Alo 5
5
Nĩtũtw'ĩtwe Kwĩthĩwa Alũngalu nĩ Ngai
1Yu nũndũ nĩtũtalĩtwe kwĩthĩwa alũngalu kwondũ wa mũĩkĩĩo, twĩ na mũuo na Ngai kwĩsĩla kwa Mwĩai waitũ Yesũ Klĩsto. 2Kwa nzĩa ya kwĩthĩwa twĩ na mũĩkĩĩonĩ nthĩnĩ wake, nĩtũlikĩtw'e mumonĩ wa Ngai ũla yu twĩkalaa nthĩnĩ waw'o. Kwoou nĩtũũtana nũndũ nĩtweteelete kũkwata ũkumyo wa Ngai. 3Na ti ũu w'oka, nĩtũtanaa twĩ mathĩnanĩ, nũndũ nĩtwĩsĩ kana mathĩna maetae wũmĩĩsyo, 4naw'o wũmĩĩsyo ũetae ũlũmu, naw'o ũlũmu ũtũnengae wĩkwatyo. 5Wĩkwatyo ũũ ndũkatũsonokya, nũndũ Ngai nĩweekĩie wendo wake ngoonĩ sitũ kwa nzĩa ya Veva Mũtheu, ũla nĩ mũthĩnzĩo wa Ngai kwitũ.
6Yĩla tũtaĩ twĩtethya, Klĩsto nĩwakwie kwondũ witũ ithyĩ avĩtany'a, ĩvindanĩ yĩla Ngai wanyuvĩte yavika. 7Ve vinya mũndũ kwĩyumya akw'e kwondũ wa mũndũ mũlũngalu, o na kau no vatonyeka mũndũ akeyumya akw'e kwondũ wa mũndũ mũseo. 8Ĩndĩ Ngai nĩwatwonisye ũndũ ũtwendete mũno wĩana, nĩkwĩthĩwa yĩla twaĩ avĩtany'a, Klĩsto nĩwakwie kwondũ witũ. 9Mbee wa vau, yu nũndũ nĩtũtw'ĩtwe alũngalu kwĩsĩla kĩkw'ũnĩ kya Klĩsto, tũkatangĩĩwa nĩwe kuma ũthatunĩ wa Ngai. 10Nĩkwĩthĩwa yĩla twaĩ amaitha ma Ngai, tweew'anĩthiw'e nake nĩ kĩkw'ũ kya Mwana wake. Ĩndĩ yu nũndũ nĩtũminĩte kwĩw'anĩthw'a na Ngai, mbee mũno ĩtina wa kwĩw'anĩthw'a, nĩtũũtangĩĩwa nĩ thayũ wa Mwana wake. 11Na ti ũu w'oka, ĩndĩ nĩtũũtana nthĩnĩ wa Ngai kwĩsĩla kwa Mwĩai waitũ Yesũ Klĩsto, ũla yu ũtwĩw'anĩthĩtye na Ngai.
Kũelekany'a Atamu na Klĩsto
12 #
Mwa 3.6
Naĩ nĩyalikile kũũ nthĩ nũndũ wa mũndũ ũmwe, na naĩ ĩsu yaete kĩkw'ũ. Kwoou kĩkw'ũ nĩkyavikĩie andũ onthe nũndũ andũ onthe nĩmavĩtisye. 13Kwa w'o naĩ yaĩ kũũ nthĩ mĩao ĩtanamba kũnenganwe, ĩndĩ naĩ ndĩtalawa kũte mĩao. 14Ĩndĩ ũu wĩ o vo, kĩkw'ũ nĩkyeethĩiwe na ũkũmũ ĩũlũ wa andũ kuma ĩvinda ya Atamu kũvika ĩvinda ya Mwose, o na kwa ala matavĩtĩtye kwa kũtũla mwĩao ta Atamu.
