Hiziqeeli 44
44
Aabi-keyo Waani Kelleechi Gaaco
1Aroochee uro aabi-keyo waan wotteti, maach beeti yaafee kechi kellooch taan wochii deebiye; kelloo hichetone. 2Doono Yeeri taach ishichiye: “Hini kello hicheshalli bi beeyemmo ciroona qecheyaachemmone; asho aroona giyaachemmone; ebiyoo Israꞌeelee Nuggishoo Doono Yeeri aroona bi giyitoyichiye; ebichoo hicaa beeyemmone. 3Iraashoo baach Doono Yeeri aafoochaa koshon mamoyich arooch giyemmone; biyoo beshe boochoona giyiree aroona kechemmone” iye.
Yaafee Kexooch Gimonaa Keyonoyich Icheti Sheeroo
4Uro dambi-waani gommona yaafee kechi kellee aafooch taan deebiye; ciinnaa ta iyaa, ebiyoche, Doono Yeerichi oogee yiiroo yaafee kexooch ceennitone; tawoo baroona showooch guufeho.
5Aroochee Doono Yeeri taach ishichiye: “Ashi bushoocho, Doono Yeerichi yaafee kechi qociyoo bullinaa bi sheeroo bullinochon ta gettaa beeton gaawichi ellebe; ne aafoonoo ciine; shalligishoo gete; yaafee kexooch gimonaa keyonoyich daaggeeti asheenaꞌochon gaawichi ariibe. 6Hukkechi Israꞌeelee macceenaꞌoyich ishichibe: ‘Nuggishoo Doono Yeeri ishichiye: Israꞌeeleenaꞌote, ebi ciigiiti ittoshi mooyon qayote. 7Taach deejjoo tuniiꞌi koshon, awuyonaa damoonon ittoshi giddiihooba boonoshi mulloonoo tuneba boonoshi achoona dokireyaani ashi showee asheenaꞌo ta yaafee kexooch boonoshi giyemmoyich, ta kexonoo boonoshi eeꞌiyemmoyich, tuniito ittoshine; ebin tuniyoona ciigiiti ittoshi moochi toommooch daakkiꞌi ta wogoon happiyote. 8Ittoshich baach icheti yaafeeti ta mooyinaꞌon quyee qeejjoon qajjiichii ashi showee asheenaꞌo quyemmoyich ta yaafee kexooch boonoshin ukkiriihote itone’ gete. 9Ebich Nuggishoo Doono Yeeri ishichiye: Boonoshi mulloona, boonoshi achoonoo dokireyaani ashi showee asheenaꞌo, Israꞌeeleenaꞌo daggooch kotetinaꞌolla tunetaa ta yaafee kexooch giyaayeete.
Shahalloon Dabbiti Leweenaꞌo Mooyo
10“Israꞌeeleenaꞌo ta waanee wokkiyooba boonoshi shahalloon dabbiꞌi ta waanee wokkiti Leweenaꞌoo boonoshi axaaxoon shaaggemminaꞌone. 11Tunetaa boonoshi ta yaafee kechi kelloon quyoona, micciibeeti deejjoonaa asheenaꞌo giddiibeeti deejjoonoyich giddeebeeti gijjeenaꞌon guuroon, wottoo asheenaꞌoyich maddoona yaafee kechi maddechinaꞌon tunemminaꞌone. 12Shahalleenaꞌoyich goyinneebeeti asheenaꞌoyich boonoshi maddetoyich, Israꞌeelee yareenaꞌoyichoo axaaxee xugo boonoshi tunetoyich, ‘Boonoshi axaaxoon shaaggemminaꞌone’ iyaꞌa wogeto taane, iye Nuggishoo Doono Yeeri. 13Qeeshoo tuneree taach maddoyich ta waan katinaachemminaꞌone; yaafeeti ta mooyonaa oogichii yaafeeti ta deejjoonooch katinaachemminaꞌone; boonoshi shuuneti ciigiiti mooyinaꞌoyich boonoshi yeelloon shaaggemminaꞌone. 14Tunebaani yaafee kechi shuunoo bullin boonoshi shuunemmonaa aroochaa shuunee beeton ciini boonoshi shuuniyemmoyich boonoshin ukkiriyemmo taane” iye.
