1Ako 13

Wendo

1O na nganeena na ithyomo sya andũ kana sya alaĩka, ĩndĩ ndyĩthĩwa nde na wendo, ũneeni wakwa wĩthĩwa o ta wasya wa ĩleve kana syũma iũtuwa. 2#Mat 17.20; 21.21; Mk 11.23 O na ngethĩwa na mũthĩnzĩo wa kwathana na kũmanya syĩmbithĩ syonthe, na ngethĩwa nĩsĩ kĩla kĩndũ; o na ngethĩwa na mũĩkĩĩo mwingĩ ũtonya kũthamya iĩma, ĩndĩ ndyĩthĩwa nde na wendo, nyie nĩthĩwa nĩ o vathei. 3O na nganengane syĩndũ syonthe ila nĩ nasyo, na o na nganengane mwĩĩ wakwa ũvĩvw'e;#13.3 ũvĩvw'e: Maandĩko amwe ma tene ma Ndeto ya Ngai nĩmongelete nĩ kana nĩkathĩĩe ĩndĩ ndyĩthĩwa nde na wendo, kĩu kĩyĩthĩwa na ũtethyo kwakwa.

4Mũndũ wĩ na wendo e wũmĩĩsyo na e tei; mũndũ wĩ na wendo nde kĩwĩu na ndekathĩĩaa; 5ndethĩawa e mũng'endu na nde ngũlũ. Mũndũ wĩ na wendo ndamanthaa kwĩyĩuna we mwene, ndathataa mĩtũkĩ, na ndekalasya woo ngoonĩ. 6O ta ũu ndatanĩaa ũla ũthũku, ĩndĩ atanĩaa ũla waĩlu. 7Mũndũ wĩ na wendo ndeyĩtũkaa, nũĩkĩĩa maũndũ onthe, nĩwĩthĩawa na wĩkwatyo maũndũnĩ onthe, na nĩwũmĩĩasya maũndũ onthe.

8Wendo ũtũaa tene na tene, ĩndĩ kweethĩwa kwĩ mawathani makavetwa, na kweethĩwa kwĩ kũneena na ithyomo ikathela, na kweethĩwa kwĩ ũmanyi ũkavetwa. 9Nũndũ ũmanyi witũ ti mwĩthĩanu, na wathani witũ o naw'o ti mwĩthĩanu. 10Ĩndĩ yĩla kĩla kĩthĩanu kĩvika, kĩla kĩte kĩthĩanu kĩkavetwa.

11Yĩla naĩ kana, naneenaa ta kana, neesilasya ta kana, na nasũanĩaa ta kana; yĩla natw'ĩkie mũndũ mũima, nĩnaekanie na maũndũ ma wana. 12Maũndũ ala tũkwona yu na menyenyi ta kyuu kĩoonĩ, ĩvinda yĩu tũkamona ũthyũ kwa ũthyũ. Ũndũ ũla yu ndawĩsĩ vyũ, ĩvinda yĩu ngaũmanya vyũ, o tondũ nyie Ngai ũmbĩsĩ vyũ.

13Kwoou mũĩkĩĩo, wĩkwatyo na wendo syĩ itatũ ikekalaa, ĩndĩ kĩla kĩnene kwĩ syonthe nĩ wendo.

Currently Selected:

1Ako 13: KAMBA

Highlight

Copy

Compare