EKEKIELI6 35
35
Nyasae okoa Abaedomu egesusuro
1Ring’ana ri’Omonene rigacha asende, rigantebia: 2“Aye mwanyabanto, rigereria gochia ase Egetunwa gia Seiri, obane mamincha yaye, 3ogetebie ng’a aya naro Omonene Nyasae agoteba:”
“Aye Egetunwa gia Seiri, inche nigo inde mamincha yao,
nindambore okoboko kwane igoro yao, ngosarie obe bosa.
4Nintagore emechie yao ebe amaturi, na ebe ense esaregete kegima ere bosa;
erio nario oramanye ng’a inche ninche Omonene.
5“Nigo kwagendererete koba nobobisa ime ase enkoro yao igoro y’Abaisraeli, okabarua bagaitwa nemioro ase engaki y’emechando yabo, ekero baikerete engaki y’egesusuro ki’ebibe biabo. 6Ase ayio, Omonene Nyasae nigo agoteba iga: Ekeene, buna inche inde moyo, ningotige amanyinga ao aiteke, na ogoiteka okwo kw’amanyinga ao ngokobwatie: aye togecheti ogoiteka kw’amanyinga, ase ayio, ogoiteka kw’amanyinga ao ngokobwatie. 7Ase enchera eye ninsarie kegima Egetunwa gia Seiri kebe bosa tikemenywa naende, ng’ite kera omonto oyogosoa aroro, na oyogosoka korwao. 8Ning’ichorie ebitunwa biao nabanto baraitwe nemioro; ee, abwo baraitwe nemioro mbagwe ase ebigoro biao, na ase amakura ao, na ase chindooche chiao. 9Ninkoonchore ogenderere koba bosa botambe, na emechie yao tekomenywa naende. Erio nario moramanye ng’a ninche Omonene.
10“Aye nigo gwatebete: Ebisaku ebi bibere mbibe ebiane, ne chinse echio ibere chibe echiane, na intwe tochigambere, nonya Omonene omenyeteo. 11Ase ayio, inche Omonene Nyasae nigo ngoteba iga: Ekeene, buna inche inde moyo, ningokorere koreng’ana nendamwamu yao, ne ribero riao, erio kwaorogetie, ekiagera ogechete Abaisraeli. Ekero ndakonachere ekina, nimanyekane ase egati yabo. 12Erio nario oramanye ng’a inche ninche Omonene. Inche naigure amang’ana ao ay’okorama gwakwanire mamincha y’ebitunwa bi’Abaisraeli, kogoteba: Biasarigwe biabeire bosa, biabekirwe ase amaboko aito tobirie. 13Ekeene, naigure amang’ana aino amange ay’ogwetogia mwakwanire mamincha yane.
14“Aya naro Omonene Nyasae agoteba: Ense yonsi negoke ekero ndagosarie obe bosa. 15Ekiagera kwagokerete ogosarigwa kw’omwando bw’Abaisraeli, ningosarie aye obe bosa. Ee, ningosarie aye egetunwa gia Seiri obe bosa, aye Edomu engima. Erio nario abanto baramanye ng’a inche ninche Omonene.
Currently Selected:
EKEKIELI6 35: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
