Miqueas 1
1
1Moreset markachö täkuq Miqueastam Dios Yaya revelacionkunachö rikätsirqan Samaria markata y Jerusalén markata ima päsananpaq kanqanta. Tsaynö rikätsirqan Judá nacionchö rey Jotam,#2Rey. 15.32-38; 2Crón. 27.1-7. rey Acaz#2Rey. 16.1-20; 2Crón. 28.1-27. y rey Ezequías#2Rey. 18.1—20.21; 2Crón. 29.1—32.33. kayanqan witsaymi.
Samaria runakunata castigananpaq Dios Yaya ninqan
2Maytsay markakunachö täkuqkuna, Dios Yaya ninqanta llapayki wiyayay.
Poderyuq Dios Yayam sagrädu templunpita jutsa rurayanqaykita shimpiyäshunki.
3Täkunanpita shamurmi jirkakuna puntanchö purinqa.
4Jaruptinmi ninachö cëra tsulluqnö tsay jirkakuna tsullunqa.#Sal. 97.5.
Pampakunapis atska yaku aywar raqrayätsinqannömi raqrayashqa quëdanqa.
5Tsaykunam llapan kanqa Jacobpita miraq runakuna jutsata rurayanqanpita.
Israel runakunam Samaria markachö jutsata ruraykäyan.
Judá runakunapis patsan Jerusalénchömi ïdulukunata adoraykäyan.
6Tsaymi Dios Yaya nin:
<<Samaria markata jankat juchutsiptïmi üvata plantayänanllapaqna kanqa.
Ruminkunata raqrakunapa qarpuskatsiptïmi cimientullanna quëdanqa.
7Contran runakuna shamurmi Samaria runakuna adorayanqan ïdulunkunatapis pakir ushayanqa.
Qerupita rurashqa sagrädu kaqkunatam llapanta waykayanqa.
Prostitütakuna gänayanqan yuraq qellaywanmi tsay ïdulukunata ruratsishqa kayarqan.
Contrankuna shamurmi tsay ïdulukunata tsulluskatsir tsay yuraq qellayta apayanqa prostitütakunawan kakur pägayänanpaq>>.
Miqueas llakikunqan
8Tsaynö Dios Yaya castigananpaq kanqanta musyarmi llakikur iktsuypa iktsurraq waqaykä.
Qara chakilla y qarashtullam llakishqa puriykä.
Imayka chacalkuna aullaqnöraqmi waqaykä.
Avestruz qayaykachaqnömi qayaykachaykä.
9Samaria markapa qerinqa ima jampiwanpis manam kutikantsu.#1.9 Samaria markapa qerinqa Asiria runakuna ushakätsiyanqanmi kaykan.
Tsay qeriqa Judátapis shukushqam.
Judá majïkuna täkuyanqan Jerusalénmanpis chashqam.
10Tsaytaqa Gat markachö#1.10 Gat markachöqa filisteo runakunam täkuyarqan. runakunata willayaytsu.
Desgracia päsamanqantsikta mana tantiyayänanpaq ama waqayaytsu.
Bet-le-afrachö täkuq runakuna, alläpa llakikur allpachö qochpäyay.
11Safirchö täkuq runakuna, nacionnikikunapita juklämanmi qarashtullata prësu apayäshunki.
Zaanánchö täkuq runakuna, manam ni pipis yanapayäshunaykipaq yarqamunqatsu.
Beteselchö täkuq runakuna, waqayaptikipis manam ni pï llakipäyäshunkitsu.
12Marotchö täkuq runakunaqa pillapis salvananta munarmi alläpa llakikuyanqa.
Paykunamanqa desgraciakunallatam Dios Yaya kachamunqa.
Tsay desgraciakunam Jerusalén marka punkuyaq chanqa.
13Laquischö täkuq runakuna, qamkunam Israel nación runakunanö mas puntata Judá nacionchö jutsata rurayarqayki.
Jutsata rurayänanpaqmi Sión runakunatapis qamkuna yachatsiyarqayki.
Kananqa castïgum qamkunaman chämunqa.
Tsay castïgupita qeshpiyänaykipaq bestiaykikunaman carrëtaykikunata watäyay.
14Imaypis mana kutiyämunaykipaq Moreset-gat markapita despidikuskir aywakuyay.
Israel nacionpa mandakuqnin reykunaqa Aczib marka runakunamanmi confiakuykäyan.
Tsaynö confiakuyaptinpis Aczib runakunaman castïgu chaptinmi tsay reykunata ni imanöpa yanapayta puëdiyanqatsu.
15Maresachö täkuqkuna, qamkunata ushakätsiyäshunaykipaqmi contraykikunata kachamushaq.
Israel nacionchö mas rïcukunapis mantsakarmi qeshpirnin Adulam machayman tsinkakuyanqa.
16Jerusalénchö täkuq runakuna, kuyay tsurikikunatam karu nacionman apayanqa.
Tsaynö kaykaptinqa llakikur qara putuypa aqtsaykikunata rutukuyay.
Wiskulnö qara uma kayänaykipaq chipyat rutukuyay.
Currently Selected:
Miqueas 1: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
