Alo 2
2
Ngai Akasilĩla Andũ Onthe
1 #
Mat 7.1; Lk 6.37 We mũndũ ũla ũsilĩlaa andũ ala angĩ, ndwĩ na ũndũ wa kwĩlingya o na ethĩwa nue ũũ, nũndũ yĩla ũũsilĩla andũ ala angĩ na ũyĩka maũndũ o asu mo mekwĩka, wĩthĩawa ũyĩsilĩla we mwene. 2Nĩtwĩsĩ kana Ngai ekaa ũla waĩlu, yĩla ũkũsilĩla andũ ala mekaa maũndũ ma mũthemba ũsu. 3Mũndũ we, yĩla ũũsilĩla andũ ala mekaa maũndũ asu na ũimeka we mwene, wĩona ta ũkavonoka ũsilĩlo wa Ngai? 4Kana we ko wosaa ũseo wa Ngai na tei wake vamwe na wũmĩĩsyo wake oou ta kĩndũ kya mana? We no ũũmanya kana kĩtumi kya ũseo ũsu wa Ngai nĩ kana eenda wĩlile kwondũ wa naĩ syaku? 5Ĩndĩ yu nũndũ wa wũmũ waku wa ngoo, na kũlea kwĩlila kwondũ wa naĩ syaku, ũendee na kũneneveesya ũkany'o waku mũthenyanĩ ũla Ngai ũkavuany'a ũthatu wake na kũsilĩla andũ kwa ũw'o. 6#Sav 62.12; Nth 24.12 Nũndũ akatuva kĩla mũndũ kwĩanana na meko make. 7Andũ ala mekaa nesa kĩla ĩvinda, maimantha ũkumyo na ndaĩa ya Ngai o vamwe na thayũ ũtathela, asu Ngai akamanenga thayũ wa tene na tene. 8Namo ala maatĩĩaa mawendi moo ene, na maleaa kũatĩĩa ũla w'o na kũatĩĩa ũla ũthũku, asu makakwatwa nĩ ũthatu na woo wa Ngai. 9Kũkeethĩwa thĩna na ũnyamao kwa kĩla mũndũ ũla wĩkaa ũla ũthũku; mbee kwa Ayuti na kwa Andũ-ma-mbaĩ-ingĩ o namo. 10Ĩndĩ andũ ala mekaa nesa, Ngai akamanenga ũkumyo, ndaĩa na mũuo; mbee Ayuti na Andũ-ma-mbaĩ-ingĩ o namo. 11#Kũt 10.17 Nũndũ Ngai ti mwendeasya wa andũ.
12Andũ ala matesĩ Mĩao ya Mwose meeka naĩ makasilĩlwa matekũtũmĩĩwa Mĩao. Namo andũ ala mesĩ Mĩao ĩsu ya Mwose, meeka naĩ makasilĩlwa na Mĩao. 13Andũ mayĩthĩawa me alũngalu methonĩ ma Ngai nũndũ wa kwĩthukĩĩsya Mĩao, ĩndĩ matalawa kwĩthĩwa me alũngalu nũndũ wa kwĩka ũndũ Mĩao ĩkwasya. 14Yĩla Andũ-ma-mbaĩ-ingĩ ala matesĩ Mĩao ya Mwose meeka ũndũ Mĩao ĩkwasya mateũmanya, mo ene nĩmonanasya kana nĩmesĩ kĩla kyaĩlĩte kwĩkwa, o na kau mai na Mĩao ya Mwose. 15Mĩkalĩle yoo yonanasya kana kĩla kĩwetetwe Mĩaonĩ nĩkĩandĩkĩtwe ngoonĩ syoo. Wasya woo wa ngoo o naw'o nũĩkĩĩthasya kana ũu nĩw'o. Nũndũ mavinda amwe mosũanĩo moo nĩmamonasya mavĩtyo moo, na mavinda angĩ maimatetea. 16Kwoou kwĩanana na Ũvoo ũũ Mũseo ngũtavany'a, kũkeethĩwa kũilyĩ ũu mũthenyanĩ ũla Ngai ũkasilĩla syĩmbithĩ sya ngoo sya andũ kwĩsĩla kwa Yesũ Klĩsto.
