Hiziqeeli 41
41
1Aroochee yaafee kechi dagg beeti Yaafe Xaaꞌooch taan daammiye; arooch daammiibeeti gimi kellee duuhoon bi qeelletaa bi taggoo gutte baddicholla shiritti shiritte hiroo tunehe. 2Gimi kellee maaco aashire hiroone; gimi kelloochi duukki gidoo kelloochee duꞌooch beddaahaa gutte baddaanolla uuchi uuche hiroone; daggi kechi gidoon bi hiretaa aabbe hiroo, bi maaco hiye hiroo tunehe.
3Aroochee maaci kexooch giyiye; gimi kellee duuhoon bi qeelletaa bi taggoo gutte baddicholla gutti gutte hiroo tunehe; gimi kellee maaco shiritte hiroone; gimi kelloochi duukki gidoo kelloochee duꞌooch beddaahaa gutte baddaanolla shabaatti shabaatte hiroone. 4Maaci kexon bi hiretaa bi gidoo hiye hiroo, bi maaco hiye hiroo tunehe. Aroochee taach: “Ebi Yaafe Xaaꞌeexi Yaafoone”#41:4 Ebi xaaꞌoo, taabooto beeti yaafee kechi maaci ciireexi gatoone. iye.
Yaafee Kechi Guude Gocona Shuuneeti Kexinaꞌo
5Yaafee kechi duuhoon bi qeelletaa bi taggoo shiritte hiroo tunehe; yaafee kechi guudo bullina beeti kexinaꞌo bullichi maaco awudde hiroone. 6Ebi kexinaꞌo ikkoochi toommooch ikkoo tuniitaa keejje yaaroona shuuneetinaꞌone; ikke yaarooch shaashe kexo beetone; kechi toommeexi kexinaꞌochi qojjeenaꞌo arooch kashemmi xaqqee duuho yaafee kechi guudoona beetone; ebich ebi qojjeenaꞌon yaafee kechi duukki toommooch kashiyoo qaawiyaanoone. 7Qojjeenaꞌo kasheti, yaafee kechi guudoona beeti duuheenaꞌoochee tiyitona, desh beeti kexoyee bi tookk beeti kexo beshi gaminoone; kexinaꞌoyich deshi kexoochee toommeexi kexooch daammiibeeti, daggi kexona besheti daqqello beetone.
8Yaafee kechi guudoona hashekkimiti xaqqee duuho beemon beeggeho; ebi duuho gishiishi kexinaꞌochi hecoone; ebiyoo shiritte hiroo tuneti ikke yaaboone. 9Gishiishi kexinaꞌochi maachi duukki taggoo uuche hiroone; shokkaache xaaꞌoo yaafee kexonaa 10qeesheenaꞌonochi kexonochi daggooch beetone; ebi xaaꞌoo bi beeto yaafee kechi guudoona tuneechii bi maaco hiye hiroone. 11Shokkaache xaaꞌee yoochinaa qanninooch beeti kexinaꞌooch daammiibeeti kelleenaꞌo beetinaꞌone; ikke kello beeto dambi-waan, wotta baroo deshi-waaniye; shokkaache xaaꞌee maaco uuche hiroone; ebi xaaꞌoo guude gawoona beetone.
12Yaafee kechi addibaabee ciinooch, aabi-gimo waan, bi maaco shabe hiroo tuneti kexo beetone; ebi kechi duukki taggoo uuche hiroo, bi gidoo yixene hiroone.
13Uro yaafee kexon bi hiretaa ikke balle hiroo tunehe; shokkaache xaaꞌoonaa kexo bi duuhoona tookkii balle hiroo tunehe. 14Wotta aabi-keyo waanaa yaafee kechi kellinaa shokkaache xaaꞌoonochi maacoon bi hiretaa balle hiroo tunehe.
15Aroochee yaafee kechi daaddooch, uxeree maaci ciinooch beeti kexonaa hachinaa okkinooch beeti beshe boocheenaꞌonochi gidoon bi hiretaa balle hiroo tunehe.
