Lala 20
20
Kunimyeli he sɔlemɔ
David Lala ni ekɛha lalatsɛ nukpa lɛ.
1 #
Abɛi 18.10
Yehowa abo bo toi yɛ ofimɔ gbi lɛ nɔ!
Yakob Nyɔŋmɔ lɛ abu ohe.
2Ejɛ ehe Krɔŋkrɔŋ lɛ eye ebua bo,
ni ejɛ Zion ewaje bo.
3Ekai afɔlei lɛ fɛɛ kwa,
ni oshãa afɔlei lɛ asa ehiɛ.
4 #
Lal 21.2
Ehã bo nii ni otsui shweɔ lɛ,
ni ehã oyiŋtoi fɛɛ aba mli.
5Wɔɔbɔ oshe kɛ nyamɔ
yɛ okunimyeli hewɔ;
ni wɔNyɔŋmɔ lɛ gbɛi mli
wɔɔshi wɔflaŋai yɛ.
Yehowa ahã bo nɔ fɛɛ nɔ ni obiɔ lɛ.
6 #
Ɛks 15.6
Agbɛnɛ mina mile akɛ
Yehowa yeɔ ebuaa maŋtsɛ ni efɔ lɛ mu lɛ,
ni eeejɛ eŋwɛi krɔŋkrɔŋ lɛ ebo lɛ toi,
ni Yehowa aaahã lɛ hewalɛ ni ekɛye kunim.
7 #
Deut 20.1; Yes 31.1 Mɛi komɛi shwãa fɔ̃ɔ
tayaa shwiilii anɔ,
ni mɛi komɛi hu okpɔŋɔi anɔ;
shi wɔ lɛ, Yehowa, wɔNyɔŋmɔ lɛ,
hewalɛ nɔ wɔshwãa wɔfɔ̃ɔ.
8Nakai mɛi lɛ, amɛaatswia shi,
ni amɛaanyɔnyɔi;
shi wɔ lɛ, wɔɔte shi,
wɔɔdamɔ shi shiŋŋ.
9Oo Yehowa, hã maŋtsɛ lɛ aye kunim;
kɛ wɔfo wɔtsɛ bo lɛ,
heremɔ wɔ nɔ.
Currently Selected:
Lala 20: NEGAB
Highlight
Copy
Compare
Share
Want to have your highlights saved across all your devices? Sign up or sign in
Bible in Ga Language © Bible Society of Ghana, 2020.