यशायाह 7

राजा आहाज खात्तर सन्देस

1जिब यहूदा का राजा आहाज जो योताम का बेट्टा अर उज्जियाह का पोत्ता था, उसके राज के दिनां म्ह अराम के राजा रसीन अर इस्राएल के राजा रमल्याह के बेट्टे पेकह नै यरुशलेम तै लड़ण खात्तर चढ़ाई करी, पर युद्ध करकै भी उनतै कुछ न्ही बण पाया। 2जिब दाऊद के कुण्बे नै या खबर मिली के अरामियां नै एप्रैमियां तै समझौता कर लिया सै, फेर उसका अर प्रजा का भी मन इसा काँम्ब उठ्या जिस तरियां बण के दरखत हवा चाल्‍लण तै काँम्ब जावै सैं। 3फेर यहोवा नै यशायाह तै कह्या, “अपणे बेट्टे शार्याशूब#7:3 शार्याशूब : शार्याशूब का मतलब सै बचे होए लोटैंगे। नै लेकै धोबियां के खेत की सड़क तै उप्पर आळे जलकुण्ड की नाळी के सिरे पै आहाज तै भेंट करण कै खात्तर जा, 4अर उसतै कह, ‘सावधान अर शान्त हो; अर उन दोन्‍नु धुआँ लिकड़दी लुकटियाँ तै यानिके रसीन अर अरामियां के भड़के होए कोप तै, अर रमल्याह के बेट्टे तै ना डरै, अर ना तेरा मन कच्‍चा हो। 5क्यूँके अरामियां अर रमल्याह के बेट्टे समेत एप्रैमियां नै न्यू कहकै तेरै खिलाफ बुरी योजना बणाई सै के आओ, 6हम यहूदा पै चढ़ाई करकै उस ताहीं घबरा द्या, अर उसनै अपणे बस म्ह ल्याकै ताबेल के बेट्टे ताहीं राजा बणा द्या। 7इस करकै प्रभु यहोवा नै न्यू कह्या सै के या योजना ना तो सफल होवैगी अर ना पूरी। 8क्यूँके अराम का सिर दमिश्क, अर दमिश्क का सिर रसीन सै। फेर एप्रैम का सिर सामरिया अर सामरिया का सिर रमल्याह का बेट्टा सै। 9पैंसठ साल के भित्तर एप्रैम का बल इतणा टूट जावैगा के वो जात्ति बणी ना रहवैगी। जै थम इस बात पै बिश्वास ना करो; तो पक्‍का थम स्थिर न्ही रहोगे।’”

इम्मानुएल की निशान्‍नी

10फेर यहोवा नै आहाज तै कह्या, 11“अपणे परमेसवर यहोवा तै कोए निशान्‍नी माँग; चाहे वो ढुंघी जगहां का हो, या उप्पर अकास का हो।” 12आहाज नै कह्या, “मै कोनी माँगू, अर मै यहोवा की परीक्षा न्ही करुँगा।” 13फेर उसनै कह्या, “हे दाऊद के कुण्बे सुणो! के थम माणसां नै थका देणा छोट्टी बात समझकै इब मेरे परमेसवर नै भी थका द्योगे?#7:13 मेरे परमेसवर नै भी थका द्योगे? के थम उसके हुकमां का पालन करण तै इन्कार करोगे? उसके धीरज नै परखोगे अर उसकी सहनशीलता की हद पार कर जाओगे? 14इस कारण यहोवा आप्पे थमनै एक निशान्‍नी देवैगा। सुणो, एक कुँवारी गर्भवती होवैगी अर बेट्टा पैदा करैगी, अर उसका नाम इम्मानुएल#7:14 इम्मानुएल इस नाम का मतलब सै के परमेसवर उस जात्ति कै गैल एक रक्षक की तरियां रहवैगा अर इस बाळक का जन्म इसकी निशान्‍नी अर कसम सै। धरैगी। 15अर जिब ताहीं वो बुरे नै छोड़णा अर भले ताहीं अपणाणा ना जाणै जिब ताहीं वो मक्खन अर शहद खावैगा। 16क्यूँके#7:16 क्यूँके आहाज सीरिया अर इफ्राईम के 2 राजाओं पेखाह अर रेजिन तै डरै था उसतै पैहल्या के वो लड़का बुरे ताहीं छोड़णा अर भले नै अपणाणा जाणै, वो देश जिसके दोन्‍नु राजयां तै तू घबरा रह्या सै निर्जन हो जावैगा। 17यहोवा तेरै पै, तेरी प्रजा पै अर तेरे पिता के घरान्‍ने पै इसे दिनां नै ले आवैगा के जिब तै एप्रैम यहूदा तै अलग होग्या, फेर तै उसे दिन कदे भी न्ही आए यानिके अश्शूर के राजा के दिन।”

18उस बखत यहोवा उन माक्खियां नै जो मिस्र की नदियाँ के सिरयां पै रहवै सैं, अर उन माळ की माखियाँ ताहीं जो अश्शूर देश म्ह रहवैं सैं, सीट्टी बजाकै बुलावैगा। 19अर वे सारे के सारे आकै इस देश के पहाड़ी नाळयां म्ह, अर चट्टानां की दरारां म्ह, अर सारी कटील्‍ली झाड़ियाँ अर सारी चराईयाँ पै बैठ जावैंगी।

20उसे बखत प्रभु फरात नदी के पार आळे अश्शूर के राजा रूपी भाड़े के उस्तरे तै सिर अर पाँयां के रोएँ मूँण्डैगा, उसतै दाढ़ी भी पूरी मुँण्ड जावैगी।

21उस बखत इसा होवैगा के माणस सिर्फ एक बछिया अर दो भेड्डां नै पाळैगा; 22अर वे इतणा दूध देवैगी के वो मक्खन खाया करैगा; क्यूँके जितने इस देश म्ह रह जावैंगे वो सारे मक्खन अर शहद खाया करैंगे।

23उस#7:23 उस शेकेल का इस्तमाल चिज्जां नै तोल्‍लण खात्तर होवै था। 1 शेकेल म्ह लगभग 11 ग्राम चाँदी होवै थी। उरै 110 किलो चाँदी थी जो की एक मजदूर की 4 साल की मजदूरी के बरोब्बर होवै थी बखत जिस-जिस जगहां म्ह हजार टुकड़े चाँदी की हजार दाखलता सैं, उन सारी जगहां म्ह कटिले ए कटिले दरखत होवैंगे। 24तीर अर धनुष लेकै माणस ओड़ै जाया करैंगे, क्यूँके सारे देश म्ह कटिले दरखत हो जावैंगे; 25अर जितने पहाड़ कुदाळ तै खोद्दे जावैं सैं, उन सारया पै कटिले दरखतां के डर के मारे कोए न्ही जावैगा, वे गां-बळधां के चरण कै, अर भेड़-बकरियाँ के रोंदण कै खात्तर होवैंगे।

Currently Selected:

यशायाह 7: BGC

Highlight

Copy

Compare