Ayuti na Mĩao Yoo
17Amwe menyu mwĩyĩtaa Ayuti. Mwĩkwatasya Mĩao na kwĩkathĩĩaa kana mwĩ ma Ngai. 18Nĩmũmanyĩĩtw'e Mĩaonĩ ũndũ Ngai ũkwenda mwĩkale, na ũndũ mũtonya kũnyuva ũndũ ũla mũseo. 19Mwaasya kana kwa w'o ninyw'ĩ mũkwataa ilalinda moko, na mwĩ kyeni kwa andũ ala me kĩvindunĩ, 20na nũndũ Mĩaonĩ nĩmũmanyaa kĩla ũndũ vyũ o vamwe na ũw'o w'onthe, mwonaa mwĩ atai ma andũ ala atumanu, na mwĩ amanyĩsya ma syana nini. 21Inyw'ĩ ĩndĩ ala mũmanyĩasya, mũleaa kwĩmanyĩsya nĩkĩ? Mũtavanasya mũkasya andũ maikoye, nĩkĩ mũyaa? 22O ta ũu mwaasya andũ maikalaalae, nĩkĩ mũũlaalaa? Inyw'ĩ nĩmũmenete ngai sya mĩvw'anano, nĩkĩ mũyaa makalũnĩ ma ngai isu? 23Mwĩkathĩĩaa na kwasya mwĩ na Mĩao ya Ngai, nĩkĩ mwanangĩaa Ngai ndaĩa kwa kũtũla mĩao yake? 24#Ĩsa 52.5 Maandĩko Matheu nĩmawetete makasya, “Ĩsyĩtwa ya Ngai nĩyĩumangawa Andũnĩ-ma-mbaĩ-ingĩ nũndũ wenyu inyw'ĩ Ayuti.”
25Kwaĩkwa kwenyu kwĩ vata ethĩwa nĩmũkwataa Mĩao ya Ngai, ĩndĩ ethĩwa nĩmũmĩtũlaa, kwaĩkwa kwenyu no kwa mana. 26Nĩkũlya, ethĩwa andũ ala mataĩkawa nĩmekwĩka ũndũ Mĩao ĩkwasya, kwa w'o Ngai ndakamosa o ta ala aĩke? 27Kwoou Andũ-ma-mbaĩ-ingĩ ala mate na mũtuo wa kwaĩkwa, ĩndĩ nĩmeanĩasya Mĩao ya Ngai, makamũsilĩla inyw'ĩ mwĩ na Mĩao mĩandĩke na mwĩ na mũtuo wa kwaĩkwa, ĩndĩ nĩmũtũlaa Mĩao ya Ngai. 28Mũndũ ndatw'ĩkaa Mũyuti nũndũ wa kwĩthĩwa eoneka ailyĩ Mũyuti; o na nzaĩko ĩla ya w'o ti ĩla ya nza ya mwĩĩnĩ. 29#Kũt 30.6 Mũyuti ũla wa w'o nĩ ũla ũtw'ĩkaa Mũyuti kĩ-thayũnĩ na nzaĩko ĩla ya w'o nĩ ya ngoonĩ, naw'o ũsu nĩ wĩa wa Veva wa Ngai, na ti wa Mĩao. Mũndũ wa mũthemba ũsu anengawe ndaĩa nĩ Ngai na ti andũ.
Currently Selected:
Alo 2: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Alo 2
2
Ngai Akasilĩla Andũ Onthe
1 #
Mat 7.1; Lk 6.37 We mũndũ ũla ũsilĩlaa andũ ala angĩ, ndwĩ na ũndũ wa kwĩlingya o na ethĩwa nue ũũ, nũndũ yĩla ũũsilĩla andũ ala angĩ na ũyĩka maũndũ o asu mo mekwĩka, wĩthĩawa ũyĩsilĩla we mwene. 2Nĩtwĩsĩ kana Ngai ekaa ũla waĩlu, yĩla ũkũsilĩla andũ ala mekaa maũndũ ma mũthemba ũsu. 3Mũndũ we, yĩla ũũsilĩla andũ ala mekaa maũndũ asu na ũimeka we mwene, wĩona ta ũkavonoka ũsilĩlo wa Ngai? 4Kana we ko wosaa ũseo wa Ngai na tei wake vamwe na wũmĩĩsyo wake oou ta kĩndũ kya mana? We no ũũmanya kana kĩtumi kya ũseo ũsu wa Ngai nĩ kana eenda wĩlile kwondũ wa naĩ syaku? 5Ĩndĩ yu nũndũ wa wũmũ waku wa ngoo, na kũlea kwĩlila kwondũ wa naĩ syaku, ũendee na kũneneveesya ũkany'o waku mũthenyanĩ ũla Ngai ũkavuany'a ũthatu wake na kũsilĩla andũ kwa ũw'o. 6#Sav 62.12; Nth 24.12 Nũndũ akatuva kĩla mũndũ kwĩanana na meko make. 7Andũ ala mekaa nesa kĩla ĩvinda, maimantha ũkumyo na ndaĩa ya Ngai o vamwe na thayũ ũtathela, asu Ngai akamanenga thayũ wa tene na tene. 8Namo ala maatĩĩaa mawendi moo ene, na maleaa kũatĩĩa ũla w'o na kũatĩĩa ũla ũthũku, asu makakwatwa nĩ ũthatu na woo wa Ngai. 9Kũkeethĩwa thĩna na ũnyamao kwa kĩla mũndũ ũla wĩkaa ũla ũthũku; mbee kwa Ayuti na kwa Andũ-ma-mbaĩ-ingĩ o namo. 10Ĩndĩ andũ ala mekaa nesa, Ngai akamanenga ũkumyo, ndaĩa na mũuo; mbee Ayuti na Andũ-ma-mbaĩ-ingĩ o namo. 11#Kũt 10.17 Nũndũ Ngai ti mwendeasya wa andũ.