Qeesheenaꞌochi Maddoo
15Nuggishoo Doono Yeeri ishichiye: “Tunebaani Israꞌeelee macceenaꞌo ta waanee boonoshi wokkiyooba, ta yaafee kechi qociyoon quyeti Sadooqichi yareenaꞌo tuneti Lewee qeesheenaꞌo taach maddoyich ta waan katinnemminaꞌone; awuyonaa damoonochi deejjoon taach giddiyoyich ta aafooch neexemminaꞌone. 16Ta yaafee kexooch giyiree taach maddoyich ta madee aafooch giddemminaꞌone; ta getoonoo quyemminaꞌone.
17“Maaci addibaabee kellooch boonoshi giyiyooba, muttee tuppoochee shippeti tahoon tahebeete; maaci addibaabee kelloonaa kechi maacoonooch boonoshi maddiyooba bagee huushoochee shuuneeti taho amolla boonoshi achooch beeyaaye. 18Boonoshi qellooch muttee tuppoochee shippeti caacoon caaceete; muttee tuppoochee shippeti shuroon eddebeete; caajjiibeeti eddoon eddaayeete.#Key. 28:39-40 19Maachi addibaabooch asheenaꞌo waan boonoshi keyoyee shiichi, taheꞌi boonoshi maddeebeeti taheenaꞌon kichiree yaafeeti kexooch kotiichi baroon tahebeete; ebiyoo boonoshi tahoochee tiyitona asheenaꞌo naxeyaachemmoyichiye.#44:19 Hibiree Yaafe macaafo “Yaafeyaachemmoyichiye” iye.#Lew. 16:23
20“Qeesheenaꞌo boonoshi qelloon cakkaayeete; boonoshi qelloon qamichi maachebeetani dichaayeete.#Lew. 21:5 21Qeeshoo tuneto koniyoona woyinee uyoon uyiichi maaci addibaabooch giyaaye.#Lew. 10:9 22Xuumeenaa gawukkeetinon shaaggaayeete; tunebaani Israꞌeelee yaroochee gidiideen woyee bi keno qititi qeeshoo mecheen shaageete.#Lew. 21:7,13-14
23“Qeesheenaꞌo yaafeetonaa yaafeyaanoonochi daggooch beeti barbarittinoon ta asheenaꞌoyich dojjibeete; xalloonaa xalloo tuneyaanoonon boonoshi bariyemmi gommon bekkiibeete.#Lew. 10:10 24Asho kaarehooba nallechon tunebeete; ta qociyoommona nallibeete; ta baaroon ciinnii beetona ta geteenaꞌonaa ta qociyoonon quyebeete; ta shambetoonoo yaafibeete.
25“Qeeshoo dubeno waan katinona eeꞌaaye. Tunebaani qitito bi nihoo, bi indee, bi bushoo, bi bushee, bi manoo woyee shaakkeyaani bi manee tunegaata eeꞌoon hakkiye.#Lew. 21:1-3 26Bi eeꞌegaata bi xalletoyee gubb shabaatte qemon yagibe. 27Yaafee kechi daggoochaa maddoyich maaci addibaabooch bi giyiyooba bi axaaxee deejjoon giddiibe; Nuggishoo Doono Yeeri ta ebin getteto taane.
28“Ta, qeesheenaꞌoyich iristo ta tunetoyich Israꞌeelee daggooch boonoshich showoon immaahote; ta boonoshich iristo taane.#Had. 18:20 29Maayi buuroon, axaaxee deejjoonaa xuꞌee deejjoonon maayemminaꞌone; Israꞌeeleenaꞌo daggoochee bariitaa taach kechiti mooyo bulli boonoshicho tunemmone. 30Qaabbe maayo bulliichee gaawi gaawe yiillecho bulli bi shaahi shaahoona, taach ittoshi giddiibeeti maayo bulliichee bi shaahi shaahoona qeesheenaꞌoyich tunemmone; ittoshi kexooch diiroo kotemmoyich, ittoshi buddinee maayi cilloon qeesheenaꞌoyich imbote.#Had. 18:8-19 31Qeesheenaꞌo bi alla qititi woyee cooxo yechiti kafoon woyee gijjoon maayaayeete.#Lew. 22:8
Currently Selected:
Hiziqeeli 44: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Hiziqeeli 44
44
Aabi-keyo Waani Kelleechi Gaaco
1Aroochee uro aabi-keyo waan wotteti, maach beeti yaafee kechi kellooch taan wochii deebiye; kelloo hichetone. 2Doono Yeeri taach ishichiye: “Hini kello hicheshalli bi beeyemmo ciroona qecheyaachemmone; asho aroona giyaachemmone; ebiyoo Israꞌeelee Nuggishoo Doono Yeeri aroona bi giyitoyichiye; ebichoo hicaa beeyemmone. 3Iraashoo baach Doono Yeeri aafoochaa koshon mamoyich arooch giyemmone; biyoo beshe boochoona giyiree aroona kechemmone” iye.
