Efesios 1
1
Apóstol Pablo saludakunqan
1Éfeso#Hech. 18.19-21; 19.1. markachö salvashqa kaqkuna:
Noqa Pablo, Jesucristupa apostolnin kanäpaq Dios Yaya akramashqa kaptinmi qamkunaman kay cartata cartakamü. Jesucristo munanqannöna kawarmi Dios Yayapana kaykäyanki. 2Taytantsik Dios Yaya y Señor Jesucristo llakipäyäshurniki alli päsakuychö kawakuyänaykipaq yanapaykuyälläshuy.
Dios Yayata agradëcikunqan
3¡Señor Jesucristupa Taytan Dios Yaya alabashqa kaykullätsun! Jesucristuchö kashqam gloriachö kaykaq imaykaläya bendicionninkunata qaramashkantsik. 4Kay patsata manaraq kamarmi Jesucristuman Dios Yaya churamarnintsik paypa puntanchö jutsannaq y santu kanapaq akramarqantsik. 5Kuyamarnintsikmi kikin munanqannö destinamarqantsik Jesucristo rayku wamran kanapaq. 6Kuyay Tsurin rayku kuyakuq kayninwan destinamanqantsikpitam imaypis payta alabashun.
7Llakipäkuq karmi Tsurinpa yawarninwan rantimarnintsik llapan jutsantsikkunapita perdonamashkantsik.#Mar. 10.45; 14.24; Heb. 9.12-14; Col. 1.14. 8Alläpa llakipämarnintsik y yachayta qaramarnintsikmi 9runakuna mana musyayanqanta Dios Yaya musyatsimashkantsik. 10Tsaynö musyatsimashkantsik ciëluchö kaqkunata y kay patsachö kaqkunatapis pay destinanqan junaq Jesucristupa poderninman llapanta churananpaq kanqanta.
11Kikin yarpanqannö llapantapis ruraq karmi noqantsiktapis Jesucristuchö kashqa Dios Yaya destinamashkantsik herenciata#Col. 1.12; 3.24; Tito 3.7; Heb. 10.34; 1Ped. 1.4. chaskir salvashqa kanapaq. 12Paymi permïtishqa Israel runakuna Jesucristuman puntata creyikur payta alabayänanpaq. 13Qamkunapis alli willakuyninta wiyarmi Jesucristuman creyikur salvakäyashkanki. Tsaynöpam prometinqan Espíritu Santuwan#Luc. 24.49; Juan 14.26; 16.13-15; Hech. 1.4; 2.33. Dios Yaya shonquykikunata sëllayäshushkanki.#2Cor. 1.22; Efe. 4.30. 14Espíritu Santuta qaramarnintsikmi Dios Yaya tantiyatsimantsik herenciantsikta qaramänapaq kanqanta y wamran kanapaq rantimanqantsikta. Tsaynö salvamanqantsikpitam imaypis payta alabashun.
Creyikuqkunapaq Dios Yayata mañakunqan
15Tsaymi Señor Jesucristuman shumaq creyikur wawqikunawan y panikunawan kuyanakuyanqaykita musyar 16Dios Yayata qamkunapaq mañakur imaypis agradëcikü. 17Tsaynöllam Señornintsik Jesucristupa Taytan poderyuq Dios Yayata mañakü Espíritu Santuwan tantiyatsiyäshuptiki payta reqiyänaykipaq. 18Shonquykikunachö tsaynö tantiyatsiyäshuptikim musyayanki Dios Yaya qayashurniki imapaq salvayäshunqaykita, alläpa alli herenciata chaskiyanqaykita#Éxo. 34.9; Deut. 9.26, 29; 32.9; 1Rey. 8.53; Sal. 74.2; 135.4; Isa. 19.25; Jer. 10.16; 51.19. 19y payman creyikuqkunata poderninwan shumaq yanapanqanta. 20Tsay poderninwanmi Jesucristuta wañunqanpita kawaskatsimur gloriachö derëchu kaq lädunman jamatsishqa.#Sal. 110.1. 21Jesucristutam Dios Yaya churashqa kay vïdachö y wak vïdachöpis poderösu kananpaq. Tsaymi angelkunapita, supaykunapita y pïmaypitapis mas poderyuq kaykan.
22Tsaynö poderyuq kaptinmi llapan imaykata paypa poderninman Dios Yaya churashqa.#Sal. 8.6. Iglesiata kuyarmi payta churashqa llapanpapis mandakuqnin kar uman kananpaq. 23Noqantsiknam iglesian kar cuerpun kantsik.#Col. 1.18, 24. Tsaymi pay munanqannö kawanapaq imaypis yanapaykämantsik. Paypa poderninchömi llapan imaykapis kaykan.
Currently Selected:
Efesios 1: qxn
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.