Sav 39
39
Ũkuvĩ wa Thayũ wa Mũndũ
Kwa mwinĩthya: Savulĩ ĩno yaandĩkiwe nĩ Ndeviti
1Nĩnaneenie nasya: Nĩngũsũvĩa mĩendele yakwa,
ndikese kwĩka naĩ yĩla ngũneena.
Yĩla andũ athũku me vakuvĩ nakwa,
ndikaneena ũndũ o na ũmwe.
2Nĩnakililye, ndekũweta ũndũ,
o na kũweta ũndũ ũseo,
ĩndĩ thĩna wakwa waendeeie kwingĩva.
3Ngoo yakwa yaendeeie kũthũka!
Yĩla nasũanĩa, naendeeaa o kũthĩna;
ndyaĩ nĩlea kũkũlya atĩĩ,
4“Mwĩai Ngai ndavye nĩĩkala thayũ ĩvinda yĩana ata?
Ngakw'a ĩndĩĩ?
Nĩenda kũmanya ũndũ thayũ wakwa ũvĩtũkĩte na mĩtũkĩ!”
5Nũkuvĩvĩtye thayũ wakwa mũno.
Thayũ wakwa ti kĩndũ mbee waku;
kwa w'o thayũ wa kĩla mũndũ kwaku no ta mĩthũmũ.
Sela
6Kwa w'o mũndũ avĩtũkaa ta kyuu!
Wĩa ũla mũndũ ũtethasya no wa mana;
nĩwũmbanasya ũthwii, ĩndĩ ndesĩ ũkooswa nũũ.
7Mwĩai, yu ĩndĩ nĩĩkwatya kyaũ?
Wĩkwatyo wakwa wĩ nthĩnĩ waku!
8Mbonokye kuma mavĩtyonĩ makwa onthe,
na ndũkaeke ndia inthekee!
9Nĩngũvindya, ndineena ũndũ,
nũndũ nue ũtumĩte nĩthĩna ũu.
10Ndũkangũne ĩngĩ;
ngilĩlye kũminwa nĩ ĩkũna ya kw'oko kwaku!
11Yĩla ũkũkany'a mũndũ nũndũ wa naĩ syake,
nĩwanangaa syĩndũ ila mũndũ ũsu wendete ũndũ ngulu syanangaa syĩndũ!
Kwa w'o kĩla mũndũ no ta mĩthũmũ!
Sela
12Ame Mwĩai Ngai ĩthukĩĩsye mboya yakwa,
na ũyĩthukĩĩsya kĩĩo kyakwa.
Yĩla ngũĩa eka kũkilya,
nũndũ nyie nĩilyĩ mũeni ũvĩtĩte,
nĩ mũendi wa kyalo o tondũ aaũmae makwa mailyĩ.
13Amba kũekana nakwa nĩ kana nĩthĩwe na ũtanu,
ndanamba kũkw'a na kwĩthĩwa ndevo ĩngĩ.
Currently Selected:
Sav 39: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
