Lala 60
60
Kpɔ̃mɔ he sɔlemɔ
David lá be ni ekɛ Arambii ni jɛ Naharaim kɛ Zoba lɛ wu ni Yoab ku esɛɛ eyagbe Edombii lɛ ateŋ mɛi 12, 000 yɛ Ŋoo Jɔɔ lɛŋ lɛ.
1 #
2 Sam 8.13; 1 Kron 18.12 Oo Naa Nyɔŋmɔ, okwa wɔ,
okumɔ wɔhe afabaŋ,
omli efu wɔ.
Kuu osɛɛ oba wɔŋɔɔ ekoŋŋ.
2 #
2 Sam 8.3, 13; 10.13, 18 Ohã shikpɔŋ lɛ ehoso,
ni ohã emli egbala;
tsaramɔ hei ni egbala lɛ,
ejaakɛ ewɔtsɔ.
3 #
Yes 57.17, 21 Ohã owebii lɛ ena nɔ naakpa.
Wɔmiililaa shi tamɔ mɛi ni etɔ wain.
4 #
Lal 20.5
Oshi aflaŋaa akɛ okadi ohã
mɛi ni sheɔ bo gbeyei lɛ,
koni amɛje hiɛkpãtãmɔ mli
kɛbaanyiɛ anɔkwale lɛ sɛɛ.
5Okɛ ohewalɛ lɛ ahere wɔyiwala.
Bo wɔ toi bɔ ni afee ni mɛi ni osumɔɔ lɛ ahere amɛyiwala.
6Nyɔŋmɔ ejɛ ehe krɔŋkrɔŋ lɛ ekɛɛ akɛ,
“Mikɛ miishɛɛ baaja Shekem mli,
ni majara Sukot Jɔɔ lɛ mahã mimaŋ lɛ.
7 #
Jɛn 49.10
Minɔ ji Gilead, ni minɔ ji Manase;
Efraim ji miyitso dade fai;
Yuda ji mimaŋtsɛ tsi.
8Moab ji mihejuu goga;
majie mitokota mashwie Edom kɛtsɔ̃ɔ akɛ mi, minɔ ni,
ni mabɔ kunimyeli oshe mashwie Filistia nɔ.”
9Namɔ aaaŋɔ mi kɛaatee maŋ ni awaje lɛ lɛ mli?
Namɔ aaanyiɛ mihiɛ kɛaaya Edom?
10Oo Naa Nyɔŋmɔ, ani okwako wɔ?
Oo Naa Nyɔŋmɔ, okɛ wɔta lɛ efãaa ta dɔŋŋ?
11Oo, ye obua wɔ koni wɔkɛ henyɛlɔ lɛ akpe;
ejaakɛ gbɔmɔ adesã dɛŋ yelikɛbuamɔ jeee fɛifɛi.
12Akɛni Nyɔŋmɔ kɛ wɔ yɔɔ nɛɛ lɛ wɔɔye kunim kɛ̃.
Lɛ ji mɔ ni aaanaanaa wɔhenyɛlɔi lɛ anɔ kɛmɔ shi.
Currently Selected:
Lala 60: NEGAB
Highlight
Copy
Compare
Share
Want to have your highlights saved across all your devices? Sign up or sign in
Bible in Ga Language © Bible Society of Ghana, 2020.