Alo 1
1
Ngethi
1Kuma Vala nĩĩ nyie Vaũlo, mũthũkũmi wa Yesũ Klĩsto, nĩtĩtwe nĩ Ngai nĩtw'ĩke mũtũmwa na akanyuva nĩtavany'e Ũvoo Mũseo wake. 2Ũvoo ũsu Mũseo awathanie tene kwĩsĩla kwa athani make o ũndũ Maandĩko Matheu maĩtye. 3Ũvoo ũsu nĩ ĩũlũ wa Mwana wake, ũla ta mũndũ, aĩ nzyawa ya Ndeviti, 4na ngalĩkonĩ ya kwĩthĩwa na ũtheu wa kĩ-ũngai, nĩwoonaniw'e kwĩthĩwa ne Mwana wa Ngai wĩ vinya, kwa kũthayũũkw'a kuma kwa akw'ũ, nake nĩ Yesũ Klĩsto Mwĩai waitũ. 5Kwĩsĩla kwake na kwondũ wake, nĩtwakwatie mumo wa kũtw'ĩka atũmwa, nĩ kana tũmatongoesye andũ ma mbaĩ syonthe maĩkĩĩe na methĩwe me ewi kwa Ngai. 6Inyw'ĩ mwĩ amwe katĩ wa andũ asu metĩtwe methĩwe ma Yesũ Klĩsto.
7Valũa ũũ wakwa nĩ kwenyu inyw'onthe ala mwĩ Loma, mwendetwe nĩ Ngai na ũmũnyuvĩte mwĩthĩwe andũ make. Mumo na mũuo kuma kwa Ngai Asa waitũ, na kuma kwa Mwĩai Yesũ Klĩsto nĩsyĩthĩwe nenyu.
Mboya ya Vaũlo ya Kũtũnga Mũvea
8Mbee nĩngũtũngĩa Ngai mũvea nthĩnĩ wa Yesũ Klĩsto kwondũ wenyu inyw'onthe, nũndũ nguma ya mũĩkĩĩo wenyu nĩnyaĩĩkĩte kĩla vandũ ĩũlũ wa nthĩ. 9Ngai ũla nĩthũkũmaa nĩyumĩtye vyũ nthĩnĩ wa kũtavany'a Ũvoo Mũseo wa Mwana wake, nĩ ngũsĩ kana nĩnĩmũlilikanaa inyw'ĩ kĩla ĩvinda mboyanĩ syakwa ndekũleela. 10Nĩnĩvoyaa Ngai, ethĩwa nĩ kwenda kwake, ambingũĩe nzĩa nũke kwenyu, 11nũndũ nĩ na mea mũno ma kũmwona, nĩ kana ndonye kũmũolela mũthĩnzĩo ũmwe wa kĩ-veva ũmũlũlũmĩĩlye. 12Kĩla ngũweta nĩ kana ithyonthe tũkathangaany'a mũĩkĩĩonĩ; mũthangaaw'e nĩ mũĩkĩĩo wakwa, nakwa ngĩthangaaw'a nĩ mũĩkĩĩo wenyu.
13 #
Meko 19.21
Nĩngwenda mbaitũ mũmanye kana, mavinda maingĩ nĩnĩnavangaa kũmũthokea, ĩndĩ ũndũ ũyumĩla na ũinziĩĩa. Nĩngwenda kũalyũla andũ aingĩ kũu Loma matw'ĩke aatĩĩi ma Yesũ, o tondũ nĩkĩte kũndũ kũngĩ Andũnĩ-ma-mbaĩ-ingĩ. 14Nĩna wĩa wa kũthũkũma andũ onthe: Andũ me mbee kĩ-maendeeo na andũ me ĩtina kĩ-maendeeo; andũ asomu na andũ mate asomu. 15Nĩkyo kĩtumi nĩ na mea ma kũmũtavya Ũvoo Mũseo o nenyu ala mwĩ Loma.
Ũtonyi wa Ũvoo Mũseo
16 #
Mk 8.38
Nyie ndiwĩw'ĩaa nthoni Ũvoo Mũseo, nũndũ nĩw'o nzĩa yĩ ũtonyi ya Ngai ya kũtangĩĩa andũ onthe ala maĩkĩĩaa; mbee Ayuti na ĩndĩ Andũ-ma-mbaĩ-ingĩ. 17#Ava 2.4 Ũvoo Mũseo nũvuanasya ũndũ Ngai ũtw'ĩkĩthasya andũ kwĩthĩwa alũngalu, naw'o ũndũ ũsu wĩkĩkaa kwa kũĩkĩĩa na kũendeea na kũĩkĩĩa o tondũ Maandĩko Matheu maĩtye, “Mũndũ ũla mũlũngalu kwĩsĩla mũĩkĩĩonĩ akekala thayũ.”
