ABAIBIRANIA 8
8
Omokuani Omonene bw’okobwatana okoyia na okuya kobua
1Gaki, ring’ana rinene ri’ayio togokwana nario eri: Ntore n’Omokuani Omonene buna iga, oikaransete ensemo ya borio y’ekerogo ki’Obonene aria igoro, 2omokoreri bw’aase aachenu na obw’Eema y’ekeene, eye Omonene aagachete, gose tari mwanyabanto. 3Naki kera omokuani omonene nigo are kobekwa ase okorua ebiegwa na ebing’wanso. Ase ayio yamogwenerete omokuani oyo boigo abe negento akorua. 4Onye nabete ase ense, anga tabeti omokuani, ekiagera mbareo abare korua ebiegwa buna amachiko achigete. 5Abwo baare gokorera ayare omogwekano bw’amang’ana are igoro, na ekiriri ki’ayio. Naki ekero Musa arenge koroisia Eema eria, Nyasae akamotebia, “Rigereria, okore ebinto bionsi ase omogwekano bw’oria kworogetigwe ase egetunwa.” 6Korende bono Kristo onyorire obokuani bore obuya kobua, koreng’ana buna ere are omobwatania bw’okobwatana okuya kobua, okwo kwagachetwe ase chiira chingiya kobua. 7Naki onye okobwatana koria kwe ritang’ani kwarenge tikori na komocha, anga ribaga tiriarigetigwe ase koria gwa kabere.
8Naki Nyasae nigo akonyora okomocha ime yabo ekero agoteba
“Omonene otebire iga: Rora, amatuko ngocha are
ekero ndakorere abanto b’enyomba ya Israeli
na ab’enyomba ya Yuda okobwatana okoyia.
9Okobwatana oko tigokoba buna koria nakorete ne chisokoro chiabo,
ase rituko riria nababwatete amaboko abo
ase okobarusia korwa ase ense ya Misiri.
Ekiagera tibagendererete ase okobwatana kwane,
inche tinabechanderete, Omonene otebire.
10Naende Omonene nigo agoteba iga:
Oko nakwo okobwatana ndakore n’Abaisraeli
nyuma y’amatuko aria:
Nimbeke amachiko aane ase ebirengererio biabo,
ninyarike ase chinkoro chiabo ime;
inche nimbe Nyasae obo,
na barabwo mbabe abanto baane.
11Barabwo tibakworokererania kera omonto nomogisangio oye,
gose kera omonto noyomwabo, ogoteba: Momanye omonene,
ekiagera bonsi pi mbamanye inche,
korwa omoke mono goika omonene mono.
12Naki nimbaabere obobe bwabo, na ebibe biabo tinkobiinyora naende.”
13Ase ogokwana igoro y’okobwatana okoyia nigo akorire koria kwe ritang’ani kobe ogokoro, na koria kwabeire ogokoro na kogota, ng’ang’e kore gosira.
Currently Selected:
ABAIBIRANIA 8: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
