Alo 9
9
Mbaĩ Nyuve ya Ngai
1Nĩneena w'o nthĩnĩ wa Klĩsto, ndiũneena ũvũngũ. Wasya wakwa wa ngoo ũtongoew'e nĩ Veva Mũtheu, nũũkũsĩĩa kana 2nĩ na kyeva kĩnene na woo ũtathimĩka ngoonĩ yakwa. 3Nũndũ nenda nyie mwene ngethĩwa nĩ mũumanĩe na nĩmũvete kuma vala ve Klĩsto kwondũ wa ana-a-asa, andũ ma mbaĩ yakwa, 4#Kuma 9.4 namo nĩ andũ ma Ĩsilaeli. Ngai nĩwamanyuvie methĩwe syana syake, na amony'a ũkumyo wake. Nĩwaseũvisye motianĩo namo na amanenga Mĩao. Mathaithaa Ngai kwa nzĩa ĩla ya w'o, na nĩmakwatĩte mawatho make. 5Nĩ nzyawa sya ala aaũmau me nguma, na mũthya Klĩsto ta mũndũ, nĩ wa mbaĩ yoo. Ngai ũla ũsumbĩkĩte kĩla kĩndũ nakathwe tene na tene!#9.5 Mũsoa ũũ no ũandĩkwe kwa nzĩa ĩngĩ ũkasya Klĩsto ũla nĩ Ngai na ũsumbĩkĩte kĩla kĩndũ nakathwe tene na tene! Ameni.
6Nyie ndikwasya kana kĩla Ngai wathanie nĩkyaleile kwĩanĩa, nũndũ ti andũ onthe ma Ĩsilaeli anyuve ma Ngai. 7#Mwa 21.12 O ta ũu ti nzyawa syonthe sya Avalaamu italawa kwĩthĩwa nzyawa syake w'o, o tondũ Maandĩko Matheu maĩtye, “No nzyawa sya Isaka iketwa nzyawa syaku.” 8Ũu nĩ kwasya kana ti nzyawa syonthe sya Avalaamu italawa kwĩthĩwa syana sya Ngai. No nzyawa ila Ngai wathanie italawa kwĩthĩwa syana sya Avalaamu. 9#Mwa 18.10 Nĩkwĩthĩwa Ngai nĩwamwathĩte Avalaamu akamwĩa atĩĩ, “Ĩvindanĩ ta yĩĩ mwaka ũngĩ, ngasyoka na Sala akeethĩwa na mwana.” 10O na ti ũu w'oka; Laveka o nake nĩwaitavie mavatha ma ĩthe ũmwe, nake nĩ ũmae waitũ Isaka. 11-12#Mwa 25.23 Nĩ kana Ngai onany'e kana nĩwe ũnyuvaa, syana isu o na itanamba kũsyawa kana kwĩka ũndũ mũseo kana mũthũku, nĩwamwĩie Laveka atĩĩ, “Ũla mũkũũ nũkathũkũma mũinae.” Kwoou kũnyuva kwa Ngai kũendanasya na kwenda kwake mwene na ti meko ma mũndũ. 13#Mal 1.2-3 Ũu nĩ kwĩanana na ũndũ Maandĩko Matheu maĩtye, “Nĩnamwendie Yakovo ĩndĩ nĩnamũmenie Esaũ.”
14Twĩasya ata ĩndĩ? Nĩtũtonya kwasya kana Ngai ndaatĩĩaa ũw'o? Aiee, ũu ti w'o! 15#Kuma 33.19 Ngai nĩwamwĩie Mwose atĩĩ, “Ngeew'ĩa tei mũndũ ũla ngwenda kwĩw'ĩa tei, na ngeew'ĩa ĩnee mũndũ ũla ngwenda kwĩw'ĩa ĩnee.” 16Kwoou kĩla kĩndũ kĩendanasya na tei wa Ngai, ĩndĩ ti wendi wa mũndũ kana meko make. 17#Kuma 9.16 Nĩkwĩthĩwa Maandĩkonĩ Matheu Ngai nũmwĩĩte mũsumbĩ wa Misili atĩĩ, “Nĩkũtw'ĩte mũsumbĩ nĩ kana kwĩsĩla kwaku nonany'e vinya wakwa, na nĩ kana ĩsyĩtwa yakwa yĩmanyĩke nthĩ yonthe.” 18Kwoou ĩndĩ, Ngai ew'ĩaa tei mũndũ ũla wenda kwĩw'ĩa tei, na omasya ngoo ya mũndũ ũla wenda kũmũmya ngoo.