Andũ Onthe Nĩmavĩtĩtye
18Ngai nĩwonanĩtye ũndũ ũkasilĩla andũ kwondũ wa naĩ, na mothũku onthe ala mekĩte, na makatuma andũ matamanya ũw'o ĩũlũ wa Ngai nũndũ wa mothũku moo. 19Ngai akamasilĩla nũndũ ũndũ w'onthe ũla ũmanyĩka ĩũlũ wa Ngai nĩmawĩsĩ, nĩkwĩthĩwa Ngai nĩwamavuanĩisye. 20Kuma Ngai oomba nthĩ, ũtonyi wake wa tene na tene na Ũ-Ngai wake, o na kau iyonekaa na metho, nimanyĩkaa nesa kwĩsĩla syĩndũnĩ ila woombie. Kwoou vai ũndũ andũ melingya naw'o. 21#Aev 4.17-18 O na kau nĩmamwĩsĩ Ngai, maimũnengae ndaĩa ĩla ĩmwaĩlĩte ta Ngai, kana kũmũtũngĩa mũvea. Mosũanĩo moo matw'ĩkĩte ma mana, na ilĩko syoo ite na ũmanyi syusĩe mbindu. 22Maasya nĩ oĩ, ĩndĩ nĩ atumanu; 23#Kũt 4.16-18 vandũ va kũthaitha Ngai ũla wĩkalaa tene na tene, mathaithaa mĩvw'anano yĩna wũmbo wa mũndũ ũla ũkusaa, kana wũmbo wa nyũnyi kana nyamũ, kana wa nyamũ ila itambũkaa.
24Kwondũ wa ũu, Ngai nũmaekete maatĩĩe mawendi mathũku ma ngoo syoo, na mekanae maũndũ me nthoni ene kwa ene. 25Nĩmaleete kũĩkĩĩa ũw'o ĩũlũ wa Ngai na maketĩkĩla ũvũngũ; nĩmathaithaa na kũnenga syũmbe ndaĩa vandũ va Mũmbi, ũla ũkathawa tene na tene! Ameni.
26Nũndũ wa kwĩka ũu, Ngai nũmaekete maatĩĩe mawendi me nthoni ma kĩ-mwĩĩ. O na aka moo nĩmaekete mũtuo ũla waĩlĩte wa kũmanyana kĩ-mwĩĩ, makaatĩĩa nzĩa ĩte mbaĩlu na kũmanyanaa kĩ-mwĩĩ mo ene. 27Aũme o namo mekĩte oou. Nĩmaekete mũtuo wa kũmanyanaa kĩ-mwĩĩ na aka, na makakwatwa nĩ wendi wa kũmanyana kĩ-mwĩĩ o mo ene. Meĩkana maũndũ me nthoni ene kwa ene, na kwoou nĩmeyoseete ũsilĩlo ũla ũmaĩlĩte nũndũ wa mavĩtyo moo.
28Nũndũ asu nĩmaleete kũmũmanya Ngai, Ngai nũmaekete matongoew'e nĩ mosũanĩo moo mataĩlĩte, na meke maũndũ mataĩlĩte kwĩkwa. 29Mausũĩtwe nĩ mĩthemba yonthe ya mothũku, ũvuku, ĩtomo, na kwendea andũ ala angĩ ũthũku. O ta ũu mausũĩtwe nĩ kĩwĩu, wũaani, ĩteta, ũkengani, na ũseleke. Nĩ asukani, 30aneenanĩi ma naĩ, na nĩmamenete Ngai. Nĩ aumangani, me mĩyono, na ekathĩĩi; kĩla ĩvinda mamanthaa nzĩa ya kwĩka naĩ, na maimew'aa asyai moo. 31Nĩ atumanu, mayĩanĩasya ndeto syoo, na mai na wendo kana ĩnee kwa andũ ala angĩ. 32Nĩmesĩ ũtwi wa Ngai, kana mũndũ ũla wĩkaa maũndũ ta asu aĩlĩtwe nĩ kĩkw'ũ. Ĩndĩ matindĩaa kwĩka maũndũ asu, na o na eka ũu, nĩmetĩkĩlanaa na andũ ala mekaa maũndũ asu.