Yaafee kechi beshe boocho, Yaafe Xaaꞌoo, Yaafe Xaaꞌeexi Yaafoo, 16keeminaꞌochi guudoocholla goci degechi mallee kelleenaꞌo beetinaꞌone; yaafee kexoo kello waanaa showoochee tiijjii mallee kelleenaꞌooch beddaahaa mixona kaappetone; mallee kelleenaꞌoochoo qereenaꞌo beetinaꞌone. 17Kelleenaꞌochi tookki duuho maacinaa maachina ebiyoommon kaappetone; maacinaa daggoonooch beeti kexinaꞌo bulliich 18kiruuboonaa yeebbee michi misiloona shicheetone; yeebbee michi misilo, kiruuboonaa kiruuboonochi daggooch beetone; kiruubo bi ikkikkoona aafoochaa gutti gutte shaahechone. 19Ashoon shaahe malletecho ikke badd beeti yeebbee michi misiloon ciinniye; tunebaani more daaheroon shaahe malletecho wotta bare badd beeti yeebbee michi misiloon ciinniye; eboshiyoo yaafee kechi maacooch guudoona shicheetinaꞌone. 20Godoochee tiijjiꞌi shaaqqoyee tookk beddaahaa daabbooch kiruuboonaa yeebbee mixinaꞌonochi misileenaꞌo shicheetinaꞌone. 21Yaafe Xaaꞌooch giijjiibeeti kellee qoomeenaꞌo shuutawuddeenaꞌone; Yaafe Xaaꞌeexi Yaafee ciinooch beetinaꞌoo ebiyoomminaꞌone.
Mixoochee Shuuneeti Deejjee Gudo
22Mixoochee shuuneti deejjee gudee neexo keejje hiroo, bi gidoo gutte hiroo, bi maaco gutte hiroone; bi shuutoo, bi baatoonaa bi naaboona mixoochee shuuneetone; biyoo taach “Ebi Doono Yeeri aafooch beeti madelloone” iye.
Kelleenaꞌo
23Yaafe Xaaꞌoonaa Yaafe Xaaꞌeexi Yaafoonoyich gutti gutte kelleenaꞌo beetinaꞌone. 24Kelleenaꞌoyich boonoshi ikkikkoona qoddeebeeti gutti gutte shaaqqeenaꞌo beetinaꞌone; ebi geto ikke kelloyich gutte shaaqqoo, wotta ikke kelloyich gutte shaaqqoo beete getone. 25Duuhooch shicheetoommi kiruubeenaꞌonaa yeebbee michi misiloona ebi yaafee kechi shaaqqeenaꞌooch shicheetone; maach waan beeti beshe boochee aafooch shaaqqoo tongafeetone. 26Beshe boochee hachinaa okkinooch beeti duuhooch mallee kelleenaꞌo beetinaꞌone; wotta yeebbee michi misilo arooch shicheetone; okkinaa hachinooch beeti gishiishi kexinaꞌoo ebiyoommon tongafeetinaꞌone.
Currently Selected:
Hiziqeeli 41: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Hiziqeeli 41
41
1Aroochee yaafee kechi dagg beeti Yaafe Xaaꞌooch taan daammiye; arooch daammiibeeti gimi kellee duuhoon bi qeelletaa bi taggoo gutte baddicholla shiritti shiritte hiroo tunehe. 2Gimi kellee maaco aashire hiroone; gimi kelloochi duukki gidoo kelloochee duꞌooch beddaahaa gutte baddaanolla uuchi uuche hiroone; daggi kechi gidoon bi hiretaa aabbe hiroo, bi maaco hiye hiroo tunehe.
3Aroochee maaci kexooch giyiye; gimi kellee duuhoon bi qeelletaa bi taggoo gutte baddicholla gutti gutte hiroo tunehe; gimi kellee maaco shiritte hiroone; gimi kelloochi duukki gidoo kelloochee duꞌooch beddaahaa gutte baddaanolla shabaatti shabaatte hiroone. 4Maaci kexon bi hiretaa bi gidoo hiye hiroo, bi maaco hiye hiroo tunehe. Aroochee taach: “Ebi Yaafe Xaaꞌeexi Yaafoone”#41:4 Ebi xaaꞌoo, taabooto beeti yaafee kechi maaci ciireexi gatoone. iye.
Yaafee Kechi Guude Gocona Shuuneeti Kexinaꞌo
5Yaafee kechi duuhoon bi qeelletaa bi taggoo shiritte hiroo tunehe; yaafee kechi guudo bullina beeti kexinaꞌo bullichi maaco awudde hiroone. 6Ebi kexinaꞌo ikkoochi toommooch ikkoo tuniitaa keejje yaaroona shuuneetinaꞌone; ikke yaarooch shaashe kexo beetone; kechi toommeexi kexinaꞌochi qojjeenaꞌo arooch kashemmi xaqqee duuho yaafee kechi guudoona beetone; ebich ebi qojjeenaꞌon yaafee kechi duukki toommooch kashiyoo qaawiyaanoone. 7Qojjeenaꞌo kasheti, yaafee kechi guudoona beeti duuheenaꞌoochee tiyitona, desh beeti kexoyee bi tookk beeti kexo beshi gaminoone; kexinaꞌoyich deshi kexoochee toommeexi kexooch daammiibeeti, daggi kexona besheti daqqello beetone.
