YouVersion Logo
Search Icon

Mateo 1

1
Jesúspa unay ayllunkuna pï kayanqan
Lucas 3.23-38
1Abrahampita y rey Davidpita miraq Jesucristupa unay ayllunkunam kayarqan:
2Abrahampa tsurinmi karqan Isaac.
Isaacpa tsurinmi karqan Jacob.
Jacobpa tsurinkunam kayarqan Judáwan wawqinkuna.
3Judápa tsurinkunam kayarqan Fareswan Zara.
Paykunapa mamanmi karqan Tamar.
Farespa tsurinmi karqan Esrom.
Esrompa tsurinmi karqan Aram.
4Arampa tsurinmi karqan Aminadab.
Aminadabpa tsurinmi karqan Naasón.
Naasónpa tsurinmi karqan Salmón.
5Salmónpa tsurinmi karqan Booz.
Boozpa mamanmi karqan Rahab.
Boozpa tsurinmi karqan Obed.
Obedpa mamanmi karqan Rut.
Obedpa tsurinmi karqan Isaí#1.5 Wakin traduccionkunachöqa Jesé niyanmi..
6Isaípa tsurinmi karqan rey David.#1Crón. 2.1-15; Rut 4.18-22.
Rey Davidpa tsurinmi karqan Salomón.
Salomónpa mamanmi karqan Uríaspa viüdan.
7Salomónpa tsurinmi karqan Roboam.
Roboampa tsurinmi karqan Abías.
Abíaspa tsurinmi karqan Asa.
8Asapa tsurinmi karqan Josafat.
Josafatpa tsurinmi karqan Joram.
Jorampa tsurinmi karqan Uzías.
9Uzíaspa tsurinmi karqan Jotam.
Jotampa tsurinmi karqan Acaz.
Acazpa tsurinmi karqan Ezequías.
10Ezequíaspa tsurinmi karqan Manasés.
Manaséspa tsurinmi karqan Amón.
Amónpa tsurinmi karqan Josías.
11Josíaspa tsurinkunam kayarqan Jeconíaswan wawqinkuna.
Jeconías kawanqan witsaymi Israel runakunata achkuskir Babilonia soldädukuna nacionninkunaman prësu apayarqan.#2Rey. 24.14-15; 2Crón. 36.10; Jer. 27.20.
12Babiloniachömi Jeconíaspa tsurin Salatiel yurirqan.
Salatielpa tsurinmi karqan Zorobabel.
13Zorobabelpa tsurinmi karqan Abiud.
Abiudpa tsurinmi karqan Eliaquim.
Eliaquimpa tsurinmi karqan Azor.
14Azorpa tsurinmi karqan Sadoc.
Sadocpa tsurinmi karqan Aquim.
Aquimpa tsurinmi karqan Eliud.
15Eliudpa tsurinmi karqan Eleazar.
Eleazarpa tsurinmi karqan Matán.
Matánpa tsurinmi karqan Jacob.
16Jacobpa tsurinmi karqan Maríapa ollqun José.
Maríapa wawanmi karqan Jesús. Paymi Dios Yaya kachamunqan Cristo.
17Abraham kawanqanpita hasta David yurinqanyaqmi chunka chusku generación karqan. Tsaynöllam David kawanqan witsaypita Israel runakunata Babiloniaman apayanqan witsayyaq chunka chusku generación karqan. Tsaynöllam Babiloniaman apayanqan witsaypita hasta Jesucristo yurinqanyaqpis chunka chusku generación karqan.
Jesús yurinqan
Lucas 2.1-7
18Kaychömi qellqashqa kaykan Jesucristo manaraq yuriptin ima päsanqan. Joséwan churakänanpaqmi María parlashqana karqan.#Luc. 1.27. Peru Joséwan manaraq täkurmi Espíritu Santupa poderninwan qeshyaq tikrarqan. 19Joséqa alli runa karmi Maríata penqakuyman mana churanan rayku pakayllapa dëjayta yarparqan.
20Tsaynö yarpachakuykaptinmi Dios Yayapa angelnin Joséta sueñuyninchö nirqan: <<Rey Davidpa ayllun José, Maríawan churakayta ama penqakuytsu. Payqa Espíritu Santupa poderninwanmi qeshyaq kaykan. 21Ollqu wamratam qeshyakunqa. Payman creyikuqkunata jutsankunapita salvananpaq kaptinmi tsay wamrapa shutin churanki Jesústa#1.21 Jesús ninanqa Dios Yayam salvan ninanmi.>>.#Luc. 1.31.
22Llapanpis tsaynö päsarqan profëtanwan Dios Yaya ninqan cumplinanpaqmi. Tsay profëtam nirqan:
23<<Juk doncëlla jipashmi ollqu wamrata qeshyakunqa.
Tsay wamrapa shutinmi churanqa Emanuelta>>.#Isa. 7.14.
(Emanuel ninanqa Dios Yayam noqantsikwan kaykan ninanmi.)
24Tsaynö niptinmi José puñuykanqanpita rikcharkamur Dios Yayapa angelnin ninqannölla Maríata warminpaq chaskirqan. 25Peru Maríawan täkurpis wamran yurinqanyaq manam paywan puñuyarqanraqtsu. Wamra yuriskiptinmi shutin churarqan Jesústa.#Luc. 2.21.

Currently Selected:

Mateo 1: qxn

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy