu chachimpa ŵanyamwe nyama kila ligulo ni mikate jakunkwana kila kundaŵi, pakuŵa apilikene inkuti pakudandaula nkati ŵelewo. Uweji tuli ŵani pakuti ntudandaulile? Pankutudandaulila uwe, nkwadandaulila AMBUJE.”
9Nipele che Musa ŵaasalile che Haluni, “Muusalile mpingo wose wa Ŵaisilaeli, ‘Nsongangane paujo pa AMBUJE, pakuŵa akupikene kudandaula kwenu.’ ” 10Katema che Haluni paŵakungulukaga ni mpingo wa Ŵaisilaeli ŵandu wose ŵalolite ku lipululu kula, ŵasimosile kuuwona ukulu wa AMBUJE uchionekaga mu liunde. 11AMBUJE ŵasalile che Musa, 12“Nakupikene kudandaula kwa Ŵaisilaeli. Sambano mwasalile kuti, ‘Katema ka ligulo chachilya nyama ni kundaŵi chachilya mikate. Pelepo ni pachaimanyilile kuti une ndili Ambuje Akunnungu, Akunnungu ŵao.’ ”
13Nipele ligulo syaiche ngwale syesijinji ni syaunichile pa chigono pao. Ni kundaŵi kwaliji ni mangame pa luŵala pose kusyungulila pa chigongo pao. 14Maangame pagatyosile yaoneche indu mpela ipande ipande ya ula jamaganga yakunyilila ya mikate petaka, mwipululu mula. 15Ŵaisilaeli paŵaiweni ipande yo ŵausyanaga, “Ana chisyene chi chili chichi?” Che Musa ŵasalile, “Chelechi chili chakulya champele Ambuje Akunnungu kuti nlye. 16Yelei ni iŵatite pakulajisya Ambuje Akunnungu: Kila mundu alokote yaikwakwana kulya. Kila mundu kangomba siŵili malinga ni mwaŵelele mwisakasa mwao.”
17Ŵaisilaeli ŵatesile yeleyo, ŵane ŵalokwete yejinji ni ŵane kanandi. 18Nambo wose paŵapimile mu kangomba ŵaiweni kuti ŵaŵakumbikenye yejinji nganakola yakupunda, ni ŵaŵakumbikenye kanondi nganakola litika. Wose ŵakumbikenye yaikwakwana.
19Che Musa ŵaasalile ŵandu, “Mundu jwalijose akasalasya yakulya mpaka kundaŵi.”
20Nambo ŵandu nganiŵapikanila che Musa. Ŵane mwa ŵelewo ŵasalesye chakulya mpaka kundaŵi. Nambo kundaŵi chaliji chigumbele mbisu ni chaliji chikununga kwannope. Kwayele che Musa ŵaatumbilile ŵandu. 21Nipele kila kundaŵi ŵandu ŵalokotanyaga malinga ni muŵasachilaga kulya. Lyuŵa lili likwesile ni kuŵala yakulya iyasigalile paluŵala pala yanyelenyendwiche.
22Pa lyuŵa lya sita Ŵaisilaeli ŵachulwisye kulokota, ŵalokwete yakulya kaŵili ka yakulya ya moŵa gose. Ni ilongola ŵa mpingo ula ŵajawile ku kwasalila che Musa nkati yeleyo. 23Che Musa ŵaasalile, “Ambuje Akunnungu akulajisya nyi, nkapanganya chilichose malaŵi, pakuŵa lili Lyuŵa lya Kupumulila, lyaliŵichikwe ni Ambuje Akunnungu kwa ligongo lya kwapopelela. Kwayele nteleche chakulya cha lelo ni malaŵi, nlolechesye nkuligosela chakulya chakunkwana malaŵi.” 24Ŵandu ŵatesile mpela che Musa kwasalila. Ŵasalesye yakulya ine mpaka lyuŵa lyaŵili lyakwe, nombeyo nganiiwola atamuno kukopoka mbisu. 25Nipele, che Musa ŵasalile, “Nlyanje lelo chakulya chimwasalesye liiso pakuŵa lelo lili Lyuŵa lya Kupumulila lyaliŵichikwe ni Ambuje Akunnungu kuti mwapopelele. Lelo jino nganchisimana chakulya paasa. 26Kila chijuma chinlokotanye yakulya kwa moŵa sita, nambo pa lyuŵa lya saba yaani Lyuŵa lya Kupumulila, chichisoŵe.”
27Pa lyuŵa lya saba ŵandu ŵane ŵakopweche paasa kuti akalokotanye yakulya, nambo nganaisimana. 28Nipele Ambuje Akunnungu ŵammusisye che Musa, “Ana mpaka chakachi chinkane kugajitichisya malajisyo ni makanyo gangu? 29Mmanyilile kuti une Ambuje Akunnungu ni unampele Lyuŵa lya Kupumulila. Ni kwa ligongo lyo lyuŵa lya sita ngumpanga yakulya ya moŵa gaŵili, kuti pa lyuŵa lya saba, kila mundu atameje pa lisakasa lyao, anapagwe mundu jwakutyoka.” 30Kwayele ŵandu ŵapumulile pa lyuŵa lya saba.
31Ŵaisilaeli ŵachiŵilasile chakulya cho liina lyakwe “Mana.” Yaonekaga mpela songolo syenandi syeswela nti nkate wakunyilila wetaje uchi. 32Che Musa ŵasalile, “Yeleyi ni yalajisye Ambuje Akunnungu, ‘Ngose mana kangomba siŵili ni kwaŵichila iŵelesi yenu yaikwika iiche kulola yakulya inampele mwipululu katema kanankopwesye ku Misili.’ ”
33Che Musa ŵaasalile che Haluni, “Njigale lulo, ntaje mwelemo mana kangomba siŵili ni kumatila, mmiche paujo pa Ambuje Akunnungu, kuti jigosekwe kwaligongo lya iŵelesi yenu yaikuika.”
34Mpela Ambuje Akunnungu iŵatite pakwalajichisya che Musa, che Haluni ŵaluŵisile lulo lula peuto papaswela paujo pa Lisanduku lya Lilangano, kuti mana jo jigosekwe. 35Ŵaisilaeli ŵalile chakulya chachiŵilanjikwe mana kwa yaka alobaini, mpaka paŵaiche ku mpika wa chilambo cha Kanaani kuŵatemi. 36Chipimo cha oma chikulandana ni kangomba siŵili, ni oma jimo jikuinjila mala kumi mu chipimo chimo cha efa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yao New Testament © The Word for the World Southern Africa and Pioneer Bible Translators, 2018.