8Yaafee kechi guudoona hashekkimiti xaqqee duuho beemon beeggeho; ebi duuho gishiishi kexinaꞌochi hecoone; ebiyoo shiritte hiroo tuneti ikke yaaboone. 9Gishiishi kexinaꞌochi maachi duukki taggoo uuche hiroone; shokkaache xaaꞌoo yaafee kexonaa 10qeesheenaꞌonochi kexonochi daggooch beetone; ebi xaaꞌoo bi beeto yaafee kechi guudoona tuneechii bi maaco hiye hiroone. 11Shokkaache xaaꞌee yoochinaa qanninooch beeti kexinaꞌooch daammiibeeti kelleenaꞌo beetinaꞌone; ikke kello beeto dambi-waan, wotta baroo deshi-waaniye; shokkaache xaaꞌee maaco uuche hiroone; ebi xaaꞌoo guude gawoona beetone.
12Yaafee kechi addibaabee ciinooch, aabi-gimo waan, bi maaco shabe hiroo tuneti kexo beetone; ebi kechi duukki taggoo uuche hiroo, bi gidoo yixene hiroone.
13Uro yaafee kexon bi hiretaa ikke balle hiroo tunehe; shokkaache xaaꞌoonaa kexo bi duuhoona tookkii balle hiroo tunehe. 14Wotta aabi-keyo waanaa yaafee kechi kellinaa shokkaache xaaꞌoonochi maacoon bi hiretaa balle hiroo tunehe.
15Aroochee yaafee kechi daaddooch, uxeree maaci ciinooch beeti kexonaa hachinaa okkinooch beeti beshe boocheenaꞌonochi gidoon bi hiretaa balle hiroo tunehe.
Yaafee kechi beshe boocho, Yaafe Xaaꞌoo, Yaafe Xaaꞌeexi Yaafoo, 16keeminaꞌochi guudoocholla goci degechi mallee kelleenaꞌo beetinaꞌone; yaafee kexoo kello waanaa showoochee tiijjii mallee kelleenaꞌooch beddaahaa mixona kaappetone; mallee kelleenaꞌoochoo qereenaꞌo beetinaꞌone. 17Kelleenaꞌochi tookki duuho maacinaa maachina ebiyoommon kaappetone; maacinaa daggoonooch beeti kexinaꞌo bulliich 18kiruuboonaa yeebbee michi misiloona shicheetone; yeebbee michi misilo, kiruuboonaa kiruuboonochi daggooch beetone; kiruubo bi ikkikkoona aafoochaa gutti gutte shaahechone. 19Ashoon shaahe malletecho ikke badd beeti yeebbee michi misiloon ciinniye; tunebaani more daaheroon shaahe malletecho wotta bare badd beeti yeebbee michi misiloon ciinniye; eboshiyoo yaafee kechi maacooch guudoona shicheetinaꞌone. 20Godoochee tiijjiꞌi shaaqqoyee tookk beddaahaa daabbooch kiruuboonaa yeebbee mixinaꞌonochi misileenaꞌo shicheetinaꞌone. 21Yaafe Xaaꞌooch giijjiibeeti kellee qoomeenaꞌo shuutawuddeenaꞌone; Yaafe Xaaꞌeexi Yaafee ciinooch beetinaꞌoo ebiyoomminaꞌone.
Mixoochee Shuuneeti Deejjee Gudo
22Mixoochee shuuneti deejjee gudee neexo keejje hiroo, bi gidoo gutte hiroo, bi maaco gutte hiroone; bi shuutoo, bi baatoonaa bi naaboona mixoochee shuuneetone; biyoo taach “Ebi Doono Yeeri aafooch beeti madelloone” iye.
Kelleenaꞌo
23Yaafe Xaaꞌoonaa Yaafe Xaaꞌeexi Yaafoonoyich gutti gutte kelleenaꞌo beetinaꞌone. 24Kelleenaꞌoyich boonoshi ikkikkoona qoddeebeeti gutti gutte shaaqqeenaꞌo beetinaꞌone; ebi geto ikke kelloyich gutte shaaqqoo, wotta ikke kelloyich gutte shaaqqoo beete getone. 25Duuhooch shicheetoommi kiruubeenaꞌonaa yeebbee michi misiloona ebi yaafee kechi shaaqqeenaꞌooch shicheetone; maach waan beeti beshe boochee aafooch shaaqqoo tongafeetone. 26Beshe boochee hachinaa okkinooch beeti duuhooch mallee kelleenaꞌo beetinaꞌone; wotta yeebbee michi misilo arooch shicheetone; okkinaa hachinooch beeti gishiishi kexinaꞌoo ebiyoommon tongafeetinaꞌone.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.