Yaafee Kexooch Gimonaa Keyonoyich Icheti Sheeroo
4Uro dambi-waani gommona yaafee kechi kellee aafooch taan deebiye; ciinnaa ta iyaa, ebiyoche, Doono Yeerichi oogee yiiroo yaafee kexooch ceennitone; tawoo baroona showooch guufeho.
5Aroochee Doono Yeeri taach ishichiye: “Ashi bushoocho, Doono Yeerichi yaafee kechi qociyoo bullinaa bi sheeroo bullinochon ta gettaa beeton gaawichi ellebe; ne aafoonoo ciine; shalligishoo gete; yaafee kexooch gimonaa keyonoyich daaggeeti asheenaꞌochon gaawichi ariibe. 6Hukkechi Israꞌeelee macceenaꞌoyich ishichibe: ‘Nuggishoo Doono Yeeri ishichiye: Israꞌeeleenaꞌote, ebi ciigiiti ittoshi mooyon qayote. 7Taach deejjoo tuniiꞌi koshon, awuyonaa damoonon ittoshi giddiihooba boonoshi mulloonoo tuneba boonoshi achoona dokireyaani ashi showee asheenaꞌo ta yaafee kexooch boonoshi giyemmoyich, ta kexonoo boonoshi eeꞌiyemmoyich, tuniito ittoshine; ebin tuniyoona ciigiiti ittoshi moochi toommooch daakkiꞌi ta wogoon happiyote. 8Ittoshich baach icheti yaafeeti ta mooyinaꞌon quyee qeejjoon qajjiichii ashi showee asheenaꞌo quyemmoyich ta yaafee kexooch boonoshin ukkiriihote itone’ gete. 9Ebich Nuggishoo Doono Yeeri ishichiye: Boonoshi mulloona, boonoshi achoonoo dokireyaani ashi showee asheenaꞌo, Israꞌeeleenaꞌo daggooch kotetinaꞌolla tunetaa ta yaafee kexooch giyaayeete.
Shahalloon Dabbiti Leweenaꞌo Mooyo
10“Israꞌeeleenaꞌo ta waanee wokkiyooba boonoshi shahalloon dabbiꞌi ta waanee wokkiti Leweenaꞌoo boonoshi axaaxoon shaaggemminaꞌone. 11Tunetaa boonoshi ta yaafee kechi kelloon quyoona, micciibeeti deejjoonaa asheenaꞌo giddiibeeti deejjoonoyich giddeebeeti gijjeenaꞌon guuroon, wottoo asheenaꞌoyich maddoona yaafee kechi maddechinaꞌon tunemminaꞌone. 12Shahalleenaꞌoyich goyinneebeeti asheenaꞌoyich boonoshi maddetoyich, Israꞌeelee yareenaꞌoyichoo axaaxee xugo boonoshi tunetoyich, ‘Boonoshi axaaxoon shaaggemminaꞌone’ iyaꞌa wogeto taane, iye Nuggishoo Doono Yeeri. 13Qeeshoo tuneree taach maddoyich ta waan katinaachemminaꞌone; yaafeeti ta mooyonaa oogichii yaafeeti ta deejjoonooch katinaachemminaꞌone; boonoshi shuuneti ciigiiti mooyinaꞌoyich boonoshi yeelloon shaaggemminaꞌone. 14Tunebaani yaafee kechi shuunoo bullin boonoshi shuunemmonaa aroochaa shuunee beeton ciini boonoshi shuuniyemmoyich boonoshin ukkiriyemmo taane” iye.
