Sav 41
41
Mboya Ĩvindanĩ ya Ũwau
Kwa mwinĩthya: Savulĩ ĩno yaandĩkiwe nĩ Ndeviti
1Nĩ mũathime mũndũ ũla ũlilikanaa ngya;
Mwĩai Ngai akamũtangĩĩa ĩvindanĩ ya thĩna.
2Mwĩai Ngai akamũsũvĩa, na kũtuma aendeea kwĩkala thayũ;
akatuma ethĩwa na ũtanu e kũũ nthĩ,
na ndakamũeka alike ũtonyinĩ wa amaitha make.
3Mwĩai Ngai akamũtethya awaa,
na akamũvosya ũwau wake w'onthe.
4Nĩnaneenie nasya, “Mwĩai Ngai mbĩw'ĩe tei;
mbosye nũndũ nĩngũvĩtĩsye.”
5Amaitha makwa meneena maũndũ mathũku ĩũlũ wakwa mayasya atĩĩ,
“Mũndũ ũũ akakw'a ĩndĩĩ na ayũla?”
6Yĩla mũndũ wooka kũmbona, aneenaa ndeto sya mana,
nĩwũmbanasya ndeto nthũku ĩũlũ wakwa,
na ĩndĩ auma vau ayĩitavya andũ onthe.
7Amaitha makwa onthe nĩmanzukaa;
masũanĩaa maũndũ mathũku ĩũlũ wakwa.
8Maneenaa mayasya atĩĩ,
“Mũndũ ũũ e na ũwau mũthũku ũtavoa,
ndakokĩla ĩngĩ vau ũkomete.”
9 #
Mat 26.23; Mk 14.18; Lk 22.21; Yoa 13.18 O na mũnyanyae wakwa ũla neekwatĩtye mũno,
ũla twaĩsanĩaa vamwe,
nũtw'ĩkĩte mũmaitha wakwa.
10Ĩndĩ Mwĩai Ngai mbĩw'ĩe tei,
na ũimbosya nĩ kana nĩyĩĩvanĩsye kũla kwĩ amaitha makwa.
11Amaitha makwa maikanzinda,
nakwa ngamanya kana nĩwendeeaw'a ninyie.
12Nũndetheeasya nũndũ nĩnĩkaa ũla ũseo,
na kũmbĩkalya vala ũĩ tene na tene.
13 #
Sav 106.48
Nĩataĩwe Mwĩai Ngai, Ngai wa Ĩsilaeli,
nĩataĩwe kuma tene na tene kũvika tene na tene.
Ameni! Ameni!
ĨVUKU YA KELĨ
Sav 42—72
Currently Selected:
Sav 41: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