12Andũ ala matesĩ Mĩao ya Mwose meeka naĩ makasilĩlwa matekũtũmĩĩwa Mĩao. Namo andũ ala mesĩ Mĩao ĩsu ya Mwose, meeka naĩ makasilĩlwa na Mĩao. 13Andũ mayĩthĩawa me alũngalu methonĩ ma Ngai nũndũ wa kwĩthukĩĩsya Mĩao, ĩndĩ matalawa kwĩthĩwa me alũngalu nũndũ wa kwĩka ũndũ Mĩao ĩkwasya. 14Yĩla Andũ-ma-mbaĩ-ingĩ ala matesĩ Mĩao ya Mwose meeka ũndũ Mĩao ĩkwasya mateũmanya, mo ene nĩmonanasya kana nĩmesĩ kĩla kyaĩlĩte kwĩkwa, o na kau mai na Mĩao ya Mwose. 15Mĩkalĩle yoo yonanasya kana kĩla kĩwetetwe Mĩaonĩ nĩkĩandĩkĩtwe ngoonĩ syoo. Wasya woo wa ngoo o naw'o nũĩkĩĩthasya kana ũu nĩw'o. Nũndũ mavinda amwe mosũanĩo moo nĩmamonasya mavĩtyo moo, na mavinda angĩ maimatetea. 16Kwoou kwĩanana na Ũvoo ũũ Mũseo ngũtavany'a, kũkeethĩwa kũilyĩ ũu mũthenyanĩ ũla Ngai ũkasilĩla syĩmbithĩ sya ngoo sya andũ kwĩsĩla kwa Yesũ Klĩsto.
Ayuti na Mĩao Yoo
17Amwe menyu mwĩyĩtaa Ayuti. Mwĩkwatasya Mĩao na kwĩkathĩĩaa kana mwĩ ma Ngai. 18Nĩmũmanyĩĩtw'e Mĩaonĩ ũndũ Ngai ũkwenda mwĩkale, na ũndũ mũtonya kũnyuva ũndũ ũla mũseo. 19Mwaasya kana kwa w'o ninyw'ĩ mũkwataa ilalinda moko, na mwĩ kyeni kwa andũ ala me kĩvindunĩ, 20na nũndũ Mĩaonĩ nĩmũmanyaa kĩla ũndũ vyũ o vamwe na ũw'o w'onthe, mwonaa mwĩ atai ma andũ ala atumanu, na mwĩ amanyĩsya ma syana nini. 21Inyw'ĩ ĩndĩ ala mũmanyĩasya, mũleaa kwĩmanyĩsya nĩkĩ? Mũtavanasya mũkasya andũ maikoye, nĩkĩ mũyaa? 22O ta ũu mwaasya andũ maikalaalae, nĩkĩ mũũlaalaa? Inyw'ĩ nĩmũmenete ngai sya mĩvw'anano, nĩkĩ mũyaa makalũnĩ ma ngai isu? 23Mwĩkathĩĩaa na kwasya mwĩ na Mĩao ya Ngai, nĩkĩ mwanangĩaa Ngai ndaĩa kwa kũtũla mĩao yake? 24#Ĩsa 52.5 Maandĩko Matheu nĩmawetete makasya, “Ĩsyĩtwa ya Ngai nĩyĩumangawa Andũnĩ-ma-mbaĩ-ingĩ nũndũ wenyu inyw'ĩ Ayuti.”
25Kwaĩkwa kwenyu kwĩ vata ethĩwa nĩmũkwataa Mĩao ya Ngai, ĩndĩ ethĩwa nĩmũmĩtũlaa, kwaĩkwa kwenyu no kwa mana. 26Nĩkũlya, ethĩwa andũ ala mataĩkawa nĩmekwĩka ũndũ Mĩao ĩkwasya, kwa w'o Ngai ndakamosa o ta ala aĩke? 27Kwoou Andũ-ma-mbaĩ-ingĩ ala mate na mũtuo wa kwaĩkwa, ĩndĩ nĩmeanĩasya Mĩao ya Ngai, makamũsilĩla inyw'ĩ mwĩ na Mĩao mĩandĩke na mwĩ na mũtuo wa kwaĩkwa, ĩndĩ nĩmũtũlaa Mĩao ya Ngai. 28Mũndũ ndatw'ĩkaa Mũyuti nũndũ wa kwĩthĩwa eoneka ailyĩ Mũyuti; o na nzaĩko ĩla ya w'o ti ĩla ya nza ya mwĩĩnĩ. 29#Kũt 30.6 Mũyuti ũla wa w'o nĩ ũla ũtw'ĩkaa Mũyuti kĩ-thayũnĩ na nzaĩko ĩla ya w'o nĩ ya ngoonĩ, naw'o ũsu nĩ wĩa wa Veva wa Ngai, na ti wa Mĩao. Mũndũ wa mũthemba ũsu anengawe ndaĩa nĩ Ngai na ti andũ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011