Qeesheenaꞌochi Maddoo
15Nuggishoo Doono Yeeri ishichiye: “Tunebaani Israꞌeelee macceenaꞌo ta waanee boonoshi wokkiyooba, ta yaafee kechi qociyoon quyeti Sadooqichi yareenaꞌo tuneti Lewee qeesheenaꞌo taach maddoyich ta waan katinnemminaꞌone; awuyonaa damoonochi deejjoon taach giddiyoyich ta aafooch neexemminaꞌone. 16Ta yaafee kexooch giyiree taach maddoyich ta madee aafooch giddemminaꞌone; ta getoonoo quyemminaꞌone.
17“Maaci addibaabee kellooch boonoshi giyiyooba, muttee tuppoochee shippeti tahoon tahebeete; maaci addibaabee kelloonaa kechi maacoonooch boonoshi maddiyooba bagee huushoochee shuuneeti taho amolla boonoshi achooch beeyaaye. 18Boonoshi qellooch muttee tuppoochee shippeti caacoon caaceete; muttee tuppoochee shippeti shuroon eddebeete; caajjiibeeti eddoon eddaayeete.#Key. 28:39-40 19Maachi addibaabooch asheenaꞌo waan boonoshi keyoyee shiichi, taheꞌi boonoshi maddeebeeti taheenaꞌon kichiree yaafeeti kexooch kotiichi baroon tahebeete; ebiyoo boonoshi tahoochee tiyitona asheenaꞌo naxeyaachemmoyichiye.#44:19 Hibiree Yaafe macaafo “Yaafeyaachemmoyichiye” iye.#Lew. 16:23
20“Qeesheenaꞌo boonoshi qelloon cakkaayeete; boonoshi qelloon qamichi maachebeetani dichaayeete.#Lew. 21:5 21Qeeshoo tuneto koniyoona woyinee uyoon uyiichi maaci addibaabooch giyaaye.#Lew. 10:9 22Xuumeenaa gawukkeetinon shaaggaayeete; tunebaani Israꞌeelee yaroochee gidiideen woyee bi keno qititi qeeshoo mecheen shaageete.#Lew. 21:7,13-14
23“Qeesheenaꞌo yaafeetonaa yaafeyaanoonochi daggooch beeti barbarittinoon ta asheenaꞌoyich dojjibeete; xalloonaa xalloo tuneyaanoonon boonoshi bariyemmi gommon bekkiibeete.#Lew. 10:10 24Asho kaarehooba nallechon tunebeete; ta qociyoommona nallibeete; ta baaroon ciinnii beetona ta geteenaꞌonaa ta qociyoonon quyebeete; ta shambetoonoo yaafibeete.
25“Qeeshoo dubeno waan katinona eeꞌaaye. Tunebaani qitito bi nihoo, bi indee, bi bushoo, bi bushee, bi manoo woyee shaakkeyaani bi manee tunegaata eeꞌoon hakkiye.#Lew. 21:1-3 26Bi eeꞌegaata bi xalletoyee gubb shabaatte qemon yagibe. 27Yaafee kechi daggoochaa maddoyich maaci addibaabooch bi giyiyooba bi axaaxee deejjoon giddiibe; Nuggishoo Doono Yeeri ta ebin getteto taane.
28“Ta, qeesheenaꞌoyich iristo ta tunetoyich Israꞌeelee daggooch boonoshich showoon immaahote; ta boonoshich iristo taane.#Had. 18:20 29Maayi buuroon, axaaxee deejjoonaa xuꞌee deejjoonon maayemminaꞌone; Israꞌeeleenaꞌo daggoochee bariitaa taach kechiti mooyo bulli boonoshicho tunemmone. 30Qaabbe maayo bulliichee gaawi gaawe yiillecho bulli bi shaahi shaahoona, taach ittoshi giddiibeeti maayo bulliichee bi shaahi shaahoona qeesheenaꞌoyich tunemmone; ittoshi kexooch diiroo kotemmoyich, ittoshi buddinee maayi cilloon qeesheenaꞌoyich imbote.#Had. 18:8-19 31Qeesheenaꞌo bi alla qititi woyee cooxo yechiti kafoon woyee gijjoon maayaayeete.#Lew. 22:8
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.