यिर्मयाह 40
40
यिर्मयाह का यहूदा म्ह रहणा
1जिब अंगरक्षकां के प्रधान नबूजरदान नै यिर्मयाह ताहीं रामाह म्ह उन सारे यरुशलेमी अर यहूदी बन्दियाँ कै बीच हथकड़ियाँ तै बन्धा होया पाकै जो बाबेल जाण नै थे छुड़ा लिया, उसकै बाद यहोवा का वचन उसकै धोरै पोहच्या। 2अंगरक्षकां के प्रधान नबूजरदान नै यिर्मयाह तै उस बखत अपणे धोरै बुला लिया, अर कह्या, “इस जगहां#40:2 इस जगहां यरुशलेम अर यहूदा पै या जो विपत्ति पड़ी सै वो तेरे परमेसवर यहोवा की कही होई थी। 3जिसा यहोवा नै कह्या था उसाए उसनै पूरा भी करया सै। थमनै जो यहोवा के बिरुध्द पाप करया अर उसके हुकम न्ही मान्ने, इस कारण थारी यो हालत होई सै। 4इब मै तेरी इन हथकड़ियाँ नै काट देऊँ सूं, अर जै मेरे गैल बाबेल म्ह जाणा तन्नै आच्छा लाग्गै तो चाल, ओड़ै मै तेरै पै दया की नजर राखूँगा; अर जै मेरे संग बाबेल जाणा तन्नै ना भावै, तो उरैए रह ज्या। देख, सारा देश तेरे स्याम्ही पड़या सै, जित्त जाणा तन्नै आच्छा अर ठीक लाग्गै ओड़ ए चल्या ज्या।” 5वो ओड़ैए था के नबूजरदान नै फेर उसतै कह्या, “गदल्याह जो अहीकाम का बेट्टा अर शापान का पोत्ता सै, जिस ताहीं बाबेल के राजा नै यहूदा के नगरां पै अधिकारी ठहराया सै, उसके धोरै बोहड़ ज्या अर उसकै गैल माणसां कै बीच रह, या जित्त किते तन्नै जाणा ठीक जान पड़ै ओड़ैए चल्या ज्या।” अंत म्ह अंगरक्षकां के प्रधान नै उस ताहीं खाण का समान अर कुछ उपहार भी देकै विदा करया। 6फेर यिर्मयाह अहीकाम के बेट्टे गदल्याह कै धोरै मिस्पा म्ह गया, अर ओड़ै उन माणसां के बीच जो देश म्ह रहगे थे, रहण लाग्या।
गदल्याह का अधिकारी ठहराया जाणा
7योद्धाओं के जो दल देहात म्ह थे, जिब उनके सारे प्रधानां नै अपणे जनां समेत सुणा के बाबेल के राजा नै अहीकाम के बेट्टे गदल्याह ताहीं देश का अधिकारी ठहराया सै, अर देश के जिन कंगाल माणसां नै वो बाबेल म्ह न्ही लेग्या, के माणस, के जनान्नी, के बाल-बच्चे#40:7 के माणस, के जनान्नी, के बाल-बच्चे जिन जनानियाँ के पति युद्ध म्ह मारे गये थे। (यिर्म. 41:10) बाल-बच्चे यानिके कुण्बे के सारे माणस।, उन सारया ताहीं उस ताहीं सौंप दिया सै, 8फेर नतन्याह का बेट्टा इश्माएल, कारेह का बेट्टा योहानान, योनातान अर तन्हूमेत का बेट्टा सरायाह, एपै नतोपा के बासिन्दे के बेट्टे अर किसी माकावासी का बेट्टा याजन्याह अपणे जनां समेत गदल्याह कै धोरै मिस्पा म्ह आए। 9गदल्याह जो अहीकाम का बेट्टा अर शापान का पोत्ता था, उसनै उनतै अर उनके जनां तै कसम खाकै कह्या, “कसदियाँ के अधीन रहण तै ना डरो। इस्से देश म्ह रहन्दे होए बाबेल के राजा के अधीन रहो फेर थारा भला होवैगा। 10मै तो इस करकै मिस्पा म्ह रहूँ सूं के जो कसदी माणस म्हारे उरै आए, उनकै स्याम्ही हाजिर होया करुँ; पर थारे दाखमधु अर धूपकाल के फळ अर तेल ताहीं बटोरकै अपणे बरतनां म्ह राक्खो अर अपणे खात्तर होए नगरां म्ह बसे रहो।” 11फेर जिब मोआबियाँ, अम्मोनियाँ, एदोमियां अर दुसरे सारे जातियाँ कै बीच रहण आळे सारे यहूदियाँ नै सुण्या के बाबेल के राजा नै यहूदियाँ म्ह तै कुछ माणसां ताहीं बचा लिया अर उनपै गदल्याह ताहीं जो अहीकाम का बेट्टा अर शापान का पोत्ता सै अधिकारी ठहराया गया सै, 12फेर सारे यहूदी जिस-जिस जगहां म्ह आस्सै-पास्सै होगे थे, ओड़ै तै बोहड़कै यहूदा देश के मिस्पा नगर म्ह गदल्याह कै धोरै, अर घणा दाखमधु अर धूपकाल के फळ बटोरण लाग्गे।
गदल्याह की हत्या
13फेर कारेह का बेट्टा योहानान अर मैदान म्ह रहण आळे योद्धा के सारे दलां के प्रधान मिस्पा म्ह गदल्याह कै धोरै आकै कहण लाग्गे, 14“के तू जाणै सै कै अम्मोनियाँ के राजा बालीस नै नतन्याह के बेट्टे इश्माएल नै तेरे ताहीं जान तै मारण कै खात्तर भेज्या सै?” पर अहीकाम के बेट्टे गदल्याह नै उनपै बिश्वास ना करया। 15फेर कारेह के बेट्टे योहानान नै गदल्याह तै मिस्पा म्ह छिपकै कह्या, “मन्नै जाकै नतन्याह के बेट्टे इश्माएल ताहीं मार गेरण दे अर कोए इसनै ना जाणैगा। वो क्यूँ तन्नै मार गेरै, अर जितने यहूदी माणस तेरे धोरै कठ्ठे होए सैं वे क्यूँ आस्सै-पास्सै हो जावै अर बचे होए यहूदी क्यूँ नाश हों?” 16अहीकाम के बेट्टे गदल्याह नै कारेह के बेट्टे योहानान तै कह्या, “इसा काम ना कर, तू इश्माएल कै बारै म्ह झूठ बोल्लै सै।”
Currently Selected:
यिर्मयाह 40: BGC
Highlight
Copy
Compare
Share
Want to have your highlights saved across all your devices? Sign up or sign in
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.