Atamu aĩ ngelekany'o ya Klĩsto ũla wesie kũka. 15Ĩndĩ me elĩ ti ũndũ ũmwe, nũndũ mũthĩnzĩo ũla Ngai wanenganie ndũelekanw'a na ĩvĩtyo ya Atamu. Kwa w'o nũndũ wa ĩvĩtyo ya mũndũ ũmwe, kĩkw'ũ nĩkyavikĩie andũ onthe, ĩndĩ nĩ mbee mũno mumo wa Ngai na ũla mũthĩnzĩo Ngai ũnenganĩte kwĩsĩla mumonĩ wa mũndũ o ũmwe, Yesũ Klĩsto, kũmavikĩa andũ aingĩ. 16O ta ũu ũla mũthĩnzĩo wa Ngai wĩ kĩvathũkany'o na ũndũ ũla waumanie na ĩvĩtyo ya mũndũ ũsu ũmwe. Ũsilĩlo ũla wookie ĩtina wa ĩvĩtyo yĩu yĩmwe, watwie Atamu kwĩthĩwa mũvĩtany'a, ĩndĩ mũthĩnzĩo wa Ngai ũla wookie ĩtina wa andũ aingĩ kũvĩtya nĩwamatwie kwĩthĩwa alũngalu. 17Ethĩwa ĩndĩ nũndũ wa ĩvĩtyo ya mũndũ ũmwe, kĩkw'ũ nĩkyeethĩiwe na ũkũmũ ĩũlũ wa andũ onthe, nĩ mbee mũno kwa ala makwatĩte wingĩ wa mumo na wa ũla mũthĩnzĩo wa kũtuwa kwĩthĩwa alũngalu, mekwata thayũ ũtathela kwondũ wa mũndũ ũmwe, Yesũ Klĩsto.
18Kwoou o ũndũ ĩvĩtyo ya mũndũ ũmwe yaetie ũsilĩlo kwa andũ onthe, now'o ũndũ wa ũlũngalu wĩkĩtwe nĩ mũndũ ũmwe ũtumaa andũ onthe methĩwa me alũngalu na kũmanenga thayũ. 19O ta ũu o ũndũ kũlea kwĩw'a kwa mũndũ ũmwe kwatumie andũ onthe matuwa kwĩthĩwa avĩtany'a, now'o naw'o wĩwi wa mũndũ ũmwe ũkatuma andũ aingĩ matuwa alũngalu.
20Mĩao yookie nĩ kana mavĩtyo maingĩve, ĩndĩ vala naĩ yaingĩvĩĩie nĩvo naw'o mumo wa Ngai waingĩvĩĩie mũno mbee. 21Kwoou ĩndĩ, o ũndũ naĩ yĩna ũkũmũ kwa nzĩa ya kĩkw'ũ, now'o naw'o mumo wa Ngai ũsumbĩkaa kwa kũtw'ĩkĩthya andũ kwĩthĩwa alũngalu, na kũmalikya thayũnĩ ũtathela kwĩsĩla kwa Mwĩai waitũ Yesũ Klĩsto.
Currently Selected:
Alo 5: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Alo 5
5
Nĩtũtw'ĩtwe Kwĩthĩwa Alũngalu nĩ Ngai
1Yu nũndũ nĩtũtalĩtwe kwĩthĩwa alũngalu kwondũ wa mũĩkĩĩo, twĩ na mũuo na Ngai kwĩsĩla kwa Mwĩai waitũ Yesũ Klĩsto. 2Kwa nzĩa ya kwĩthĩwa twĩ na mũĩkĩĩonĩ nthĩnĩ wake, nĩtũlikĩtw'e mumonĩ wa Ngai ũla yu twĩkalaa nthĩnĩ waw'o. Kwoou nĩtũũtana nũndũ nĩtweteelete kũkwata ũkumyo wa Ngai. 3Na ti ũu w'oka, nĩtũtanaa twĩ mathĩnanĩ, nũndũ nĩtwĩsĩ kana mathĩna maetae wũmĩĩsyo, 4naw'o wũmĩĩsyo ũetae ũlũmu, naw'o ũlũmu ũtũnengae wĩkwatyo. 5Wĩkwatyo ũũ ndũkatũsonokya, nũndũ Ngai nĩweekĩie wendo wake ngoonĩ sitũ kwa nzĩa ya Veva Mũtheu, ũla nĩ mũthĩnzĩo wa Ngai kwitũ.
6Yĩla tũtaĩ twĩtethya, Klĩsto nĩwakwie kwondũ witũ ithyĩ avĩtany'a, ĩvindanĩ yĩla Ngai wanyuvĩte yavika. 7Ve vinya mũndũ kwĩyumya akw'e kwondũ wa mũndũ mũlũngalu, o na kau no vatonyeka mũndũ akeyumya akw'e kwondũ wa mũndũ mũseo. 8Ĩndĩ Ngai nĩwatwonisye ũndũ ũtwendete mũno wĩana, nĩkwĩthĩwa yĩla twaĩ avĩtany'a, Klĩsto nĩwakwie kwondũ witũ. 9Mbee wa vau, yu nũndũ nĩtũtw'ĩtwe alũngalu kwĩsĩla kĩkw'ũnĩ kya Klĩsto, tũkatangĩĩwa nĩwe kuma ũthatunĩ wa Ngai. 10Nĩkwĩthĩwa yĩla twaĩ amaitha ma Ngai, tweew'anĩthiw'e nake nĩ kĩkw'ũ kya Mwana wake. Ĩndĩ yu nũndũ nĩtũminĩte kwĩw'anĩthw'a na Ngai, mbee mũno ĩtina wa kwĩw'anĩthw'a, nĩtũũtangĩĩwa nĩ thayũ wa Mwana wake. 11Na ti ũu w'oka, ĩndĩ nĩtũũtana nthĩnĩ wa Ngai kwĩsĩla kwa Mwĩai waitũ Yesũ Klĩsto, ũla yu ũtwĩw'anĩthĩtye na Ngai.
