1 कुरिन्थियों 8
8
मूर्तियां रे अग्गे चढ़ाईरी चिज़ां
1हुण हऊँ मूर्तियां रे सामणे बल़ि कित्तिरे माँसा रे बारे च दसणा चांह सै जे तुहें मेरते पुच्छया था : अहें जाणाँ ये भई अहां सब्बीं जो इसरा ज्ञान आ कने ज्ञान माहणुये जो घमण्डी बणां, पर प्यार अहांजो मजबूत कराँ। 2जे कोई समझां भई सै ज्ञानी आ, तां हकीकत च सै हुण तक तियां जाणी नीं पाया तियां जे तिसजो जाणना चाहिन्दा। 3पर जे कोई परमेशरा ने प्यार रखां, तां परमेशर तिस माहणुये जो जाणाँ।
4हुण मूर्तियां रे सामणे बल़ि कित्ती रिया चीजां रे खाणे रे बारे च: अहें जाणाँ ये भई संसारा च मूर्तियां रा कोई अस्तित्व नींआ, कने इक्की जो छड्डिने होर कोई परमेशर निआं। 5हलाँकि अम्बरा च कने धरतिया पर बौहत सारे देबता कहलाये जायें, (तियां जे बौहत सारे देबता कने बौहत सारे प्रभुये), 6तां बी अहांरे खातर इक इ परमेशर आ, यनि सै पिता सै जे सारियां चीजां रा सृष्टीकर्ता कने तिसरे खातर जे अहें जींये; कने इक इ प्रभु आ, यनि यीशु मसीह तिसरे जरिये सब्बीं चिज़ां री सृष्टि हुई कने तिसरे जरिये जे अहें जीयें।
7पर सारे लोक ये नीं जाणदे। किछ लोक येढ़े सै जे हुण तक मूर्तियां ने जुड़ीरे कने सै ताहली जे येढ़ा खाणा खांये तां सै हुण बी ये समझां ये भई ये मूर्तियां रे सामणे बल़ि कित्तिरा खाणा, इस खातर सै ये समझां ये भई सै अशुद्ध हुईगरे, काँह्भई तिन्हांरी अन्तरात्मा कमजोर इ। 8पर खाणा अहांजो परमेशरा ले नीं पहुँचान्दा। जे अहें इस्सो नीं खाईये तां अहांरा कोई नुक्शान नीं हुंदा, कने जे खाईये तां अहांजो किछ फायदा नीं हुन्दा।
9पर सावधान रौआ! येढ़ा नीं हो भई तुहांरी ये अजादी किति कमजोराँ खातर पापां री वजह नीं बणी जाओ। 10काँह्भई जे किसी रा अन्तरात्मा कमजोर आ कने सै तेरे साई ज्ञानी माहणुये जो मूर्तिया रे मन्दरा च रोटी खान्दे हुये देक्खी लो, तां क्या तिसजो बी मूर्तियां रे सामणे बल़ि कित्ती रियां चिज़ां जो खाणे री हिम्मत नीं मिलणी? 11इस तरिके ने तेरे ज्ञाना रिया वजह ते तिस कमजोर विश्वासिये रा विनाश हुई जाणा तिसरे खातर जे मसीह मरया। 12इस तरिके ने विश्वासियां रे खिलाफ पाप करने ते कने तिसरिया कमजोर अन्तरात्मा जो चोट पहुँचाणे ते तुहें मसीह रे खिलाफ पाप कराँ ये। 13इस खातर जे मेरी रोटी मेरे साथी विश्वासिये खातर पापा री वजह बणो, तां फेरी मांह कदीं माँस नीं खाणा, ताकि हऊँ अपणे साथी विश्वासिये खातर पापा री वजह नीं बणुँ।
Currently Selected:
1 कुरिन्थियों 8: KFSNT
Highlight
Copy
Compare
Share
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