Ũthatu wa Ngai na Tei wake
19Ũmwe wenyu nũtonya kũmbĩa atĩĩ, “Ethĩwa kũilyĩ ũu, nĩkĩ ĩndĩ Ngai ũtwonaa na mavĩtyo? Nũũ ũla ũtonya kũsiĩĩa kwenda kwake?” 20#Ĩsa 29.16; 45.9 Ĩndĩ we mũndũ, nue ũũ ũsũngĩane na Ngai? Mbisũ yoombwa nĩtonya kũkũlya ũla wamyũmba, “Wĩmbũmbaa nĩilyĩ ũũ nĩkĩ?” 21Mũmbi wa mbisũ kwa w'o e na mwanya wa kũtũmĩa yũmba yake ũndũ ũkwenda, akaseũvya kuma yũmbanĩ yĩmwe syĩndũ ilĩ: Kĩmwe kĩkethĩwa kĩ kya kũtũmĩawa mavindanĩ ma mwanya, na kĩla kĩngĩ o mavindanĩ ala angĩ.
22Ũu now'o kũilyĩ kwa Ngai. Nĩwendie kwonany'a ũthatu wake na kũvuany'a vinya wake kwa onthe ala maĩ makomane na ũthatu wake na maaĩlĩtwe nĩ kũminwa, ĩndĩ eethĩwa na wũmĩĩsyo mwingĩ nthĩnĩ wa kũmĩanĩsya namo. 23O ta ũu nĩwendie kũvuany'a wingĩ wa ũkumyo wake kwa onthe ala waĩ amew'ĩe tei, na waĩ amombanĩtye makwate ũkumyo wake. 24Ithyĩ twĩ asu weetie, na ti kuma kwa Ayuti me oka, ĩndĩ o na kuma kwa Andũ-ma-mbaĩ-ingĩ. 25#Osea 2.23 Ũu nĩw'o Ngai ũneenete ĩvukunĩ ya Osea akasya atĩĩ,
“Andũ mataĩ makwa,
nĩngameta, ‘Andũ makwa.’
Na mbaĩ ndamyendete,
nĩngamĩta, ‘Mwendwa wakwa.’
26 #
Osea 1.10
Na vandũnĩ o vala meeĩiwe,
‘Inyw'ĩ mũi andũ makwa.’
O vau nĩmaketwa, ‘Syana sya Ngai ũla wĩ thayũ.’ ”
27 #
Ĩsa 10.22-23
Nake mwathani Ĩsaia nũkũneena na wasya mũnene ĩũlũ wa Ĩsilaeli ayasya atĩĩ, “O na ethĩwa andũ ma Ĩsilaeli nĩ aingĩ ta kĩthangathĩ kya ũkanga, no avũthũ makatangĩĩwa, 28nũndũ Mwĩai nũkumya ũtw'ĩo wake ĩũlũ wa nthĩ akatĩĩe na aminĩte.” 29#Ĩsa 1.9 Ũu nĩ kwĩanana na ũndũ Ĩsaia waneenete navu mbeenĩ, “Keka Ngai Mwene Ũtonyi W'onthe watũtiĩie nzyawa imwe, twĩthĩwa tweekie o ta Sondomu na Ngomola.”
Ĩsilaeli na Ũvoo Mũseo
30Twĩasya ata ĩndĩ? Andũ-ma-mbaĩ-ingĩ ala mataamantha kwĩthĩwa alũngalu nĩmatw'ĩkĩte alũngalu, na ũu nĩ kwondũ wa mũĩkĩĩo. 31Ĩndĩ mo andũ ma Ĩsilaeli, ala mamanthaa kwĩthĩwa alũngalu, mayaatw'ĩka alũngalu kwa kũkwata mĩao. 32Nĩkĩ? Nũndũ maatĩĩaa meko moo vandũ va mũĩkĩĩo. Nĩmatulilw'e nĩ yĩla ĩvia yĩtulasya andũ, 33#Ĩsa 28.16 yĩla yĩwetetwe Maandĩkonĩ Matheu:
“Sisyai, nĩngwia nthĩnĩ wa Saioni ĩvia yĩkatulasya andũ,
na ĩvia ĩnene yĩkatumaa mavalũka.
Ĩndĩ ũla ũmũĩkĩĩaa ndakasonokw'a.”