Currently Selected:
Alo 1: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Alo 1
1
Ngethi
1Kuma Vala nĩĩ nyie Vaũlo, mũthũkũmi wa Yesũ Klĩsto, nĩtĩtwe nĩ Ngai nĩtw'ĩke mũtũmwa na akanyuva nĩtavany'e Ũvoo Mũseo wake. 2Ũvoo ũsu Mũseo awathanie tene kwĩsĩla kwa athani make o ũndũ Maandĩko Matheu maĩtye. 3Ũvoo ũsu nĩ ĩũlũ wa Mwana wake, ũla ta mũndũ, aĩ nzyawa ya Ndeviti, 4na ngalĩkonĩ ya kwĩthĩwa na ũtheu wa kĩ-ũngai, nĩwoonaniw'e kwĩthĩwa ne Mwana wa Ngai wĩ vinya, kwa kũthayũũkw'a kuma kwa akw'ũ, nake nĩ Yesũ Klĩsto Mwĩai waitũ. 5Kwĩsĩla kwake na kwondũ wake, nĩtwakwatie mumo wa kũtw'ĩka atũmwa, nĩ kana tũmatongoesye andũ ma mbaĩ syonthe maĩkĩĩe na methĩwe me ewi kwa Ngai. 6Inyw'ĩ mwĩ amwe katĩ wa andũ asu metĩtwe methĩwe ma Yesũ Klĩsto.
7Valũa ũũ wakwa nĩ kwenyu inyw'onthe ala mwĩ Loma, mwendetwe nĩ Ngai na ũmũnyuvĩte mwĩthĩwe andũ make. Mumo na mũuo kuma kwa Ngai Asa waitũ, na kuma kwa Mwĩai Yesũ Klĩsto nĩsyĩthĩwe nenyu.
Mboya ya Vaũlo ya Kũtũnga Mũvea
8Mbee nĩngũtũngĩa Ngai mũvea nthĩnĩ wa Yesũ Klĩsto kwondũ wenyu inyw'onthe, nũndũ nguma ya mũĩkĩĩo wenyu nĩnyaĩĩkĩte kĩla vandũ ĩũlũ wa nthĩ. 9Ngai ũla nĩthũkũmaa nĩyumĩtye vyũ nthĩnĩ wa kũtavany'a Ũvoo Mũseo wa Mwana wake, nĩ ngũsĩ kana nĩnĩmũlilikanaa inyw'ĩ kĩla ĩvinda mboyanĩ syakwa ndekũleela. 10Nĩnĩvoyaa Ngai, ethĩwa nĩ kwenda kwake, ambingũĩe nzĩa nũke kwenyu, 11nũndũ nĩ na mea mũno ma kũmwona, nĩ kana ndonye kũmũolela mũthĩnzĩo ũmwe wa kĩ-veva ũmũlũlũmĩĩlye. 12Kĩla ngũweta nĩ kana ithyonthe tũkathangaany'a mũĩkĩĩonĩ; mũthangaaw'e nĩ mũĩkĩĩo wakwa, nakwa ngĩthangaaw'a nĩ mũĩkĩĩo wenyu.
13 #
Meko 19.21
Nĩngwenda mbaitũ mũmanye kana, mavinda maingĩ nĩnĩnavangaa kũmũthokea, ĩndĩ ũndũ ũyumĩla na ũinziĩĩa. Nĩngwenda kũalyũla andũ aingĩ kũu Loma matw'ĩke aatĩĩi ma Yesũ, o tondũ nĩkĩte kũndũ kũngĩ Andũnĩ-ma-mbaĩ-ingĩ. 14Nĩna wĩa wa kũthũkũma andũ onthe: Andũ me mbee kĩ-maendeeo na andũ me ĩtina kĩ-maendeeo; andũ asomu na andũ mate asomu. 15Nĩkyo kĩtumi nĩ na mea ma kũmũtavya Ũvoo Mũseo o nenyu ala mwĩ Loma.
Ũtonyi wa Ũvoo Mũseo
16 #
Mk 8.38
Nyie ndiwĩw'ĩaa nthoni Ũvoo Mũseo, nũndũ nĩw'o nzĩa yĩ ũtonyi ya Ngai ya kũtangĩĩa andũ onthe ala maĩkĩĩaa; mbee Ayuti na ĩndĩ Andũ-ma-mbaĩ-ingĩ. 17#Ava 2.4 Ũvoo Mũseo nũvuanasya ũndũ Ngai ũtw'ĩkĩthasya andũ kwĩthĩwa alũngalu, naw'o ũndũ ũsu wĩkĩkaa kwa kũĩkĩĩa na kũendeea na kũĩkĩĩa o tondũ Maandĩko Matheu maĩtye, “Mũndũ ũla mũlũngalu kwĩsĩla mũĩkĩĩonĩ akekala thayũ.”
