Daaneeli Gimo
Gimo
Hini macaafoon koorito, Daaneeline getaa wonnee tiijjiꞌi gabee beetone. Hini macaafo nooch bi bekkiibeeto, Daaneelinaa bi nuucheenaꞌonochi mooyon, wotta Daaneeli beebee echeti yemeenooch biich bekketi gumonaa yaaꞌoonochi mooyoniye. Ebiyoo K.sh.a. 605-530 beeti nati daggoochiye.
Daaneeli kecaa Baabloonee taatoo kexooch bi hammito, K.sh.a. 605 natoobane. Taatoo Nabukadinatsorichi gumon biichii bi gettitoyee gubb, are showooch iraashehe. Hini macaafoon bi koorito, Israꞌeeleenaꞌo kecceꞌi boonoshi beeti yemeenoobane. Bi kooriti naboo, ebi asheenaꞌo, bulli mooyon hajjiibeeti Yeeri toommooch mulloon boonoshi tooꞌiyemmoyich boonoshin goggiyoyichiye.
Hini macaafee guttinnee kuxooch beeti shiritte haareenaꞌoochaa Daaneeli bekkiibeeto yaaꞌoona bi beeggiti mooyoniye. Ebiyoo hini showee toommeexi taatittinee timonaa dihoonon, wotta ciiroochaa bulli yemeenoon beeyechi Yeerichi taatittinee timoniye.
Inde Moochi Sheqqo
Nabukadinatsori taateꞌi beehooba tuneti mooyinaꞌo (1:1–4:37)
Daabbooch kooreeti mooyo (5:1-30)
Daaheree oppooch Daaneeli duppeyoo (5:31–6:28)
Belshasoori taateꞌi beehooba Daaneeli beeggiti yaaꞌoo (7:1–8:27)
Daaneelichi corootoonaa shabe kaallee shabaatte nati mooyona (9:1-27)
Ciiroochaa Daaneeli beeggiti yaaꞌoo (10:1–12:13)
Currently Selected:
Daaneeli Gimo: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.