MATHIUS, NOPUKA AFASAO SORE, 1.
ANT

MATHIUS, NOPUKA AFASAO SORE, 1.

NOPUKA AFASAO SORE, 1.
1TATAPURIA o fatupuna o Iesu Kristo, ta nontariki o Tevit, ta nontariki o Ebraham.
2Ebraham niamo Aisak; ma Aisak niamo Jekob; ma Jekob niamo Juta ma niana anosa;
3Ma Juta niamo Feres ma Sera o Temar; ma Feres niamo Esrom, ma Esrom niamo Aram;
4Ma Aram niamo Aminatab; ma Aminatab niamo Neson; ma Neison niamo Salmon;
5Ma Salmon niamo Bos o tafine Rehab; ma Bos niamo Obet o tafine Ruth; ma Obet niamo Jese;
6Ma Jese niamo Tevit ta teriki; ma Tevit ta teriki niamo Solomon o aia tafine mokagi ta nanahune o Uraia;
7Ma Solomon niamo Rihoboam; ma Rihoboam niamo Abaija; ma Abaija niamo Asa;
8Ma Asa niamo Jihosofat; ma Jihosofat niamo Jihoram; ma Jihoram niamo Usaia;
9Ma Usaia niamo Jotham; ma Jotham niamo Ahas; ma Ahas niamo Hesekaia;
10Ma Hesekaia niamo Manasi; ma Manasi niamo Amon; ma Amon niamo Josaia;
11Ma Josaia niamo Jekonaia ma tshana anoso i anopogera niarafia acre ia Babelon;
12Wamuri niarafia acre ia Babelon, Jekonaia niamo Salatyel; ma Salatyel niamo Sirubabel;
13Ma Sirubabel niamo Abaiut; ma Abaiut niamo Elaiakem; ma Elaiakem niamo Esor;
14Ma Esor niamo Setok; ma Setok niamo Akem; ma Akem niamo Elaiut;
15Ma Elaiut niamo Elieser; ma Elieser niamo Matthan; ma Matthan niamo Jekob;
16Ma Jekob niamo Josef ta nunwani o Mere, tafine tira nifarere Iesu, neigo tshana ta Kristo.
17Hepe tira acreiotshi fatupuneia Ebraham ma ia Tevit fortin fatupuneia; ma Devit ia niarafia acre ia Babelon fortin fatupuneia; ma niarafia acre ia Babelon ia Kristo fortin fatupuneia.
18¶ Ta nifarere o Iesu Kristo hepe ta fasao nei fakairo; Nopogera tshana nana Mere tafine o Josef mokagi niavaga iateia, aia kofoinai ia Nokano Tapu.
19Nopogera Josef tshana nunwane, tatane maganerefia, aia secitiafakarafia towaki aia emoa tagata, tshona nagaro nimentua towaki aia kagusgusu.
20Kaia nopogera aia nimentua ane iotshi tira ia niana roto, neicitia ta agelo o Ihova nimai iateia ia ta mitshi, nokoutucua, Josef, akoi nontariki o Tevit, natshicina kumtacu keiarafia Mere tshow inahune, ma aia nuntama konofo ia tshana nonai aia tamasisi o Kokano Tapu.
21Aia kafarere tasi nontariki, akoi katapa tshana neigo IESU, ma aia kapare niana tagata ia ane isa tshare.
22Nopogera ane iotshi tira niromai, neimna ane iotshi hepra Ihova neitucua i afasao o tshana aprofeta, nokoutucua,
23Kowcitia, ta tamafine kofoinai tshana tama; ma kafarere ta nontariki acre katapa tshana neigo Emanuel, nokano o neigo tira, Atua ia tshote fasao.
24Tupora Josef nifagona nimasike ia tshana mero neimna ane hepe Ihova neitucua iateia, nifakavageina nokofetaci acrawa ma tshana fine.
25Aia sefano ia ta fine mokagi aia nifarere tshana nontarika tourumatua; ma aia neitapa tshana neigo IESU.

Encouraging and challenging you to seek intimacy with God every day.


YouVersion uses cookies to personalize your experience. By using our website, you accept our use of cookies as described in our Privacy Policy.