Nth 17
17
1Nĩ kavaa kũya kalungu komũ ka mũkate mũndũ e na mũuo,
kwĩ kũĩĩa mboka nyũmbanĩ yĩ ĩteta.
2Mũthũkũmi ũla wĩkaa maũndũ na ũĩ akasumbĩka mwana ũla ũsonokasya,
na akaaĩwa ũtiĩwa ta ũmwe wa ana ma mũsyĩ.
3Ũseo wa thaavu na silĩva ũmanyĩkaa syavĩvw'a na mwaki,
ĩndĩ Mwĩai Ngai nĩwe ũthimaa ngoo sya andũ.
4Mwĩki wa naĩ nĩwĩthukĩĩasya ndeto nthũku,
mũkengani nũteaa kũtũ ew'e mũndũ wĩ ũvũngũ aineena.
5Ũla ũthĩnasya ngya aumaa Mũmbi wayo;
ũla ũtanĩaa wanangĩko mũnene ndakalea kũkanw'a.
6Andũ akũũ nĩmatanaw'a nĩ esũkũũe,
syana nitanaw'a nĩ asyai masyo.
7Ti mũno ndia kũneena nesa;
mũtongoi ndaneenaa ũvũngũ.
8Andũ amwe masũanĩaa ĩtuvi ya wendeesyo yĩthũkũmaa ta kyama,
masũanĩaa ĩtuvi yĩu nĩyĩtonya kwĩka ũndũ ona wĩva.
9Mũndũ ũla ũekeaa nĩwendawa,
ĩndĩ ũla ũtindĩaa kũlilikana ĩvĩtyo nĩwaasya anyanyae.
10Mũndũ mũĩ nũtethaw'a nĩ ũkany'o,
mbee wa ndia ĩkũnĩtwe makũnwa ĩana.
11Mũndũ mũthũku amanthaa ũng'endu w'oka,
na akatũmĩwa mũtũmwa ũte tei.
12Nĩ kavaa kũkomana na nyamũ mbai yĩtawa nduva ĩvenetwe maswii mayo,
kwĩ kũkomana na ndia yĩna ũtumanu wayo.
13Ũla ũĩvanĩasya ũseo kwa ũthũku,
ũthũku ndũkauma nyũmba kwake.
14Kwambĩĩa ĩteta nĩ ta kũvũthũa silanga,
ekana na ĩteta yĩtanaingĩva.
15Ũla ũtalĩlaa andũ athũku kwĩthĩwa me alũngalu,
na ũla ũtalĩlaa ala alũngalu kwĩthĩwa me avĩtany'a,
asu elĩ nĩmathatasya Mwĩai Ngai.
16Ve vata mwaũ wa ndia kwĩthĩwa na mbesa sya kũthooa ũĩ,
na ndia ĩsu ndĩ na kĩlĩko?
17Mũnyanyae wa mũndũ amwendaa mavinda onthe;
mwana-a-ĩthe wa mũndũ asyaawa atethye ĩvinda ya thĩna.
18Mũndũ ũte na kĩlĩko nĩwĩtĩkĩlaa kwathana,
na kwia ũĩkĩĩthyo kwondũ wa mũtũi wake.
19Ũla wendaa ĩteta endaa naĩ,
na ũla wĩkathĩĩaa amanthaa wanangĩko.
20Mũndũ wĩ ngoo nthũku ndonaa ũseo,
na mũkengani nĩwonaa naĩ.
21Mwana mũtumanu nĩ kyeva kwa ĩthe wake,
na ĩthe wa mwana mũtumanu ndatanaa.
22Ngoo ndanu nĩ ndawa,
ĩndĩ ngoo yĩna ũthatu nĩetae kĩmosa.
23Mũndũ mũthũku nĩwĩtĩkĩlaa ĩtuvi ya wendeesyo kwa kĩmbithĩ,
nĩ kana atume sila wa katĩ ũtaatĩĩwa.
24Kĩeleelo kya mũndũ wĩ na ũmanyi nĩ kũmantha ũĩ,
ĩndĩ ndia ndĩthĩawa na kĩeleelo.
25Mwana mũtumanu nĩ kyeva kwa ĩthe wake,
na woo kwa inyia ũla ũmũsyaĩte.
26Ti ũseo kũsilĩla mũndũ mũlũngalu,
kana kũkũna mũndũ wa ndaĩa.
27Mũndũ mũĩ ndaneenaa ndeto mbingĩ,
na mũndũ wĩ na ũmanyi nĩ mũuu.
28O na ndia ĩvindĩtye yonekaa ta mbũĩ,
yĩla ĩkilĩtye yonekaa ta yĩna kĩlĩko.
Currently Selected:
Nth 17: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