Kũelekany'a Atamu na Klĩsto
12 #
Mwa 3.6
Naĩ nĩyalikile kũũ nthĩ nũndũ wa mũndũ ũmwe, na naĩ ĩsu yaete kĩkw'ũ. Kwoou kĩkw'ũ nĩkyavikĩie andũ onthe nũndũ andũ onthe nĩmavĩtisye. 13Kwa w'o naĩ yaĩ kũũ nthĩ mĩao ĩtanamba kũnenganwe, ĩndĩ naĩ ndĩtalawa kũte mĩao. 14Ĩndĩ ũu wĩ o vo, kĩkw'ũ nĩkyeethĩiwe na ũkũmũ ĩũlũ wa andũ kuma ĩvinda ya Atamu kũvika ĩvinda ya Mwose, o na kwa ala matavĩtĩtye kwa kũtũla mwĩao ta Atamu.
Atamu aĩ ngelekany'o ya Klĩsto ũla wesie kũka. 15Ĩndĩ me elĩ ti ũndũ ũmwe, nũndũ mũthĩnzĩo ũla Ngai wanenganie ndũelekanw'a na ĩvĩtyo ya Atamu. Kwa w'o nũndũ wa ĩvĩtyo ya mũndũ ũmwe, kĩkw'ũ nĩkyavikĩie andũ onthe, ĩndĩ nĩ mbee mũno mumo wa Ngai na ũla mũthĩnzĩo Ngai ũnenganĩte kwĩsĩla mumonĩ wa mũndũ o ũmwe, Yesũ Klĩsto, kũmavikĩa andũ aingĩ. 16O ta ũu ũla mũthĩnzĩo wa Ngai wĩ kĩvathũkany'o na ũndũ ũla waumanie na ĩvĩtyo ya mũndũ ũsu ũmwe. Ũsilĩlo ũla wookie ĩtina wa ĩvĩtyo yĩu yĩmwe, watwie Atamu kwĩthĩwa mũvĩtany'a, ĩndĩ mũthĩnzĩo wa Ngai ũla wookie ĩtina wa andũ aingĩ kũvĩtya nĩwamatwie kwĩthĩwa alũngalu. 17Ethĩwa ĩndĩ nũndũ wa ĩvĩtyo ya mũndũ ũmwe, kĩkw'ũ nĩkyeethĩiwe na ũkũmũ ĩũlũ wa andũ onthe, nĩ mbee mũno kwa ala makwatĩte wingĩ wa mumo na wa ũla mũthĩnzĩo wa kũtuwa kwĩthĩwa alũngalu, mekwata thayũ ũtathela kwondũ wa mũndũ ũmwe, Yesũ Klĩsto.
18Kwoou o ũndũ ĩvĩtyo ya mũndũ ũmwe yaetie ũsilĩlo kwa andũ onthe, now'o ũndũ wa ũlũngalu wĩkĩtwe nĩ mũndũ ũmwe ũtumaa andũ onthe methĩwa me alũngalu na kũmanenga thayũ. 19O ta ũu o ũndũ kũlea kwĩw'a kwa mũndũ ũmwe kwatumie andũ onthe matuwa kwĩthĩwa avĩtany'a, now'o naw'o wĩwi wa mũndũ ũmwe ũkatuma andũ aingĩ matuwa alũngalu.
20Mĩao yookie nĩ kana mavĩtyo maingĩve, ĩndĩ vala naĩ yaingĩvĩĩie nĩvo naw'o mumo wa Ngai waingĩvĩĩie mũno mbee. 21Kwoou ĩndĩ, o ũndũ naĩ yĩna ũkũmũ kwa nzĩa ya kĩkw'ũ, now'o naw'o mumo wa Ngai ũsumbĩkaa kwa kũtw'ĩkĩthya andũ kwĩthĩwa alũngalu, na kũmalikya thayũnĩ ũtathela kwĩsĩla kwa Mwĩai waitũ Yesũ Klĩsto.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011