Andũ Onthe Nĩmavĩtĩtye
18Ngai nĩwonanĩtye ũndũ ũkasilĩla andũ kwondũ wa naĩ, na mothũku onthe ala mekĩte, na makatuma andũ matamanya ũw'o ĩũlũ wa Ngai nũndũ wa mothũku moo. 19Ngai akamasilĩla nũndũ ũndũ w'onthe ũla ũmanyĩka ĩũlũ wa Ngai nĩmawĩsĩ, nĩkwĩthĩwa Ngai nĩwamavuanĩisye. 20Kuma Ngai oomba nthĩ, ũtonyi wake wa tene na tene na Ũ-Ngai wake, o na kau iyonekaa na metho, nimanyĩkaa nesa kwĩsĩla syĩndũnĩ ila woombie. Kwoou vai ũndũ andũ melingya naw'o. 21#Aev 4.17-18 O na kau nĩmamwĩsĩ Ngai, maimũnengae ndaĩa ĩla ĩmwaĩlĩte ta Ngai, kana kũmũtũngĩa mũvea. Mosũanĩo moo matw'ĩkĩte ma mana, na ilĩko syoo ite na ũmanyi syusĩe mbindu. 22Maasya nĩ oĩ, ĩndĩ nĩ atumanu; 23#Kũt 4.16-18 vandũ va kũthaitha Ngai ũla wĩkalaa tene na tene, mathaithaa mĩvw'anano yĩna wũmbo wa mũndũ ũla ũkusaa, kana wũmbo wa nyũnyi kana nyamũ, kana wa nyamũ ila itambũkaa.
24Kwondũ wa ũu, Ngai nũmaekete maatĩĩe mawendi mathũku ma ngoo syoo, na mekanae maũndũ me nthoni ene kwa ene. 25Nĩmaleete kũĩkĩĩa ũw'o ĩũlũ wa Ngai na maketĩkĩla ũvũngũ; nĩmathaithaa na kũnenga syũmbe ndaĩa vandũ va Mũmbi, ũla ũkathawa tene na tene! Ameni.
26Nũndũ wa kwĩka ũu, Ngai nũmaekete maatĩĩe mawendi me nthoni ma kĩ-mwĩĩ. O na aka moo nĩmaekete mũtuo ũla waĩlĩte wa kũmanyana kĩ-mwĩĩ, makaatĩĩa nzĩa ĩte mbaĩlu na kũmanyanaa kĩ-mwĩĩ mo ene. 27Aũme o namo mekĩte oou. Nĩmaekete mũtuo wa kũmanyanaa kĩ-mwĩĩ na aka, na makakwatwa nĩ wendi wa kũmanyana kĩ-mwĩĩ o mo ene. Meĩkana maũndũ me nthoni ene kwa ene, na kwoou nĩmeyoseete ũsilĩlo ũla ũmaĩlĩte nũndũ wa mavĩtyo moo.
28Nũndũ asu nĩmaleete kũmũmanya Ngai, Ngai nũmaekete matongoew'e nĩ mosũanĩo moo mataĩlĩte, na meke maũndũ mataĩlĩte kwĩkwa. 29Mausũĩtwe nĩ mĩthemba yonthe ya mothũku, ũvuku, ĩtomo, na kwendea andũ ala angĩ ũthũku. O ta ũu mausũĩtwe nĩ kĩwĩu, wũaani, ĩteta, ũkengani, na ũseleke. Nĩ asukani, 30aneenanĩi ma naĩ, na nĩmamenete Ngai. Nĩ aumangani, me mĩyono, na ekathĩĩi; kĩla ĩvinda mamanthaa nzĩa ya kwĩka naĩ, na maimew'aa asyai moo. 31Nĩ atumanu, mayĩanĩasya ndeto syoo, na mai na wendo kana ĩnee kwa andũ ala angĩ. 32Nĩmesĩ ũtwi wa Ngai, kana mũndũ ũla wĩkaa maũndũ ta asu aĩlĩtwe nĩ kĩkw'ũ. Ĩndĩ matindĩaa kwĩka maũndũ asu, na o na eka ũu, nĩmetĩkĩlanaa na andũ ala mekaa maũndũ asu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011