EKEKIELI6 32
32
Omoruoti o Misiri okoreng’anigwa neng’oina
1Ase rituko rie ritang’ani, omotienyi o ikomi na kabere, omwaka o ikomi na kabere, ring’ana ri’Omonene rigacha asende, rigantebia: 2“Aye mwanyabanto, rera obokie amagombo igoro ya Farao, omoruoti o Misiri, omotebie: Aye nigo kwareng’anetigwe nendo ensae ase egati y’ebisaku, nigo onga eng’iti enene mono buna eng’oina ere enyancha ime. Nigo kwaberogetie korwa ase chindooche chiao, okaburukania amache namagoro ao, okabokia etintira y’amache e chindooche chiabo. 3Ase ayio, aya naro Omonene Nyasae agoteba: Nindute ekeonga kiane igoro yao, nakio omoganda omonene orakong’use okobeke ase rikuru riane ime. 4Erio ngotugute igoro ase ense enyomo, na nkorute aase aarabu, agwo ndangerie chinyoni chionsi chikogwere, ne ching’iti chire ase ense engima chikorie chiigote. 5Nintugute chinyama chi’omobere oo ase ebitunwa igoro, na obogundo bwao boichore ase amagoko. 6Ninyoisie ense nemegoko y’amanyinga ao, aichore aike ase ebitunwa igoro, ne chindooche chiichorwe naro. 7Ekero ekio ndagosirie nintube igoro, imbeke omosunte ase ching’enang’eni; nintube erioba ne riire, na omotienyi tokobara. 8Emebaso yonsi ya igoro ninyetube omosunte ase engencho yao, nindete omosunte nase ense yao. Nabo Omonene Nyasae atebire.
9“Ekero ndarentere abanto b’ebisaku amang’ana igoro y’ogosirigwa kwao, ning’ichanie chinkoro chi’abanto abange ase chinse echio otamanyeti. 10Ning’ichanie abanto abange na abaruoti babo mboboe mono ase engencho yao, ekero ndabe nkomesia omoro one ase amasio abo. Ee, ase rituko ri’okogwa kwao mbabe bakonakoiguswa kera engaki, kera omonto ase engencho y’obogima bwaye.
11“Aya naro Omonene Nyasae agoteba: Omoro bw’omoruoti o Babeli norentwe igoro yao. 12Nindete abarwani chituoni, abare abatindi goetania ebisaku bionsi, abwo mbaite emeganda yao nemioro. Barabwo mbasirie obonene bwa Misiri bobe bosa, na emeganda yaye yonsi nesirigwe. 13Ning’ite ching’iti chionsi chikorisia mbarabare ase amache amange are; amagoro a mwanyabanto, gose ebitaago bie ching’iti, tibikogenderera goturubania amache ayio biyasarie. 14Erio nintige amache areo akenonoke, ne chindooche chiminyoke buna amaguta. Nabo Omonene Nyasae atebire. 15Ekero ndasarie ense ya Misiri ebe bosa, na ebinto bionsi bireo bisirigwe, naende nsirie abanto bonsi bamenyeteo, erio mbamanye ng’a inche ninche Omonene. 16Ayio naro amagombo arabokigwe igoro ya Misiri. Abakungu b’ebisaku mbabokie amagombo igoro yaye, na igoro y’emeganda yaye yonsi. Nabo Omonene Nyasae atebire.”
Ense y’abakure
17Ase rituko ria ikomi na gatano, omotienyi bwe ritang’ani,#32:17 Ekeibirania nigo kegoteba “ri’omotienyi” rioka omwaka o ikomi na kabere, ring’ana ri’Omonene rigacha asende, rigantebia: 18“Aye mwanyabanto, bokeria emeganda ya Misiri amagombo, obatugute abanto baye gochia inse, amo nabanto b’ebisaku bire nobonene, bagende aase abakure agwo ase chimbeera, ase abakure bagendete.
