निर्गमन 1
1
मिस्र मुल्खे मां इस्राएली लोकन पुड़ ज़ुलम
1इस्राएलेरां मट्ठां इनां आन, ज़ैना याकूबे सेइं साथी अपने टब्बरन समेत मिस्र मुल्खे मां एवरां थियां। 2रूबेन, शिमोन, लेवी, यहूदा, 3इस्साकार, जबूलून, बिन्यामीन, 4दान, नप्ताली, गाद ते आशेर। 5तैना सब मैन्हु ज़ैना याकूबेरे घराने मां पैदा भोवरे थिये 70 थिये, यूसुफ त मिस्र मुल्खे मां पेइलो एवरो थियो। 6यूसुफ ते तैसेरे सब ढ्ला ते तैसेरे पीढ़रे सब लोक मेरि जेवरे थिये। 7ते इस्राएलेरी औलाद फली-फुली; ते तैना बड़े ताकतबर भोइ जे; ते तैन केरि तैदाद बड़ी भोइ जेई ते सारो मुल्ख तैन सेइं भेरोई जेव।
8मिस्र मुल्खे मां बड़े सालां केरे बाद अक नंव्वों राज़ो राज़ केरने लगो ज़ै यूसुफे न थियो ज़ानतो। 9ते तैनी अपने मिस्रेरे लोकन सेइं ज़ोवं, “इस्राएली लोक गिनती मां जादे ते असन करां ताकतबर भोइ जेवरेन। 10एल्हेरेलेइ एज्जा अस तैन सेइं अक्ली सेइं बर्ताव केरम, कोन्च एरू न भोए कि तैना हछे बेद्धी गान, ते अगर जंग शुरू भोइ गाए ते तैना इश्शे दुश्मन्न सेइं मिलतां असन सेइं लड़न ते इस मुल्खे मरां निस्सी गान।” 11एल्हेरेलेइ मिस्री लोकेईं तैन पुड़ निगरानी केरनेबाले रख्खे, ताके तैन करां जादे कम करेइतां तैन स्तान, एन्च़रे सेइं तैनेईं फ़िरौनेरे लेई पितोम ते रामसेस गोदामेरां नगरां बनां। 12पन ज़ेत्रे मिस्री लोक तैन्न सताने लगे, तेत्रे जादे तैना बद्धते ते फैलते जे, एल्हेरेलेइ तैना लोक इस्राएली लोकन करां बड़े डेरि जे। 13फिरी भी मिस्री लोक इस्राएलन करां बड़े सेखती सेइं कम कराने लग्गे; 14ते तैनेईं तैन करां सखत मेहनती सेइं गारो ते इट्टां बनावेइतां ते उडारन मां हर किसमेरू कम कमेवेइतां तैन दुख दित्तो, ज़ैना कम्मां तैना तैन करां कमावाते थिये, तैना सेखती सेइं करावाते थिये।
15शिप्रा ते पूआ दूई इब्रानी घैई थी तैन्न मिस्रेरे राज़े हुक्म दित्तो, 16“ज़ैखन तुस इब्रानी कौन्शां केरे बच्चे ज़र्माथ ते तैन घोड़न पुड़ बच्चे ज़ांनेरे लेई बिशोरी लहथ ते अगर मट्ठू भोए त तैस मैरी छ़ेडथ, अगर कुई भोए त तैस ज़ींती रेखथ।” 17पन तैना घैई परमेशरे करां डेरती थी, ते तैनेईं मिस्रेरे राज़ेरो हुक्म न मन्नो, ते मट्ठां ज़ींतां छ़ेडती थी। 18तैखन मिस्रेरे राज़े तैना घैई कुजेइतां तैन्न पुछ़ू, “तुस मट्ठन ज़ींतां किजो रखने लेवरिथ?” 19घैईएइं फ़िरौने जुवाब दित्तो, “इब्रि कौन्शां मिस्री कौन्शां केरि ज़ेरि नईं, तैना एत्री तेकड़ी भोइचन कि घैई केरे पुज़ने करां पेइले गल्हे बिश्शी गैतिन।” 20त परमेशरे घैई केरू भलू कियूं, ते तैना लोक बद्धते ते बड़े ताकतबर भोइ जेई। 21एल्हेरेलेइ कि घैई परमेशरे करां डेरती थी तैनी तैन केरां घरां बस्सां। 22ते फ़िरौने एपनी कौमरे सेब्भी लोकन हुक्म दित्तो, “इब्रि#1:22 इब्रि किछ हस्तलेखन मां इब्रि नईं केरां ज़ेत्रां मट्ठां पैदा भोन, तैन तुस नील दरियाए मां छ़ेडी देइयथ, ज़ै कुई भोए तैस ज़ींती रेखतथ।”
Currently Selected:
निर्गमन 1: BHDNT
Highlight
Copy
Compare
Share
Want to have your highlights saved across all your devices? Sign up or sign in
Bhadrawahi Bible (भड्लाई बाइबिल), 2020 by Beyond Translation is licensed under a Creative Commons Attribution-ShareAlike 4.0 International License.
