Nth 18
18
1Ũla wĩvathaa amanthaa kwenda kwake mwene,
nũthataa anengwa woni mũseo.
2Ndia nĩmenete ũmanyi,
ĩndĩ ĩtanaa yĩla ĩkũnengane mawoni mayo mwene.
3Mũndũ mũthũku okanasya na kĩvũthya;
kũsonoka kũkanasya na kĩvũthya.
4Ndeto sya mũndũ iilyĩ ta kĩw'ũ kĩliku,
ĩndĩ wumo wa ũĩ nĩ ta nthongo ĩkũvulutya.
5Ti ũseo kwendeesya mũndũ mũthũku,
kana kũlea kũnenga mũndũ ũte ĩvĩtyo sila wa katĩ.
6Ũneeni wa ndia ũtumaa ĩkwata thĩna,
kĩla yaweta kĩtumaa ĩkũnwa.
7Ũneeni wa ndia ũtumaa ĩthĩna,
na ndeto ila yaweta itw'ĩkaa mũteo wayo.
8Ndeto sya mũndũ wĩ nzukũ nĩ ta lĩu mũseo,
ilikaa ngoonĩ ya mũndũ vyũ.
9Mũndũ mũtulu wĩanĩ wake,
ailyĩ ta mũndũ ũla wanangaa.
10Ĩsyĩtwa ya Mwĩai Ngai nĩ ta mwako mũtũlu mũlũmu,
mũndũ mũlũngalu asembea ĩsyĩtwa yĩu ethĩawa e ũsũvĩonĩ.
11Mũndũ mũthwii asũanĩaa kana ũthwii nĩ mwako mũtũlu mũlũmu,
na kana ũthwii wake nĩ ta ũkũta mũtũlu ũmũsiĩĩe.
12Mũndũ atanamba kũkwatwa nĩ wanangĩko ngoonĩ, nĩwĩng'athĩlĩĩlasya,
ĩndĩ wĩnyivyo ũtongoeasya ndaĩa.
13Kũsũngĩa ĩkũlyo mũndũ atanayĩw'a nesa,
nĩ ũndũ wa ũtumanu na wĩ nthoni.
14Wendi wa kwĩkala thayũ nũtethasya mũndũ e mũwau,
ĩndĩ akw'a ngoo vai ũndũ ũmũtethya.
15Kĩlĩko kya mũndũ mũĩ nĩkĩkwataa ũmanyi,
na kũtũ kwa mũndũ mũĩ kũmanthaa ũmanyi.
16Mũndũ anengane mũthĩnzĩo nũmũvingũĩaa mwanya wa kũtuma aneena na andũ anene.
17Ũla wĩteteaa mbee ĩkoaninĩ onekaa ta ũkũneena w'o,
nginya mũndũ ũla ũngĩ ooka na kũmũkũlya makũlyo.
18Kũkũna kula nĩkũminaa ngananĩo,
na kũtaany'a ala me vinya meũsindana.
19Kwĩ vinya kũtũngĩĩa mwana-a-asa mũvĩtĩsye kũte kũlika ndũa mbiĩĩe,
na ngananĩo nĩ ta mũomo wĩ syũma wa nyũmba ndũmu.
20Mũndũ avũnaw'a nĩ ndeto ila ũneenaa,
eanĩawa nĩ ũsyao wa ũneeni wake.
21Kĩla mũndũ waneena nĩkĩtonya kũete kĩkw'ũ kana thayũ,
ala mendete kũneena nĩmaye ũsyao wa ũneeni woo.
22Ũla ũmeasya kĩveti ameasya kĩndũ kĩseo,
na nĩwonaa ũseo kuma kwa Mwĩai Ngai.
23Andũ ngya mesũvanaa mew'ĩwe tei,
ĩndĩ andũ athwii masũngĩaa na ũng'endu.
24Mũndũ wĩ anyanyae aingĩ nũtonya kwanangwa nĩmo,
ĩndĩ ve mũnyanya mũĩkĩĩku mbee wa mwana-a-inyia wa mũndũ.
Currently Selected:
Nth 18: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