Currently Selected:
Alo 9: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Alo 9
9
Mbaĩ Nyuve ya Ngai
1Nĩneena w'o nthĩnĩ wa Klĩsto, ndiũneena ũvũngũ. Wasya wakwa wa ngoo ũtongoew'e nĩ Veva Mũtheu, nũũkũsĩĩa kana 2nĩ na kyeva kĩnene na woo ũtathimĩka ngoonĩ yakwa. 3Nũndũ nenda nyie mwene ngethĩwa nĩ mũumanĩe na nĩmũvete kuma vala ve Klĩsto kwondũ wa ana-a-asa, andũ ma mbaĩ yakwa, 4#Kuma 9.4 namo nĩ andũ ma Ĩsilaeli. Ngai nĩwamanyuvie methĩwe syana syake, na amony'a ũkumyo wake. Nĩwaseũvisye motianĩo namo na amanenga Mĩao. Mathaithaa Ngai kwa nzĩa ĩla ya w'o, na nĩmakwatĩte mawatho make. 5Nĩ nzyawa sya ala aaũmau me nguma, na mũthya Klĩsto ta mũndũ, nĩ wa mbaĩ yoo. Ngai ũla ũsumbĩkĩte kĩla kĩndũ nakathwe tene na tene!#9.5 Mũsoa ũũ no ũandĩkwe kwa nzĩa ĩngĩ ũkasya Klĩsto ũla nĩ Ngai na ũsumbĩkĩte kĩla kĩndũ nakathwe tene na tene! Ameni.
6Nyie ndikwasya kana kĩla Ngai wathanie nĩkyaleile kwĩanĩa, nũndũ ti andũ onthe ma Ĩsilaeli anyuve ma Ngai. 7#Mwa 21.12 O ta ũu ti nzyawa syonthe sya Avalaamu italawa kwĩthĩwa nzyawa syake w'o, o tondũ Maandĩko Matheu maĩtye, “No nzyawa sya Isaka iketwa nzyawa syaku.” 8Ũu nĩ kwasya kana ti nzyawa syonthe sya Avalaamu italawa kwĩthĩwa syana sya Ngai. No nzyawa ila Ngai wathanie italawa kwĩthĩwa syana sya Avalaamu. 9#Mwa 18.10 Nĩkwĩthĩwa Ngai nĩwamwathĩte Avalaamu akamwĩa atĩĩ, “Ĩvindanĩ ta yĩĩ mwaka ũngĩ, ngasyoka na Sala akeethĩwa na mwana.” 10O na ti ũu w'oka; Laveka o nake nĩwaitavie mavatha ma ĩthe ũmwe, nake nĩ ũmae waitũ Isaka. 11-12#Mwa 25.23 Nĩ kana Ngai onany'e kana nĩwe ũnyuvaa, syana isu o na itanamba kũsyawa kana kwĩka ũndũ mũseo kana mũthũku, nĩwamwĩie Laveka atĩĩ, “Ũla mũkũũ nũkathũkũma mũinae.” Kwoou kũnyuva kwa Ngai kũendanasya na kwenda kwake mwene na ti meko ma mũndũ. 13#Mal 1.2-3 Ũu nĩ kwĩanana na ũndũ Maandĩko Matheu maĩtye, “Nĩnamwendie Yakovo ĩndĩ nĩnamũmenie Esaũ.”
14Twĩasya ata ĩndĩ? Nĩtũtonya kwasya kana Ngai ndaatĩĩaa ũw'o? Aiee, ũu ti w'o! 15#Kuma 33.19 Ngai nĩwamwĩie Mwose atĩĩ, “Ngeew'ĩa tei mũndũ ũla ngwenda kwĩw'ĩa tei, na ngeew'ĩa ĩnee mũndũ ũla ngwenda kwĩw'ĩa ĩnee.” 16Kwoou kĩla kĩndũ kĩendanasya na tei wa Ngai, ĩndĩ ti wendi wa mũndũ kana meko make. 17#Kuma 9.16 Nĩkwĩthĩwa Maandĩkonĩ Matheu Ngai nũmwĩĩte mũsumbĩ wa Misili atĩĩ, “Nĩkũtw'ĩte mũsumbĩ nĩ kana kwĩsĩla kwaku nonany'e vinya wakwa, na nĩ kana ĩsyĩtwa yakwa yĩmanyĩke nthĩ yonthe.” 18Kwoou ĩndĩ, Ngai ew'ĩaa tei mũndũ ũla wenda kwĩw'ĩa tei, na omasya ngoo ya mũndũ ũla wenda kũmũmya ngoo.