निर्गमन 1
1
मिस्र मुल्खे मां इस्राएली लोकन पुड़ ज़ुलम
1इस्राएलेरां मट्ठां इनां आन, ज़ैना याकूबे सेइं साथी अपने टब्बरन समेत मिस्र मुल्खे मां एवरां थियां। 2रूबेन, शिमोन, लेवी, यहूदा, 3इस्साकार, जबूलून, बिन्यामीन, 4दान, नप्ताली, गाद ते आशेर। 5तैना सब मैन्हु ज़ैना याकूबेरे घराने मां पैदा भोवरे थिये 70 थिये, यूसुफ त मिस्र मुल्खे मां पेइलो एवरो थियो। 6यूसुफ ते तैसेरे सब ढ्ला ते तैसेरे पीढ़रे सब लोक मेरि जेवरे थिये। 7ते इस्राएलेरी औलाद फली-फुली; ते तैना बड़े ताकतबर भोइ जे; ते तैन केरि तैदाद बड़ी भोइ जेई ते सारो मुल्ख तैन सेइं भेरोई जेव।
8मिस्र मुल्खे मां बड़े सालां केरे बाद अक नंव्वों राज़ो राज़ केरने लगो ज़ै यूसुफे न थियो ज़ानतो। 9ते तैनी अपने मिस्रेरे लोकन सेइं ज़ोवं, “इस्राएली लोक गिनती मां जादे ते असन करां ताकतबर भोइ जेवरेन। 10एल्हेरेलेइ एज्जा अस तैन सेइं अक्ली सेइं बर्ताव केरम, कोन्च एरू न भोए कि तैना हछे बेद्धी गान, ते अगर जंग शुरू भोइ गाए ते तैना इश्शे दुश्मन्न सेइं मिलतां असन सेइं लड़न ते इस मुल्खे मरां निस्सी गान।” 11एल्हेरेलेइ मिस्री लोकेईं तैन पुड़ निगरानी केरनेबाले रख्खे, ताके तैन करां जादे कम करेइतां तैन स्तान, एन्च़रे सेइं तैनेईं फ़िरौनेरे लेई पितोम ते रामसेस गोदामेरां नगरां बनां। 12पन ज़ेत्रे मिस्री लोक तैन्न सताने लगे, तेत्रे जादे तैना बद्धते ते फैलते जे, एल्हेरेलेइ तैना लोक इस्राएली लोकन करां बड़े डेरि जे। 13फिरी भी मिस्री लोक इस्राएलन करां बड़े सेखती सेइं कम कराने लग्गे; 14ते तैनेईं तैन करां सखत मेहनती सेइं गारो ते इट्टां बनावेइतां ते उडारन मां हर किसमेरू कम कमेवेइतां तैन दुख दित्तो, ज़ैना कम्मां तैना तैन करां कमावाते थिये, तैना सेखती सेइं करावाते थिये।
15शिप्रा ते पूआ दूई इब्रानी घैई थी तैन्न मिस्रेरे राज़े हुक्म दित्तो, 16“ज़ैखन तुस इब्रानी कौन्शां केरे बच्चे ज़र्माथ ते तैन घोड़न पुड़ बच्चे ज़ांनेरे लेई बिशोरी लहथ ते अगर मट्ठू भोए त तैस मैरी छ़ेडथ, अगर कुई भोए त तैस ज़ींती रेखथ।” 17पन तैना घैई परमेशरे करां डेरती थी, ते तैनेईं मिस्रेरे राज़ेरो हुक्म न मन्नो, ते मट्ठां ज़ींतां छ़ेडती थी। 18तैखन मिस्रेरे राज़े तैना घैई कुजेइतां तैन्न पुछ़ू, “तुस मट्ठन ज़ींतां किजो रखने लेवरिथ?” 19घैईएइं फ़िरौने जुवाब दित्तो, “इब्रि कौन्शां मिस्री कौन्शां केरि ज़ेरि नईं, तैना एत्री तेकड़ी भोइचन कि घैई केरे पुज़ने करां पेइले गल्हे बिश्शी गैतिन।” 20त परमेशरे घैई केरू भलू कियूं, ते तैना लोक बद्धते ते बड़े ताकतबर भोइ जेई। 21एल्हेरेलेइ कि घैई परमेशरे करां डेरती थी तैनी तैन केरां घरां बस्सां। 22ते फ़िरौने एपनी कौमरे सेब्भी लोकन हुक्म दित्तो, “इब्रि#1:22 इब्रि किछ हस्तलेखन मां इब्रि नईं केरां ज़ेत्रां मट्ठां पैदा भोन, तैन तुस नील दरियाए मां छ़ेडी देइयथ, ज़ै कुई भोए तैस ज़ींती रेखतथ।”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bhadrawahi Bible (भड्लाई बाइबिल), 2020 by Beyond Translation is licensed under a Creative Commons Attribution-ShareAlike 4.0 International License.