Jonás 3
3
Nínivichö täkuq runakuna jutsankunapita arrepentikuyanqan
1Tsaypitam Jonásta Dios Yaya yapay nirqan: 2<<Nínive jatun markaman aywar noqa ninqaqta willakuy>>.
3Tsaymi Dios Yaya ninqannölla Nínive jatun markaman Jonás aywarqan. Tsay markataqa kimsa junaqraqmi pipis purirnin ushayaq.
4Níniviman chaykurmi juk junaq qoyat willakur Jonás purirqan. Willakurmi nirqan: <<¡Manaraq chusku chunka (40) junaq kaptinmi kay markata Dios Yaya ushakätsinqa!>>
5Tsaynö willakunqanta wiyarmi Nínive runakuna creyikurnin rïcupis waktsapis lütu llatapata shukukurkur ayunayarqan.#Mat. 12.41; Luc. 11.32.
6Jonás willakunqanta wiyaykurmi Nínivichö mandakuq reypis lütu llatapata shukukurkur uchpaman jamaykur Dios Yayata mañakurqan. 7Tsaynöllam Nínive runakuna ayunayänanpaq autoridäninkunawan willakatsir niyarqan: <<Pipis ama mikuyätsuntsu ni yakutapis ama upyayätsuntsu. Wätankunatapis ama qarayätsuntsu ni yakütsiyätsuntsu. 8Masbien llapan runakunapis lütu llatapata shukukurkur Dios Yayata llapan shonqunkunawan mañakuyätsun. Tsaynölla jutsa rurayta y wañutsinakuyta dëjaskir allina kawakuyätsun. 9Tsaynö rurashqaqa talvezchi Dios Yaya llakipämarnintsik ushakätsimäshuntsu>>.
10Nínive runakuna jutsankunapita arrepentikuyaptinmi ushakätsinanpaq willakatsishqa kaykarpis Dios Yaya ushakätsirqannatsu.
Currently Selected:
Jonás 3: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
