ABAIBIRANIA 5

1Naki kera omokuani omonene ore gochorwa korwa ase mwanyabanto nigo are kobekwa ase engencho ya mwanyabanto, kobatenenera ase ogokorera Nyasae, arue ebiegwa na ebing’wanso ase engencho y’ebibe. 2Na ere oranyare kobabogoreria ase obwororo abwo batamanyeti gento na batantanire, ekiagera nere omonyene nigo abuire noboreu. 3Ase engencho eyio yamogwenerete arue ekeng’wanso ase engencho y’ebibe biaye ere omonyene, buna are korua ase engencho y’ebibe bi’abanto. 4Monto onde tari bwenyoreire amasikani ayio ere omonyene, korende abe orangerigwe na Nyasae, buna Haroni arangeretigwe.

5Naboigo na Kristo, ere teimokereretie igoro ere omonyene koba Omokuani Omonene, korende nigo abegetwe nere oyomotebetie,

“Aye naye Omwana one,

rero nakoiboire.”

6Naboigo akwanete aase aande,

“Aye n’Omokuani o kare na kare,

koreng’ana buna Melkizedeki.”

7Ase amatuko ayio, ekero arenge ase omobere o mwanyabanto, Yeso agasaba na gosorora amo nokorera okonene, na amariga, asere oyorenge nokobua gw’okomotooria korwa ase amakweri, na akaigugwa ekiagera asigete Nyasae. 8Nonya orenge Omwana akeorokereria okoigwera ase emechando eyio yamonyorete, 9na gaikeranigwe akaba engencho y’ogotooreka gwa kare na kare ase abanto bonsi abamoigwerete, 10bwatoirwe na Nyasae ng’a n’Omokuani Omonene, koreng’ana buna Melkizedeki.

Ogokurera kw’ogoteatanana korwa ase okwegena

11Igoro yaye ntore namang’ana amange tware gokwana korende naakong’u koyorokereria, ekiagera mwabeire aboro ase okoigwa. 12Naki ekeene, inwe anga mwabeire aborokia, ekiagera ebiro ebinge biaetire, korende nebagwenerete oyonde aborokererie amorokererio e ritang’ani ay’amang’ana a Nyasae. Inwe nebagwenerete moegwe amabeere, gose tari endagera enkong’u. 13Naki oyokonyora amabeere oka tamanyeti mono ring’ana ri’oboronge, ekiagera nomwana omoke. 14Korende endagera enkong’u ney’abanto abanene, ekiagera barabwo mbanaretie ebirengererio biabo, na igo mbamanye ogwatanana amaya na amabe.

Currently Selected:

ABAIBIRANIA 5: EKEGUSIIBBLE

Highlight

Copy

Compare