19“Aye Misiri, ning’o obuete ase obosiani?
Tirimboka ogende inse orare amo nabatarogeti?
20“Abanto ba Misiri mbaitwe barare amo nabwo baitetwe nemioro. Emioro y’okobasiria yarurwe. Ase ayio rusia ense eyio aroro amo nemeganda yaye yonsi. 21Korwa agwo aase abakure abare ne chinguru ase egati ye chituoni mbakwane igoro y’Abamisiri na abakonyi babo, batebe: Baria batarogeti baitirwe nemioro, bachiire inse aa korara.
22“Abaasuri nao bakare amo nemeganda yabo yonsi, chimbeera chiabo nigo chibaetanaine ase chinsemo chionsi. Bonsi baitirwe nemioro bakure. 23Chimbeera chiabo nigo chikare inse aatambe, na emeganda yabo nigo eetanaine chimbeera chiabo ase chinsemo chionsi. Bonsi baitirwe nemioro bakure; abanto abwo kare barentete obwoba ase ense y’abare moyo.
24“Abaelamu nao bakare amo nemeganda yabo yonsi eetanaine chimbeera chiabo. Bonsi baitirwe nemioro bakure. Abwo bonsi barentete obwoba ase ense y’abare moyo; nigo bagendete gochia aase abakure ekero konya batararoka na bono babogoirie obosooku bwabo amo nabwo bagendire ase chimbeera. 25Abaelamu amo nemeganda yabo yonsi banyorire amarere abo ase egati y’abwo baitetwe nemioro, ne chimbeera chi’emeganda yabo nigo chibaetanaine. Abwo bonsi bagaitwa nemioro ekero konya batararoka. Agwo kare nigo barentete obwoba ase ense y’abare moyo. Bono babogoirie obosooku amo nabwo bagendire ase chimbeera, ee, nigo babekire ase egati y’abwo baitetwe nemioro.
26“Abameseki na Abatubali nao bakare amo nemeganda yabo yonsi, ne chimbeera chi’emeganda eyio nigo chibaetanaine ase chinsemo chionsi. Abwo bonsi nabanto batarogeti, nigo baitetwe nemioro. Agwo kare nigo barentete obwoba ase ense y’abare moyo. 27Inee! Abwo batarogeti tibakorara amo ne chituoni chi’esegi chiagendete gochia aase abakure amo nebirwanero biabo bi’esegi, na emioro yabo ebekire inse y’emetwe yabo, na ebibe biabo bakorete tibiatubete amauga abo? Barabwo nigo barentete obwoba ase ense y’abare moyo buna chituoni chi’esegi chigokora.
28“Naboigo nainwe Abamisiri, morasenyentwe, morare amo nabatarogeti, abwo baitetwe nemioro.
29“Abaedomu nao bakare amo nabaruoti babo, na abagambi babo bonsi. Nonya barenge nokobua nigo baraire amo na baria baitetwe nemioro, batarogeti bagendete ase chimbeera.
30“Abagambi bonsi ba sugusu nao bakare amo n’Abasidoni bonsi; bonsi bagendire gochia ase abwo baitetwe nemioro. Ase engencho y’obwoba barentete ekero barenge nokobua, bono babeire nobosooku. Nigo baraire batarogeti amo na baria baitetwe nemioro; nigo babogoretie obosooku bwabo bare ase egati y’abwo bagendete ase chimbeera.
31“Omonene Nyasae nigo agoteba iga: Ekero Farao ararore abwo baitetwe, nigo areremie ase engencho y’emeganda yaye yonsi eyio yaitetwe nemioro.
32“Inche nigo naete Farao ribaga arente obwoba ase ense y’abare moyo; ase ayio ere amo nomoganda oye bwonsi barare ase egati y’abatarogeti, abwo baitetwe nemioro. Nabo Omonene Nyasae atebire.”
Currently Selected:
EKEKIELI6 32: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
