Isaías 56
56
Pïmaytapis Dios Yaya salvananpaq kanqan
1 Dios Yayam nin:
<<Pöcu tiempullatanam qoriyäshayki.
Salvayarnikim poderösu kanqäta musyatsiyäshayki.
Tsaynö kaykaptinqa alli kaqllata rurayay.
Munanqänöna imaypis kawakuyay.
2Ninqäta cäsuq runaqa jamay junaqtam respitan.
Ima jutsatapis manam rurannatsu.
Tsay runam imaypis kushishqa kawakunqa>>.#Éxo. 20.8-11; Isa. 58.13-14; Jer. 17.19-27.
3 Dios Yaya munanqannö kawaq runaqa jukläpita karpis
ama yarpätsuntsu Dios Yaya kuyanqan runakunapita qarqunanpaq kanqanta.
Eunucu karpis ama llakikur yarpätsuntsu tsurin mana kaptin mana wayuq jachanö kanqanta.
4 Dios Yayam nin:
<<Eunucu runapis jamay junaqkunata respitaptin, munanqänö kawaptin y pactu ruranqäta cumpliptinqa 5wajïchö imaypis täkunanpaqmi chaskishaq.
Paypa shutin churanqäqa tsuriyuq kanqanpitapis mas allim kanqa.
Shutinta manam ni imaypis qonqayanqatsu.
6<<Juklä runakunapis serviyämar kuyayämaptin, jamay junaqkunata respitayaptin y pactu ruranqäta cumpliyaptinqa
7akranqä sagrädu lömamanmi pushashaq wajïchö kushishqa adorayämänanpaq.
Noqapaq sacrificiukunata tsaychö waykayaptinmi chaskishaq.
Wajïqa maytsay nación runakuna mañakayämänanpaqmi kanqa>>.#Mat. 21.13; Mar. 11.17; Luc. 19.46.
8Witsikashqa kaykaq Israel runakunata qorimuq Dios Yayam nin:
<<Israel runakunata qorimunqänöllam wakin runakunatapis qorimushaq>>.
Mana alli mandakuqkunapa contran ninqan
9¡Chucaru wätakuna y munti wätakuna, shayämuy!
¡Shamur runakunata mikuyay!
10Autoridäkuna ni yachatsikuqkunapis manam tantiyatsiyantsu runakuna jutsa rurayta dëjayänanpaq.
Paykunam qapranö kar imatapis musyayantsu.
Llapanmi kayan mana waqyakuq allqunö.
Qela karmi qoyay qoyay puñukurlla jitaräkuyan.
11Mallaqashqa allqunömi imaypis kayan.
Imatapis mana tantiyaq mitsikuqnömi kayan.#Eze. 34.2.
Llapanpis mana allikunata rurarmi kawayan.
Imatapis pägallapaqmi rurayan.
12Paykunam niyan:
<<¡Machanqantsikyaq vïnuta upyashun!
¡Kanannölla waraypis fiestakur teqllanqantsikyaq upyakushun!>>
Currently Selected:
Isaías 56: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