Ũthatu wa Ngai na Tei wake
19Ũmwe wenyu nũtonya kũmbĩa atĩĩ, “Ethĩwa kũilyĩ ũu, nĩkĩ ĩndĩ Ngai ũtwonaa na mavĩtyo? Nũũ ũla ũtonya kũsiĩĩa kwenda kwake?” 20#Ĩsa 29.16; 45.9 Ĩndĩ we mũndũ, nue ũũ ũsũngĩane na Ngai? Mbisũ yoombwa nĩtonya kũkũlya ũla wamyũmba, “Wĩmbũmbaa nĩilyĩ ũũ nĩkĩ?” 21Mũmbi wa mbisũ kwa w'o e na mwanya wa kũtũmĩa yũmba yake ũndũ ũkwenda, akaseũvya kuma yũmbanĩ yĩmwe syĩndũ ilĩ: Kĩmwe kĩkethĩwa kĩ kya kũtũmĩawa mavindanĩ ma mwanya, na kĩla kĩngĩ o mavindanĩ ala angĩ.
22Ũu now'o kũilyĩ kwa Ngai. Nĩwendie kwonany'a ũthatu wake na kũvuany'a vinya wake kwa onthe ala maĩ makomane na ũthatu wake na maaĩlĩtwe nĩ kũminwa, ĩndĩ eethĩwa na wũmĩĩsyo mwingĩ nthĩnĩ wa kũmĩanĩsya namo. 23O ta ũu nĩwendie kũvuany'a wingĩ wa ũkumyo wake kwa onthe ala waĩ amew'ĩe tei, na waĩ amombanĩtye makwate ũkumyo wake. 24Ithyĩ twĩ asu weetie, na ti kuma kwa Ayuti me oka, ĩndĩ o na kuma kwa Andũ-ma-mbaĩ-ingĩ. 25#Osea 2.23 Ũu nĩw'o Ngai ũneenete ĩvukunĩ ya Osea akasya atĩĩ,
“Andũ mataĩ makwa,
nĩngameta, ‘Andũ makwa.’
Na mbaĩ ndamyendete,
nĩngamĩta, ‘Mwendwa wakwa.’
26 #
Osea 1.10
Na vandũnĩ o vala meeĩiwe,
‘Inyw'ĩ mũi andũ makwa.’
O vau nĩmaketwa, ‘Syana sya Ngai ũla wĩ thayũ.’ ”
27 #
Ĩsa 10.22-23
Nake mwathani Ĩsaia nũkũneena na wasya mũnene ĩũlũ wa Ĩsilaeli ayasya atĩĩ, “O na ethĩwa andũ ma Ĩsilaeli nĩ aingĩ ta kĩthangathĩ kya ũkanga, no avũthũ makatangĩĩwa, 28nũndũ Mwĩai nũkumya ũtw'ĩo wake ĩũlũ wa nthĩ akatĩĩe na aminĩte.” 29#Ĩsa 1.9 Ũu nĩ kwĩanana na ũndũ Ĩsaia waneenete navu mbeenĩ, “Keka Ngai Mwene Ũtonyi W'onthe watũtiĩie nzyawa imwe, twĩthĩwa tweekie o ta Sondomu na Ngomola.”
Ĩsilaeli na Ũvoo Mũseo
30Twĩasya ata ĩndĩ? Andũ-ma-mbaĩ-ingĩ ala mataamantha kwĩthĩwa alũngalu nĩmatw'ĩkĩte alũngalu, na ũu nĩ kwondũ wa mũĩkĩĩo. 31Ĩndĩ mo andũ ma Ĩsilaeli, ala mamanthaa kwĩthĩwa alũngalu, mayaatw'ĩka alũngalu kwa kũkwata mĩao. 32Nĩkĩ? Nũndũ maatĩĩaa meko moo vandũ va mũĩkĩĩo. Nĩmatulilw'e nĩ yĩla ĩvia yĩtulasya andũ, 33#Ĩsa 28.16 yĩla yĩwetetwe Maandĩkonĩ Matheu:
“Sisyai, nĩngwia nthĩnĩ wa Saioni ĩvia yĩkatulasya andũ,
na ĩvia ĩnene yĩkatumaa mavalũka.
Ĩndĩ ũla ũmũĩkĩĩaa ndakasonokw'a.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011