Miqueas 5
5
Israel runakunapa mandakuqnin rey yurinanpaq ninqan
1 1 (4.14) Jerusalén runakuna, defendikuyänaykipaq listu kayay.
Qamkunata atacayäshunaykipaqmi juklä runakuna chäyämunqa.
Paykuna venciskiyäshurnikim mandakuq reyta qaqllachö garutiyanqa.
2 2 (1) Belén Efrata marka, Judáchö wakin kaq markakunapita mas takshalla kaptikipis qamchömi Israel runakunapa mandakuqnin rey yurinqa.#Mat. 2.6; Juan 7.42.
Paymi unaypitana kaykan.
3 3 (2) Wamrata warmi qeshyakunqanyaqmi contrankunapa poderninchö Israel runakunata Dios Yaya dëjanqa.
Wamra yuriskiptinraqmi Israel runakuna witsikashqa kayanqanpita kutiyämunqa.
4 4 (3) Tsay wamra wiñarkurnam Dios Yaya yanapaptin imayka üsha mitsikuqnö kuyanqan runakunata shumaq cuidanqa.
Maytsaychö runakunapis payta adorayaptinmi Israel runakuna ni pipitapis manana mantsakur tranquïlu kawakuyanqa.
5 5 (4) Paymi alli kawakunapaq salvamäshun.
Tsay witsay Asiria runakuna markantsikta atacar palaciuntsikkunaman yaykayämuptinmi pärapuyänanpaq atskaq capitankunata mandashun.
6 6 (5) Tsay capitankunam espädankunawan Asiria runakunata venciskir poderninchö katsiyanqa.
Tsaynöpam Nimrodpa#5.6 Nimrodmi Asiria nacionpa capitalnin Nínivita shäritsirqan. Nimrodpaq masta musyanaykipaq liyinki Gén. 10.8-12. markanpita libramäshun.
Israel runakuna contrankunata venciyänanpaq ninqan
7 7 (6) Jacobpita miraqkunata wañutsiyaptinpis kawaykar quëdaqkunam maytsay markakunachö respitashqa kayanqa.
Shushall y tamya Dios Yayapa bendicionnin kanqannömi paykunapis llapan marka runakunapaq bendición kayanqa.
8 8 (7) Mayqan markapis contran shärir atacaptinmi chucaru wätakunata león atacaqnö Israel runakuna atacayanqa.
Qenchachö üshakunaman mallwa león yaykuskir wañutsinqannömi paykunapis contrankunata wañutsiyanqa.
Tsaymi ni jukllayllatapis kawaykaqtaqa dëjayanqatsu.
9 9 (8) Dios Yaya, tsaynöpam Israel runakunapa llapan contrankunata ushakätsinki.
10 10 (9) Tsay contran runakunatam Dios Yaya nin:
<<Tsay junaqmi bestiaykikunatapis jankat wañutsishaq.
Guërra carrëtaykikunatapis llapantam ushakätsishaq.
11 11 (10) Markaykikunatawan tsinkakuyänaykipaq ruratsiyanqayki jatun wajikunatapis llapantam juchutsishaq.
12 12 (11) <<Brüjukunatapis jankatmi ushakätsishaq.
Tsaynöllam suerti qatiqkunapis qamkunachö kayanqanatsu.
13 13 (12) Adorayanqayki ïdulukunata y shuytu rumikunatapis ushakätsiptïmi kikikikuna rurayanqayki dioskunata ni imaypis adorayankinatsu.
14 14 (13) Asera diösapaq jawiyanqayki teta qerukunatapis llapantam ushakätsishaq.
Markaykikunatapis jankatmi juchutsishaq.
15 15 (14) Alläpa rabyashqa karmi mana cäsumaq runakunata may markachö täkuyaptinpis castigashaq>>.
Currently Selected:
Miqueas 5: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
