यशायाह 4

सिय्योन का नवीकरण

1उस बखत सात जनान्‍नी एक माणस नै पकड़कै कहवैंगे, “रोट्टी तो हम अपणी ए खावांगी, अर कपड़े अपणे ए पहैरांगी, सिर्फ हम तेरी कुह्वावां; म्हारी कुँवारी रहण की बदनाम्मी दूर कर।”

2उस#4:2 उस यिर्म. 23:5; यशा. 27:6 बखत इस्राएल के बचे होया कै खात्तर यहोवा की डाळी, भूषण अर महिमा ठहरैगी, अर धरती की उपज, बड़ाई अर शोभा ठहरैगी। 3अर#4:3 अर प्रका. 20:15 जो कोए सिय्योन म्ह बच्या रहवै, अर यरुशलेम म्ह रहवै, यानिके यरुशलेम म्ह जितन्या के नाम जीवनपत्र म्ह लिखे हों, वे पवित्र कुह्वावैगें। 4यो फेर होवैगा, जिब प्रभु न्याय करण आळी अर भस्म करण आळी आत्मा कै जरिये सिय्योन की जनानियाँ के मैल ताहीं धो देवैगा अर यरुशलेम के खून ताहीं दूर कर देवैगा। 5फेर यहोवा सिय्योन पर्वत के एक-एक घर कै उप्पर, अर उसके सभा स्थानां कै उप्पर, दिन म्ह तो धुएँ का बादळ, अर रात नै धधकदी आग की रोशनी सिरजेगा,#4:5 रोशनी सिरजेगा, इस पद अर आगले पद का मतलब सै के परमेसवर अपणे माणसां ताहीं पवित्र देख-रेख अर हिफाजत म्ह राक्खैगा। अर सारे वैभव कै उप्पर एक मण्डप छाया रहवैगा। 6वो दिन म्ह धूप तै बचाण कै खात्तर अर आँधी-पाणी अर झड़ी म्ह एक शरण अर आड़ होवैगा।

Currently Selected:

यशायाह 4: BGC

Highlight

Copy

Compare